وتباسى - وتان سۇيىسپەنشىلىگىن جەتىلدىرىپ، ەكپىندەي ىلگەرىلەۋ كۇش - قۋاتىن تاسقىنداتايىق
□ گازەتىمىزدىڭ شولۋشىسى
جۇڭچيۋ − جۇڭحۋا ۇلتىنىڭ ءداستۇرلى مەرەكەسى، مەملەكەت مەرەكەسى − بۇكىل ەل بىرگە تويلايتىن سالتاناتتى مەرەكە، قوس مەرەكە قۋانىش قۇشا توعىسىپ، قوس بىردەي شاتتىق سيلاپ، قۋانىش ۇستىنە قۋانىش قوسىلدى. كوزبەن كورىپ، قۇلاقپەن ەستۋگە بولادى، شينجياڭنىڭ جەر - جەرى بۇكىل ءۇي ىشىندەگىلەر باس قوسقان باقىتتى ساتكە بولەنىپ، ءار ۇلت ۇلاندارى شىنايى دا جالىندى وتباسى - وتان سۇيىسپەنشىلىگىن ايگىلەپ، ”وتباسى“ مەن ”وتان“ تيانشان الابىندا توعىسىپ ەڭ كوركەم كورىنىس قالىپتاستىردى.
وتباسى − ەڭ شاعىن مەملەكەت، مەملەكەت − سان مىڭداعان وتباسىنان قۇرالادى، وتباسى مەملەكەتتىڭ بايۋىنىڭ، حالىقتىڭ قۇدىرەتتەنۋىنىڭ نەگىزىن قالايدى، مەملەكەت سان مىڭداعان وتباسىنىڭ تىنىشتىعىن قورعايدى. شاۋەشەك قالاسىنىڭ تۇرعىنى سالىقجان يمىن ءۇرتىس ون نەشە جىل ءۇيىنىڭ شاعىن اۋلاسىندا مەملەكەت تۋىن شىعاردى، اراسان اۋدانىنىڭ مالشىلارى قارلى القاپتا اتقا قامشى باسىپ، قار - مۇز سپورتشىلارىن جورىققا اتتاندىرىپ سالدى، حونچيراپ كەدەن قىزمەتكەرلەرى قارلى القاپتاعى مەملەكەت قاقپاسىنىڭ الدىڭعى شەبىنە تامىر تارتتى، ”حالىق ونەگەسى“ بۇرماحان مولدو وتان ءۇشىن شەكارانى ءومىر بويى كۇزەتتى... كەيبىرەۋى ءۇن - ءتۇنسىز بەينەلەسە، كەيبىرەۋى اسقاق سەزىم، دۋماندى كۇيمەن ايگىلەدى، وتباسى - وتان سۇيىسپەنشىلىگى شينجياڭداعى ءار ۇلت حالقىنىڭ قان تامىرىنا تەرەڭ ءسىڭىپ، ەستەن كەتپەس رۋحاني جالعاستىلىققا اينالدى، بۇل − شينجياڭداعى ءار ۇلت حالقىنىڭ كوكەيىندەگى ەڭ تەرەڭ، ەڭ باياندى، ەڭ قويۋ سۇيىسپەنشىلىك. سۇيىسپەنشىلىك بەينە اسەم ارمان ىسپەتتى، وتباسى - وتان جۇرەك تۇكپىرىندە ساقتالادى، وتباسىن ءسۇيۋ مەن وتاندى ءسۇيۋدى بىرلىككە كەلتىرىپ، سان مىڭداعان وتباسىنىڭ قۋانىشى مەن ەل امان، جۇرت تىنىش بولۋ ارمانىن تىعىز بايلانىستىرىپ، جەكە ادامنىڭ ارمانىن، وتباسى ارمانىن جۇزەگە اسىرۋدى مەملەكەت ارمانىنا، ۇلت ارمانىنا ءسىڭىرىپ، جۇڭگو جۇرەگىن، جۇڭحۋا رۋحىن بەرىك ورناتىپ، مەيلى قانداي قيىنشىلىق، حاۋىپ - قاتەر الدىندا بولسىن، جۇڭحۋا ۇلاندارى ىنتىماقتاسا ۇيىسىپ، قاجىماي - تالماي، ەرلىكپەن العا باسا الادى.
