− مەملەكەتتىك ۇگىت، يدەيا، مادەنيەت قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
□ حالىق گازەتىنىڭ شولۋشىسى
بارلىق ۇلى اماليات عىلمي نازاريانىڭ دۇرىس جەتەكشىلىگىن قاجەت ەتەدى. ۇگىت، يدەيا، مادەنيەت قىزمەتى پارتيانىڭ بولاشاعى مەن تاعدىرىنا سايادى، مەملەكەتتىڭ باياندى تىنىشتىعىنا سايادى، ۇلتتىڭ ۇيىسۋ قۋاتى مەن باۋراۋ قۋاتىنا سايادى، ءسوز جوق، عىلمي نازاريانى جەتەكشى ەتىپ، نازاريالىق وي جۇگىرتۋدى كۇشەيتىپ، پارتيانىڭ جاڭا داۋىردەگى مادەنيەت قۇرىلىسى جونىندەگى يدەيالىق، نازاريالىق جەتىستىكتەرىن ويداعىداي قورىتىندىلاپ، ونان ويداعىداي پايدالانىپ، جاڭا ءداۋىردىڭ جاڭا جورىعىنداعى ۇگىت، يدەيا، مادەنيەت قىزمەتىنە اناعۇرلىم ويداعىداي جەتەكشىلىك ەتۋ كەرەك.
تاياۋدا باس شۋجي شي جينپيڭ ۇگىت، يدەيا، مادەنيەت قىزمەتى جونىندە ماڭىزدى نۇسقاۋ بەردى. باس شۋجي شي جينپيڭ جالپى جاعداي جانە ستراتەگيالىق تۇرعىدان پارتيانىڭ 18 - قۇرىلتايىنان بەرگى ۇگىت، يدەيا، مادەنيەت ىستەرىندە قول جەتكەن تاريحي تابىستاردى تولىق تۇراقتاندىرىپ، ۇگىت، يدەيا، مادەنيەت قىزمەتىنىڭ ماڭىزدى ورنى مەن رولىن تەرەڭ بايىمداپ، پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، جاڭا مادەنيەت بورىشىن ارقالاۋ، جاڭا ءداۋىردىڭ جاڭا جورىعىنداعى ۇگىت، يدەيا، مادەنيەت قىزمەتىن ويداعىداي ىستەۋ جونىندە ايقىن تالاپتار قويدى. باس شۋجي شي جينپيڭنىڭ ماڭىزدى نۇسقاۋى بيىكتە تۇرىپ الىستى بولجاعان، ەگجەي - تەگجەيلى، تەرەڭ ءارى اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، ۇگىت، يدەيا، مادەنيەت قىزمەتىن اناعۇرلىم ويداعىداي ىستەۋگە ايقىن بەتالىس كورسەتىپ بەردى.
10 - ايدىڭ 7 - كۇنىنەن 8 - كۇنىنە دەيىن، مەملەكەتتىك ۇگىت، يدەيا، مادەنيەت قىزمەتى ءماجىلىسى بەيجيڭدە اشىلدى. بۇل پارتيا ورتالىق كوميتەتى اشۋدى ۇيعارعان ءبىر رەتكى ماڭىزدى ءماجىلىس. وسى رەتكى ءماجىلىستىڭ ەڭ ماڭىزدى تابىسى − شي جينپيڭنىڭ مادەنيەت يدەياسىنىڭ رەسمي العا قويىلۋى جانە جۇيەلى بايىمدالۋى، بۇل پارتيانىڭ ۇگىت، يدەيا، مادەنيەت ىستەرىنىڭ دامۋ تاريحىندا بەلەستىك مانگە يە.
