تۇتاس جىلدىق ەكونوميكالىق، قوعامدىق دامۋ نىساناسىن قۇلشىنا جۇزەگە اسىرايىق
− باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 74 جىلدىعىن قۇتتىقتاۋ قوناعاسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”كەزەكتە دۇنيە ءجۇزىنىڭ 100 جىلدىق وزگەرىسى جەدەل قۇبىلىپ، حالىقارالىق ورتادا تەرەڭ وزگەرىس تۋىلدى، ءبىز العا باسۋ جولىندا كوپتەگەن حاۋىپ - قاتەرلەر مەن سىن - سايىستارعا دا ءدوپ كەلدىك“. جۇڭحۋا حالىق رەسپۋبليكاسى قۇرىلعاندىعىنىڭ 74 جىلدىعىن قۇتتىقتاۋ قوناعاسىندا باس شۋجي شي جينپيڭ بىلاي دەپ باسا دارىپتەدى: ءبىز ”ماكرولىق رەتتەۋ - مەڭگەرۋدى كۇش سالا كۇشەيتىپ، ەل ىشىندەگى ءونىمدى سۇرانىستى كۇش سالا كەڭەيتىپ، تيجارات تۇلعالارىنىڭ ومىرشەڭدىگىن كۇش سالا قاۋلاتىپ، ەكونوميكالىق اينالىمنىڭ ۇزدىكسىز جاقسارۋىن، ىشكى قوزعاۋشى كۇشتىڭ ۇزدىكسىز كۇشەيۋىن، قوعامدىق مەجەنىڭ ۇزدىكسىز جاقسارۋىن توقتاۋسىز ىلگەرىلەتىپ، ەلەۋلى حاۋىپ - قاتەرلەردەن شىنايى ساقتانىپ جانە ولاردى جويىپ، تۇتاس جىلدىق ەكونوميكالىق، قوعامدىق دامۋ نىساناسىن قۇلشىنا جۇزەگە اسىرۋىمىز كەرەك.
بيىل جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل بويىنشا جوعارىدان تومەنگە دەيىن بىرگە قۇلشىنىپ، ەلىمىز ەكونوميكاسى جالپى تۇلعالىق جاقتان ورلەدى، جاقساردى، جوعارى ساپالى دامۋ تىڭعىلىقتى ىلگەرىلەدى، استىق وندىرىسىندە مول ءونىم الۋدان ءۇمىت بار، حالىق تۇرمىسى ۇزدىكسىز جاقساردى، قوعامدىق كەلەلى جاعداي ورنىقتىلىقتى ساقتادى، تۇتاس جىلدىق ەكونوميكالىق، قوعامدىق دامۋ نىساناسىن جۇزەگە اسىرۋعا جاقسى نەگىز قالاندى. ەلىمىز ەكونوميكاسىنىڭ قالپىنا كەلۋ جىلدامدىعى الەمدەگى باستى ەكونوميكالىق تۇلعالاردىڭ اراسىندا الدىڭعى ورىندا تۇر، ءالى دە دۇنيە ءجۇزى ەكونوميكاسىنىڭ ارتۋىنىڭ نەگىزگى قوزعاۋشى كۇشى ەسەپتەلەدى. وسى ناتيجەلەر سىرتقى سۇرانىستىڭ السىرەۋگە بەت الۋىنىڭ، حالىقارالىق ورتا وزگەرىسىنىڭ ەلىمىزگە ءتيىمسىز ىقپالى كۇشەيگەن، ەل ىشىندە پەريوتتىق، قۇرىلىمدىق قايشىلىقتار قاباتتاسقان، ءىشىنارا سالالاردا حاۋىپ - قاتەر مەن كومەسكى كىناراتتار بىرتىندەپ بەلەڭ بەرە باستاعان جاعدايدا جۇزەگە اسىرىلدى، وڭاي قول جەتكەن جوق، ادامدى جىگەرلەندىرەدى.
