□ گازەتىمىزدىڭ شولۋشىسى
تۇتاس رايونىمىزدا جوعارىدان تومەنگە دەيىن پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ وتىرعان ساتتە، اۆتونوميالى رايون تۇتاس رايوننىڭ ەكولوگيالىق ورتانى قورعاۋ جانە شولەيتتەنۋدەن جالپىلىق ساقتانۋ - تىزگىندەۋ جينالىسىن اشىپ، شينجياڭنىڭ ەكولوگيالىق ورتاسىن قورعاۋ، شولەيتتەنۋدەن جالپىلىق ساقتانۋ - تىزگىندەۋ قىزمەتتەرىن جۇيەلى جوسپارلاپ ىلگەرىلەتتى. ءماجىلىستىڭ اشىلۋى كورىكتى جۇڭگو قۇرىلىسى جونىندەگى شەشىمدەردىڭ، ورنالاستىرۋلاردىڭ شينجياڭدا تياناقتانىپ، ونىمدىلىك كورسەتۋىن ىلگەرىلەتىپ، باتىس تەرىستىك ەكولوگيالىق حاۋىپسىزدىك قالتقىسىن شىنايى بەكەمدەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاسىل ءتۇستى نەگىزىن ۇزدىكسىز بەكەمدەۋ جونىنەن ماڭىزدى مانگە يە.
باس شۋجي شي جينپيڭ مەملەكەتتىك ەكولوگيالىق ورتانى قورعاۋ جينالىسىندا بىلاي دەپ اتاپ كورسەتتى: ەلىمىزدىڭ ەكونوميكالىق، قوعامدىق دامۋى جاسىل، تومەن كومىر قىشقىل گازدى بولۋدى جەدەلدەتكەن جوعارى ساپالى دامۋ كەزەڭىنە ءوتتى، ەكولوگيالىق وركەنيەت قۇرىلىسى ءالى دە قىسىم قاباتتاسقان، اۋىر جۇك ارقالاپ العا باسقان شەشۋشى كەزەڭدە تۇر. ءسوز جوق، جاڭا جورىقتاعى ەكولوگيالىق ورتانى قورعاۋ قىزمەتىن اناعۇرلىم جوعارى دەڭگەيمەن، اناعۇرلىم كەڭ كوزايامەن، اناعۇرلىم زور تەبىنمەن جوسپارلاپ جانە ىلگەرىلەتىپ، جاڭا داۋىردەگى ەكولوگيالىق وركەنيەت قۇرىلىسىنىڭ جاڭا تاراۋىن جازۋ كەرەك. باس شۋجيدىڭ ماڭىزدى ءسوزى مەن ماڭىزدى نۇسقاۋى جاڭا داۋىردەگى جاڭا جورىقتا ەكولوگيالىق وركەنيەت قۇرىلىسىن كۇشەيتۋ جونىندەگى ءبىر قىدىرۋ كەلەلى نازاريالىق جانە امالياتتىق ماسەلەلەرگە تەرەڭ جاۋاپ بەرىپ، ءبىزدىڭ ەكولوگيانى قورعاۋدى جاپپاي كۇشەيتۋىمىزگە، ەكولوگيالىق وركەنيەت قۇرىلىسىن ىلگەرىلەتۋىمىزگە عىلمي جەتەكشىلىك جانە نازاريالىق بويسۇنۋ ولشەمىن ازىرلەدى. تۇتاس رايونىمىز جوعارىدان تومەنگە دەيىن ساياسي دەڭگەيدى شىنايى جوعارىلاتىپ، ەكولوگيالىق وركەنيەت قۇرىلىسىنىڭ زاڭدىلىعى جونىندەگى تانىمدى شىن مانىندە تەرەڭدەتىپ، شينجياڭنىڭ ەكولوگيالىق ورتاسىن جوعارى دەڭگەيدە قورعاۋعا تۇساۋ بولىپ وتىرعان تەرەڭ قاتپارلى قايشىلىقتار مەن ماسەلەلەردى ءداپ باسىپ تاۋىپ، قيىن ماسەلەلەردى شەشۋ بارىسىندا كورىكتى شينجياڭ قۇرىلىسىنىڭ تىڭ ناتيجەلەرگە قول جەتكىزۋىن كۇش سالا ىلگەرىلەتۋ كەرەك.
