شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى «مەملەكەت بويىنشا كادرلاردى تاربيەلەۋ، باۋلۋ جوباسىن (2023 - جىلدان 2027 - جىلعا دەيىن)» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
حابارلاندىرۋدا مىنالار اتاپ كورسەتىلدى: «جوبانى» جاساۋ، اتقارۋ − پارتيا ورتالىق كوميتەتىنىڭ جاڭا داۋىردەگى جاڭا جورىقتا پارتيانىڭ بورىشىن، مىندەتىن كوزدەي وتىرىپ جاساعان كەلەلى ورنالاستىرۋى. شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى نەگىزگى تاقىرىپ، نەگىزگى جەلى ەتىپ، پارتيانىڭ جاسامپاز نازارياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداۋ، نەگىزدى نىعايتىپ، تاعاندى بەكەمدەۋ كەرەك. ساياسي جاتتىعۋدى كادرلاردىڭ تولىسۋىنىڭ جالپى پەريودىمەن ساباقتاستىرۋعا تاباندى بولىپ، كادرلاردى دۇرىس ۇقىق كوزقاراسىن، ناتيجە كوزقاراسىن، كاسىپ كوزقاراسىن ورناتۋعا تاربيەلەپ، جەتەكتەپ، كادرلاردىڭ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتۋ كەرەك. پارتيا 20 - قۇرىلتايىندا جاسالعان كەلەلى ستراتەگيالىق ورنالاستىرۋلاردى دايەكتىلەندىرۋدى، تياناقتاندىرۋدى ارقاۋ ەتىپ، دارەجەگە ءبولىپ، سالالارعا ءبولىپ، ارناۋلى تاقىرىپتارعا ءبولىپ مىندەت وتەۋ قابىلەتىن باۋلۋدى ورىستەتىپ، كادرلاردىڭ جوعارى ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەردەن ساقتانۋ جانە ونى جويۋ قابىلەتىن جوعارىلاتۋ كەرەك. كادرلاردى تاربيەلەۋدىڭ، باۋلۋدىڭ كەمەلدى جۇيەسىن قۇرىپ، پارتيا مەكتەبىنىڭ (اكىمشىلىك شۋەيۋان) كادرلاردى تاربيەلەۋدەگى، باۋلۋداعى نەگىزگى ارنالىق، نەگىزگى شەپتىك رولىن ويداعىداي ساۋلەلەندىرىپ، تاربيەلەۋ، باۋلۋ ءادىسىن، ءتاسىلىن ۇزدىكسىز ساپالىلاندىرۋ كەرەك. نازاريانى امالياتپەن ۇشتاستىرۋ سىندى ماركسيزمدىك ۇيرەنۋ ستيلىن بارىنشا اسقاقتاتىپ، فورماشىلدىقتى باتىل تيىپ، ۇنەمشىل دە ۇقىپتى، جۇيەلى تۇردە وقىتۋ جۇرگىزىپ، ۇيرەنۋ ستيلىن، قاراپايىمدىلىق ستيلىن، پاكتىك ستيلىن قۇلشىنا قالىپتاستىرۋ كەرەك.
