جاڭ چۇنلين ءۇرىمجى قالاسىندا وقۋ - اعارتۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ءمورال ارقىلى تاربيەلەۋگە تاباندى بولىپ، وقۋ - اعارتۋدىڭ جوعارى ساپالى دامۋىن ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 10 - ايدىڭ 26 - كۇنى ۇرىمجىدەن حابارلايدى. 10 - ايدىڭ 25 - كۇنى اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ءۇرىمجى قالاسىندا تەكسەرۋ - زەرتتەۋ جۇرگىزىپ، ىلگەرىندى - كەيىندى شينجياڭ اشىق داشۋەسىنە، ءۇرىمجى قالالىق جوعارى دارەجەلى ورتا مەكتەپكە بارىپ، ساباقحانانى، تاجىريبەحانانى، كىتاپحانانى، ت.ب ارالاپ، وقىتۋشى - وقۋشىلارمەن ىقىلاستى تۇردە اڭگىمەلەسىپ، مەكتەپتىڭ وقۋ، وقىتۋ جاعدايىن ەگجەي - تەگجەيلى ۇعىستى.
جاڭ چۇنلين بىلاي دەپ باسا دارىپتەدى: باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ءمورال ارقىلى تاربيەلەۋ ءتۇبىرلى مىندەتىن تياناقتاندىرىپ، مەكتەپ باسقارۋدىڭ دۇرىس بەتالىسىن مىقتى يگەرۋ كەرەك. ”بارلىق ادامدى تاربيەلەۋگە، جالپى بارىس بويىنشا تاربيەلەۋگە، جان - جاقتىلى تاربيەلەۋگە“ تاباندى بولىپ، يدەيالىق - ساياسي تاربيەنى ناقتى يگەرىپ، يدەيالىق - ساياسي قىزمەتتى وقۋ - وقىتۋدىڭ جالپى بارىسىنا، ءارقايسى جاعىنا ءسىڭىرىپ، يدەيا - ساياسي ساباعى مەن ساباقتىڭ يدەيالىلىعىنىڭ، ساياسيلىلىعىنىڭ تەرەڭدەي توعىسۋىن ىلگەرىلەتۋ كەرەك. مەملەكەتتە ءبىر تۇتاس قولدانىلاتىن ءتىل - جازۋ تاربيەسىن، وقىتۋىن ۇزدىكسىز كۇشەيتىپ، جۇڭحۋانىڭ تاڭداۋلى ءداستۇرلى مادەنيەتىن، تاڭداۋلى ادەبيەت - كوركەمونەر تۋىندىلارىن مەكتەپ اۋلاسىنا ەنگىزۋدى ىشكەرىلەي ىلگەرىلەتىپ، ءار ۇلت وقىتۋشى - وقۋشىلارىن جۇڭحۋا ۇلتى ورتاق تۇلعا تانىمىن بەرىك ورناتۋعا، ”بەستى شىنايى مويىنداۋدى“ كۇشەيتۋگە، پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە تاربيەلەۋ، جەتەكتەۋ كەرەك. اشىق، تەڭ يگىلىكتەنۋ ۇستانىمىنا تاباندى بولىپ، ءار ۇلت بۇقاراسىنىڭ ءومىر بويى ۇيرەنۋىنە الۋان ءتۇرلى، دارالانعان وقۋ - اعارتۋ بايلىعىن ازىرلەۋ كەرەك. ”بەس تاربيەنى قاتار جۇرگىزۋگە“ تاباندى بولىپ، وقۋشىلارعا ەستەتيكا، دەنە تاربيە، ەڭبەك تاربيەسىن كۇشەيتىپ، فۋتبول، باسكەتبول، حاتكەرلىك جانە سۋرەت، ءبي، مۋزيكا، عىلىم - تەحنيكا سياقتى ەرەكشەلىككە يە ساپالى ساباقتاردى ويداعىداي جۇرگىزىپ، وقۋشىلاردىڭ پسيحيكا اقاۋسىزدىعى تاربيەسىنە ءمان بەرىپ، وقۋشىلاردىڭ ەسەيۋىن، دارىندىعا اينالۋىن جان - جاقتى جەبەۋ كەرەك. اقىل - پاراساتتىق تاربيەنى بار كۇشپەن دامىتىپ، ساپالى وقۋ - اعارتۋ بايلىعىنان ورتاق يگىلىكتەنۋدى ىلگەرىلەتىپ، قامتۋ اۋماعىن كەڭەيتىپ، مەكتەپتىڭ وقىتۋ ساپاسىن جوعارىلاتۋ كەرەك. مەكتەپ حاۋىپسىزدىگىن باسقارۋدى كۇشەيتىپ، جاراسىمدى، ورنىقتى ادام تاربيەلەۋ ورتاسىن قالىپتاستىرۋ كەرەك.
