جۇڭگو مەن قىرعىزستان ”ءبىر بەلدەۋ، ءبىر جولدىڭ“ كەمەلدى نازىك سىزباسىن بىرگە كەسكىندەدى
□ انار بۇلت \ شينجياڭ گازەتىنىڭ تىلشىلەرى لي حۋا، ليۋ شياڭ، حي حۇڭۋي
قىرعىزستاننىڭ استاناسى بىشكەك قالاسىندا ۇنەمى سوناۋ الىستاعى كوك تىرەگەن تيانشان تاۋلارىنا كوزىڭىز تۇسكەنىن اڭداماي دا قالاسىز.
ەرتەدە بۇل اراداعى قىرعىزدار تۇلپارعا ءمىنىپ، تەرى بۇيىمدارىن بوكتەرىپ، تيانشان تاۋ سىلەمىن بويلاي شىعىستى بەتكە الىپ، چاڭ - انعا جەتكەن. قايتارىندا ولار ادەمى جىبەك جانە فارفور ىدىستاردى الىپ قايتۋمەن بىرگە، اعالى - ىنىلەردەي شىنايى دوستىق سۇيىسپەنشىلىككە دە كەنەلگەن.
بايىرعى مەن قازىرگىنى توعىستىرىپ، شار تاراپتى شارلادى. بايىرعى جىبەك جولى ىلگەرىدە وسى مەكەنگە وراي مەن گۇلدەنۋ الا كەلگەن، ال ”ءبىر بەلدەۋ، ءبىر جولدى“ بىرگە قۇرۋ بۇگىنگى قىرعىزستان حالقىنا وسى باستاما الا كەلگەن ءوزارا تيىمدىلىك جەتكىزىپ، قاتار ءومىر ءسۇرۋدى سەزىندىردى.
قوس باعىتتا العا ۇمتىلىپ، دامۋدى بىرگە اقىلداستى
9 - ايدىڭ 21 - كۇنى جاڭبىر توقتاپ، كۇن شايداي اشىلدى. بىشكەك قالا رايونىنىڭ باتىسىنداعى ءبىر كوشەدە كۇن نۇرى جاپىراقتار اراسىنان توگىلىپ، جۇرگىنشىلەر ارلى - بەرلى قايشالىستى.
ۇلكەن كوشەنىڭ شىعىس جاق باسىندا دىڭ شياۋپيڭنىڭ ناقىشتى باس ءمۇسىن ەسكەرتكىشى قاسقايىپ تۇر. بۇل قىرعىزستاننىڭ ايگىلى ”دىڭ شياۋپيڭ كوشەسى“.
كوشەنىڭ ۇزىندىعى نەبارى 5. 3 كيلومەتر عانا بولعانىمەن، جەرگىلىكتى ادامدار ونى ”بايىرعى جىبەك جولىنىڭ“ جالعاسىنا بالايدى. ”رەفورما جاساۋ، ەسىك اشۋ جۇڭگونى باي دا قۇدىرەتتى ەتتى، ول قىرعىزستاننىڭ دا ۇشقان قۇستاي دامىعان جۇڭگو سياقتى كوركەم بولاشاققا يە بولاتىندىعىن اڭعارتادى“ دەستى كوشە بويىنداعى جۇرت.
بەيبىتشىلىك جانە دامۋ كەزەكتەگى ءار ەل حالقىنىڭ ورتاق ۇمتىلىسى، جۇڭگونىڭ دامۋ جولى اناعۇرلىم كوپ ەلدىڭ تۇراقتاندىرۋى مەن قۇرمەتىنە يە بولدى.
جاڭا داۋىرگە قادام تاستاعاندا، ”ءبىر بەلدەۋ، ءبىر جولدى“ بىرگە قۇرۋ جۇڭگونىڭ جاڭا دامۋى ارقىلى دۇنيە جۇزىنە جاڭا وراي ازىرلەپ بەردى. قىرعىزستان ”ءبىر بەلدەۋ، ءبىر جولدى“ بىرگە قۇرۋدى ەڭ ەرتە قولداعان جانە وعان ات سالىسقان ەلدەردىڭ ءبىرى.