باس شۋجي شي جينپيڭ: ”ىنتىماق − كۇش، سەنىم التىننان دا قىمبات“، - دەپ اتاپ كورسەتتى. ءبىز مىنانى كورە ءبىلۋىمىز ءتيىس: ىندەتتەن ساقتانۋ - تىزگىندەۋ ورنىقتى تۇردە جاڭا كەزەڭگە وتكەننەن كەيىنگى ەكونوميكانىڭ قالپىنا كەلۋى تولقىنشا دامىعان، بۇرالاڭى كوپ العا باسۋ بارىسى بولدى، جۇڭگو ەكونوميكاسىنىڭ دامۋىنا جان - جاقتى، ديالەكتيكالىق، ۇزاق بولاشاقتىق كوز ايامەن قاراۋىمىز كەرەك. جۇڭگو ەكونوميكاسى ەجەلدەن سىن - سايىستاردى جەڭۋ بارىسىندا دامىپ، بوران - شاشىننىڭ سىناعىنان ءوتۋ بارىسىندا تولىسىپ، سىننان ءوتۋ بارىسىندا زورايدى. ورنىقتىلىق بارىسىندا ىلگەرىلەۋگە، بىرتىندەپ ىلگەرىلەۋگە، ۇزدىكسىز ىلگەرىلەۋگە تاباندى بولعان كەزەكتەگى جۇڭگو ەكونوميكاسىنىڭ ورنىقتىلىق نەگىزى ونان ارى بەكەمدەلىپ، ىلگەرىلەۋ قوزعاۋشى كۇشى ونان ارى تولا ءتۇستى. زات باعاسىنىڭ ”ورنىقتىلىعى“ ”ىلگەرىلەۋ“ ءورىسىن كەڭەيتتى؛ تۇتىنۋدىڭ ”ورنىقتىلىعى“ ”ىلگەرىلەۋدىڭ“ قوزعاۋشى كۇشىن كۇشەيتتى؛ جۇمىستانۋدىڭ ”ورنىقتىلىعى“ ”ىلگەرىلەۋدىڭ“ ونىمدىلىگىن ارتتىردى. بۇگىنگى جۇڭگو ەكونوميكاسى بۇلجىماي جوعارى ساپالى دامۋعا قاراي قادام تاستادى، ءبىز جۇڭگونىڭ دامۋ بولاشاعىنا تولىق سەنىمدەمىز.
بۇنداي سەنىم مىنادان كەلگەن: ەلىمىز ەكونوميكاسىنىڭ سەرپىمدىلىگى كۇشتى، كومەسكى كۇشى زور، ومىرشەڭدىك كۇشى جەتكىلىكتى، ۇزاق ۋاقىت جاقساراتىن نەگىزگى جاعدايى وزگەرمەيدى، دامۋدىڭ ءالى دە تاماشا تىرەكتىك نەگىزى جانە كوپتەگەن ءتيىمدى شارت - جاعدايى بار. قىسقا مەرزىمنەن قاراعاندا، ءارقايسى قاتىستى جاقتار ماكرولىق ساياساتتى اتقارۋ سەرپىنىن ارتتىرىپ، ءبىر توپ كەزەڭدىك ساياساتتاردى جالعاستىرا ساپالىلاندىردى ءارى ءبىر توپ باعىتتامالىلىعى كۇشتى جاڭا شارالاردى زەرتتەپ، شىعاردى، ءبىر توپ ساقتىق ساياساتتاردى بەلسەندىلىكپەن جوسپارلادى، ۇسىندى، ەكونوميكانىڭ ورلەۋ، جاقسارۋ بەتالىسىن ۇزدىكسىز بەكەمدەدى. ۇزاق مەرزىمنەن قاراعاندا، ەلىمىزدە سوتسياليستىك بازار شارۋاشىلىعىنىڭ ءتۇزىلىس باسىمدىعى، اسا زور كولەمدى بازار قاجەتى باسىمدىعى، كاسىپ سالاسى جۇيەسىنىڭ سايكەستى، كەمەلدى قامداۋ جاعىنداعى باسىمدىعى، قىرۋار جوعارى ساپالى ەڭبەكشىلەر جانە كاسىپورىنشىلار سىندى دارىندىلار باسىمدىعى بار. جالپى جاقتان قاراعاندا، ءار جاقتاعى باسىمدىق پەن ومىرشەڭدىك كۇشتى قاۋلاتقاندا عانا، ەكونوميكالىق قۇرىلىمنىڭ ۇزدىكسىز ساپالىلانۋىن، ارتۋ قوزعاۋشى كۇشىنىڭ ۇزدىكسىز كۇشەيۋىن، دامۋ جاعدايىنىڭ ۇزدىكسىز جاقسارۋىن ىلگەرىلەتىپ، ەكونوميكا ساپاسىنىڭ ءونىمدى ارتۋىن جانە مولشەرىنىڭ ۇيلەسىمدى ارتۋىن جۇزەگە اسىرۋعا بولادى.