باس قوسۋ ەڭ قۋانىشتى، باس قوسۋ ەڭ باقىتتى، ىنتىماق ەڭ پارمەندى كۇش، سان مىڭداعان شاعىن وتباسىنىڭ باقىتى جۇڭحۋا ۇلتىنىڭ ۇلى ىنتىماعىنا اينالدى. بىرگە ايدى تاماشالاپ، بىرگە تۋ شىعارىپ، بىرگە ءبي بيلەپ، بىرگە ءان ايتىپ، ازيا سپورت جارىسىنىڭ ساڭلاقتارىنا بىرگە دەم بەرىپ، جۇڭگو ۇلگىسىندەگى وسىزامانداندىرۋ ارمانى ءۇشىن ۇزدىكسىز بىرگە كۇرەس جۇرگىزۋ جۇڭحۋا ۇلتى ورتاق تۇلعا تانىمىنىڭ شىنايى بەينەسى. قوس مەرەكەنى بىرگە تويلاعان كۇندەردە ءبىز جۇڭحۋا ۇلاندارى رەتىندە، وتباسى - وتان سۇيىسپەنشىلىگىن جەتىلدىرىپ، جۇڭحۋا ۇلتى ورتاق تۇلعاسىنىڭ قان تامىرى بولعان ءبىر - بىرىنە سۇيەنۋدى قاستەرلەۋىمىز كەرەك. جۇڭحۋا ۇلتى ورتاق تۇلعا تانىمى − مەملەكەت تۇتاستىعىنىڭ نەگىزى، ۇلتتار ىنتىماعىنىڭ نەگىزى، رۋحاني كۇش - قۋاتتىڭ جانى، ءبىز جۇڭحۋا وركەنيەتىنىڭ كورنەكتى تۇتاستىعىن تەرەڭ يگەرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى بۇلجىماي ءتۇرلى قىزمەتتەردىڭ نەگىزگى جەلىسى ەتىپ، ءار ۇلت بۇقاراسىن بەينەت پەن زەينەتتى بىرگە وتكەرىپ، داڭق پەن نامىستا بىرگە بولىپ، اشتى مەن تۇشتىنى بىرگە تاتىپ، تاعدىرلاس بولىپ، جۇڭحۋا ۇلتى ۇلى شاڭىراعى جونىندەگى تاۋەلدىلىك سەزىمى مەن شىنايى مويىنداۋ سەزىمىن ۇزدىكسىز كۇشەيتۋگە جەتەكتەپ، ءار ۇلت بۇقاراسىنىڭ ەتەنە بولۋىن، ءبىر - بىرىنە قارايلاسۋىن، اناردىڭ دانىندەي تىعىز ۇيىسۋىن ىلگەرىلەتۋىمىز كەرەك.
مەيلى وتباسى - وتان سۇيىسپەنشىلىگى بولسىن، الدە جۇڭحۋا ۇلتى ورتاق تۇلعا تانىمى بولسىن، ەجەلدەن ناقتى دۇنيە، استە ابستراكت ەمەس. مىڭداعان، ون مىڭداعان ادامداردىڭ قاجىرلى ەڭبەگى مەن بوداۋى ءداۋىردىڭ العا باسۋ تولقىنىنا اينالىپ، ەڭ باقىتتى وتباسىن، ەڭ باي دا قۇدىرەتتى ەلدى سومدادى. جارىس الاڭىنداعى سپورتشىلار ەرلىكپەن سايىسۋ ارقىلى مەملەكەتكە داڭق اپەردى؛ القاپتى اتىزداعى شارۋالار قاجىرلىلىقپەن تەر توگىپ، ءىرى ەلدىڭ استىق قامباسىنىڭ حاۋىپسىزدىگىن قورعادى، سەحتاعى جۇمىسشىلار ەرەن ەڭبەكتەرىمەن ءىرى ەل جاسامپازدىعىنىڭ ىرگە تاسى بولدى، تاجىريبەحاناداعى عىلمي زەرتتەۋ قىزمەتكەرلەرى العان بەتىنەن قايتپاي جاڭالىق اشىپ، القىمداعان قيىن ماسەلەلەردەن قامال الدى... مەيلى بۇگىنگى دەنە تاربيە سالتاناتىنىڭ كەرەمەتى بولسىن، الدە كوركەم تاۋ - وزەندەردىڭ سان الۋان بەينەسى بولسىن، ءاربىر قاراپايىم ءسىز بەن ءبىز ورتاق ۇستىمىزگە الىپ، بىرگە كۇرەس جاساعاندىعىمىزدان عانا، ءبىز جاساپ وتىرعان جەر باستان - اياق جالىندى تىرشىلىك تىنىسى مەن جالىندى ومىرشەڭدىك كۇشكە يە بولدى. وتباسى - وتان سۇيىسپەنشىلىگىن قاراپايىم جۇمىس ورنىندا ورنەكتەپ، قاجىماي - تالماي كۇرەس جۇرگىزۋمەن توعىستىرعاندا عانا، سان مىڭداعان وتباسىندا جاعىلعان شام - شىراقپەن جۇڭگو ۇلگىسىندەگى وسىزامانداندىرۋدىڭ شۇعىلالى بولاشاعىن نۇرلاندىرۋعا بولادى.
كوڭىلدە وتباسى بولسا، سۇيىسپەنشىلىك ۇزىلمەيدى، كوڭىلدە مەملەكەت بولسا، مەيىرىمدىلىك تەرەڭدەيدى. ءبىر ادال جۇرەك وتباسى - وتانعا بايلانعان، وتباسى - وتان سۇيىسپەنشىلىگىن جەتىلدىرىپ، كۇرەس جاساپ العا ىلگەرىلەۋدىڭ كۇش - قۋاتىن تاسقىنداتقان، تەرەڭ سۇيىسپەنشىلىكپەن ۇلى وتاندى باۋىرىنا باسىپ، ۇلى داۋىرگە قايراتتانا ات سالىسىپ، كۇرەس بارىسىندا بولاشاقتى انىقتاپ، جانقيارلىقپەن شايقاسۋ بارىسىندا تارتىمدىلىقتى ورنەكتەگەندە، ءبىز، ءسوز جوق، جاڭا داۋىردەگى جاڭا جورىقتا اناعۇرلىم كوركەم شينجياڭ قۇرىپ، وتان ارمانىن بىرگە ىسكە اسىرا الامىز.
