تۇتاس رايوننىڭ ەكولوگيالىق ورتانى قورعاۋ جانە شولەيتتەنۋدەن جالپىلىق ساقتانۋ - تىزگىندەۋ جينالىسى اشىلدى
شي جينپيڭنىڭ ەكولوگيالىق وركەنيەت يدەياسىن بۇلجىماي دايەكتىلەندىرىپ، باتىس تەرىستىك ەكولوگيالىق حاۋىپسىزدىك قالتقىسىن شىن مانىندە بەرىك ورناتىپ، كورىكتى شينجياڭدى اناعۇرلىم ويداعىداي قۇرۋ كەرەك
ما شيڭرۇي ءسوز سويلەدى
ەركىن تۇنياز باسقاردى، ءزۇمىرات وبۇل، لي يفي، حى جۇڭيوۋ قاتىناستى
10 - ايدىڭ 13 - كۇنى بۇكىل رايوننىڭ ەكولوگيالىق ورتانى قورعاۋ جانە شولەيتتەنۋدەن جالپىلىق ساقتانۋ - تىزگىندەۋ جينالىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي جينالىسقا قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 13 - كۇنى ۇرىمجىدەن حابارلايدى. تۇتاس رايوننىڭ ەكولوگيالىق ورتانى قورعاۋ جانە شولەيتتەنۋدەن جالپىلىق ساقتانۋ - تىزگىندەۋ جينالىسى 10 - ايدىڭ 13 - كۇنى اشىلدى، اۆتونوميالى رايوندىق پارتكومنىڭ شۋجيى ما شيڭرۇي جينالىسقا قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭنىڭ ەكولوگيالىق وركەنيەت يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ مەملەكەتتىك ەكولوگيالىق ورتانى قورعاۋ جينالىسى سياقتى كەلەلى جينالىستاردا سويلەگەن ماڭىزدى سوزدەرىنىڭ جانە قاتىستى ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، باس شۋجيدىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ”بەس كەلەلى قاتىناستى“ عىلمي يگەرىپ، شينجياڭنىڭ ەكولوگيالىق ورتاسىن قورعاۋ، شولەيتتەنۋدەن جالپىلىق ساقتانۋ - تىزگىندەۋ قىزمەتتەرىن جۇيەلى جوسپارلاپ ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جاپپاي ىلگەرىلەتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا كورىكتى شينجياڭدى قايراتتانا قۇرىپ شىعۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماجىلىسكە قاتىناستى. جاراتىلىستىق بايلىق مينيسترلىگى، ەكولوگيالىق ورتا مينيسترلىگى، مەملەكەتتىك ورمان شارۋاشىلىعى جانە جايلىم مەكەمەسى، مەملەكەتتىك جاراتىلىستىق بايلىق باقىلاۋ - تەكسەرۋ شي - ان مەكەمەسىندەگى قاتىستى جولداستار جينالىسقا قاتىناستى.
ما شيڭرۇي بىلاي دەپ اتاپ كورسەتتى: پارتيا 18 - قۇرىلتايىنان بەرى باس شۋجي شي جينپيڭ ەكولوگيالىق وركەنيەت قۇرىلىسىن جۇڭحۋا ۇلتىنىڭ ماڭگى ۇزدىكسىز دامۋىنا ساياتىن ءتۇبىرلى ۇلى جوسپار ەتۋگە تاباندى بولىپ، ءبىر قىدىرۋ ءتول جاسامپازدىق سيپاتتى جاڭا يدەيالاردى، جاڭا ۇستانىمداردى، جاڭا ستراتەگيالاردى العا قويىپ، شي جينپيڭنىڭ ەكولوگيالىق وركەنيەت يدەياسىن قالىپتاستىرىپ، ەكولوگيالىق ورتانى قورعاۋدى جاپپاي كۇشەيتۋگە، ەكولوگيالىق وركەنيەت قۇرىلىسىن ىلگەرىلەتۋگە ءتۇبىرلى بويسۇنۋ ولشەمىن ازىرلەدى. ساياسي دەڭگەيدى شىنايى جوعارىلاتىپ، ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ باتىل ورىنداۋ ساياسي بيىگىن نەگىزگە الىپ، شي جينپيڭنىڭ ەكولوگيالىق وركەنيەت يدەياسىنىڭ رۋحاني ناقتى ءمانىن، وزەكتى مازمۇنىن، امالياتتىق تالابىن تەرەڭ ءتۇسىنىپ، شينجياڭنىڭ ەكولوگيالىق ورتاسىن قورعاۋ، شولەيتتەنۋدەن جالپىلىق ساقتانۋ - تىزگىندەۋ قىزمەتتەرىن عىلمي جوسپارلاپ ىلگەرىلەتىپ، پارتيا ورتالىق كوميتەتىنىڭ كورىكتى جۇڭگو قۇرىلىسى جونىندەگى شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ، ونىمدىلىك كورسەتۋىن ىلگەرىلەتىپ، باتىس تەرىستىك ەكولوگيالىق حاۋىپسىزدىك قالتقىسىن شىن مانىندە بەكەمدەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاسىل ءتۇستى نەگىزىن ۇزدىكسىز بەكەمدەۋ كەرەك.