2022 - جىلى ءتوراعا شي جينپيڭ قىرعىزستاننىڭ زۇڭتۇڭى جاپاروۆپەن 2 رەت كەزدەسىپ، جۇڭگو − قىرعىزستان قارىم - قاتىناسى جانە ەكى ەلدىڭ ءار سالاداعى سەلبەستىگى جونىندە ماڭىزدى ورتاق تانىمعا كەلىپ، ەكى ەل قارىم - قاتىناسىنىڭ دامۋىنا قۋاتتى قوزعاۋشى كۇش ۇستەدى.
بيىل 5 - ايدا مەملەكەت ءتوراعاسى شي جينپيڭ شي - اندا جۇڭگوعا جۇڭگو − ورتا ازيا باسشىلار ماجىلىسىنە قاتىناسۋعا ءارى مەملەكەتتىك ساپاردا بولۋعا كەلگەن قىرعىزستاننىڭ زۇڭتۇڭى جاپاروۆپەن كەڭەس وتكىزدى. ەكى ەلدىڭ مەملەكەت باسشىسى جۇڭگو − قىرعىزستان قارىم - قاتىناسى دەڭگەيىن جاڭا داۋىردەگى جان - جاقتى ستراتەگيالىق سەرىكتەستىك قارىم - قاتىناسقا كوتەرەتىندىكتەرىن جاريالادى.
”ءبىر بەلدەۋ، ءبىر جولدى“ بىرگە قۇرۋ ەكى ەلدىڭ شىن ىقىلاسپەن ”قوس باعىتتا العا ۇمتىلۋىن“ جۇزەگە اسىردى.
”جۇڭگو مەن قىرعىزستاننىڭ ’ءبىر بەلدەۋ، ءبىر جولدى‘ بىرگە قۇرۋىنىڭ ۇزدىكسىز تەرەڭدەۋى، ناقتىلانۋى شينجياڭعا جاڭا وراي الا كەلدى“. جۇڭگونىڭ قىرعىزستاندا تۇراتىن باس ەلشىسى دۋ دىۋىن مىنالاردى ءبىلدىردى: شينجياڭ جۇڭگونىڭ باتىسقا ەسىك اشۋداعى ماڭىزدى قاقپاسى جانە جىبەك جولى ەكونوميكالىق بەلدەۋىنىڭ وزەكتى رايونى، قىرعىزستانمەن ىرگەلەس، جۇڭگونىڭ قىرعىزستانمەن، اۋەلى، ورتا ازيا وڭىرىمەن جان - جاقتى سەلبەستىگىن تەرەڭدەتۋدە ساياسات، وڭىرلىك ورىن، گۋمانيتارلىق ىستەر، بايلىق سياقتىلاردا وزگەشە باسىمدىققا يە.
قولايلى ساتتەن پايدالانىپ العا ۇمتىلدى، ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمدى تياناقتاندىرۋدى بەلسەنە ىلگەرىلەتىپ، ەكى جاقتى قارىم - قاتىناستى دامىتۋعا جاڭا مازمۇن قوسۋ − شينجياڭنىڭ بۇلتارتپاس بورىشى −
بيىل 3 - ايدا اۆتونوميالى رايوندىق پارتكومنىڭ شۋجيى ما شيڭرۇي جۇڭگو شينجياڭ دوستىق اۋىس - كۇيىس ساپارلاۋ ۇيىرمەسىن باستاپ قىرعىزستانعا ساپارلاي بارىپ، جەرگىلىكتى ورىندار اراسىنداعى ارالاسۋدى، بارىس - كەلىستى ۇزدىكسىز كۇشەيتىپ، سەلبەستىك مەحانيزمىن كەمەلدەندىرىپ، ەكونوميكا - ساۋدا، نەگىزدىك قۇرىلعى، عىلىم جانە وقۋ - اعارتۋ، گۋمانيتارلىق ىستەر، حاۋىپسىزدىك سياقتى سالالارداعى اۋىس - كۇيىس، سەلبەستىك دەڭگەيىن جوعارىلاتتى ءارى ءبىرسىپىرا سەلبەستىك حۇجاتتارى جونىندە كەلىسىم جاساستى.
