اۆتونوميالى رايوندىق قازىنا مەڭگەرمەسىنىڭ لوپ اۋدانى لوپ قالاشىعى اياققى چاپال قىستاعىندا تۇراتىن قىزمەت اترەتى حالىق ٴۇشىن ناقتى ٴىس، جاقسى ٴىس ىستەۋگە باستان ـ اياق تاباندى بولىپ، بيىل اۆتونوميالى رايون قازىناسىنان اۋىل ـ قىستاقتى گۇلدەندىرۋدى ىلگەرىلەتۋ قوسىمشا قاراجاتىنان 13 ميلليون يۋاندى ٴوتىنىش ەتىپ، لوپ قالاشىعى اياققى چاپال قىستاعى، حانباع قىستاعى مەن جايتەرەك قىستاعىنا 38.77 كيلومەتر تابيعي گاز قۇبىرىن جاتقىزىپ، 19 ورىنعا تابيعي گاز قىسىم رەتتەۋ ساندىعىن ورناتىپ، 9 زەردەلى كلاپان قۇدىعىن جانە قاتىستى سايكەستى قۇرىلعىلاردى جاڭادان سالىپ، 640 وتباسىنىڭ تازا، جوعارى ٴونىمدى، قورشاعان ورتانى قورعايتىن تابيعي گازدان پايدالانۋىنا مۇمكىندىك جاسادى.
![](http://kazakh.ts.cn/pic/003/527/646/00352764696_0c431352.jpg)
قۇرىلىس جۇرگىزىلىپ جاتقان ورىن. سۋرەتتى ابىلەميت ابدوللا تۇسىرگەن
لوپ اۋدانى لوپ قالاشىعى اياققى چاپال قىستاعىنىڭ تۇرعىنى ابىلەز ياسىن بىلاي دەدى: ”بۇرىن قىستا تەك پەشكە كومىر جاعىپ جىلىناتىن ەدىك، حاۋىپتى ٴارى جاپاسى مول بولاتىن، قىستاق تۇرعىندارىنىڭ بارلىعى ۇيلەرىنە تابيعي گاز جەتكىزىلۋىن ٴۇمىت ەتەتىن، بيىل ارمانىمىز اقىرى جۇزەگە اساتىن بولدى، بۇعان قاتتى قۋاندىق، ٴبىز دە قالا تۇرعىندارىنىڭ تۇرمىسىن كەشىرەتىن بولدىق“.
![](http://kazakh.ts.cn/pic/003/527/646/00352764698_64d3ad24.jpg)
قۇرىلىس جۇرگىزىلىپ جاتقان ورىن. سۋرەتتى ابىلەميت ابدوللا تۇسىرگەن
ۇعىسۋعا قاراعاندا، تابيعي گازدى وتباسىلارىنا جەتكىزۋ نىسانى بيىل 9 - ايدا قۇرىلىس باستاعان. اتالعان نىسان قۇرىلىسى 10 - ايدىڭ 18 - كۇنىنەن بۇرىن قۇرىلىستىڭ جالپىلىق اياق الىسىنىڭ %92 ىن ورىنداپ بولدى، قازىر ورتا قىسىمدى قۇبىر، تومەن قىسىمدى قۇبىر تۇگەلدەي ورناتىلىپ بولدى، ۇيدەگى گاز ساعات، سيگنال بەرگىش سياقتى جابدىقتار ورناتىلۋ ۇستىندە، مەجەمەن 11 ـ ايدىڭ باسىندا تولىعىمەن سالىنىپ بولادى ەكەن.
![](http://kazakh.ts.cn/pic/003/527/646/00352764697_43b301f0.jpg)
قۇرىلىس جۇرگىزىلىپ جاتقان ورىن. سۋرەتتى ابىلەميت ابدوللا تۇسىرگەن
لوپ اۋدانى لوپ قالاشىعى اياققى چاپال قىستاعى پارتيا ياچەيكاسىنىڭ شۋجيى اكبار ابدۋالي بىلاي دەدى: ”قىستاقتا تۇراتىن قىزمەت اترەتى مەن قىستاق ”ەكى كوميتەتى“ بايلىق باسىمدىعىنان تولىق پايدالانىپ، اۋىل ـ قىستاقتىڭ قالا ـ قالاشىقتاندىرۋ قۇرىلىسىن ۇزدىكسىز ىلگەرىلەتىپ، بۇقارانىڭ تۇرمىس شارت ـ جاعدايىن ۇزدىكسىز جاقسارتىپ، حالىق تۇرمىسىنىڭ ىرىسىن ارتتىردى. تابيعي گازدى وتباسىلارىنا جەتكىزۋ نىسانىنان سىرت، بيىل ٴبىز تاعى تۇرمىستىق لاس سۋدى شوعىرلى ىعىستىرۋ، ولشەمدى باسكەتبول الاڭى قۇرىلىسى، بۇكىل قىستاقتى جاسىلداندىرۋ، حالىق تۇرمىسىن جاقسارتۋ نىساندارىن ورىنداپ، قىستاق تۇرعىندار تۇرمىسىنىڭ بارعان سايىن قولايلى بولۋىنا مۇمكىندىك جاسادىق “. (لوپ اۋداندىق توعىسپالى مەديا ورتالىعىنان ابىلەميت ابدوللا)