انار بۇلت \ شينجياڭ گازەتىنىڭ ءتىلشىسى ياۋ گاڭ 10 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، 3 - جاق سەرىكتەستىكتىڭ تەكسەرۋ ساناعىنا قاراعاندا، جۇڭچيۋ، مەملەكەت مەرەكەسى دەمالىسى كەزىندە بۇكىل رايونىمىز جيىنى 15 ميلليون 110 مىڭ 800 ساياحاتشى (رەت) قابىلداعان، سالىستىرمالى ولشەم بويىنشا بۇل 2019 - جىلعى مەملەكەت مەرەكەسى دەمالىسىنداعىدان ％61. 9 ارتقان؛ ساياحات كىرىسى 20 ميلليارد 911 ميلليون يۋانعا جەتىپ، سالىستىرمالى ولشەم بويىنشا 2019 - جىلعى مەملەكەت مەرەكەسى دەمالىسىنداعىدان ％86. 7 ارتقان.
بۇكىل رايونىمىزدا جەر - جەر ءتۇرلى ادەبيەت - كوركەمونەر كونسەرتى، بۇقارالىق مادەنيەت قيمىلى، بەيزاتتىق مادەنيەت قيمىلى سىندى قيمىلداردان جيىنى 2782 رەت وتكىزىپ، قالا تۇرعىندارىنان، ساياحاتشىلاردان 3 ميلليون 930 مىڭ ادام (رەت) يگىلىكتەنىپ، ”الىستان اڭساپ كەلەتىن، قوناق يەسى مەن ساياحاتشى تەڭ يگىلىككە كەنەلەتىن“ تاماشا تۇرمىس جۇلگەسى قالىپتاستى.
مادەنيەت مۇراجايى قيمىلدارىنىڭ قىزۋ ورلەۋى كوتەرىلدى. ءار دارەجەلى مادەنيەت مۇراجايى الاڭ - سارايلارىندا مادەنيەت ارقىلى حالىققا تيىمدىلىك جاساۋ جەلىلەس قيمىلدارى وتكىزىلدى، قالا تۇرعىندارىمەن، ساياحاتشىلارمەن جۇڭچيۋدى قۋانا قارسى الىپ، مەملەكەت مەرەكەسىن شات مەرەيمەن تويلادى. اۆتونوميالى رايوندىق كىتاپحانا ”گۇلدەنگەن داۋىردەگى مەملەكەت مەرەكەسىندە كىتاپ وقۋ، كوركەم تۇرمىستان ءلاززاتتانۋ“ اتىنداعى 2023 - جىلعى مەملەكەت مەرەكەسى كۋايشان ەرىكتىلەر قيمىلىن وتكىزدى. اۆتونوميالى رايوندىق مادەنيەت سارايى ءۇرىمجى قالاسىمەن تيانشان ميڭيۋەچىڭدا 2023 - جىلعى جۇڭچيۋدا 10 مىڭ ادامدىق ايدى تاماشالاۋ مادەنيەت قيمىلىن وتكىزدى. قۇمىل قالالىق كىتاپحانا ”جۇڭچيۋدا وقىمىستىلار توپتالۋ · تولعان ايدى بىرگە تاماشالاۋ − كىتاپحانا جۇڭچيۋ سەرۋەنىن“ ورىستەتتى. ”مۇراجاي حيكىمەتتى كەشى“ تارتىمدى قويىلىمى ءۇرىمجى قالالىق مۇراجايدا قويىلدى. حوتان ايماقتىق مۇراجايدا ”بەس جۇلدىز شىعىستان كوتەرىلسە، جۇڭگوعا قۇت − حوتان تاريح، مادەنيەت كورمەسىن“ ۇزدىكسىز كورمەلەدى ءارى دەمالىس كەزىندە ۇستەمە تۇراقتى ۋاقىت ورنالاستىرىپ تۇسىنىك جاسادى.
مەملەكەت سالت - ساناسى، مەملەكەت سلوبى تىڭ بەينەمەن كوزگە ءتۇستى. باعراش كولى داحىكوۋ كورىنىس ءوڭىرى ”مەملەكەت مەرەكەسىن قارسى الۋ، جۇڭچيۋدى قۇتتىقتاۋ“ مەملەكەت سالت - ساناسىن ايگىلەۋ كونسەرتىن وتكىزدى. ءۇرىمجى شيانلاي شياۋجىن ”شيانلاي نانشان ساياحاتى، حان، تاڭ داۋىرىنە ساپار“، ”مەملەكەت سالت - ساناسىنىڭ اتاعىن اسپانداتۋ ماۋسىمى“ مەملەكەت سالت - ساناسى حانفۋ شوۋىن قۇماردان شىققانشا تاماشالاۋ، ”جاڭاشا ۇلگىدەگى ويىندار جوعارى، جاڭا تەحنيكالىق كاسىپ سالالارىن اشۋ رايونىندا، مەملەكەت سالت - ساناسى، ەجەلگى سلوپ ساياحاتى“ دا ۇرىمجىدە ءبىر ۋاقىتتا وتكىزىلدى. قۇمىل ”جۇڭگو قىزىلىن“ كەستەلەۋ DIY سەزىنۋ قيمىلىن وتكىزىپ، كەستەلەۋ فورماسىنان پايدالانىپ جۇڭگو قاريتاسىن كەسكىندەپ شىعىپ، جاڭا جۇڭگو قۇرىلعاندىعىنىڭ 74 جىلدىعىن قۇتتىقتادى.