8 - ايدا قىرعىزستان زۇڭليى ا . جاپاروۆ شينجياڭعا ساپارلاي كەلدى ءارى 2023 - جىلعى (جۇڭگو) ازيا − ەۆروپا تاۋار ساۋدا كورمەسىنە قاتىناسىپ، جۇڭگو شينجياڭىنىڭ قىرعىزستاننىڭ جەرگىلىكتى ورىندارىمەن ارا ءار سالاداعى اۋىس - كۇيىستى، سەلبەستىكتى تەرەڭدەتۋ جونىندە ىشكەرىلەي پىكىرلەستى، ەكى جاق تاعى دا ءبىرسىپىرا سەلبەستىك حۇجاتتارى جونىندە كەلىسىم جاساستى؛ سول ايدا جۇڭگو (شينجياڭ) − قىرعىزستان ساۋدا تانىستىرۋ ءماجىلىسى ۇرىمجىدە وتكىزىلىپ، ەكى جاق ۇكىمەت قۇرىلىمدارى، ساۋدا قوعامدارى، كاسىپورىنشىلار قاتارلىلار تانىستىرۋ اۋىس - كۇيىسىن ورىستەتىپ، جيىنى 29 نىسان سەلبەستىگى كەلىسىمى جونىندە كەلىسىم جاساسىپ، كەلىسىم جاساسۋ سوماسى شامامەن ءبىر ميلليارد دوللار بولدى.
تياناقتى تۇردە قول ۇستاسا العا تارتتى
”بايىرعى جىبەك جولىندا كەرۋەن قوڭىراۋى سىڭعىرلاپ، تەرىستىك تۇلپارلارىنىڭ كىسىنەۋىنەن تاڭ، حان سالتاناتى اڭعارىلادى“. بۇل بايىرعى جىبەك جولىنىڭ شىنايى بەينەسى. بۇگىنگى كۇندە تولتىرا زات تيەگەن كەزەكشى پويەزدەر نەمەسە اۋىر جۇك اۆتوكولىكتەرى ەۆروپا − ازيا قۇرلىعىندا زاۋلاپ، ”ءبىر بەلدەۋ، ءبىر جولدىڭ“ جاندى دا جالىندى بەينەسىنىڭ ۋاكىلدىك بەلگىسىنە اينالدى.
نەگىزدىك قۇرىلعىلاردى تۇتاستىرۋ ”ءبىر بەلدەۋ، ءبىر جولدى“ بىرگە قۇرۋدىڭ شەشۋشى سالاسى جانە وزەكتى مازمۇنى.
شينجياڭنىڭ قاشقارىنان جولعا شىعىپ، ەركەشتام شەكارا وتكەلى ارقىلى قىرعىزستان شەكاراسىنا كىرەتىن جۇڭگو − قىرعىزستان − وزبەكستان تاس جولى الاي تاۋ شاتقالىندا يرەلەڭدەي سوزىلىپ، وش ارقىلى وزبەكستانعا كىرىپ، ەڭ سوڭىندا تاشكەنتكە جەتىپ، بيىك تاۋلاردان اسىپ، ىركىلىسسىز حالىقارالىق تاسىمالدىڭ كۇرە تامىرىنا اينالدى.
سالىنىپ بولىپ كولىك قاتىناعان 5 جىلدان استام ۋاقىتتان بەرى جۇڭگو − قىرعىزستان − وزبەكستان تاس جولى جەلى بويىنداعى مەملەكەتتەر مەن جۇرتقا ناقتى قولايلىلىقتار مەن تيىمدىلىكتەردى اكەلدى.
