□ انار بۇلت \ شينجياڭ گازەتىنىڭ تىلشىلەرى لي چۇنشيا، جاۋ چۇنحۋا
قازىرگى قازاقستان، كۇزگى اۋا جانعا جايلى، بۇلتتار بىرەسە تۇيدەكتەلىپ، بىرەسە جايىلىپ كوشىپ جاتتى، بۇل كورشىلەس جۇڭگونىڭ شينجياڭىمەن تىپتەن ۇقسايدى.
تاۋ - سۋلارى جالعاسىپ، وڭىرلەرى ىرگەلەسىپ، گۋمانيتارلىق بايلانىسى جاقىن. 1700 كيلومەتردەن استام ورتاق شەكاراسى بار، 2000 جىلدان استام بارىس - كەلىس تاريحى بار، بايىرعى جىبەك جولىنىڭ گۇلدەنىپ - كوركەيۋىنەن ”ءبىر بەلدەۋ، ءبىر جولدى“ بىرگە قۇرۋ ءۇشىن قول ۇستاسا العا باسۋعا دەيىن قازاقستان مەن جۇڭگونىڭ قارىم - قاتىناسىنىڭ تامىرى تەرەڭدە، مۇنان دا ماڭىزدىسى، تاتۋ كورشىلىك دوستىقتىڭ، ءوزارا پايدا جەتكىزىپ، تەڭ يگىلىككە كەنەلۋدىڭ ۇلگىسى.
10 جىلدىڭ الدىندا ءتوراعا شي جينپيڭ قازاقستاندا تۇڭعىش رەت ساپاردا بولىپ، ”جىبەك جولى ەكونوميكالىق بەلدەۋىن“ بىرگە قۇرۋ باستاماسىن العا قويدى، ”ءبىر بەلدەۋ، ءبىر جول“ سەلبەستىگى مىنە وسىدان باستالدى.
10 جىلدان بەرى ”ءبىر بەلدەۋ، ءبىر جولدى“ بىرگە قۇرۋ باستاماسىنان ارەكەتكە كەلۋگە دەيىن، ۇستانىمنان امالياتقا دەيىن، الدىمەن سىناق ەتىپ، الدىمەن اتقارۋدان جوعارى دەڭگەيلى سەلبەستىك ورناتقانعا دەيىن جۇڭگو − قازاقستان قارىم - قاتىناسىنىڭ مازمۇنى كۇن سايىن بايىپ، سەلبەستىك ناتيجەسى سۇبەلى بولدى.
”ءبىر بەلدەۋ، ءبىر جولدىڭ“ وزەكتى رايونى، جۇڭگو − قازاقستان سەلبەستىگىنىڭ باستاۋشىسى رەتىندە، جۇڭگونىڭ شينجياڭى مەن قازاقستاننىڭ جەرگىلىكتى ورىندار ارا سەلبەستىگى ۇزدىكسىز تەرەڭدەپ، ناتيجەسى كۇن سايىن كورنەكتىلەنىپ، بايىرعى جىبەك جولىنىڭ تىڭ جالىندى ومىرشەڭدىك كۇش قاۋلاتۋىن جەبەدى.
ۇلى مۇرات ورناتقان قارىم - قاتىناس ارشىندى قاداممەن العا باستى
9 - ايدىڭ 15 - كۇنى نازاربايەۆ داشۋەسىنىڭ نەگىزگى عيماراتىندا ساباققا بارعان، ساباقتان قايتقان وقۋشىلار قايشالىسادى، اسا ءتارتىپتى، قابىرعاداعى سۋرەتتەردە 10 جىلدىڭ الدىنداعى ماڭىزدى ساتتەر ەستەلىككە الىنعان −
”ءبىزدىڭ جاڭالىق اشۋ سەلبەستىك ۇلگىسىنەن پايدالانىپ، ’جىبەك جولى ەكونوميكالىق بەلدەۋىن‘ بىرگە قۇرۋىمىزعا بولادى“. 2013 - جىلى 9 - ايدىڭ 7 - كۇنى مەملەكەت ءتوراعاسى شي جينپيڭ وسى داشۋەدە «حالىقتار دوستىعىن اسقاقتاتىپ، كوركەم بولاشاقتى بىرگە جاراتايىق» دەگەن تاقىرىپتا ماڭىزدى لەكسيا جاساپ، دۇنيە ءجۇزىنىڭ دامۋ اياق الىسىنىڭ جاڭا پاراعىن اشتى.
