جوعارى ساپالى پارتيا قۇرىلىسىن جەتەكشى ەتىپ، كورىكتى شينجياڭدى كۇش سالا قۇرايىق
− اۆتونوميالى رايوندىق 10 - كەزەكتى پارتكوم توعىزىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
تۋ باعدار نۇسقادى، يدەيا كۇش - قۋات ۇيىستىردى. اۆتونوميالى رايوندىق 10 - كەزەكتى پارتكوم توعىزىنشى جالپى ءماجىلىسى باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي دايەكتىلەندىرىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، پارتيانىڭ باسشىلىعىن جاپپاي كۇشەيتۋدىڭ، تاباندىلىقپەن پارتيانى جاپپاي قاتاڭ باسقارۋدىڭ اسقاق دابىلىن قاقتى.ءماجىلىستىڭ اشىلۋى جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋ، جوعارى ساپالى پارتيا قۇرىلىسى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا جەتەكشىلىك ەتۋ جانە ونى قامتاماسىز ەتۋ جونىنەن ماڭىزدى ءمان الادى.
باس شۋجي شي جينپيڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا بىلاي دەپ باسا دارىپتەدى: شينجياڭ قىزمەتىن ويداعىداي ىستەۋدىڭ تەتىگى پارتيانىڭ جالپى بەتتىك باسشىلىعىنا تاباندى بولىپ، پارتيا قۇرىلىسىن شىنايى كۇشەيتۋدە. پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلىندا، شينجياڭنىڭ ەكونوميكالىق، قوعامدىق دامۋى جاڭا ورايعا، جاڭا جاعدايعا ءدوپ كەلگەن شەشۋشى تاريحي ساتتە نەگىزگى تاقىرىپتىق تاربيەنى تەرەڭدەي ىلگەرىلەتۋمەن ۇشتاستىرۋ، باس شۋجيدىڭ ماڭىزدى ءسوزىنىڭ رۋحىن ونان ارى جەتە ۇيرەنۋ، جەتە ءتۇسىنۋ، پارتيانىڭ باسشىلىعىن كۇشەيتۋ، پارتيا قۇرىلىسىن ىلگەرىلەتۋ، پارتيانى جاپپاي قاتاڭ باسقارۋ جاڭا داۋىردەگى شينجياڭ قىزمەتىن ويداعىداي ىستەۋدىڭ ىشكى لوگيكاسى جانە كەلەلى تاقىرىبى.
پارتيانىڭ ساياسي قۇرىلىسى پارتيانىڭ ءتۇبىرلى سيپاتتى قۇرىلىسى، ول پارتيا قۇرىلىسىنىڭ باعىتى مەن ونىمدىلىگىن بەلگىلەيدى. پارتيانىڭ شينجياڭ قىزمەتىنە جاپپاي باسشىلىعىنا تاباندى بولىپ جانە ونى كۇشەيتىپ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتتەرىنە ءبىر تۇتاس باسشىلىق ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، پارتيانىڭ ساياسي ءتارتىبىن جانە ساياسي قاعيداسىن قاتايتىپ، ءىس جۇزىندىك ارەكەت ارقىلى ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، باستان - اياق ساياسي تۇرعىدا، ساياسي باعىتتا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
ساياسي جاقتاعى تاباندىلىق نازاريالىق جاقتاعى سەرگەكتىكتەن كەلەدى. شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرۋعا، رۋحتى سومداۋعا تاباندى بولىپ، 1 - توپتاعى نەگىزگى تاقىرىپتىق تاربيەنىڭ تابىستارىن جانە تاجىريبەلەرىن مۇقيات قورىتىندىلاپ، 2 - توپتاعى نەگىزگى تاقىرىپتىق تاربيەنى تىڭعىلىقتى ىلگەرىلەتىپ، ”التىعا ءسوزسىز تاباندى بولۋ“ سىندى دۇنيە كوزقاراسى مەن ادىستەمەنى ۇيرەنىپ، پايدالانىپ، شينجياڭ قىزمەتىنىڭ امالياتىنا جەتەكشىلىك ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن شينجياڭ قىزمەتىن ويداعىداي ىستەۋدىڭ ءتۇبىرلى بويسۇنۋ ولشەمى ەتۋگە، شينجياڭ قىزمەتىن باعالاۋدىڭ ماڭىزدى ولشەم سىزعىشى ەتۋگە تاباندى بولىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، جەتەرسىزدىكتەردى تابۋدى، اۋىتقۋلاردى تۇزەتۋدى، قىزمەتتى جاقسارتۋدى ۇدايىلاندىرىپ، تۇزىمدەندىرىپ، شينجياڭ قىزمەتىنىڭ باس شۋجي شي جينپيڭنىڭ، پارتيا ورتالىق كوميتەتىنىڭ نۇسقاعان داڭعىل جولىمەن تۋراشىلدىقتان اينىماي جاڭالىق اشا، جەڭىسپەن العا باسۋىنا شىنايى كەپىلدىك ەتۋ كەرەك.