ما شيڭرۇي بىلاي دەپ اتاپ كورسەتتى: سوڭعى جىلدارى اۆتونوميالى رايوندىق پارتكوم تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە امالياتتا ايگىلەپ، ەكولوگيالىق ورتانى قورعاۋدى جان - جاقتى، تۇتاس ءوڭىر، تۇتاس بارىس بويىنشا كۇشەيتىپ، بايتاق دا كورىكتى شينجياڭنىڭ اسپانى اناعۇرلىم اشىق، جەرى اناعۇرلىم جاسىل، سۋى اناعۇرلىم تۇنىق بولا ءتۇستى. سونىمەن بىرگە شينجياڭنىڭ ەكولوگيالىق ورتانى قورعاۋداعى قۇرىلىمدىق سيپاتتى، قاينار سيپاتتى، بەتالىستىق سيپاتتى قىسىمىنىڭ ءالى تۇبەگەيلى باسەڭدەي قويماعاندىعىن سەرگەكتىكپەن تاني ءبىلۋىمىز كەرەك. ما شيڭرۇي بىلاي دەپ باسا دارىپتەدى: ءبىز باستان - اياق شي جينپيڭنىڭ ەكولوگيالىق وركەنيەت يدەياسىن جەتەكشى ەتىپ، كورىكتى جۇڭگو قۇرىلىسى سىندى كەلەلى ستراتەگيالىق ورنالاستىرۋدى جاپپاي دايەكتىلەندىرىپ، تياناقتاندىرىپ، شينجياڭنىڭ ەكولوگيالىق ورتانى جوعارى دەڭگەيدە قورعاۋىنا تۇساۋ بولىپ وتىرعان تەرەڭ قاتپارلى قايشىلىقتار مەن ماسەلەلەردى ىشكەرىلەي شەشىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرا قورعاۋدى جانە جۇيەلى وڭاۋدى ءبىر تۇتاس جوسپارلاپ، كومىر قىشقىل گازىنىڭ شىعارىلۋىن ازايتۋدى، لاستانۋدى جەڭىلدەتۋدى، جاسىلدى كەڭەيتۋدى، ارتۋدى سايكەستى ىلگەرىلەتىپ، جوعارى ساپالى ەكولوگيالىق ورتا ارقىلى كورىكتى شينجياڭدى اناعۇرلىم ويداعىداي قۇرۋ كەرەك. لاستانۋدان ساقتانۋ جانە ونى وڭاۋدان قامال الۋ شايقاسىن باتىل، ويداعىداي جۇرگىزىپ، ”ءۇرىمجى − سانجى − شىحىزى“ سياقتى ءتۇيىندى وڭىرلەردى نەگىزگى شايقاس مايدانى ەتە وتىرىپ اتموسفەرانىڭ لاستانۋىنان ساقتانۋدى جانە ونى وڭاۋدى كۇشەيتىپ، وڭتۇستىك شينجياڭدا قۇمدى بوران اۋا رايىن وڭاۋدى، شىعىس شينجياڭدا قۇم مەن لاستانۋدى قاتار وڭاۋدى ءبىر تۇتاس جوسپارلاپ ىلگەرىلەتىپ، جەرگىلىكتى ورىندار مەن كاسىپورىنداردىڭ جاۋاپكەرشىلىگىن ناقتىلاندىرىپ، اشىق اسپاندى قورعاۋ شايقاسىن ويداعىداي جۇرگىزۋ؛ نازاردى سۋ بايلىعىن، سۋ ورتاسىن، سۋ ەكولوگياسىن ءبىر تۇتاس جوسپارلاپ وڭاۋعا شوعىرلاندىرىپ، تۇنىق سۋدى قورعاۋ شايقاسىن ويداعىداي جۇرگىزۋ؛ توپىراقتىڭ لاستانۋىنىڭ قاينار