”بۇل ءبىر ۇلى باستاما“. كۋاگەر رەتىندە، نازاربايەۆ داشۋەسىنىڭ تۇڭعىش مەكتەپ باستىعى شىڭ ماۋفۋ سول كەزدەگى جاعدايدان تەرەڭ اسەر العان ەدى، ”10 جىلدىڭ الدىندا باستاما العا قويىلعاننان قازىر كوپتەگەن نىسان اتقارىلىپ ىلگەرىلەتىلگەنگە دەيىن ’ءبىر بەلدەۋ، ءبىر جولدى‘ بىرگە قۇرۋ ازيا − ەۆروپاداعى كوپتەگەن ەلدەردى تىعىز بايلانىستىردى“.
ۇلى مۇرات ورناتقان جۇڭگو − قازاقستان قارىم - قاتىناسى ارشىندى قاداممەن العا باستى.
”ءبىر بەلدەۋ، ءبىر جولدى“ بىرگە قۇرعان 10 جىلدان بەرى ەكى ەل مەملەكەت باسشىلارى ديپلوماتياسىن جەتەكشى ەتىپ، جۇڭگو مەن قازاقستاننىڭ ماڭگىلىك جان - جاقتى ستراتەگيالىق سەرىكتەستىك قارىم - قاتىناسىن ۇزدىكسىز تەرەڭدەتىپ، وزگەشە ەكى جاقتى قارىم - قاتىناس ورنىن ورناتىپ، ۇرپاقتان - ۇرپاققا جالعاسقان تاتۋ - ءتاتتى، وسكەلەڭ ءوزارا سەنىمدى، بەينەت پەن زەينەتتى بىرگە وتكەرەتىن جۇڭگو − قازاقستان تاعدىرلاس ورتاق تۇلعاسىن قۇرۋعا كۇش سالدى.
مەملەكەت باسشىلارى ديپلوماتياسى رول ۇستاپ، جول باستاپ، جۇڭگو مەن قازاقستان ءار دارەجەلى بارىس - كەلىس پەن ءار سالاداعى سەلبەستىك مەحانيزمىن بىرگە قۇرىپ، ەكى ەل قارىم - قاتىناسى ۇزدىكسىز جوعارى دەڭگەيدى ساقتادى.
ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمدى تياناقتاندىرۋ ءۇشىن، جۇڭگونىڭ شينجياڭى قازاقستانمەن جوعارى جىكتەگىلەردىڭ ىقپالداستىعىن كۇشەيتتى: بيىل 3 - ايدا اۆتونوميالى رايوندىق پارتكومنىڭ شۋجيى ما شيڭرۇي جۇڭگو شينجياڭىنىڭ دوستىق اۋىس - كۇيىس، ساپار ۇيىرمەسىن باستاپ قازاقستاندا ساپاردا بولىپ، ىلگەرىندى - كەيىندى استانا مەن الماتىدا ساپاردا بولدى، قازاقستان ۇكىمەتىنىڭ قاتىستى باسشىلارىمەن جانە قاتىستى قالا، وبلىستاردىڭ جاۋاپتىلارىمەن كەڭەسىپ، 2 - كەزەكتى جۇڭگو (شينجياڭ) − قازاقستان ىرگەلەس وڭىرلەرىنىڭ دوستىق سەلبەستىك كەڭەسىن وتكىزىپ، الماتى قالاسىمەن جانە شىعىس قازاقستان وبلىسىمەن، الماتى وبلىسىمەن، اباي وبلىسىمەن، جەتىسۋ وبلىسىمەن دوس قالا قارىم - قاتىناسىن ورناتىپ، كورشىلەس وبلىس، قالالارمەن دوس قالا بولۋدى ”جاپپاي قامتۋدى“ جۇزەگە اسىردى.