ەركەشتام شەكارا وتكەلىندە جاڭا ەنەرگيالى اۆتوكولىك ەكسپورتىنىڭ ۇزدىكسىز ارتۋىنا وراي، مالشى مۇسا بۇرقان قاتتى قاربالاستىققا ءتۇستى. كەدەننەن ءوتۋدى كۇتىپ تۇرعان جاڭا كولىكتەر كوپ، ونىڭ ۇستىنە كەدەننەن ءوتۋ ۋاقىتى شەكتى بولعاندىقتان، مۇسا سياقتى ”شوفەرلەردىڭ“ اۆتوكولىكتەردىڭ كەدەننەن شىعۋ ءتارتىبىن سايكەستىرۋىنە تۋرا كەلەدى.
شىعىستا ەركەشتام شەكارا وتكەلىنەن اتتانىپ، باتىسقا قاراي ءجۇرىپ، قىرعىزستاننىڭ وش وبلىسىنىڭ شەكاراسىنان وتكەندە، ورىسشا ”سارتاري“ دەپ اتالاتىن قىستاق بار، جۇڭگو − قىرعىزستان − وزبەكستان تاس جولىندا كولىك قاتىناعاننان كەيىن بۇل اراداعى ادامداردىڭ تۇرمىسى بارىنشا جاقساردى.
”بۇرىن جاسالعان تاس جولدار اۋىر دارەجەدە ءبۇلىنىپ، قىستاقتاردىڭ دا كۇننەن - كۇنگە كەتەۋى كەتتى“، - دەدى قىستاقتاعى اقساقال نۇرسۇلتان، - جۇڭگو سەرىكتەستىگى بىزگە كومەكتەسىپ جولدارىمىزدى جوندەپ بەردى، اۋىلدان كەتىپ قالعان كوپتەگەن جاستار قايتىپ كەلدى، قىستاقتىڭ ومىرشەڭدىگى بىرتىندەپ قالپىنا كەلۋدە.
جۇڭگو شينجياڭىنىڭ كاسىپورنى − ەرەكشە ترانسفورماتور جارنا شەكتى سەرىكتەستىگى مىندەتىنە الىپ سالعان داتقا - كەمين ەلەكتر جەتكىزۋ، كەرنەۋ وزگەرتۋ ينجەنەرياسىن جەرگىلىكتى ادامدار”عاسىرلىق ينجەنەريا“، ”باقىت ينجەنەرياسى“ دەپ اتايدى. بۇل اتاقتى شينجياڭدىق ساۋداگەر سۋ فىڭيىڭ اتى زاتىنا لايىق دەپ قارايدى.
قىرعىزستاندا سۋ، ەلەكتر بايلىعى مول بولعانىمەن، وڭتۇستىگى مەن سولتۇستىگىندە بىركەلكى ەمەس، اسىرەسە، سولتۇستىك بولىگىندەگى وڭىرلەر ەلەكتر تاپشىلىعىنىڭ تاۋقىمەتىن ابدەن تارتۋدا. ”وسى اراعا العاش كەلگەنىمدە ەلەكتر ۇنەمى توقتاپ قالۋشى ەدى، وتە - موتە، قىس كۇندەرى ەلەكتردى تەجەۋ ۇنەمى كەزىگەتىن ءىس ەدى“، - دەدى سۋ فىڭيىڭ ەسكە الىپ.
ەلەكتردىڭ تاپشىلىعى جەرگىلىكتى حالىقتى مازالاعان ”ەسكىلىكتى، ۇلكەن، قيىن“ ماسەلە بولىپ عانا قويماي، قىرعىزستاننىڭ ەكونوميكالىق، قوعامدىق دامۋىنا دا تۇساۋ بولدى.
ەرەكشە ترانسفورماتور سەرىكتەستىگى 3 جىل ۋاقىتپەن وسى ينجەنەريانى اياقتاتىپ، قىرعىزستان ءۇشىن وڭتۇستىك پەن سولتۇستىكتى تۇتاستىراتىن ءبىر تۇتاس ەلەكتر تورىن ورناتىپ، جەرگىلىكتى ورىننىڭ ەلەكتر قۋاتى نەگىزدىك قۇرىلعىلارىنىڭ مەشەۋ قالعان جاعدايىن بارىنشا جاقسارتتى.