بيىل پارتيا 20 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ باستاما جىلى. ”14 - بەسجىلدىق“ جوبانى اتقارۋدا بۇرىنعىعا مۇراگەر، كەيىنگىگە بۇيداگەر بولاتىن شەشۋشى جىل. تۇتاس جىلدىق ەكونوميكالىق، قوعامدىق دامۋ قىزمەتتەرىن ويداعىداي ىستەپ، ەكونوميكالىق اينالىمنىڭ تۇتاس تۇلعالىق جاقسارۋىن ىلگەرىلەتۋ جاپپاي سوتسياليستىك وسىزاماندانعان مەملەكەت قۇرۋدا جاقسى باستاما باستاۋدا، جاقسى قادام تاستاۋدا توتەنشە ماڭىزدى. جوعارى ساپالى دامۋدى ىلگەرىلەتۋدى ارقاۋ ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ماكرولىق رەتتەۋ - مەڭگەرۋدى كۇش سالا كۇشەيتىپ، ەل ىشىندەگى ءونىمدى سۇرانىستى كۇش سالا كەڭەيتىپ، تيجارات تۇلعالارىنىڭ ومىرشەڭدىگىن كۇش سالا قاۋلاتىپ، جاڭا بەينە، جاڭا ىسكەرلىكپەن جوعارى ساپالى دامۋدى ىلگەرىلەتۋدە جاڭا ونىمدىلىككە قول جەتكىزۋىمىز كەرەك. سىرتقا جوعارى دەڭگەيدە ەسىك اشۋدى ىلگەرىلەتۋدى ارقاۋ ەتىپ، رەفورمانى ۇزدىكسىز جاپپاي تەرەڭدەتىپ، قاعيدا، ەرەجە، باسقارۋ، ولشەم سياقتى تۇزىمدىك ەسىك اشۋدى ورنىقتى قاداممەن كەڭەيتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، ەل ءىشى، حالىقارا سىندى قوس اينالىمدى ىركىلىسسىزدەندىرىپ، ەكونوميكالىق دامۋدى اناعۇرلىم سەرپىمدىلىككە، اناعۇرلىم ومىرشەڭدىككە يە ەتۋىمىز كەرەك. حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ارقاۋ ەتىپ، حالىق تۇرمىسىن قامتاماسىز ەتۋ سەرپىنىن كۇشەيتىپ، جۇمىستانۋدى كۇش سالا كەڭەيتىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىمىز كەرەك.
قۇر ءسوز ەلدى توزدىرادى، ىسكەرلىك ەلدى وزدىرادى. ۋاقىتپەن جارىسپاساق، ۋاقىت كۇتىپ تۇرمايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، قادامدى نىق باسىپ، قاجىرلىلىقپەن ىستەپ، ەكونوميكالىق، قوعامدىق دامۋ قىزمەتتەرىن تىڭعىلىقتى جاقسى ىستەپ، تۇتاس جىلدىق ەكونوميكالىق، قوعامدىق دامۋ نىساناسىن قۇلشىنا جۇزەگە اسىرىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن ىلگەرىلەتۋگە تىڭ دا اناعۇرلىم زور ۇلەس قوسايىق.
(شينحۋا اگەنتتىگىنىڭ 10 - ايدىڭ 1 - كۇنى بەيجيڭنەن بەرگەن حابارى)
