قوس جۇدىرىعىمەن جۇڭگو كۇشىن ايگىلەدى!
شينجياڭنىڭ قۇرىش ازاماتى توقتاربەك ازيا سپورت جارىسىندا التىن مەدال الدى
انار بۇلت \ شينجياڭ گازەتىنىڭ تىلشىلەرى رىن جياڭ، دۇڭ لياڭ 10 - ايدىڭ 5 - كۇنى حاڭجوۋدان حابارلايدى. 10 - ايدىڭ 5 - كۇنى ساعات 20دان 57 مينۋت وتكەندە تورەشى جارىس ناتيجەسىن جاريالاۋدان بۇرىن، حاڭجوۋ دەنە تاربيە سارايىندا ءدۇرس - ءدۇرس ەتكەن مۋزيكا داۋىسى بەينە جۇرەك سوعىسىنداي ەستىلدى، بۇكىل مايدانداعى كورەرمەندەر جىم - جىرتتىققا شومىپ، بارلىق جانار شارشى الاڭعا تىگىلدى. تورەشى جۇڭگو بوكسشىسى توقتاربەك تاڭاتقاننىڭ قولىن جوعارى كوتەرگەندە، بۇكىل الاڭ اپساتتە قىزۋ ورلەۋگە كوتەرىلىپ، الاقايلاعان ءۇن الاڭدى كەرنەدى.
سول كۇنى كەشتە حاڭجوۋ ازيا سپورت جارىسىنىڭ ەرلەر بوكس دوداسىنىڭ 80 كيلوگرامدىق شەشۋشى جارىسىندا شينجياڭنىڭ التايىنان كەلگەن جۇڭگو ساڭلاعى توقتاربەك 0: 5 ۇپايمەن قارسىلاسىن باسىپ ءتۇسىپ، التىن مەدالدى ەرلىكپەن جەڭىپ الدى. بۇل − شينجياڭ بوكسىنىڭ ازيا سپورت جارىسىندا قول جەتكىزگەن ەڭ تاماشا ناتيجەسى.
توقتاربەكتىڭ شەشۋشى جارىستاعى قارسىلاسى فيليپپندىك يۋمار فريكس ماشيار كەزىندە توكيو وليمپيادا جارىسىنىڭ 75 كيلوگرامدىق جارىسىندا قولا مەدال العان. سول كۇنى كەشكى شەشۋشى جارىستا توقتاربەك العاشقى بەلدەسۋدە بەلسەنە ىرىقتى شابۋىلعا ءوتىپ، ۇزدىكسىز قۇرساق بولىمىنە شابۋىلداۋمەن قارسى جاقتىڭ قورعانىس نازارىن اۋدارىپ، تاعى قۇرامالى سوققى ارقىلى قارسى جاقتىڭ باس بولىمىنە شابۋىلدادى. بىردەن ىرىقتىلىققا يە بولعان ول ءبىر رەتكى قورعانىستا اعاتتىق جىبەرىپ، تاجىريبەسى مول يۋمار شەگىنە قورعانۋ بارىسىندا وڭ قولىمەن ونىڭ باسىن جۇدىرىقتاپ، العاشقى بەلدەسۋدە جەڭىلىپ قالدى.
تاعى ءبىر بەلدەسۋدە توقتاربەك بار كۇشىن سالىپ، قۇرامالى سوققىمەن قارسىلاسىن باس كوتەرتپەي سوققىلادى. اقىرى ءبىر مينۋت 35 سەكۋندتا ول قارسى جاقتىڭ باسىن ۇزدىكسىز سوققىلاعاندىقتان، تورەشى جارىستى توقتاتىپ، يۋماردىڭ سەكۋندىن سانادى. ەكى جاق ءبىر - ءبىر رەت جەڭىپ، شەشۋشى جەڭىس بەلدەسۋىنە كىردى.
ەڭ سوڭعى بەلدەسۋدە توقتاربەكتىڭ سوققىسى بۇرىنعىداي كۇشتى بولماعانىمەن، ءوزىن ەركىن سەزىنگەن ونىڭ اياعى اناعۇرلىم يكەمدى بولىپ، سوققىلاۋ ورايىن مىقتى يگەرۋمەن بىرگە، قارسىلاسىنىڭ قارسى شابۋىلىن دا وڭاي تويتاردى. اقىرى توقتاربەك 0: 5 ۇپايمەن قارسىلاسىن ويسىراتا جەڭىپ، التىن مەدالعا يە بولدى.
”شەشۋشى جارىستا ەڭ قيىنى العاشقى بەلدەسۋ. قارسىلاسىڭ كۇش جۇمساۋدى ويلايدى، تۇگەلدەي سالماقتى جۇدىرىق، الايدا بۇنىڭ بارلىعى جاتتىقتىرۋشىنىڭ ويلاعانىمەن بىردەي شىعادى. العاشقى بەلدەسۋدەن وتكەن سوڭ، سوڭىندا بارعان سايىن ءساتتى بولىپ، ءوز ريتىمىمە ءتۇستىم“. جارىستان كەيىن ءتىلشىنىڭ سۇحباتىن قابىلداعاندا، توقتاربەك وسىلاي دەدى. ونىڭ سول جاق قاباعىندا ەكى ميلليمەتر كەلەتىن جارا بار، سول جاق كوزى ىسكەن، بۇل الدىڭعى تورتكە كىرۋ شەشۋشى جارىسىندا قالعان جاراقات. وسى قۇرىش ازامات جارالانا ءجۇرىپ قارسىلاستارىن ويسىراتىپ، سوڭىندا التىن مەدالعا يە بولدى.
”وسى رەتكى ازيا سپورت جارىسىندا توقتاربەكتىڭ بەينەسى ءبىرشاما جاقسى بولدى، كەيبىر قيىنشىلىقتارعا جولىققانىمەن، الايدا ءبارىن ءساتتى جەڭىپ شىقتى“. جۇڭگو بوكس اترەتى جاتتىقتىرۋشىلار گرۋپپاسىنىڭ مۇشەسى، اۆتونوميالى رايوندىق دەنە تاربيە مەكەمەسى بوكس سپورتىن باسقارۋ ورتالىعىنىڭ مەڭگەرۋشىسى ابدۇشۇكۇر ميجيت بىلاي دەدى: توقتاربەك پاريج وليمپيادا سپورت جارىسىنا قاتىناسۋ تولىمدىلىعىنا يە بولدى، ءبىز تاباندىلىلىقپەن ماشىقتانىپ، جارىسقا مۇقيات دايىندالىپ، وتانعا داڭق اپەرىپ، شينجياڭنىڭ ابىرويىن اسىرامىز.