مادەنيەت كوركەيسە، ەل كوركەيەدى، مادەنيەت كۇشەيسە، ۇلت كۇشەيەدى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇگىت، يدەيا، مادەنيەت قىزمەتىن ەل باسقارۋدا ماڭىزدى ورىنعا قويىپ، ۇگىت، يدەيا، مادەنيەت قىزمەتى جونىندە ءبىر قىدىرۋ كەلەلى شەشىمدەر مەن ورنالاستىرۋلار جاساپ، يدەولوگيا سالاسىنىڭ جاعدايىندا جالپى جاعدايلىق، ءتۇبىرلى بۇرىلىس تۋىلۋىن ىلگەرىلەتتى. جاڭا داۋىردەگى پارتيانىڭ جاسامپاز نازارياسى جۇرت جۇرەگىنە تەرەڭ ۇيالاپ، سوتسياليستىك وزەكتى قۇن كوزقاراسى كەڭىنەن تارالىپ، جۇڭحۋانىڭ تاڭداۋلى ءداستۇرلى مادەنيەتى جاسامپازدىقپەن كادەگە جاراتىلىپ، جاڭالىق اشا دامۋ ۇزدىكسىز ىلگەرىلەتىلىپ، مادەنيەت ىستەرى مەن مادەنيەت كاسىپ سالاسى كۇن سايىن گۇلدەنىپ، ينتەرنەت ەكولوگياسى ۇزدىكسىز جاقساردى، بۇكىل پارتيانىڭ، بۇكىل ەلدەگى ءار ۇلت حالقىنىڭ مادەنيەت سەنىمى كورنەكتى كۇشەيىپ، رۋحاني بەت - بەينەسى اناعۇرلىم جىگەرلى، جالىندى بولا ءتۇستى، اناعۇرلىم كۇشتى تاريحي سانالىلىق پەن ىرىقتىلىق رۋحتى قاۋلاتىپ، جاڭا داۋىردەگى جۇڭگونىڭ دامۋ ۇلى تاريحىن ەسەلەگەن سەنىممەن جازدى. پارتيا 18 - قۇرىلتايىنان بەرى ۇگىت، يدەيا، مادەنيەت قىزمەتىنىڭ تاريحي تابىسقا قول جەتكىزۋىنىڭ ەڭ ءتۇبىرلى نەگىزى باس شۋجي شي جينپيڭنىڭ جول باستاپ، رول ۇستاۋى بولعاندىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىعىندا.
تۋ ۇستاپ، باعدار بەلگىلەپ، جوسپار - جوبا، ورنالاستىرۋ جاسادى، توركىنىن تۇزەپ، قاينارىن تازالاپ، تۋراشىلدىقتان اينىماي جاڭالىق اشتى، باس شۋجي شي جينپيڭ دۇنيە ءجۇزى كولەمىندەگى يدەيا مەن مادەنيەتتىڭ ءوزارا اسەر كورسەتۋىن، ەلىمىز قوعامىنىڭ يدەيالىق كوزقاراسىندا تەرەڭ وزگەرىس بولۋ بەتالىسىن دۇرىس يگەرىپ، ءبىر قىدىرۋ جاڭا يدەيانى، جاڭا كوزقاراستى، جاڭا تۇجىرىمدى العا قويدى. جاڭا داۋىردەن بەرى ۇگىت، يدەيا، مادەنيەت قىزمەتىن ارقاۋ ەتە وتىرىپ، پارتيا ورتالىق كوميتەتى اشقان ماجىلىستەردىڭ ءجيى بولۋى، جاسالعان شەشىمدەردىڭ، ورنالاستىرۋلاردىڭ جان - جاقتى بولۋى، باس شۋجي شي جينپيڭنىڭ بايىمداۋلارىنىڭ باي دا جۇيەلى، تەرەڭ دە مول بولۋى پارتيا تاريحىندا كوپ كەزدەسە بەرمەيدى. باس شۋجي شي جينپيڭ مەملەكەتتىك ۇگىت، يدەيا قىزمەتى ماجىلىسىنە ىلگەرىندى - كەيىندى 2 رەت قاتىناسىپ، ادەبيەت - كوركەمونەر قىزمەتى، پارتيانىڭ اقپاراتتىق جۇرتشىلىق پىكىرى قىزمەتى، ينتەرنەت حاۋىپسىزدىگى جانە ينفورماتسيالاندىرۋ قىزمەتى، فيلوسوفيا - قوعامدىق عىلىم قىزمەتى، جوعارى مەكتەپتەردىڭ يدەيالىق - ساياسي قىزمەتى، مادەنيەتتى جالعاستىرۋ، دامىتۋ سياقتىلار جونىندە ماجىلىستەردى باسقارىپ اشتى ءارى ءبىر قىدىرۋ ماڭىزدى ءسوز سويلەدى، تالاي رەت ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن، ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، ۇگىت، يدەيا، مادەنيەت قىزمەتىنىڭ رەفورماسى مەن دامۋى جاعىنداعى ءبىرسىپىرا جوبالار مەن جوسپارلاردى قاراپ ماقۇلدادى، جەر - جەردە ءتۇرلى مادەنيەتتى جالعاستىرۋ، دامىتۋ نىساندارىن تەكسەردى ءارى ءبىرسىپىرا تالاپتاردى العا قويدى، كوپتەگەن كەلەلى حالىقارالىق ورىنداردا الەمدىك مادەنيەت، وركەنيەت دامۋى جانە اۋىس - كۇيىس جاساۋ، ءوزارا ۇلگى الۋ جونىندە ءبىر قىدىرۋ جۇڭگو تۇرعىسىن، جۇڭگو جوباسىن بايىمدادى. 