جۇڭگو ۇلگىسىندەگى وسىزامانداندىرۋ ءۇشىن قۋاتتى زاتتىق تەحنيكالىق نەگىز قالايىق
− مەملەكەتتىك جاڭاشا ونەركاسىپتەندىرۋدى ىلگەرىلەتۋ جينالىسىنىڭ رۋحىن دايەكتىلەندىرۋ، تياناقتاندىرۋ جونىندە
□ حالىق گازەتىنىڭ شولۋشىسى
«جاڭا داۋىردەگى جاڭا جورىقتا جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ، جاڭاشا ونەركاسىپتەندىرۋدى جۇزەگە اسىرۋ − شەشۋشى مىندەت“. 9 - ايدىڭ 22 - كۇنىنەن 23 - كۇنىنە دەيىن مەملەكەتتىك جاڭاشا ونەركاسىپتەندىرۋدى ىلگەرىلەتۋ جينالىسى بەيجيڭدە اشىلدى. باس شۋجي شي جينپيڭ جاڭاشا ونەركاسىپتەندىرۋدى ىلگەرىلەتۋ جونىندە ماڭىزدى نۇسقاۋ بەرىپ، جاڭا داۋىردەگى جاڭا جورىقتا جاڭاشا ونەركاسىپتەندىرۋدى ىلگەرىلەتۋدىڭ كەلەلى ءمانىن، ماڭىزدى پرينسيبىن، ءتۇيىندى مىندەتتەرىن تەرەڭ بايىمدادى، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، قاتىستى قىزمەتتەردى ويداعىداي ىستەۋگە ايقىن باعدار كورسەتتى.
ونەركاسىپتەندىرۋ − وسىزامانداندىرۋدىڭ العى شارتى جانە نەگىزى. پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت ىستەرىنىڭ دامۋىنىڭ جالپى جاعدايىن نەگىزگە الا وتىرىپ، جاڭاشا ونەركاسىپتەندىرۋدى ىلگەرىلەتۋ كەلەلى ستراتەگيالىق ورنالاستىرۋىن جاساپ، ەلىمىزدىڭ جاڭاشا ونەركاسىپتەندىرۋىنىڭ نىق قادام تاستاۋىن ىلگەرىلەتتى. 41 ونەركاسىپ ۇلكەن ءتۇرى، 207 ونەركاسىپ ورتا ءتۇرى، 666 ونەركاسىپ كىشى ءتۇرى بار، دۇنيە ءجۇزى بويىنشا بىرلەسكەن مەملەكەتتەر ۇيىمىنىڭ كاسىپ سالاسىن تۇرگە ايىرۋىندا بارلىق ونەركاسىپ تۇرلەرى بار بىردەن - ءبىر مەملەكەتكە اينالىپ، جاساۋ كاسىبىنىڭ كولەمى ءۇرتىس 13 جىل دۇنيە جۇزىندە الدىڭعى ورىندى يەلەدى، جاڭا ەنەرگيالى اۆتوموبيل، فوتوۆولتتىق ءونىم مولشەرى ءۇرتىس تالاي جىلدار بويى دۇنيە جۇزىندە ءبىرىنشى ورىندى ساقتادى، مەملەكەتتىڭ 45 وزىق جاساۋ كاسىبى شوعىرىن جەتىلدىرىپ، الەمدە كولەمى ەڭ ۇلكەن، تەحنيكاسى وزىق جىلجىمالى حابارلاسۋ تورىن قۇرىپ شىقتى... ەلىمىز ونەركاسىبىنىڭ كولەمى نىق قاداممەن ۇلعايىپ، كاسىپ سالاسى قۇرىلىمى ۇزدىكسىز ساپالىلانىپ، سيفرلانۋعا، جاسىلعا قاراي تيپ وزگەرتۋى ۇزدىكسىز ىلگەرىلەپ، جۇڭگو ەكونوميكاسىن سەرپىندى، قۋاتتى ەتىپ، جاڭا باسەكەلىك قۋاتتى ۇزدىكسىز جەتىلدىردى.