جەرگىلىكتى ورىنداردىڭ بارىس - كەلىسى بارىنشا جيىلەدى: قازاقستاننىڭ ورىنباسار زۇڭليى، قوسىمشا ساۋدا جانە ءبىر تۇلعالاندىرۋ مينيسترلىگىنىڭ مينيسترى جۇمانعارين جانە ونىڭ ساپارلاستارى شينجياڭعا ساپارلاي كەلدى، سونداي - اق 2023 - جىلعى (جۇڭگو) ازيا − ەۆروپا تاۋار ساۋدا كورمەسىنە قاتىناستى، تۇركستان وبلىسى، جەتىسۋ وبلىسى، الماتى وبلىسىنىڭ باستىقتارى ىلگەرىندى - كەيىندى شينجياڭعا ساپارلاي كەلدى؛ شينجياڭ ىلە قازاق اۆتونوميالى وبلىسى، شاۋەشەك قالاسى، بۇراتالا قالاسى سياقتىلار دا ىركەس - تىركەس قازاقستانعا ساپارلاۋعا ۇيىرمە جىبەردى. ”ءبىز جۇڭگو شينجياڭىمەن ءار سالاداعى اۋىس - كۇيىستى، سەلبەستىكتى بەلسەندى، ىرىقتى تۇردە كۇشەيتىپ، ەكى جاق سەلبەستىگىنىڭ تىڭ دەڭگەيگە كوتەرىلۋىن ىلگەرىلەتەمىز“، - دەدى الماتى وبلىسىنىڭ باستىعى مارات سۇلتانقازيەۆ.
”جەرگىلىكتى ورىندار ارا ۇنەمى بارىس - كەلىس جاساپ، ءوزارا دوستىقتى تەرەڭدەتىپ، قىمباتتى سەلبەستىك ورايىن اشىپ، ءوزارا پايدا جەتكىزىپ، تەڭ يگىلىككە كەنەلەتىن سەلبەستىك كەلىسىمىن جاساسىپ، شينجياڭنىڭ قازاقستانمەن سەلبەستىگىنىڭ تەرەڭدەۋىن، ناقتىلانۋىن ىلگەرىلەتەمىز“، - دەدى جۇڭگونىڭ الماتىدا تۇراتىن باس كونسۋلى جياڭ ۋي.
ناقتى ىستەرگە بويلاعان سەلبەستىك تابىستارى قوماقتى بولدى
”ءبىز ساتقان وسى مىرىش جالاتىلعان بولات ورام سياقتى زاتتاردىڭ بارلىعى جۇڭگو − ەۆروپا كەزەكشى پويەزى ارقىلى اكەلىنگەن، ％80ى جۇڭگودان كەلگەن، مۇنىڭ جارتىسى باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگىنەن كەلگەن“، - دەدى 9 - ايدىڭ 13 - كۇنى الماتى قالاسىنداعى قازاق بولات - تەمىر توبىنىڭ قامباسىندا ساتۋ جاۋاپتىسى ەرشات جەڭىس جاڭا عانا قامباعا كىرگەن ءبىر توپ زاتتى نۇسقاپ تۇرىپ تىلشىگە.
”ءبىر بەلدەۋ، ءبىر جولدى“ بىرگە قۇرۋدىڭ تۇڭعىش توپتا ەكى جاقتى سەلبەستىك حۇجاتى جونىندە كەلىسىم جاساستى ءارى ”ءبىر بەلدەۋ، ءبىر جولدى“ بىرگە قۇرۋ سەلبەستىگىن ىشكەرىلەي ورىستەتتى، جۇڭگونىڭ توڭىرەكتەگى ەلدەرمەن قۇرلىقتا شەكارا اتتاعان تۇڭعىش مۇناي - تابيعي گاز قۇبىرىن جاتقىزدى، حالىقارالىق ءوندىرىس قۋاتى جانە قارجى قوسۋ سەلبەستىگىن الدىمەن ورىستەتتى... ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعان 10 جىلدان بەرى جۇڭگو مەن قازاقستان نەشە ونداعان ماڭىزدى سەلبەستىك نىساندارىن ءساتتى اتقارىپ، ناقتى، قوماقتى تابىستارعا قول جەتكىزدى.
ناقتى ىستەرگە بويلاعان جۇڭگو مەن قازاقستان سەلبەستىگىنىڭ تابىستارى قوماقتى بولدى.
ءارقايسى جاقتاردى ۇلاستىردى، ىركىلىسىسىزدەندىردى. جۇڭگو مەن قازاقستان تاس جول، تەمىر جول، اۆياتسيا، مۇناي - تابيعي گاز قۇبىرىن قامتىعان جان - جاقتى، ستەرەولدى تۇتاسقان توردى ءساتتى قۇردى. جۇڭگونىڭ شينجياڭىندا 5 تاس جول شەكارا وتكەلى، 2 تەمىر جول شەكارا وتكەلى قازاقستانعا تۇتاسادى. ”بولات - تەمىر كەرۋەنى“ جۇڭگو − ەۆروپا كەزەكشى پويەزى كۇندى تۇنگە جالعاپ جول جۇرەدى، كونتينەرلەردى تولتىرا تيەگەن جۇك اۆتوموبيلدەرى جول بويى تولاستامايدى، اۋەدە كەزەكشى ۇشاقتار دا تىنىم المايدى.