كوزىنەن ساقتانۋ - تىزگىندەۋ ارەكەتىن ىشكەرىلەي ورىستەتىپ، تازا توپىراقتى قورعاۋ شايقاسىن ويداعىداي جۇرگىزۋ؛ ورتالىقتىڭ ەكولوگيالىق ورتانى قورعاۋ بويىنشا قۋزاۋ - تەكسەرۋىندە اڭىس ەتىلگەن ماسەلەلەر جونىندەگى رەتتەۋ - تۇزەتۋدى تىڭعىلىقتى ىلگەرىلەتىپ، ەكولوگيالىق ورتانى وڭاۋ ونىمدىلىگىن جاپپاي جوعارىلاتۋ كەرەك. دامۋ تاسىلىندە جاسىل، تومەن كومىر قىشقىل گازدى بولۋعا قاراي ويىسۋدى تىڭعىلىقتى ىلگەرىلەتىپ، ”8 ءىرى كاسىپ سالاسى شوعىرىنىڭ“ جاسىل دامۋىن كۇش سالا ىلگەرىلەتىپ، ەنەرگيانىڭ جاسىل، تومەن كومىر قىشقىل گازدى بولۋعا قاراي ويىسۋىن جەدەلدەتىپ، جاڭاشا ەنەرگيا جۇيەسىن قۇرىپ، ەكولوگيانى كاسىپ سالالاندىرۋدا ەرەكشە ماركا تۇلعالاپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەندىلىكپەن، ورنىقتى ىلگەرىلەتىپ، شينجياڭ ەرەكشەلىگىنە يە ەكولوگيالىق ەكونوميكا جۇيەسىن ورناتۋ كەرەك. ەكولوگيالىق ورتانى قورعاۋدى، قالپىنا كەلتىرۋدى عىلمي اتقارىپ، تابيعي قالپىنا كەلتىرۋدى نەگىز ەتىپ، جاساندى جولمەن قالپىنا كەلتىرۋمەن ورگانيكالى ۇشتاستىرىپ، جەرگىلىكتى جاعدايعا قاراي ىستەپ، ەكولوگيانى وڭاۋدى جۇيەلى، عىلمي ىلگەرىلەتىپ، مەملەكەتتىك باقشا قۇرىلىسىن جوعارى ساپامەن ىلگەرىلەتىپ، ماڭىزدى ەكولوگيالىق جۇيەنى قورعاۋ جانە قالپىنا كەلتىرۋ ينجەنەرياسىن ىشكەرىلەي اتقارىپ، ەكولوگيانى قورعاۋدى باقىلاۋ - باسقارۋدىڭ كەمەلدى، جوعارى ءونىمدى جۇيەسىن ورناتىپ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن جوعارىلاتۋ كەرەك. قۇمنان ساقتانۋدى، قۇمدى تىزگىندەۋدى، قۇمنان پايدالانۋدى ءبىر تۇلعالى ىلگەرىلەتىپ، تاكلاماكان قۇمدى ءشولى مەن قۇربانتۇڭعىت قۇمدى ءشولىن جالپىلىق وڭاۋدى ءتۇيىن ەتىپ، وڭىرلەر بىرلەسە ارەكەتتەنە وتىرىپ شولەيتتەنۋدەن جالپىلىق ساقتانۋ - تىزگىندەۋدى ىلگەرىلەتىپ، حىشي ءدالىزى - تاكلاماكان قۇمدى ءشولىنىڭ جيەكتىك توسقاۋىل شايقاسىن باتىل، ويداعىداي جۇرگىزىپ، ەرەكشەلىككە يە قۇم كاسىپ سالاسىن بەلسەنە دامىتىپ، ”ءۇش تەرىستىك“ ينجەنەرياسىنىڭ تابىستارىن ۇزدىكسىز بەكەمدەۋ، تەرەڭدەتۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن بەرىك