سۋ فىڭيىڭنىڭ ساۋداسى دا كۇننەن - كۇنگە جاقساردى. ول تۇراتىن بىشكەك جۇڭحاي بازارىندا جۇڭگودان يمپورت ەتىلگەن تاۋارلار كوزدىڭ جاۋىن الادى، بۇل جەرگىلىكتى حالىقتىڭ تۇتىنۋ قاجەتىن جاقسارتتى.
جۇڭگو ۇزاق ۋاقىتتان بەرى قىرعىزستاننىڭ ءبىرىنشى ۇلكەن ساۋدا سەرىگى جانە ءبىرىنشى ۇلكەن يمپورت قاينارى ەلى ورنىن ساقتاپ كەلەدى، باستان - اياق قىرعىزستانداعى شەتەل ساۋداگەرلەرىنىڭ قارجى قوسۋىنىڭ باستى قاينار ەلى ەسەپتەلەدى.
تولىقسىز ساناققا قاراعاندا، جۇڭگو كاسىپورىندارى قىرعىزستاننان دەربەس قارجى قوسقان نەمەسە بىرلەسىپ قارجى قوسقان 700گە تارتا كاسىپورىن قۇرعان، بۇلار كەن بايلىقتارىن اشۋ، مۇناي - گاز مانەرلەۋ، نەگىزدىك قۇرىلعىلار قۇرىلىسى، قۇرىلىس ماتەريالدارى سياقتى سالالاردى قامتيدى، بۇعان كوپتەگەن شينجياڭ كاسىپورنى دا قاتىسىپ، جەرگىلىكتى ورىننىڭ سالىق كىرىسىن ارتتىرىپ، قىرۋار جۇمىستانۋ ورنىن جاراتىپ، تاماشا ەكونوميكالىق جانە قوعامدىق ونىمدىلىككە قول جەتكىزگەن.
جەرگىلىكتى ورىنداعى حۋارىندارمەن جانە جۇرتشىلىقپەن اڭگىمەلەسكەندە، كوپشىلىك ۋادەلەسىپ العانداي بىلاي دەدى: ”ءبىر بەلدەۋ، ءبىر جول“ باستاماسى قىرعىزستانعا ناقتى پايدا الا كەلدى، نەگىزدىك قۇرىلعىلار قۇرىلىسى، جۇڭگو كاسىپورىندارىنىڭ قارجى قوسۋى سياقتى جاقتارداعى بەينەسى ەرەكشە كورنەكتى بولدى.
حالىق تىلەگى توعىسىپ، مەيىرگە تولدى
”مەملەكەتتەر ارا قارىم - قاتىناس حالىقتاردىڭ ەتەنە باۋىرلاستىعىندا، حالىقتاردىڭ ەتەنە باۋىرلاستىعى جۇرەكتەردىڭ توعىسىۋىندا“. حالىق تىلەگىنىڭ توعىسۋى ”ءبىر بەلدەۋ، ءبىر جولدى“ بىرگە قۇرۋدىڭ قوعامدىق نەگىزى، ەڭ نەگىزگى، ەڭ بەرىك، ەڭ باياندى ۇلاستىرۋ، تۇتاستىرۋ.
9 - ايدىڭ 19 - كۇنى تاڭ سارىدە شينجياڭ داشۋەسى حالىقارالىق مادەنيەت اۋىس - كۇيىسى شۋەيۋانىنىڭ ورىنباسار باستىعى لياڭ يان ۇشاققا وتىرىپ ۇرىمجىدەن بىشكەككە اتتاندى. ونىڭ سومكەسىندە شينجياڭ داشۋەسى حانزۋ ءتىلى كاسىبىنە قابىلداۋ حابارلاندىرۋى بار بولاتىن.