اۋقىمعا كوز جىبەرىپ، باعداردى يگەرىپ، جالپى جاعدايدى جوسپارلادى. ”ەلىمىز ءىرى ەل، ءسوز جوق، تۇلعالىق ەكونوميكانى دامىتىپ، ونەركاسىپتىك وسىزاماندانۋدى ۇزدىكسىز ىلگەرىلەتىپ، جاساۋ كاسىبىنىڭ دەڭگەيىن جوعارىلاتۋ كەرەك“، ”سوتسياليستىك وسىزاماندانعان قۇدىرەتتى ەل قۇرۋ، تۇلعالىق ەكونوميكانى دامىتۋ، زورايتۋ جاساۋ كاسىبىنەن ايرىلا المايدى، كاسىپ سالاسىنىڭ ساپالىلانۋىن، دەڭگەيىنىڭ جوعارىلاۋىن ىلگەرىلەتۋگە ۇزدىكسىز كۇش سالۋ كەرەك“ دەپ اتاپ كورسەتتى، ”ەكونوميكانى دامىتۋدىڭ كۇش سالۋ ءتۇيىنىن تۇلعالىق ەكونوميكاعا قويۋعا تاباندى بولىپ، جاڭاشا ونەركاسىپتەندىرۋدى ىلگەرىلەتۋدى“، ”ءبىر جاعىنان، ءداستۇرلى كاسىپ سالالارىنىڭ تيبىن وزگەرتىپ دارەجەسىن جوعارىلاتۋدى مىقتى ۇستاۋدى، ءبىر جاعىنان، ستراتەگيالىق جاڭادان گۇلدەنگەن كاسىپ سالالارىنىڭ دامۋىن، زورايۋىن مىقتى ۇستاۋدى“ باسا دارىپتەدى، ”ينفورماتسيالاندىرۋ مەن ونەركاسىپتەندىرۋدىڭ تەرەڭ توعىسۋى سىندى ۇلكەن ءىستى ۇزدىكسىز جاقسى ىستەپ، جاساۋ كاسىبىنىڭ سيفرلانۋعا، ينتەرنەتتەنۋگە، زەردەلىلەنۋگە قاراي دامۋىن ىلگەرىلەتۋدى“، ”ينتەرنەتتىڭ، ءىرى ساندى مالىمەتتىڭ، جاساندى زەردەنىڭ تۇلعالىق ەكونوميكامەن تەرەڭ توعىسۋىن ىلگەرىلەتۋدى“ تالاپ ەتتى... پارتيانىڭ 18 - قۇرىلتايىنان بەرى باس شۋجي شي جينپيڭ جاڭاشا ونەركاسىپتەندىرۋدىڭ ءبىر قىدىرۋ كەلەلى نازاريالىق جانە امالياتتىق ماسەلەلەرى جونىندە ماڭىزدى بايىمداۋ جاساپ، پارتيامىزدىڭ ونەركاسىپتەنۋ جونىندەگى زاڭدىلىق سيپاتتى تانىمىن بارىنشا بايىتىپ جانە دامىتىپ، جاڭاشا ونەركاسىپتەنۋدى ىلگەرىلەتۋىمىزگە ءتۇبىرلى بويسۇنۋ ولشەمى مەن ارەكەت باعدارناماسىن ازىرلەدى.
مىعىم زاتتىق تەحنيكالىق نەگىز بولماسا، جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋ مۇمكىن ەمەس. قازىر ەكونوميكانىڭ، قوعامنىڭ سيفرلانۋعا قاراي تيپ وزگەرتۋى تەزدەپ، ينفورماتسيا تەحنيكاسىندا، بيوتەحنيكادا، جاساۋ تەحنيكاسىندا جاڭالىق اشۋ جاندانىپ، جەدەل كەمەلدەنۋدە، ءبىز تاپتىرماس تاريحي ورايعا ءدوپ كەلۋمەن بىرگە، قاتاڭ سىن - سايىستارعا دا ءدوپ كەلىپ وتىرمىز. مىنانى، ءسوز جوق، تەرەڭ تانۋىمىز كەرەك: وسىزاماندانعان كاسىپ سالاسى جۇيەسى − وسىزاماندانعان مەملەكەتتىڭ زاتتىق تەحنيكالىق نەگىزى، تۇلعالىق ەكونوميكانى تىرەك ەتكەن وسىزاماندانعان كاسىپ سالاسى جۇيەسىن جەدەل قۇرۋ − ءبىزدىڭ بولاشاقتاعى دامۋدا جانە حالىقارالىق باسەكەدە ستراتەگيالىق ىرىقتىلىققا قول جەتكىزۋىمىزگە سايادى. جاڭا جورىقتا ءبىز باس شۋجي شي جينپيڭنىڭ جاڭاشا ونەركاسىپتەندىرۋ جونىندەگى ماڭىزدى نۇسقاۋىن، ماڭىزدى بايىمداۋىن جەتە ۇيرەنىپ، جەتە ءتۇسىنىپ، جوعارى ساپالى دامۋ سىندى وسى ماڭداي الدى مىندەتتى جانە جاڭا دامۋ ارناسىن قالىپتاستىرۋ سىندى وسى ستراتەگيالىق مىندەتتى مىقتى يگەرىپ، جاڭاشا ونەركاسىپتەندىرۋدى ىلگەرىلەتۋدىڭ نەگىزگى زاڭدىلىعىن تەرەڭ يگەرىپ، جاڭا كەزەكتەگى عىلىم - تەحنيكا توڭكەرىسى مەن كاسىپ وزگەرىسىنە بەلسەنە ىرىقتىلىقپەن بەيىمدەلىپ جانە وعان جەتەكشىلىك ەتىپ، جاڭاشا ونەركاسىپتەندىرۋدى جۇزەگە اسىرۋ سىندى وسى شەشۋشى مىندەتتى مىقتى، ناقتى يگەرىپ، جۇڭگو ۇلگىسىندەگى وسىزامانداندىرۋ ءۇشىن قۋاتتى زاتتىق تەحنيكالىق نەگىز قالاۋىمىز كەرەك.