ورناتىپ، ەكولوگيا حاۋىپسىزدىگى قىزمەتىن سايكەستىرۋ مەحانيزمىن اقاۋسىزداندىرىپ، ەكولوگيا حاۋىپسىزدىگىنىڭ قىزىل سىزىعىن، تومەنگى شەگىن قاتاڭ ساقتاپ، بيولوگيالىق حاۋىپسىزدىكتى باسقارۋدى كۇشەيتىپ، ورگانيزمدەردىڭ الۋان تۇرلىلىگىن قورعاۋ ينجەنەرياسىن اتقارىپ، ءتۇيىندى سالالارداعى ورتانىڭ لاستانۋ حاۋىپ - قاتەرىنەن بار كۇشپەن ساقتانىپ، ەكولوگيا حاۋىپسىزدىگىنىڭ تومەنگى شەگىن بەرىك ساقتاۋ كەرەك. جان - جاقتى قامتاماسىز ەتۋدىڭ ”كەشەندى شاراسىن“ ويداعىداي اتقارىپ، زاڭمەن باسقارۋ، بازار، عىلىم - تەحنيكا، ساياسات سياقتى كوپ ءتۇرلى تاسىلدەردەن جالپىلىق پايدالانىپ، ەكولوگيالىق ورتانى قورعاۋدى زاڭمەن باسقارۋ قۇرىلىسىن كۇشەيتىپ، جاسىل، تومەن كومىر قىشقىل گازدى دامۋدىڭ سايكەستى ساياساتتارىن كەمەلدەندىرىپ، ەكولوگيالىق ورتا ءتۇزىلىس - مەحانيزمى رەفورماسىن تەرەڭدەتىپ، كورىكتى شينجياڭ قۇرىلىسىنا پارمەندى تىرەك ازىرلەۋ كەرەك.
ما شيڭرۇي بىلاي دەپ باسا دارىپتەدى: پارتيانىڭ ەكولوگيالىق وركەنيەت قۇرىلىسىنا جاپپاي باسشىلىعىن كۇشەيتىپ، ”پارتيا مەن ۇكىمەت تەڭ جاۋاپكەرشىلىك ارقالاۋ، ءبىر قىزمەت ورنىندا قوس جاۋاپكەرشىلىك ارقالاۋعا“ تاباندى بولىپ، ءار جاقتىڭ جاۋاپكەرشىلىگىن، اسىرەسە، ءار دارەجەلى پارتيا، ۇكىمەتتىڭ نەگىزگى جاۋاپتى جولداستارى ءبىرىنشى جاۋاپتى ادام بولۋ جاۋاپكەرشىلىگىن ناقتىلاندىرىپ، بايلىق كۇشىن ءبىر تۇتاس جوسپارلاپ، سايكەسە بىرلەسىپ ارەكەتتەنۋدى كۇشەيتىپ، تەڭ يگەرىپ، بىرگە باسقارۋدى ىلگەرىلەتۋ كەرەك. تەكسەرۋ، باعالاۋ جۇيەسىن كەمەلدەندىرىپ، ناتيجە كوزقاراسى وزگەرگەندەردىڭ، اۋىر ەكولوگيالىق ورتا ماسەلەسىن تۋدىرعانداردىڭ جاۋاپكەرشىلىگىن ءتارتىپ، زاڭ بويىنشا قۋزاستىرۋ، جاۋاپقا تارتۋ كەرەك. شىندىققا جۇگىنىپ، ناقتى ءىس ىستەۋ ستيلىن اسقاقتاتىپ، ءار دارەجەلى باسشى كادرلاردىڭ قابىلەتىن، دەڭگەيىن ۇزدىكسىز جوعارىلاتۋىن ىلگەرىلەتىپ، ”بىرەۋى ارقىلى ءبارىن يگەرەتىن“ شەشۋشى ماسەلەنى جەدەل شەشىپ، ەكولوگيالىق ورتانى قورعاۋدىڭ جوعارى دەڭگەيلى قوسىنىن قۇرىپ، شىنايى يگەرىپ، ناقتى ىستەپ، كورىكتى شينجياڭ قۇرىلىسى مىندەتىن ناقتاپ تياناقتاندىرۋ كەرەك.