ساۋدا گۇلدەنىپ دامىدى. جۇڭگو − قازاقستان ساۋدا تانىستىرۋ قيمىلى جيىلەپ، جۇڭگو − ازيا − ەۆروپا كورمەسى، قازاقستان − جۇڭگو تاۋار كورمەسى، جۇڭگو − قازاقستان دوستىعى جانە ىلە وبلىسى − الماتى وبلىسى كاسىپورىندار ەكونوميكا - ساۋدا كەڭەسى، جۇڭگو (شينجياڭ) − قازاقستان اۋىل شارۋاشىلىعى حالىقارالىق سەلبەستىگى تانىستىرۋ جينالىسى سياقتىلار ىركەس - تىركەس وتكىزىلىپ، ءتۇرلى كاسىپورىندارعا اۋىس - كۇيىس، سەلبەستىك تۇعىرىن قۇرىپ، اناعۇرلىم كوپ ساۋدا ورايىن ازىرلەدى. بيىل 1 - ايدان 7 - ايعا دەيىن جۇڭگو شينجياڭىنىڭ قازاقستانمەن يمپورت - ەكسپورت جالپى قۇنى 72 ميلليارد 630 ميلليون يۋان بولىپ، سايكەس مەزگىلدەگىدەن ％2. 86 ارتتى.
سەلبەستىك سالاسى كەڭەيدى. جۇڭگو مەن قازاقستان ەكى جاقتى ساۋداسى نەگىزىنەن ەنەرگيادان اۋىل شارۋاشىلىعى ونىمدەرى ساۋداسى سياقتىلارعا دەيىنگى ءار سالانى قامتيدى ءارى جاسىل ەنەرگيا، وسى زامانعى ەمدەۋ، جاساندى زەردە، ەلەكتروندى ساۋدا ىستەرى، سيفرلى فينانس سياقتى سالالاردا جاڭا ارتۋ تۇيىندەرىن جەتىلدىرۋگە كۇش سالادى. ”ءبىز قازىر الماتىدا قارجى قوسىپ شەتەلدەگى قامبانى سالىپ جاتىرمىز، يەلەگەن جەر اۋماعى 2000 مۋ، مەجەمەن كەلەر جىلى 10 - ايدا پايدالانۋعا بەرىلەدى“. قورعاس جين - ي حالىقارالىق ساۋدا (توبى) شەكتى سەرىكتەستىگىنىڭ القا باستىعى يۇي چىڭجۇڭ بىلاي دەدى: ”ءبىر بەلدەۋ، ءبىر جولدى“ بىرگە قۇرۋ جۇڭگو مەن قازاقستان ەكى ەلدىڭ ونىمدەرىنە اناعۇرلىم كەڭ بازار اشتى ءارى كاسىپورىندارعا اناعۇرلىم كوپ پايدا اكەلدى.
شينجياڭنىڭ جاس جەمىس - جيدەكتەرى، كوكونىستەرى سول كۇنى قازاقستانداعى وتباسىلارىنىڭ داستارقانىنا شىعادى، قازاقستاننان كەلگەن ساپالى ۇن ۇن تاعامدارىنا اۋەس شينجياڭدىقتاردىڭ ”قالاۋىنان شىقتى“... جۇڭگو مەن قازاقستاننىڭ ەكونوميكالىق قۇرىلىمىنىڭ ءوزارا تولىقتاۋ سيپاتى كۇشتى بولىپ، ەكى جاق كاسىپورىندارىنا ءتىپتى دە كوپ سەلبەستىك ورايىن جاراتتى.
”جۇڭگونىڭ شينجياڭى ەرەكشە ۇلكەن تۇتىنۋ بازارى، ءبىز ءتىپتى دە كوپ شينجياڭ كاسىپورىندارىمەن سەلبەستىكتى كۇشەيتۋدى ءۇمىت ەتەمىز ءارى قازاقستاننىڭ ساپالى اۋىل شارۋاشىلىعى ونىمدەرى سياقتىلاردى شينجياڭعا ەكسپورت ەتۋدى دە ءۇمىت ەتەمىز“، - دەدى 9 - ايدىڭ 14 - كۇنى قازاقستان اتا مەكەن كاسىپكەرلەر قوعامىنىڭ الماتى بولىمشەسىنىڭ ورىنباسار باستىعى ولەگ كالينين اتي.
