− حاڭجوۋ ازيا سپورت جارىسىندا جۇڭگو دەنە تاربيە ۋاكىلدەر ۇيىرمەسىندەگى شينجياڭ ساڭلاقتارى تاماشا ناتيجە جاراتتى
□ انار بۇلت \ شينجياڭ گازەتىنىڭ ءتىلشىسى دۇڭ لياڭ
2 التىن، 3 كۇمىس، 3 قولا مەدال! 8 ادام جارىسقا قاتىناسىپ، تۇگەلدەي مەدال الىپ، سيلىق مىنبەسىنە شىقتى. بۇل جۇڭگو دەنە تاربيە ۋاكىلدەر ۇيىرمەسىندەگى شينجياڭ ساڭلاقتارىنىڭ حاڭجوۋ ازيا سپورت جارىسىندا تاپسىرعان تاماشا جاۋاپناماسى.
بۇل ناتيجە كەزەكتى ازيا سپورت جارىستارىنىڭ ىشىندە شينجياڭ سپورتشىلارى ەڭ كوپ مەدال الىپ، ەڭ ۇزدىك ناتيجەگە قول جەتكىزگەن ءبىر كەزەك. شينجياڭ دەنە تاربيە ساڭلاقتارىنىڭ جان قيارلىق رۋحى جۇرتتى شابىتتاندىرىپ، رايونىمىزدىڭ باسەكەلىك دەنە تاربيەسىنىڭ قارىشتاپ دامىعان، دەڭگەيى ۇزدىكسىز جوعارىلاعان كەلىستى كەلبەتىن شوعىرلى ايگىلەدى.
”وسى كەزەكتى ازيا سپورت جارىسىندا جۇڭگو دەنە تاربيە ۋاكىلدەر ۇيىرمەسىندەگى شينجياڭ سپورتشىلارى تاماشا ناتيجەگە قول جەتكىزىپ، وتان ءۇشىن داڭق اپەرۋ، شينجياڭنىڭ ابىرويىن اسىرۋ نىساناسىن جۇزەگە اسىردى“. اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى شاڭ حۇڭبو مىنالاردى ءبىلدىردى: بۇل اۆتونوميالى رايوندىق پارتكوم مەن ۇكىمەتتىڭ دەنە تاربيە ىستەرىنە ايرىقشا ءمان بەرگەندىگى مەن نازار اۋدارعاندىعىنىڭ ارقاسىندا، بۇكىل شينجياڭداعى ءار ۇلت حالقىنىڭ قولداعاندىعىنىڭ ارقاسىندا، سونداي - اق شينجياڭنىڭ تاياۋ جىلداردان بەرى باسەكەلىك دەنە تاربيەنى دامىتۋ بارىسىندا باسقارۋدى قاتايتىپ، عىلمي جاتتىعۋ جۇرگىزگەندىگىنىڭ ارقاسىندا، ونان دا ماڭىزدىسى، شينجياڭ سپورتشىلارىنىڭ قايراتتانا سايىسۋىنىڭ ارقاسىندا قولعا كەلگەن قوماقتى تابىس.
تاريحي سيپاتتى ناتيجەنى جۇزەگە اسىردى
حاڭجوۋ ازيا سپورت جارىسىندا مەملەكەتتىك كوماندا اتىنان سايىسقا تۇسكەن 8 شينجياڭدىق ساڭلاق جەكە - جەكە قايراڭ ۆولەيبولى، ات ونەرى، ساداق اتۋ، بوكس، كۇرەس، جەڭىل اتلەتيكا جانە باسكەتبول جارىستارىنا قاتىناستى، بۇنىڭ بارلىعى رايونىمىزدىڭ باسەكەلىك دەنە تاربيەسىندەگى باسىمدىققا يە تۇرلەر. ولار مەدالعا يە بولۋمەن بىرگە، تاريحي سيپاتتى ناتيجەنى دە جۇزەگە اسىردى.
شيا شين - ي ايەلدەردىڭ قايراڭ ۆولەيبول جارىسىندا التىن مەدال الدى، بۇل ونىڭ ءۇرتىس 3 كەزەك ازيا سپورت جارىسىنىڭ اعا جۇلدەگەرلىگىن ارت - ارتىنان قانجىعاعا بايلاۋى، جۇڭگو ايەلدەر قايراڭ ۆولەيبول تۇرىندە ”ءۇرتىس 6 رەت اعا جۇلدەگەرلىكتى“ الۋعا دا سەپتىگىن تيگىزدى.