جۇڭگو ۇلگىسىندەگى وسىزامانداندىرۋ ءۇشىن قۋاتتى زاتتىق، تەحنيكالىق نەگىز قالاۋدا جوعارى ساپالى دامۋ تالابىن جاڭاشا ونەركاسىپتەندىرۋدىڭ تۇتاس بارىسىنا ءسىڭىرىپ، جاساۋ كاسىبىندە قۋاتتى ەل قۇرۋدى سيفرلى ەكونوميكانى دامىتۋ، كاسىپ سالاسىن ينفورماتسيالاندىرۋ سياقتىلارمەن ورگانيكالى ۇشتاستىرۋ كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، جاڭاشا ونەركاسىپتەندىرۋدى ىلگەرىلەتۋدىڭ ستراتەگيالىق ورنىن، كەزەڭدىك ەرەكشەلىگىن، سونداي - اق ءدوپ كەلگەن ورتا شارت - جاعدايىنىڭ وزگەرىسىن دالمە - ءدال يگەرىپ، جاڭاشا ونەركاسىپتەندىرۋدىڭ جۇڭگوشا جولىمەن جۇرۋگە تاباندى بولىپ، جاساۋ كاسىبىندە قۋاتتى ەل قۇرۋدى جەدەلدەتىپ، جاڭا دامۋ ارناسىن ورناتۋعا، جوعارى ساپالى دامۋدى ىلگەرىلەتۋگە، جۇڭگو ۇلگىسىندەگى وسىزامانداندىرۋدى جۇزەگە اسىرۋعا اناعۇرلىم ويداعىداي قىزمەت وتەۋ كەرەك. ءداۋىر تالابى مەن جاعدايدىڭ وزگەرىسىنە سايكەسىپ، ءتۇيىندى كورنەكتىلەندىرىپ، تەتىكتى مىقتى يگەرىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپسىزدىك دەڭگەيىن كۇش سالا جوعارىلاتىپ، كاسىپ سالاسىندا جاڭالىق اشۋ قابىلەتىن جەدەل جوعارىلاتىپ، كاسىپ سالاسى قۇرىلىمىن ساپالىلاندىرۋدى، دارەجەسىن جوعارىلاتۋدى ۇزدىكسىز ىلگەرىلەتىپ، سيفرلى تەحنيكانىڭ تۇلعالىق ەكونوميكامەن ىشكەرىلەي توعىسۋىن كۇش سالا ىلگەرىلەتىپ، ونەركاسىپتىڭ جاسىل دامۋىن جاپپاي جەبەۋ كەرەك. رەفورمانى تەرەڭدەتۋگە، ەسىكتى ايقارا اشۋعا تاباندى بولىپ، ءتۇرلى كاسىپورىنداردىڭ باسىمدىقتار ارقىلى ءبىرىن - ءبىرى تولىقتاۋىن، باسەكەلەسە دامۋىن جەبەپ، مەملەكەت بويىنشا ءبىر تۇتاس ءىرى بازاردىڭ تىرەكتىك رولىن ساۋلەلەندىرىپ، نەگىزگى تۇلعالىق فۋنكتسيالىق رايون ستراتەگياسى ارقىلى كاسىپ سالاسىنىڭ ۇيلەسىمدى ورنالاسۋىنا جەتەكشىلىك ەتىپ، ەل ءىشى جانە حالىقارا سىندى ەكى بازاردان، ەكى ءتۇرلى بايلىقتان ويداعىداي پايدالانىپ، جاڭاشا ونەركاسىپتەندىرۋدى ىلگەرىلەتۋدىڭ قوزعاۋشى كۇشى مەن ومىرشەڭدىگىن ۇزدىكسىز كۇشەيتۋ كەرەك.