شي جينپيڭنىڭ ەكولوگيالىق وركەنيەت يدەياسىنىڭ عىلمي جەتەكشىلىگىندە، اۆتونوميالى رايوندىق پارتكوم ”تۇنىق سۋ، جاسىل تاۋ − باعالى بايلىق“ ۇستانىمىن بەرىك ورناتىپ جانە امالياتتا ايگىلەپ، شينجياڭنىڭ ءىس جۇزىندىك جاعدايىن تياناق ەتىپ، ەكولوگيالىق ورتانى قورعاۋدى جان - جاقتى، جالپى ءوڭىر، جالپى بارىس بويىنشا كۇشەيتىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرىپ قورعاۋعا جانە جۇيەلى جونگە سالۋعا تاباندى بولىپ، جاسىل، اينالىمدى، تومەن كومىر قىشىقىل گازدى دامۋدا نىق قادام تاستاپ، لاستانۋدان ساقتانۋ جانە ونى جونگە سالۋدى ىشكەرىلەي ىلگەرىلەتىپ، ەكولوگيالىق ورتانى ۇزدىكسىز جاقسارتىپ، جاسىل تيپكە بۇرىلىس جاساۋدا تىڭ تابىستارعا قول جەتكىزىپ، بايتاق دا كورىكتى شينجياڭنىڭ اسپانى اناعۇرلىم اشىق، جەرى اناعۇرلىم جاسىل، سۋى اناعۇرلىم تۇنىق بولدى.
ءبىز شينجياڭنىڭ ەكولوگيالىق ورتانى قورعاۋ جاعدايى، مىندەتى ءالى دە جاپالى ەكەندىگىن، ەكولوگيالىق ورتانى قورعاۋداعى قۇرىلىمدىق سيپاتتى، قاينار سيپاتتى، بەتالىستىق سيپاتتى قىسىمنىڭ تۇبەگەيلى باسەڭدەي قويماعاندىعىن، تۇتاس رايوننىڭ رەفورما جاساۋ، جاڭالىق اشۋ رۋحىمەن، شىندىققا جۇگىنىپ، ناقتى ءىس ىستەۋ ستيلىمەن ولقىلىقتاردى جەدەل تولىقتاپ، قيىن ماسەلەلەردى شەشىپ، جوعارى ساپالى دامۋ مەن جوعارى دەڭگەيدە قورعاۋدى اناعۇرلىم ويداعىداي ءبىر تۇتاس جوسپارلاپ، جوعارى ساپالى ەكولوگيالىق ورتا ارقىلى كورىكتى شينجياڭدى اناعۇرلىم ويداعىداي قۇرۋ قاجەت ەكەندىگىن دە سەرگەكتىكپەن تاني ءبىلۋىمىز كەرەك. لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل، ويداعىداي جۇرگىزىپ، ەكولوگيالىق ورتانى جونگە سالۋ ونىمدىلىگىن جاپپاي جوعارىلاتۋ؛ دامۋ ءتاسىلىنىڭ جاسىل، تومەن كومىر قىشقىل گازدى بولۋعا قاراي بۇرىلىس جاساۋىن تىڭعىلىقتى ىلگەرىلەتىپ، شينجياڭ ەرەكشەلىگىنە يە ەكولوگيالىق ەكونوميكا جۇيەسىن ورناتۋ؛ ەكولوگيالىق ورتانى قورعاۋدى، قالپىنا كەلتىرۋدى عىلمي اتقارىپ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن كۇش سالا جوعارىلاتۋ؛ قۇمنان ساقتانۋ، قۇمدى تىزگىندەۋ، قۇمنان پايدالانۋدى ءبىر تۇلعالى ىلگەرىلەتۋگە تاباندى بولىپ، وڭىرلەر بىرلەسىپ ارەكەتتەنە وتىرىپ شولەيتتەنۋدەن جالپىلىق ساقتانۋ - تىزگىندەۋدى ىلگەرىلەتىپ، ”ءۇش تەرىستىك“ ينجەنەرياسىنىڭ جەتىستىكەرىن ۇزدىكسىز بەكەمدەۋ، تەرەڭدەتۋ؛ جالپى تۇلعالىق مەملەكەت حاۋىپسىزدىگى كوزقاراسىن بەرىك ورناتىپ، ەكولوگيا حاۋىپسىزدىگىنىڭ تومەنگى شەگىن بەرىك ساقتاۋ؛ جان - جاقتى قامتاماسىز ەتۋدىڭ ”كەشەندى شاراسىن“ ويداعىداي اتقارىپ، كورىكتى شينجياڭ قۇرىلىسىنا پارمەندى تىرەك ازىرلەۋ كەرەك.