توقتاربەك تاڭاتقان ەرلەر بوكسىنىڭ 80 كيلوگرامدىق جارىسىندا التىن مەدال الىپ، شينجياڭ دەنە تاربيە ساڭلاقتارىنىڭ ازيا سپورت جارىسىنىڭ بوكىس تۇرىندە التىن مەدال الا الماۋ جاعدايىن وزگەرتتى.
ابدۇحالىقجان ءمۇتالىپ ەرلەردىڭ قايراڭ ۆولەيبول جارىسىندا كۇمىس مەدال الدى، ان چيشۋان ايەلدەردىڭ ساداق اتۋ توپتىق جارىسىندا كۇمىس مەدال الدى، ابدۇعاني تۇرعۇن ەرلەردىڭ دەسكى جارىسىندا قولا مەدال الدى، ولار وزدەرىنىڭ ەڭ جاقسى ناتيجەسىنە قول جەتكىزۋمەن بىرگە، وسى تۇرلەردەن شينجياڭ دەنە تاربيە ساڭلاقتارىنىڭ ازيا سپورت جارىسىنا قاتىناسۋداعى ەڭ جاقسى ناتيجەسىن دە جاڭالادى. لان چاۋ ات ونەرى تۇرىندە ءبىر كۇمىس مەدال الىپ، رايونىمىزدىڭ ات ونەرى تۇرىندە ازيا سپورت جارىسىنا قاتىناسۋداعى ەڭ جاقسى ناتيجەسىمەن تەڭەستى.
وسى ناتيجەلەردىڭ قولعا كەلۋى شينجياڭنىڭ وسى تۇرلەردەگى باسىمدىقتى ۇزدىكسىز ساقتاپ جانە بەكەمدەپ، شينجياڭنىڭ باسەكەلىك دەنە تاربيەسىنىڭ جوعارى ساپالى دامۋ ارناسىنا تۇسۋىنە بەرىك نەگىز قالاعاندىعىن ايگىلەدى.
وتان داڭقىن بارىنەن جوعارى قويدى
تاريحي سيپاتتى ناتيجە جاراتقان تابىستارعا قول جەتكىزۋ − ”باسقارۋدى قاتايتۋ، عىلمي جاتتىعۋ جۇرگىزۋ، جان قيارلىقپەن سايىسۋ“ سىندى شينجياڭنىڭ دەنە تاربيە كەلبەتىنىڭ شوعىرلى بەينەلەنۋى. سوڭعى جىلدارى شينجياڭنىڭ باسەكەلىك دەنە تاربيە ىستەرىن دامىتۋ بارىسىندا، جان قيارلىقپەن سايىسۋ رۋحى ءارقايسى سپورت كوماندالارىنىڭ جاتتىعۋىنا ءسىڭىپ، ”وتان داڭقىن بارىنەن جوعارى قويۋ“ سىندى كوماندا باسقارۋ ماقساتى جۇرت جۇرەگىنە تەرەڭ ۇيالادى.
ناتيجەگە قول جەتكىزۋدى ءارقايسى جاتتىعۋ قوسىنىنىڭ ارتىنداعى قامتاماسىزداندىرۋ ۇجىمىنىڭ ەڭبەك ەتۋىنەن بولە قاراۋعا بولمايدى. اۆتونوميالى رايوندىق دەنە تاربيە مەكەمەسى عىلىم - تەحنيكالىق دەم بەرۋگە، عىلمي جاتتىعۋ جۇرگىزۋگە ءمان بەرىپ، باسەكەلىك دەنە تاربيەگە جوعارى عىلىم - تەحنيكامەن جەتەكشىلىك ەتتى. ەل ىشىندەگى ۇزدىك دەنە قۋاتى جەتەكشىلەرىن، دەنساۋلىعىن قالپىنا كەلتىرۋ جەتەكشىلەرى، پسيحولوگيالىق كەڭەس بەرۋشىلەر جانە تەحنيكالىق تالداۋ جاساۋشىلار سياقتىلاردى ۇسىنىس ەتىپ، سپورتشىلاردىڭ تەحنيكالىق، تاكتيكالىق ادىسىنە، ءالسىز بۋىندارىنا تۇجىرىم جاساپ، تالداۋ جاساپ، سپورتشىلاردىڭ قورەكتىك قابىلداۋىن ۇيلەسىمدى سايكەستىرىپ، سپورتشىلاردىڭ جاتتىعۋدا، جارىستاردا جاراقاتتانۋىنىڭ، ناۋقاستانۋىنىڭ الدىن الىپ، سپورتشىلاردىڭ ۇزدىك ناتيجەگە قول جەتكىزۋىنە كەپىلدىك ەتتى.