2018 - جىلى 8 - ايداعى مەملەكەتتىك ۇگىت، يدەيا قىزمەتى ماجىلىسىندە باس شۋجي شي جينپيڭ ”توعىز تاباندى بولۋ“ ارقىلى پارتيامىزدىڭ ۇگىت، يدەيا قىزمەتى جونىندەگى زاڭدىلىق سيپاتتى تانىمىن جوعارى دەڭگەيدە جيناقتادى؛ بيىل 6 - ايداعى مادەنيەتتى جالعاستىرۋ، دامىتۋ اڭگىمە ماجىلىسىندە مادەنيەت قۇرىلىسى جاعىنداعى ”ون ءتورت دارىپتەمەنى“ ايقىنداپ، پارتيانىڭ مادەنيەتكە باسشىلىق ەتۋ ۇقىعىنا تاباندى بولۋ، ”ەكى ۇشتاستىرۋدى“ تەرەڭ ءتۇسىنۋ، جاڭا مادەنيەت بورىشىن ارقالاۋ سياقتى كەلەلى جاڭالىق اشۋ كوزقاراسىن ايقىن ورتاعا قويدى، جۇڭحۋا ۇلتىنىڭ وسى زامانعى وركەنيەتىن كوركەيتۋ كەلەلى مىندەتىن ورتاعا قويدى؛ باس شۋجي شي جينپيڭنىڭ وسى رەتكى ماڭىزدى نۇسقاۋى ءارى ۇگىت، يدەيا، مادەنيەت قىزمەتىنە ”جەتىگە كۇش سالۋ“ تالابىن قويدى. باس شۋجي شي جينپيڭنىڭ جاڭا داۋىردەگى مادەنيەت قۇرىلىسى جاعىنداعى جاڭا يدەيا، جاڭا كوزقاراس، جاڭا تۇجىرىمدارىنىڭ مازمۇنى توتەنشە باي، بايىمداۋى توتەنشە تەرەڭ، جاڭا داۋىردەگى پارتيانىڭ مادەنيەت قۇرىلىسىنا باسشىلىق ەتۋدەگى امالياتتىق تاجىريبەلەردىڭ نازاريالىق قورىتىندىسى، ول ماركستىك مادەنيەت نازارياسىن بايىتتى جانە دامىتتى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ مادەنيەت تاراۋىن تۇلعالاپ، شي جينپيڭنىڭ مادەنيەت يدەياسىن قالىپتاستىردى.
شي جينپيڭنىڭ مادەنيەت يدەياسىندا مادەنيەت نازارياسى مەن كوزقاراسى جاعىنداعى جاسامپازدىق تا، تابىس تا بار، مادەنيەت قىزمەتىنىڭ ورنالاسىمى جونىندە ورنالاستىرۋ دا، تالاپ تا بار، پارتيانىڭ جاسامپاز نازارياسى امالياتقا اينالدىرىلعان، نازاريا امالياتپەن ۇشتاستىرىلعان، جاڭا داۋىردەگى مادەنيەت قۇرىلىسىنىڭ جول كارتاسى مەن مىندەت حاتى ايقىندالعان، بۇل پارتيامىزدىڭ جۇڭگوشا سوتسياليستىك مادەنيەت قۇرىلىسىنىڭ زاڭدىلىعى جونىندەگى تانىمىنىڭ تىڭ دەڭگەيگە كوتەرىلگەندىگىنىڭ بەلگىسى، پارتيامىزدىڭ تاريح سەنىمىنىڭ، مادەنيەت سەنىمىنىڭ جاڭا بيىككە كوتەرىلگەندىگىن بەينەلەيدى ءارى ەلىمىزدىڭ سوتسياليستىك مادەنيەت قۇرىلىسىندا قۇدىرەتتى ۇلى كۇشتى ايگىلەپ، جاڭا داۋىردەگى جاڭا جورىقتا ۇگىت، يدەيا، مادەنيەت قىزمەتىن ويداعىداي ىستەۋگە، جاڭا مادەنيەت بورىشىن ارقالاۋعا قۇدىرەتتى يدەيالىق قارۋ جانە عىلمي ارەكەت باعدارناماسىن ازىرلەدى. شي جينپيڭنىڭ مادەنيەت يدەياسى ۇزدىكسىز ورىستەيتىن، اشىق يدەيالىق جۇيە، ول، ءسوز جوق، امالياتقا ىلەسە ىشكەرىلەي ۇزدىكسىز بايىپ، دامىپ وتىرادى.