جۇرەككە بويلاعان دوستىق ۇزاققا جالعاسادى
9 - ايدىڭ 15 - كۇنى استانادا ءتىلشى قازاقستاننان جۇڭگوعا بارىپ وقىپ وقۋ تاۋىسقاندار قوعامىنا كىرىسىمەن - اق قويۋ جۇڭگو سالتىن سەزىندى: قىزىل تۇمشالامالى شام، بوساعالىق، ۇلكەن كولەمدەگى جۇڭگونىڭ گۋگۇڭ سۋرەتتەرى، سونداي - اق كىتاپ سورەسىندەگى «جۇڭگو كوكتەم مەرەكەسىنىڭ» وپتيكالىق تاباعى، بارلىق جەردەن جۇڭگو مادەنيەتىنىڭ لەبى ەسەدى.
قوعامنىڭ باستىعى زاميريا جۇڭگودا 4 جىل وقىعان، جۇڭگو مادەنيەتىن ەرەكشە قىزۋ سۇيەدى. ول تىلشىگە بىلاي دەدى: قوعامدا 200گە تارتا مۇشە بار، ”جۇڭگو ءتىلى قىزعىندىلىعىنىڭ“، ”جۇڭگو مادەنيەتى قىزعىندىلىعىنىڭ“ قازاقستاندا ۇزدىكسىز ورلەۋىنە ىلەسە، قوعام جۇڭگو ءان - ءبيى، ءدامدى تاعام، شاي ونەرى سياقتى مادەنيەتتى ايگىلەيتىن ”جۇڭگو مادەنيەتى كۇنى“ قيمىلىن ۇيىمداستىرىپ، جەرگىلىكتى حالىقتىڭ ايرىقشا قارسى الۋىنا بولەندى.
”جۇڭگو مەن قازاقستان جاقسى كورشى، ءبىز ءتۇرلى قيمىلدار ارقىلى ەكى ەل حالقى اراسىنداعى تۇسىنىكتى تەرەڭدەتكىمىز كەلەدى“، - دەدى زاميريا.
تۋىس تۋىسىم جاقسى بولسىن دەيدى، كورشى كورشىم جاقسى بولسىن دەيدى. ”ءبىر بەلدەۋ، ءبىر جولدى“ بىرگە قۇرۋ ەكى ەل حالقىنىڭ ءداستۇرلى دوستىعىنا، ءوزارا سەنىمدىلىگىنە جاڭا داۋىرلىك ءمان ۇستەدى. قازاقستانمەن ىرگەلەس كورشى بولىپ جاتقان جۇڭگو شينجياڭىنىڭ اس - سۋ، سالت - سانا، ادەت - عۇرىپ سياقتى جاقتارىندا قازاقستانمەن كوپتەگەن جاقىندىقتارى بار، ەكى جەردىڭ حالىق تىلەگىنىڭ توعىسۋىن جەبەۋدە تىپتەن باسىمدىققا يە.
جۇرەككە بويلاعان جۇڭگو − قازاقستان دوستىعى ۇزاققا جالعاسادى.
9 - ايدىڭ 14 - كۇنى الماتى شيان شيڭحاي داڭعىلىندا بايىرعى مىس رەڭدى شيان شيڭحاي ەسكەرتكىشى جىم - جىرت بوي كوتەرىپ، جۇڭگو مەن قازاقستاننىڭ دوستىق اسەرلى اڭگىمەلەرىن ءۇنسىز بايانداۋدا، ساياحاتشىلار ءالسىن - ءالى كەلىپ ەكسكۋرسيالاپ، سۋرەتكە ءتۇسىپ جاتىر. 2019 - جىلى شينجياڭ تيانشان كينو ستۋدياسىنىڭ رەجيسسەرى شەرزات ياقۇپ رەجيسسەرلىك ەتكەن جۇڭگو − قازاقستان بىرلەسىپ تۇسىرگەن فيلم «كومپوزيتور» قويىلىپ، جۇڭگو مەن قازاقستان ەكى ەلدە كينو كورۋ ورلەۋى كوتەرىلدى. ”مەن «كومپوزيتوردى» كورىپ قاتتى اسەرلەندىم. ەسكەرتكىشكە جازىلعانداي جۇڭگو − قازاقستان دوستىعىن ۇرپاقتان - ۇرپاققا جالعاستىرۋدى ءۇمىت ەتەمىن“، - دەدى وسى ارادان ءوتىپ بارا جاتقان الماتى قالاسىنىڭ تۇرعىنى ايدانا.
سوڭعى جىلدارى جۇڭگو − قازاقىستان مادەنيەت اۋىس - كۇيىسى جۇرت جۇرەگىنە تەرەڭ ۇيالادى. بيىل 7 - ايدا 6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالىندا قازاقستان سالتانات مەملەكەتتىك ءبي ۇيىرمەسى شينجياڭ حالىق تەاترحاناسىندا «باي مەكەن» اتتى تارتىمدى ءان - ءبي ساۋىق كەشىن وتكىزدى. ”ءبىز ءبيدى دانەكەر ەتىپ، ىنتىماق پەن دوستىق الا كەلدىك“، - دەدى جۇڭگوعا ءۇش رەت كەلگەن ءبي ارتيسى ءمومىنباي يمىر.
ۆيزاسىز مامىلە ساياساتىنىڭ اتقارىلۋىنا ىلەسە، جۇڭگو − قازاقىستان ەكى ەلدىڭ ادامدارىنىڭ بارىس - كەلىسى ءتىپتى دە قويۋلاسا ءتۇستى. بيىل 4 - ايدىڭ 19 - كۇنى ”ءجۇز ۇيىرمە، مىڭ ادامنىڭ ورتا ازيانى ساياحاتتاۋىنىڭ“ العاشقى ۇيىرمەسى ۇرىمجىدەن اتتانىپ، 36 ساياحاتشى قازاقستان ساپارىن باستادى. قازىر ”شينجياڭ + قازاقستان“ شينجياڭنىڭ، اۋەلى، ەل ىشىندەگى باسقا ولكەدەگى ساياحاتشىلاردىڭ شەكارادان شىعىپ ساياحاتتاۋىنداعى العاشقى تالعامىنا اينالدى.
بۇل عانا ەمەس، سوڭعى جىلدارى جۇڭگو − قازاقستان ەكى ەل جاستارىنىڭ اۋىس - كۇيىس قيمىلدارى دا ۇزدىكسىز وتكىزىلدى. نازاربايەۆ داشۋەسىندەگى 200 وقىتۋشى - وقۋشى جۇڭگوعا كەلىپ جازدىق لاگەرگە قاتىناسۋ قيمىلى، 2023 - جىلعى ”بولاشاق كوپىرى“ جۇڭگو − ورتا ازيا جاس باسشىلارىنىڭ ءبىلىم ءوسىرۋ اۋىس - كۇيىس لاگەرى قيمىلى، جۇڭگو − قازاقستان كۇرەس حالىقارالىق جاستار اۋىس - كۇيىس جارىسى سياقتىلار ەكى ەلدىڭ جاستارىنا كوز ايانى كەڭەيتىپ، وي ءورىستى اشۋ ورايىن ازىرلەپ قالماستان، ولاردىڭ ”ءبىر بەلدەۋ، ءبىر جولدى“ بىرگە قۇرۋدىڭ ماڭىزدى ءمانىن تۇسىنۋىنە، جۇڭگو − قازاقستان دوستىق ىستەرىنە ات سالىسۋىنا، ويداعىداي دوستىق ەلشىسى بولۋىنا مۇمكىندىك جاسادى.
بولاشاقتا جۇڭگو مەن قازاقستان ءوزارا مادەنيەت ورتالىقتارىن سالادى، قازاقستان ءداستۇرلى مەديتسينا ورتالىعى مەن لۋبان شەبەرحاناسىن قۇرادى، ەكى ەلدىڭ گۋمانيتارلىق ىستەردەگى سەلبەستىك قادامى بارعان سايىن كەڭەيىپ، حالىقتاردىڭ دوستىق نەگىزى بارعان سايىن بەكەمدەلەدى.
”ءبىر بەلدەۋ، ءبىر جولدى“ بىرگە قۇرۋ جولىندا، جۇڭگو − قازاقستان تاعدىرلاس ورتاق تۇلعاسىن قۇرۋ ۇردىسىندە، جاڭا ”التىن 30 جىلدا“ جۇڭگو − قازاقستان ەكى ەل حالقى، ءسوز جوق، قول ۇستاسا نيەتتەس بولىپ، بولاشاققا بىرگە اتتانادى!