ناتيجەگە قول جەتكىزۋ شينجياڭ دەنە تاربيەسىنىڭ اشىق، سيىسىمدى كەلبەتىن ايگىلەدى. ”شاقىرىپ اكەلۋ، سىرتقا شىعارۋ“ ءتاسىلى بويىنشا سىرتپەن قارىم - قاتىناس، اۋىس - كۇيىس جاساۋ جاعىندا بەلسەنە ىزدەنىس جاساپ، جاعراپيالىق باسىمدىقتان پايدالانىپ، ورتا ازيا ەلدەرىمەن بولعان دەنە سالماعى بويىنشا باسەگە ءتۇسۋ، ءۇش ۇلكەن دوپ سياقتى تۇرلەردە سەلبەستىك جانە اۋىس - كۇيىس جاساپ، ارتىقشىلىعىن قابىلداپ، ولقىلىعىن تولىقتاپ، بىرگە جوعارىلاپ، شينجياڭ دەنە تاربيە ساڭلاقتارىنىڭ حالىقارالىق، ەل ءىشى جارىس الاڭدارىندا تاماشا ناتيجەلەرگە قول جەتكىزۋىنە بەرىك نەگىز قالادى.
ناتيجەگە قول جەتكىزۋدە رايونىمىزداعى ۇلتتاردىڭ دەنە تاربيە ارقىلى ارالاسۋىنىڭ، ىشتەسۋىنىڭ، توعىسۋىنىڭ ءىس جۇزىندىك ونىمدىلىگى شوعىرلى تۇردە ايگىلەندى. 8 شينجياڭدىق دەنە تاربيە ساڭلاعى 4 ۇلتتان قۇرالعان، ولاردىڭ جارىس الاڭىندا ساپتاستارىمەن ءبىر نيەتپەن ىنتىماقتاسىپ، جان قيارلىقپەن سايىسىپ، ەرلىكپەن بىرىنشىلىككە تالاسقان تاماشا بەينەلەرى جۇرتتى جەلپىندىردى.
اياق الىستى توقتاتپاي بەلەستەرگە تالپىندى
حاڭجوۋ ازيا سپورت جارىسىنىڭ شىمىلدىعى جابىلدى، ءبىراق شينجياڭنىڭ دەنە تاربيە ساڭلاقتارى ۇزدىكسىز كۇرەس جاساعان اياق الىسىن توقتاتپايدى. قازىر پاريج وليمپيادا سپورت جارىسىنا نەبارى 9 اي عانا ۋاقىت قالدى.
شيا شين - ي مەن ابدۇحالىقجان ازيا سپورت جارىسىنداعى بەلدەسۋىن اياقتاتقاننان كەيىن، دەرەۋ تايلاندقا بارىپ، سول جەردە وتكىزىلەتىن قايراڭ ۆولەيبول حالىقارالىق ارالامالى جارىسىنا قاتىناسىپ، پاريج وليمپيادا سپورت جارىسىنا قاتىناسۋ تولىمدىلىعىنا ءنومىر جينايدى. باسقا سپورتشىلار قىسقا ۋاقىت دەمالىپ، رەتتەلگەننەن كەيىن، ءارقايسى تۇرلەردەگى مەملەكەتتىك كوماندالارىنا قايتىپ كەلىپ، وليمپيادا سپورت جارىسىنا اتويلاۋ دايىندىق قىزمەتىن باستايدى.
”دايىندىق اناعۇرلىم تولىق بولۋدى، تەحنيكالىق، تاكتيكالىق ءادىس اناعۇرلىم جان - جاقتى بولۋدى قاجەت ەتەدى، سوندا عانا وليمپيادا سپورت جارىسىندا ءتىپتى دە جاقسى ناتيجەلەرگە قول جەتكىزۋگە بولادى“، - دەدى جۇڭگو بوكس كومانداسىنىڭ جاتتىقتىرۋشىسى، اۆتونوميالى رايوندىق دەنە تاربيە مەكەمەسى بوكس سپورتىن باسقارۋ ورتالىعىنىڭ مەڭگەرۋشىسى ابدۇشكۇر ميجيت.
”شينجياڭ دەنە تاربيە ساڭلاقتارىنىڭ داندايسىماي، كۇش ۇستىنە كۇش قوسىپ، پاريج وليمپيادا سپورت جارىسىنا دايىندالۋ قىزمەتتەرىن ۇزدىكسىز ويداعىداي ىستەپ، ءتىپتى دە كوپ جاڭا ناتيجەلەرگە قول جەتكىزۋىن ءۇمىت ەتەمىن“. شاڭ حۇڭبو: شينجياڭنىڭ دەنە تاربيەسىندە بولاشاقتا ءتىپتى دە كوپ قىزمەتتەر ىستەلەتىندىگىن ءبىلدىردى.