پارتيانىڭ نازاريادا جاڭالىق اشۋى ءبىر قادام ىلگەرىلەگەن سايىن، نازاريامەن قارۋلانۋ دا بىر قادام ىلەسىپ وتىرۋ كەرەك. ءبىز شي جينپيڭنىڭ مادەنيەت يدەياسىن مۇقيات ۇيرەنىپ، ءتۇسىنىپ، شي جينپيڭنىڭ مادەنيەت يدەياسىنىڭ كەلەلى ءمانىن، باي مازمۇنىن جانە امالياتتىق تالابىن تەرەڭ يگەرىپ، ۇيرەنگەندى قولدانا بىلۋگە تاباندى بولىپ، ۇيرەنۋدى، وي جۇگىرتۋدى، قولدانۋدى ساباقتاستىرىپ، تانىمدى، سەنىمدى، ارەكەتتى بىرلىككە كەلتىرۋىمىز كەرەك. شي جينپيڭنىڭ مادەنيەت يدەياسىن ۇيرەنۋدى، زەرتتەۋدى، ءتۇسىندىرۋدى ۇزدىكسىز كۇشەيتۋ ءارى ۇگىت، يدەيا، مادەنيەت قىزمەتىنىڭ ءارقايسى جاعىندا جانە تۇتاس بارىسىندا سانالى دايەكتىلەندىرۋ، تياناقتاندىرۋ كەرەك. شي جينپيڭنىڭ مادەنيەت يدەياسىن ىشكەرىلەي دايەكتىلەندىرىپ، پارتيا 20 - قۇرىلتايىنىڭ مادەنيەت قۇرىلىسى جونىندەگى ستراتەگيالىق ورنالاستىرۋىن جاپپاي دايەكتىلەندىرىپ، تياناقتاندىرىپ، نازاردى پارتيانىڭ جاسامپاز نازارياسىمەن بۇكىل پارتيانى قارۋلاندىرۋ، حالىقتى تاربيەلەۋ سىندى ماڭداي الدى ساياسي مىندەتكە شوعىرلاندىرىپ، جاڭا تاريحي باستامادا مادەنيەتتىڭ گۇلدەنۋىن ۇزدىكسىز ىلگەرىلەتۋ، مادەنيەتتە قۋاتتى ەل قۇرۋ، جۇڭحۋا ۇلتىنىڭ وسى زامانعى وركەنيەتىن قۇرۋ سىندى وسى جاڭا مادەنيەت بورىشىن ارقاۋ ەتىپ، جاڭا داۋىردەگى جاڭا جورىقتا ۇگىت، يدەيا، مادەنيەت قىزمەتىن ويداعىداي ىستەۋ جاۋاپكەرشىلىك سەزىمىن، بورىشتىلىق سەزىمىن شىنايى كۇشەيتىپ، ءتۇرلى قىزمەتتەردىڭ تياناقتانىپ ونىمدىلىك كورسەتۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە پارمەندى يدەيالىق كەپىلدىك، قۇدىرەتتى رۋحاني كۇش - قۋات، ءتيىمدى مادەنيەت شارت - جاعدايىن ازىرلەۋ كەرەك.
ۇگىت، يدەيا، مادەنيەت قىزمەتى ەرەكشە ماڭىزدى قىزمەت. جاڭا داۋىردەگى جاڭا جورىقتا دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە ءوتتى، ستراتەگيالىق وراي مەن حاۋىپ - قاتەر، سىن - سايىس قاتار ءومىر ءسۇرىپ، ۇگىت، يدەيا، مادەنيەت قىزمەتى جاڭا جاعدايعا، جاڭا مىندەتكە ءدوپ كەلدى، ءسوز جوق، جاڭا بەينە، جاڭا ىسكەرلىك كورسەتۋ كەرەك. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا مادەنيەت بورىشىن اناعۇرلىم ويداعىداي ارقالاپ، جاڭا داۋىردەگى ۇگىت، يدەيا، مادەنيەت قىزمەتىنىڭ جاڭا جاعدايىن ۇزدىكسىز اشىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە تىڭ دا اناعۇرلىم زور ۇلەس قوسايىق.
(شينحۋا اگەنتتىگىنىڭ 10 - ايدىڭ 10 - كۇنى بەيجيڭنەن بەرگەن حابارى)