ەل بيلەۋدە دارىندىلارعا يە بولۋ بارىنەن ماڭىزدى. ادام تاڭداۋدىڭ، ادام ىستەتۋدىڭ دۇرىس بەتالىسىن ايقىن ورناتىپ، ادام تاڭداۋدىڭ، ادام ىستەتۋدىڭ ءادىل، تۋرا بولعان مەحانيزمىن اقاۋسىزداندىرىپ، قاتاڭ تۇردە جاڭا داۋىردەگى جاقسى كادر ولشەمى مەن ۇلتتار وڭىرىندەگى كادرلاردىڭ ”ءتورت ەرەكشە“ ولشەمى بويىنشا ۇزدىك كادرلاردى تاڭداپ، ىستەتىپ، ءار دارەجەلى باسشىلىق القا قۇرىلىمىن ساپالىلاندىرىپ، دارىندىلاردا قۋاتتى رايون ستراتەگياسىن ىشكەرىلەي اتقارىپ، پارتيانىڭ دارىندىلاردى باسقاراتىن باسشىلىق ءتۇزىلىسى مەن قىزمەت مەحانيزمىن كەمەلدەندىرىپ، 10 ميلليارد يۋاندىق دارىندىلاردى دامىتۋ قورىنان ويداعىداي پايدالانىپ، دارىندىلاردى جان - جاقتىلى باۋلىپ، دارىندىلاردى جان - جاقتىلى شار تاراپتان ەنگىزىپ، دارىندىلاردان جان - جاقتىلى ويداعىداي پايدالانىپ، دارىندىلاردى جان - جاقتىلى الىپ قالىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادر - دارىندىلار قوسىنىن كۇش سالا تۇلعالاۋ كەرەك.
نەگىز بەرىك قالانباسا، جەر - الەم تەڭسەلەدى. نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ ۇزاق ۋاقىتتىق شاراسى جانە نەگىزدى بەكەمدەۋ شاراسى ەتۋگە تاباندى بولىپ، نەگىزگى ساتى پارتيا ۇيىمدارىنىڭ تۇتاس قامتۋىن جۇزەگە اسىرۋدى ىلگەرىلەتىپ، اۋىل، قالاشىق (ءمالى)، قىستاق (الەۋمەتتىك اۋماق) پارتيا ۇيىمى شۋجيلەرىن ءتۇيىن ەتكەن نەگىزگى ساتى قىزمەت كۇشتەرىنە ۇزدىكتەردى تاڭداپ جىبەرىپ، مىقتىلاردى سەپتەپ، ءتۇيىندى قىستاقتارعا (الەۋمەتتىك اۋماق) ءبىرىنشى شۋجي جانە قىزمەت اترەتىن تاڭداپ جىبەرۋ ءتۇزىمىن كۇشەيتىپ، جاڭا داۋىردەگى ”فىڭچياۋ تاجىريبەسىنە“، ”پۋجياڭ تاجىريبەسىنە“ تاباندى بولۋ جانە ونى دامىتۋ، بۇقارامەن بايلانىس جاساۋ، بۇقاراعا قىزمەت وتەۋ قىزمەت مەحانيزمىن اقاۋسىزداندىرىپ جانە كەمەلدەندىرىپ، پارتيا مۇشەلەرى قوسىنى قۇرىلىسىن كۇشەيتىپ، ۇيىمدىق جۇيە مەن قىزمەت كۇشتەرىنىڭ نەگىزگى ساتىعا تىكەلەي جەتۋىن ىلگەرىلەتىپ، نەگىزگى ساتىنىڭ باسقارۋ - مەڭگەرۋ قابىلەتى مەن جونگە سالۋ قابىلەتىن جاپپاي جوعارىلاتۋ كەرەك.