جۇڭگو ۇلگىسىندەگى وسىزامانداندىرۋ ءۇشىن قۋاتتى زاتتىق، تەحنيكالىق نەگىز قالاۋدا ۇيىمدىق باسشىلىقتى، ساياساتتىق قولداۋدى جانە دارىندىلار قامتاماسىزدىعىن كۇشەيتىپ، جاڭاشا ونەركاسىپتەندىرۋدى ىلگەرىلەتۋدىڭ قۋاتتى كۇشىن توپتاۋ كەرەك. باس شۋجي شي جينپيڭ بىلاي دەپ اتاپ كورسەتتى: ”جاڭاشا ونەركاسىپتەندىرۋدى ىلگەرىلەتۋ − جۇيەلى ينجەنەريا“. پارتيانىڭ جاپپاي باسشىلىعىن جاڭاشا ونەركاسىپتەندىرۋدى ىلگەرىلەتۋدىڭ تۇتاس بارىسىنا، ءارقايسى جاقتارىنا سىڭىرۋگە تاباندى بولىپ، پارتكوم (پارتيا باسشىلىق گرۋپپاسى) ءبىر تۇتاس باسشىلىق ەتەتىن، ۇكىمەت جاۋاپتى بولىپ تياناقتاندىراتىن، كاسىپورىندار تۇلعالىق رولىن ساۋلەلەندىرەتىن، قوعامدىق كۇشتەر كەڭ كولەمدە ات سالىساتىن قىزمەت جاعدايىن كەمەلدەندىرىپ، ءار جاقتاعى ساياساتپەن جانە فاكتورلارمەن ويداعىداي قامتاماسىز ەتىپ، ساياسي جاۋاپكەرشىلىك ارقالاۋدى كۇشەيتىپ، جۇيە كوزقاراسىن بەرىك ورناتىپ، كۇرەسكەرلىك رۋحتى ساۋلەلەندىرىپ، عىلىم - تەحنيكادا جاڭالىق اشۋدى كۇشەيتۋ، كاسىپ سالاسىنىڭ حاۋىپسىزدىگىن قامتاماسىز ەتۋ جاعىنا ۇزدىكسىز كۇش سالىپ، كاسىپ سالاسى قۇرىلىمىن ساپالىلاندىرۋ، جۇيەنىڭ دارەجەسىن جوعارىلاتۋدى جەبەۋ جاعىنا ۇزدىكسىز كۇش سالىپ، ونەركاسىپتىڭ سيفرلانۋعا، جاسىل بولۋعا قاراي تيپ وزگەرتۋىن ىلگەرىلەتۋ جاعىنا ۇزدىكسىز كۇش سالىپ، رەفورما جاساۋدى، ەسىك اشۋدى تەرەڭدەتۋ، قوزعاۋشى كۇش، ومىرشەڭدىك كۇش ۇستەۋ جاعىنا ۇزدىكسىز كۇش سالىپ، جاڭاشا ونەركاسىپتەندىرۋدىڭ ءتۇرلى ءتۇيىندى مىندەتتەرىنىڭ تياناقتانۋىن تىڭعىلىقتى ىلگەرىلەتۋ كەرەك.
پارتيانىڭ 20 - قۇرىلتايى 2035 - جىلعا بارعاندا ”جاڭاشا ونەركاسىپتەندىرۋدى نەگىزىنەن جۇزەگە اسىرۋ“ نىساناسىن ايقىنداپ، وسىزاماندانعان كاسىپ سالاسى جۇيەسىن قۇرۋ، جاڭاشا ونەركاسىپتەندىرۋدى ىلگەرىلەتۋ سياقتىلار توڭىرەگىندە كەلەلى ورنالاستىرۋ جاسادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءورىس اشا جاڭالىق اشىپ، جاۋاپكەرشىلىك ارقالاپ ىسكەرلىك كورسەتىپ، جاڭاشا ونەركاسىپتەندىرۋدى دامىتۋدىڭ جاڭا ونىمدىلىگى ارقىلى جۇڭگو ۇلگىسىندەگى وسىزامانداندىرۋ ءۇردىسىن جەدەلدەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋ ءۇشىن تىڭ دا اناعۇرلىم زور ۇلەس قوسايىق.
(شينحۋا اگەنتتىگىنىڭ 9 - ايدىڭ 24 - كۇنى بەيجيڭنەن بەرگەن حابارى)