ەركىن تۇنياز باسقارعاندا بىلاي دەپ اتاپ كورسەتتى: جەر - جەر، تاراۋلار شي جينپيڭنىڭ ەكولوگيالىق وركەنيەت يدەياسىن باتىل دايەكتىلەندىرىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە امالياتتا ايگىلەپ، ماسەلەنى باعدار ەتۋگە تاباندى بولىپ، تەكسەرۋ - زەرتتەۋدى بارىنشا ورىستەتىپ، نازاردى كورنەكتى ماسەلەلەرگە شوعىرلاندىرىپ، قامال الىپ، قيىندىقتاردى ەڭسەرىپ، بار كۇشپەن جەڭۋ كەرەك. كورىكتى شينجياڭ قۇرىلىسى سىندى ءتۇيىندى مىندەتتى ءجىتى قاداعالاپ، كاسىپ سالاسى قۇرىلىمىن رەتتەۋ، لاستانۋدى وڭاۋ، ەكولوگيانى قورعاۋ، ەنەرگيا ۇنەمدەپ، لاس زاتتاردىڭ شىعارىلۋىن ازايتۋ سياقتى قىزمەتتەردى ءبىر تۇتاس جوسپارلاپ، جاۋاپكەرشىلىك تىزبەگىن ناقتىلاندىرىپ، قىزمەت شارالارىن ەگجەي - تەگجەيلىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىنىڭ جاپپاي تياناقتانىپ، ونىمدىلىك كورسەتۋىنە شىنايى كەپىلدىك ەتۋ كەرەك.
جينالىستا ءۇرىمجى قالاسىنىڭ، ىلە قازاق اۆتونوميالى وبلىسىنىڭ، سانجى حۇيزۋ اۆتونوميالى وبلىسىنىڭ، بايىنعولين موڭعۇل اۆتونوميالى وبلىسىنىڭ، بيڭتۋان 8 - شى شىحىزى قالاسىنىڭ جانە اۆتونوميالى رايوندىق ەكولوگيالىق ورتا مەڭگەرمەسىنىڭ، جاراتىلىستىق بايلىق مەڭگەرمەسىنىڭ، دامۋ جانە رەفورما كوميتەتىنىڭ، ورمان شارۋاشىلىعى جانە جايلىم مەكەمەسىنىڭ نەگىزگى جاۋاپتى جولداستارى پىكىر اۋىستىرىپ ءسوز سويلەدى.
جاڭ جۋ، چىن ۋيجۇن، ۋاڭ ميڭشان، ۋاڭ جيانشين، ەلزات احمەتجان، قادەن كابەن، اۆتونوميالى رايوندىق ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى جانە اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، اۆتونوميالى رايونعا (ورتالىققا) توتە قاراستى جانە بيڭتۋانداعى قاتىستى ورىنداردىڭ، اۆتونوميالى رايونداعى قاتىستى كاسىپورىنداردىڭ جانە شينجياڭدا تۇراتىن ورتالىق كاسىپورىندارىنىڭ نەگىزگى جاۋاپتى جولداستارى، اۆتونوميالى رايوننىڭ ورتالىقتىڭ ەكولوگيالىق ورتانى قورعاۋ بويىنشا قۋزاۋ - تەكسەرۋىندە اڭىس ەتىلگەن پىكىرلەردى رەتتەۋ - تۇزەتۋ قىزمەتىنە باسشىلىق ەتۋ گرۋپپاسىنىڭ ءارقايسى ارناۋلى قىزمەت گرۋپپالارىنىڭ جاۋاپتى جولداستارى نەگىزگى جينالىس الاڭىندا جينالىسقا قاتىناستى. جينالىس تەلەۆيزور - تەلەفون جينالىسى فورماسىندا اشىلدى، ءارقايسى ايماق، وبلىس، قالالاردا، اۋدان، قالا، رايونداردا جانە بيڭتۋاننىڭ ءارقايسى شى، قالالارىندا، تۋان - الاڭدارىندا بولىمشە جينالىس الاڭى ورنالاستىرىلدى.