ناتيجە كوزقاراسى ماسەلەسى پارتيا مەن مەملەكەت ىستەرىنىڭ دامۋىنا ساياتىن كەلەلى ماسەلە. دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، شىن مانىندە حالىقتى كوڭىل تورىنە قويىپ، حالىققا باقىت جاراتۋدى ەڭ ۇلكەن ناتيجە ەتىپ، نەگىزگى تاقىرىپتىق تاربيەنىڭ جەتىستىكتەرىنەن ويداعىداي پايدالانىپ، ءار دارەجەلى كادرلاردىڭ قابىلەتىن، دەڭگەيىن جاپپاي جوعارىلاتىپ، شىندىققا جۇگىنىپ، ناقتى ءىس ىستەۋ تاڭداۋلى ستيلىن ساۋلەلەندىرىپ، جاۋاپكەرشىلىك ارقالاۋ، ىسكەرلىك كورسەتۋ، شابىتتاندىرۋ مەحانيزمىن اقاۋسىزداندىرىپ، كەمەلدەندىرىپ، تۇتاس رايوندا جوعارىدان تومەنگە دەيىن ناقتى ىستەۋگە ءمان بەرەتىن، جاۋاپكەرشىلىك ارقالاۋعا باتىلدىق ەتەتىن، ىسكەرلىك كورسەتۋگە شەبەر جاڭا سالتتى، دۇرىس ستيلدى قالىپتاستىرۋدى ىلگەرىلەتۋ كەرەك.
شىرىكتەسۋگە قارسى تۇرۋ − ەڭ تۇبەگەيلى ءوز - وزىنە توڭكەرىس جاساۋ بولىپ تابىلادى. پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىندە ەشقانداي ەرەكشەلەنبەۋ يدەياسىن بەرىك ورناتىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن باتىل ارقالاپ، پارتيانى جاپپاي قاتاڭ باسقارۋدىڭ تۇلعالىق جاۋاپكەرشىلىگىن مۇقيات اتقارىپ، ورتالىقتىڭ 8 ءتۇرلى بەلگىلەمەسىنىڭ رۋحىن دايەكتىلەندىرۋ توسپاسىن ۇزدىكسىز بەكەمدەپ، شارلاۋدىڭ، باقىلاۋدىڭ وتكىر سەمسەرلىك رولىن تولىق ساۋلەلەندىرىپ، باسشى كادرلاردى، اسىرەسە، ”ءبىرىنشى قولدى“ باقىلاۋ - باسقارۋدى قاتاڭ كۇشەيتىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىندا، ۇزاققا سوزىلاتىن شايقاسىندا باتىل جەڭىسكە جەتىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرۋ كەرەك.
جاڭا جورىق ارشىندى دا ايبىندى، جاڭا بورىش جاپالى دا داڭقتى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازۋ جورىعىندا تۇتاس رايونداعى ءار دارەجەلى پارتيا ۇيىمدارى مەن پارتيالى كادرلار جاڭا داۋىردەگى پارتيا قۇرىلىسىنىڭ باس تالابىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، پارتيانى جاپپاي قاتاڭ باسقارۋعا بۇلجىماي تاباندى بولىپ، جوعارى ساپالى پارتيا قۇرىلىسىن جەتەكشى ەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، كورىكتى شينجياڭدى كۇش سالا قۇرۋ كەرەك.