”ءسىزدىڭ شينجياڭ داشۋەسىنە بارىپ جۇڭگو ءتىلى ءبىلىمىن تولىقتىرۋىڭىزدى قارسى الامىز“. سول كۇنى تۇستەن كەيىن لياڭ يان قابىلداۋ حابارلاندىرۋىن بىشكەك مەملەكەتتىك داشۋەسى كۇڭزى شۋەيۋانىنىڭ وقۋشىسى سايدەن ۇلى وماتتىڭ قولىنا ۇستاتقاندا، جاس جىگىت تەبىرەنگەن كوڭىل كۇيىن جاسىرا المادى.
”وسى بىرنەشە جىلدا قىرعىزستانداعى جۇڭگو قارجىلاندىرعان كاسىپورىندار بارعان سايىن كوبەيىپ، جەر - جەردە جاپا - تارماعاي قارجى قوسىپ زاۆود سالدى، - دەدى سايدەن ۇلى، - ىشكەرىلەي ءبىلىم اسىرۋ تالعامىن جاساۋىما ءتىل قابىلەتىمدى قۇلشىنا جوعارىلاتىپ، الدا اناعۇرلىم كوپ جۇمىستانۋ ورايىنا يە بولۋ سەبەپ بولدى“.
”شينجياڭ داشۋەسى مەن شينجياڭ شىفان داشۋەسى قىرعىزستانداعى جوعارى مەكتەپتەرمەن بىرگە 4 كۇڭزى شۋەيۋانىن جانە 21 كۇڭزى ساباقحاناسىن قۇردى، ماڭداي الدى مەكتەپتەردىڭ ءبارى دەرلىك جۇڭگو ءتىلى ساباعىن اشتى“. لياڭ يان بىلاي دەدى: قازىرگى جاعدايدان قاراعاندا، ”ءبىر بەلدەۋ، ءبىر جولدى“ بىرگە قۇراتىن مەملەكەتتەردەن كۇڭزى شۋەيۋانى مەن كۇڭزى ساباقحاناسىن قۇرۋدىڭ ءارى مۇنى جەرگىلىكتى ورىننىڭ وقۋ - اعارتۋ جۇيەسىنە سايكەستىرۋدىڭ ونىمدىلىگى جاقسى بولعان.
شينجياڭداعى قىرعىز ۇلتى مەن قىرعىزستانداعى قىرعىز ۇلتى تامىرلاس، قاينارلاس. مىڭداعان جىلدار بۇرىن، جىبەك جولىنداعى باتىرلىق ەپوس «ماناستى» ولار بىرگە جىرلادى.
قازىر ”ءبىر بەلدەۋ، ءبىر جولدى“ بىرگە قۇرۋدا، ەكى جاقتىڭ مادەنيەت اۋىس - كۇيىسى ۇتىمدى ساتتە العا ىلگەرىلەپ، «ماناس» جاڭا تىرشىلىك تىنىسىن جانە ومىرشەڭدىك كۇشىن قاۋلاتتى.
2022 - جىلى ون نەشە جىل ۋاقىت جۇمسالعان، 8 ءبولىم، 18 توم، 230 مىڭ جولدان استام، 20 ميلليون ارىپتەن استام تۇراتىن «ماناستىڭ» حانزۋ تىلىنە تولىق اۋدارىلعان نۇسقاسى تۇڭعىش رەت تاراتىلدى. «ماناستىڭ» حانزۋ تىلىنە تولىق اۋدارىلعان نۇسقاسىنىڭ باستى قۇراستىرۋشىسى رەتىندە، قىزىلسۋ قىرعىز اۆتونوميالى وبلىستىق حالىق ۇكىمەتىنىڭ مادەنيەت اقىلشىسى حى جيحۇڭ قىرۋار كۇش - قۋات جۇمسادى.