شىت جاڭا كورمەلەر، قويىلىمدار ۇسىنىلدى. تۇڭعىش كەزەكتى شينجياڭ حالىقارالىق ساياحات فوتو سۋرەت جينالىسى جانە ”شينجياڭ جاقسى جەر“ ساياحات فوتو سۋرەت كورمەسى شينجياڭ اسەمونەر سارايىندا كورسەتىلدى؛ كوكتوعاي حالىقارالىق شاڭعى الاڭى 10 - ايدىڭ 1 - كۇنى رەسمي اشىلىپ، مەملەكەت مەرەكەسىندەگى قار - مۇز سالتاناتىنىڭ شىمىلدىعى اشىلدى؛ بۇكىل ەلدەگى تۇڭعىش تاس جول تاقىرىبىنداعى ناقتى كورىنىس الىنعان فيلم «مايتاۋ − كۇشار اسپان جولىنىڭ» تۇڭعىش قويىلىمى مايتاۋدا سالتاناتپەن وتكىزىلدى؛ تۇڭعىش كەزەكتى مەملەكەت سالت - ساناسى شىراق كوركەمونەر كورمەسى ءۇرىمجى امايلۇڭ قيال - شات باقشاسىندا جارقىراپ جۇرت كوزىنە ءتۇستى؛ شينجياڭداعى تۇڭعىش كەزەكتى حالىق ونەرپازدارىنىڭ ونەر كورسەتۋى شايار اۋدانىندا باستالدى؛ تۇڭعىش كەزەكتى دالادا تۇنەۋ مەرەكەسى ”جۇلدىزدى اسپاندى سەرىك ەتىپ، تابيعاتپەن جاناسۋ“ موڭعۇلكۇرە اۋدانىندا وتكىزىلىپ، بۇقارا مەن ساياحاتشىلاردىڭ مەرەكەدەگى مادەني تۇرمىسىن بارىنشا بايىتتى.
مادەنيەت - ساياحات ارقىلى حالىققا تيىمدىلىك جاساۋ شارالارى ساياحاتشىلاردى باۋراپ، ونىمدىلىكتى ارتتىرۋعا جەبەۋشى بولدى. تۇتاس شينجياڭنىڭ جەر - جەرى دەمالىستاعى مادەنيەت - ساياحات تۇتىنۋ تەرەزەلىك مەزگىلىن مىقتى يگەردى، كورىنىس وڭىرلەرى، الاڭ - ساراي، كوڭىل اشۋ ورىندارى ىركەس - تىركەس اقىسىز بولۋ، جارتى باعادا بولۋ، ارزانداتۋ فورماسىنداعى الۋان ءتۇرلى ساياحاتتا تيىمدىلىك ساياساتىنان 94ىن جولعا قويىپ، مادەنيەت - ساياحات تۇتىنۋىنداعى كومەسكى قۋاتتى ۇزدىكسىز جارىققا شىعاردى.
مادەنيەتتى ساياحاتتاۋ سالتقا اينالدى. تەكسەرۋ ناتيجەسىندە كورسەتىلۋىنشە، جۇڭچيۋ، مەملەكەت مەرەكەسى دەمالىسى كەزىندە بۇكىل رايوننىڭ ساياحات جونىنەن قىزمەت وتەۋ ساپاسىنىڭ جالپى دەڭگەيى ءبىرشاما جوعارى بولىپ، ساياحاتشىلاردىڭ جالپىلىق جاقتان ساياحاتتاۋدى سەزىنۋى ءبىرشاما جاقسى بولىپ، ％59. 99 ساياحاتشى شينجياڭ ساپارىنا ءدان ريزا بولعاندىعىن بىلدىرگەن. ساياحاتشىلار كورىنىس رايونى (كورىنىس ءوڭىرى)، الەۋمەتتىك قىزمەت وتەۋ سىندى جاقتارعا تۇگەلدەي جوعارى باعا بەرىپ، ريزا بولۋ دارەجەسى جەكە - جەكە ％07. 99كە، ％24. 98كە جەتكەن.