ەكولوگيالىق وركەنيەت قۇرىلىسى − جۇڭحۋا ۇلتىنىڭ ماڭگى ۇزدىكسىز دامۋىنا ساياتىن ءتۇبىرلى ۇلى جوسپار، بۇل ءارى ۇزاق ۋاقىتتىق ستراتەگيالىق مىندەت، ءارى كۇردەلى جۇيەلى ينجەنەريا، ءسوز جوق، پارتيانىڭ ەكولوگيالىق وركەنيەت قۇرىلىسىنا جاپپاي باسشىلىعىن شىنايى كۇشەيتىپ، ”پارتيا مەن ۇكىمەت تەڭ جاۋاپكەرشىلىك ارقالاۋعا، ءبىر قىزمەت ورنىندا قوس جاۋاپكەرشىلىك ارقالاۋعا“ تاباندى بولىپ، ءار جاقتىڭ جاۋاپكەرشىلىگىن، اسىرەسە، ءار دارەجەلى پارتيا، ۇكىمەت ورىندارىنىڭ نەگىزگى جاۋاپتى جولداستارى ءبىرىنشى جاۋاپتى ادام بولۋ جاۋاپكەرشىلىگىن قاتايتىپ، بايلىق كۇشىن ءبىر تۇتاس جوسپارلاپ، سايكەسە بىرلەسىپ ارەكەتتەنۋدى كۇشەيتىپ، بىرگە يگەرىپ، بىرگە باسقارۋدى ىلگەرىلەتۋ؛ تەكسەرۋ، باعالاۋ جۇيەسىن كەمەلدەندىرىپ، ناتيجە كوزقاراسى وزگەرگەن، اۋىر ەكولوگيالىق ورتا ماسەلەسىن تۋدىرعانداردىڭ جاۋاپكەرشىلىگىن ءتارتىپ، زاڭ بويىنشا قۋزاستىرۋ، جاۋاپقا تارتۋ؛ شىندىققا جۇگىنىپ، ناقتى ءىس ىستەۋ ستيلىن اسقاقتاتىپ، ءار دارەجەلى باسشى كادرلاردىڭ قابىلەتىن، دەڭگەيىن ۇزدىكسىز جوعارىلاتۋدى ىلگەرىلەتىپ، ”بىرەۋى ارقىلى ءبارىن يگەرەتىن“ شەشۋشى ماسەلەنى جەدەل شەشىپ، ەكولوگيالىق ورتانى قورعاۋدىڭ جوعارى دەڭگەيلى قوسىنىن قۇلشىنا قۇرىپ، شىنايى يگەرىپ ناقتى ىستەپ، كورىكتى شينجياڭ قۇرىلىسى مىندەتىن ناقتاپ تياناقتاندىرۋ كەرەك.
ەكولوگيا كوركەيسە، وركەنيەت كوركەيەدى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا، ءبىز شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جەدەل ىلگەرىلەتىپ، پارتيا ورتالىق كوميتەتىنىڭ كورىكتى جۇڭگو قۇرىلىسى جونىندەگى شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ، ونىمدىلىك كورسەتۋىن بار كۇشپەن ىلگەرىلەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا كۇش سالۋىمىز كەرەك.