اۆتونوميالى رايوندىق دەنە تاربيە مەكەمەسى رايونىمىزدىڭ ءتۇيىندى باسىمدىققا يە تۇرلەرىن، جوعارى دەڭگەيدەگى زاپاس دارىندىلاردى تاڭداپ ءوسىرۋدى جانە باۋلۋدى ءبىر تۇتاس جوسپارلاپ، ويداعىداي ىستەپ، جاستاردى جاتتىقتىرۋ جۇيەسىن ويداعىداي قۇرىپ، ءتۇيىندى كاسىپتەن سىرتقى دەنە تاربيە مەكتەپتەرىنىڭ، ءداستۇرلى دەنە تاربيە ەرەكشە مەكتەپتەرىنىڭ نەگىزدى ورنىقتىرۋ، ءتۇبىردى بەكەمدەۋ، ۇزاق بولاشاققا تيىمدىلىك جاساۋ رولىن تولىق ساۋلەلەندىرەدى. نازاردى دەنە تاربيەدە قۋاتتى رايون قۇرۋ نىساناسىنا شوعىرلاندىرىپ، تاڭداۋلى زاپاس دارىندىلاردى قامتاماسىز ەتۋ تەبىنىن ارتتىرىپ، رايونىمىزداعى ءار ۇلت سپورتشىلارىن، جاتتىقتىرۋشىلارىن قاجىرلىلىقپەن جاتتىعۋعا، جان قيارلىقپەن سايىسۋعا، ”جەڭىسكە جەتۋ“ جاعىندا قاجىرلىلىقپەن كۇش سالۋعا، رايونىمىزدىڭ باسەكەلىك دەنە تاربيەسىنىڭ جالپىلىق ناقتى قۋاتى مەن وتانعا داڭق اپەرۋ قابىلەتىن اناعۇرلىم جوعارىلاتۋعا ىنتالاندىرادى.
”بۇكىل مەملەكەت بويىنشا جۇمىلاتىن جاڭاشا ءتۇزىلىستىڭ“ باسىمدىعىن ساۋلەلەندىرىپ، رايونىمىزداعى ءتۇيىندى باسىمدىققا يە تۇرلەرگە مەڭزەس، كوپتەگەن جاتتىقتىرۋشىلار گرۋپپاسىن قۇرىپ، تۇرلەردىڭ توپتىق باسىمدىعىن قالىپتاستىرۋ كەرەك. دەنە تاربيە كومانداسى مادەنيەت قۇرىلىسىن كۇشەيتىپ، مادەنيەت اقىل - پاراساتىن تىرەك، مادەنيەت ءمانىن كۇش - قۋات، مادەنيەت اۋىس - كۇيىسىن شارا ەتىپ، كوپ ۇلت ساڭلاقتارىنان ۇيىمداسقان، قارىشتاپ العا باسقان دەنە تاربيە كومانداسىن قۇرۋ كەرەك. ”عىلىم - تەحنيكا ارقىلى دەم بەرۋ ارەكەت جوسپارىن“ اتقارىپ، عىلىم - تەحنيكا مەن سپورتتىق جاتتىعۋدىڭ ىشكەرىلەي توعىسۋىن ىلگەرىلەتىپ، ەل ىشىندە بىرەگەي ”جاتتىعۋ، عىلىم - تەحنيكا، ەمدەۋ، وقىتۋ، قىزمەت وتەۋ“ ءبىر تۇلعالانعان جوعارى دەڭگەيلى عىلمي جاتتىعۋ بازاسىن قۇرىپ، عىلىم - تەحنيكالىق قۋات ونىمدىلىگىن جوعارىلاتىپ، جاتتىعۋدى، جارىسقا قاتىناسۋدى زەردەلىلەندىرۋ دەڭگەيىن جوعارىلاتۋ كەرەك.
بۇدان سىرت، رايونىمىزدىڭ قار - مۇز سپورتىن ۇزدىكسىز دامىتىپ، قار - مۇز ساياحاتىن جەتەكتەپ، قار - مۇز ايگىلى ماركا جارىس ىستەرىن تۇلعالاپ، تاكلاماكاندى اينالۋ راللي جارىسى، ورتا ازياداعى 5 ەلدى ۇسىنىس ەتۋ جارىسى، ”شينجياڭعا كومەكتەسۋ ساۋىتى“ فۋتبول ۇسىنىس جارىسى سياقتى ايگىلى ماركا جارىستارىن ۇزدىكسىز وتكىزىپ، جارىستى جەتەكشى ەتىپ، رايونىمىزدىڭ ەكونوميكالىق، قوعامدىق دامۋىنا تىڭ ومىرشەڭدىك كۇش ۇستەۋ كەرەك.
