اۆتونوميالى رايوننىڭ ساياحات كاسىپ سالاسىن دامىتۋ باسشىلىق گرۋپپاسى جالپى ءماجىلىس اشتى
ساياحات كاسىبىنىڭ جوعارى ساپالى دامۋىن بار كۇشپەن ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 26 - كۇنى ۇرىمجىدەن حابارلايدى. 9 - ايدىڭ 26 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوننىڭ ساياحات كاسىپ سالاسىن دامىتۋ باسشىلىق گرۋپپاسىنىڭ جالپى ءماجىلىسىن باسقارىپ اشىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكوم توعىزىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋى، تالابى بويىنشا رايونىمىز ساياحات كاسىبىنىڭ جوعارى ساپالى دامۋىن ىلگەرىلەتۋدى اقىلداستى.
ءماجىلىس مىنالاردى اتاپ كورسەتتى: بيىل بۇكىل رايوننىڭ مادەنيەت - ساياحات بازارىندا ”ورنىقتى قاداممەن قالپىنا كەلۋ، جەدەل جاندانۋ“ سىندى دامۋ جاعدايى جارىققا شىعىپ، ساياحات كاسىبى قارىشتاپ دامۋدىڭ ”جىلدام ارناسىنا“ قادام تاستادى. قازىر شينجياڭ ساياحات دامۋىنىڭ التىن مەزگىلىندە تۇر، ”ساياحات ارقىلى شينجياڭدى گۇلدەندىرۋ“ ستراتەگياسىن ىشكەرىلەي اتقارىپ، ساياحاتتى اشىق ۇستاۋ تەبىنىن ۇزدىكسىز ارتتىرىپ، ساياحات كاسىبىندە تىڭ سەرپىلىس جاساۋدى، تىڭ ناتيجەگە قول جەتكىزۋدى بار كۇشپەن ىلگەرىلەتىپ، ”شينجياڭ جاقسى جەر“ كوركەم تانىسقىسىن ۇزدىكسىز جارقىراتىپ، دۇنيە جۇزىندەگى ماڭىزدى ساياحات كوزەۋلى جەرىن تۇلعالاۋ كەرەك.
ءماجىلىس مىنالاردى باسا دارىپتەدى: مادەنيەت - ساياحات ونىمدەرىمەن قامداۋدى بايىتىپ، كەرەمەت جاراتۋ، جاڭالىق اشۋ، كورىكتەندىرۋ جاعىنا كۇش سالىپ، كەشكى ەكونوميكانى، ويىن - ساۋىق ەكونوميكاسىن جانە دەنە تاربيە جارىستارىن ءوزارا ۇشتاستىرىپ، ساياحات تۇتىنۋىنىڭ جاڭا قىزۋ ءتۇيىنىن قالىپتاستىرۋ كەرەك. مادەنيەت - ساياحات نىساندارى قۇرىلىسىن جەدەلدەتىپ، كەلەر جىلعى ءتۇيىندى نىسانداردى الدىن الا زەرتتەپ، سالالاپ، زاپاس نىسان قىزمەتىن جوعارى ساپامەن ورىنداۋ كەرەك. مادەنيەتتى ساياحاتقا ءسىڭىرىپ، مادەنيەت مازمۇنىن، مادەنيەت بەلگىسىن كورىنىس وڭىرلەرىنە، كورىنىس تۇيىندەرىنە جانە ساياحات جەلىسىنە ءسىڭىرىپ، مۇراجاي، اسەمونەر سارايى سياقتىلاردىڭ ساياحات كورىنىس تۇيىنىنە اينالۋىن ىلگەرىلەتىپ، مادەنيەت پەن ساياحاتتىڭ توعىسپالى دامۋىن ىلگەرىلەتۋدە تىڭ ونىمدىلىككە قول جەتكىزۋ كەرەك. ساياحاتتى ۇگىتتەۋ، تانىستىرۋ سەرپىنىن ارتتىرىپ، ”تاماقتانۋ، جاتىن ورىن، ءجۇرىس - تۇرىس، ساياحات، زات ساتىپ الۋ، كوڭىل اشۋ“ سياقتى جاقتاردى ىشكەرىلەي اشىپ، ءوز مەديالارى سياقتى ءتۇرلى ۇگىت تۇعىرلارىنان جانە شينجياڭعا كومەكتەسۋ تۇعىرلارىنان ويداعىداي پايدالانىپ، ەل ءىشى - سىرتىنداعى اناعۇرلىم كوپ ساياحاتشىنى شينجياڭعا كەلىپ ساياحاتتاۋعا باۋراۋ كەرەك. وڭتۇستىك شينجياڭ سىندى ”شاحمات كوزىن“ جانداندىرۋدى ارقاۋ ەتىپ، وڭتۇستىك شينجياڭ جىبەك جولى مادەنيەت جانە حالىقتىق سالت - سانا ساياحات نىسانالى جەرىن جەدەل قۇرىپ، مادەنيەت پەن ساياحاتتى توعىستىرۋ، نەگىزدىك قۇرىلعى، دارىندىلاردى باۋلۋ، ۇگىتتەۋ، جالپىلاستىرۋ، قوناقتاردى شينجياڭعا باستاۋ، ەرەكشە ونىمدەردى اشۋ سياقتى جاقتارعا كۇش سالىپ، جەرگىلىكتى ورىنداعى اناعۇرلىم كوپ بۇقارانى جۇمىستاندىرىپ، بۇقارانىڭ كىرىستى ارتتىرىپ، بايۋىنا كومەكتەسۋ كەرەك.
ءماجىلىس مىنالاردى تالاپ ەتتى: ”300 ميلليون ادامدى قار - مۇز سپورتىنا قاتىناسۋعا باستاۋ“ تالابىن جاپپاي تياناقتاندىرىپ، قىسقى قار - مۇز ساياحاتى قىزمەتىن دەن قويا جوسپارلاپ، قالىڭ قاۋىمدى قار - مۇز سپورتىنا قاتىناسۋعا جەتەكتەپ، جوعارى دەڭگەيلى تۇتىنۋ ورتاسىن قالىپتاستىرىپ، رايونىمىزدىڭ قار - مۇز ساياحاتى بايلىعىنان جەتكىلىكتى، ويداعىداي پايدالانىپ، شينجياڭنىڭ قار - مۇز ساياحاتىنىڭ ”التىن ماڭدايشالىعىن“ جارقىراتۋ كەرەك. جۇڭچيۋ مەرەكەسىنىڭ، مەملەكەت مەرەكەسىنىڭ دەمالىس كۇندەرىندەگى ساياحات ەرەكشەلىگىمەن ۇشتاستىرىپ، ”ءبىر نيەتپەن ساياحاتتى قورعاۋ“ ارناۋلى ارەكەتىن ىشكەرىلەي ويداعىداي ورىستەتىپ، قىزمەت وتەۋ ساپاسىن جوعارىلاتىپ، كورىنىس وڭىرلەرى، اس - سۋ، قوناق ۇيلەر سياقتىلاردى تەكسەرۋ، زاڭ اتقارۋ تەبىنىن ارتتىرىپ، زات باعاسىن دۇرمەكپەن ءوسىرۋ سياقتى زاڭعا قايشى، بەلگىلەمەگە قايشى ارەكەتتەرگە زاڭ بويىنشا باتىل سوققى بەرىپ، اقاۋسىز، ءتارتىپتى بازار ءتارتىبىن قورعاپ، ساياحاتشىلاردىڭ جايلى ساياحاتتاۋىنا، الاڭسىز سەرۋەندەۋىنە شىنايى كەپىلدىك ەتۋ كەرەك.
ءماجىلىس تاعى اۆتونوميالى رايوننىڭ 1 - ايدان 8 - ايعا دەيىنگى ساياحات قىزمەتى جاعدايى جونىندەگى باياندامانى، 2023 - جىلعى ساياحات نىساندارى قۇرىلىسى جاعدايى جونىندەگى باياندامانى، قار - مۇز سپورتى مەن قار - مۇز ساياحاتىن جوعارى ساپالى دامىتۋ ارەكەت جوباسىنىڭ ىلگەرىلەتىلۋ، تياناقتاندىرىلۋ جاعدايى جونىندەگى باياندامانى تىڭدادى.
ۋاڭ جيانشين، ءيۇسۇپجان مامەت، سۇن حۇڭمەي، ليۋ سۋشى، ۋاڭ گاڭ قاتارلىلار ماجىلىسكە قاتىناستى.