”«ماناس» جۇڭگو − قىرعىزستان ەكى ەلدىڭ ورتاق رۋحاني بايلىعى جانە جىبەك جولى مادەنيەتىنىڭ اسىلى، بىرگە قورعاۋىمىزدى، جالعاستىرۋىمىزدى قاجەت ەتەدى، ءوزارا ۇيرەنۋ، سەلبەسۋ، اۋىس - كۇيىس جاساسۋ ارقىلى ەكى ەل حالقىنىڭ اراسىندا جۇرەكتەردى توعىستىراتىن دوستىق كوپىرىن سالدىق“، - دەدى ول، - جۇڭگو − قىرعىزستان ەكى ەل قارىم - قاتىناسىنىڭ ۇزدىكسىز تىڭ ساتىعا قادام تاستاۋىنا ساي، ماناس حيكاياسى مەن رۋحى بەيبىتشىلىكتى، دوستىقتى قىزۋ سۇيەتىن اناعۇرلىم كوپ قايراتكەر ارقىلى كەڭىنەن تارالاتىن بولادى.
”سالاماتتى جىبەك جولى“ ”ءبىر بەلدەۋ، ءبىر جول“ باستاماسىنىڭ ماڭىزدى قۇرامداس بولىگى. 9 - ايدىڭ 16 - كۇنى ”سالاماتتىق جۇردەك پويەزىنىڭ قىرعىزستانداعى شۇعىلالى ساپارى“ بىشكەكتە رەسمي باستالدى. بەيجيڭ داشۋەسى حالىق شيپاحاناسى مەن اۆتونوميالى رايوندىق حالىق شيپاحاناسىنىڭ ماماندارىنان ۇيىمداسقان 2 ەمدەۋ اترەتى كوزىن شەل باسقان 600 ناۋقاستىڭ كورۋ قۋاتىن قالپىنا كەلتىرۋ وپەراتسياسىن تەگىن جاسادى.
”جۇڭگو شيپاگەرلەرىنە راقىمەت، مەنىڭ كوزىمدى ەمدەپ جازدى“، - دەدى وپەراتسيادان كەيىن ناۋقاس تالانت مۇتاليبوۆ جاڭا ومىرگە قول جەتكىزگەندەي بولىپ. ول: ”سالاماتتىق جۇردەك پويەزىنىڭ قىرعىزستانداعى شۇعىلالى ساپارى“ ماعان جارىقتى قايتا سيلاۋمەن بىرگە، ماعان قىرعىزستان − جۇڭگو ەكى ەل ۇكىمەتىنىڭ، كوز اۋرۋلارى ماماندارىنىڭ وسى ارەكەت ءۇشىن ىستەگەن قۇلشىنىستارىن، قىرعىزستان − جۇڭگو قارىم - قاتىناسىنىڭ تىعىز دامىعاندىعىن كورسەتتى، - دەدى.
”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعاندىعىنىڭ 10 جىلدىعىندا، جۇڭگو − قىرعىزستان ەكى ەل شينجياڭدى كۇش سالۋ ءتۇيىنى ەتىپ، ەكونوميكا، مادەنيەت، وقۋ - اعارتۋ، ەمدەۋ سياقتى سالالاردا كوپ ءتۇرلى فورماداعى سەلبەستىك جاساسۋ نىساندارىن ورىستەتكەندىكتەن، ”ءبىر بەلدەۋ، ءبىر جولدىڭ“ ەل رايى نەگىزى ۇزدىكسىز بەكەمدەلدى.
10 جىل بوران - شاشىندى باستان وتكەرىپ، سۇبەلى جەتىستىكتەرگە قول جەتكىزدى، بۇل اناعۇرلىم كەڭ دامۋ بولاشاعىن اڭعارتادى. جۇڭگو مەن قىرعىزستاننىڭ قول ۇستاسىپ، ”ءبىر بەلدەۋ، ءبىر جولدى“ جوعارى ساپالى قۇرۋداعى ”نازىك سىزباسىن“ بىرگە كەسكىندەيتىن قالامى، ءسوز جوق، اناعۇرلىم كەمەلدى، قۋاتتى بولادى.
