□ گازەتىمىزدىڭ شولۋشىسى
وڭىرلىك ءوندىرىس جالپى ءونىم قۇنى ءبىر تريلليون 355 ميلليارد 249 ميلليون يۋان بولىپ، سايكەس مەزگىلدەگىدەن ％1. 6 ارتتى؛ تۇراقتى مۇلىككە قوسىلعان قارجىنىڭ ارتۋ قارقىنى، كولەمنەن جوعارى ونەركاسىپتىڭ ارتقان قۇنىنىڭ ارتۋ قارقىنى سياقتى كوپتەگەن ەكونوميكالىق كورسەتكىش بۇكىل ەلدەن جوعارى بولدى... 10 - ايدىڭ 26 - كۇنى الدىڭعى 3 ماۋسىمداعى شينجياڭ ەكونوميكاسىنىڭ ”ناتيجە تىزىمدىگى“ جاريالاندى. ءبىرسىپىرا ايتارلىقتاي ەكونوميكالىق ساندى مالىمەت رايونىمىزدىڭ ەكونوميكالىق اينالىمىنىڭ ورنىقتىلىق بارىسىندا ىلگەرىلەۋ، ىلگەرىلەۋ بارىسىندا جاقسارۋداي تاماشا جاعدايىن ايگىلەۋمەن بىرگە، كۇش ۇستىنە كۇش قوسىپ، ءتورتىنشى ماۋسىمعا اتوي سالىپ، زەيىن - زەردەنى، كۇش - قۋاتتى ۇيىستىرىپ، ”تامامداۋ شايقاسىن“ ويداعىداي جۇرگىزۋگە سەنىم ورناتىپ، نەگىز قالادى.
ءبىرىنشى ماۋسىمدا سايكەس مەزگىلدەگىدەن ％9. 4 ارتتى، الدىڭعى جارتى جىلدا سايكەس مەزگىلدەگىدەن ％1. 5 ارتتى، الدىڭعى ءۇش ماۋسىمدا سايكەس مەزگىلدەگىدەن ％1. 6 ارتتى... بيىل جىل باسىنان بەرى، شينجياڭنىڭ وڭىرلىك ءوندىرىس جالپى ءونىم قۇنىندا ماۋسىم سايىن ورنىقتى جاقسارۋ بەتالىسىنىڭ جارىققا شىعۋى رايونىمىز ەكونوميكاسىنىڭ سەرپىمدىلىگى كۇشتى، ومىرشەڭدىك كۇشى جەتكىلىكتى، كومەسكى كۇشى زور ەكەندىگىن پارمەندى ءتۇسىندىردى. ”باسىنان وتكىزبەگەن ادام ءىستىڭ قيىندىعىن بىلە بەرمەيدى“، تاريحي سيپاتتى دوستىق اۋىس - كۇيىس ساپارلاۋ ۇيىرمەسىن ۇيىمداستىرىپ، ورتا ازيا ەلدەرىنە ساپارلاي بارۋدان اۋماقتار بويىنشا جوعارى ساپالى دامۋ جۇمىس باسى ءماجىلىسىن اشۋعا دەيىن؛ 2023 - جىلعى (جۇڭگو) ازيا - ەۆروپا تاۋار ساۋدا كورمەسىن جوعارى دەڭگەيدە وتكىزۋدەن ءار ماۋسىمدا ىركەس - تىركەس ”جۇمىس باستاۋ ءنومىرى“ دابىلىن قاعۋعا، كەلەلى نىساندار قۇرىلىسىن ىلگەرىلەتۋگە دەيىن... بيىل جىل باسىنان بەرى، بۇكىل رايونىمىزدا جوعارىدان تومەنگە دەيىن جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، قايراتتى تاسقىنداتىپ، كۇش - قۋاتتى ۇيىستىرىپ قامال الىپ، جوعارى ساپالى دامۋدىڭ جاڭا باسىمدىعىن كۇش سالا سومداپ، ەكونوميكانىڭ ۇزدىكسىز جاقسارۋعا قاراي دامۋ ارىنىن بار كۇشپەن بەكەمدەدى.
ەكونوميكانى بار كۇشپەن يگەرگەن قۇلشىنىس بولعاندىقتان، اۋىل شارۋاشىلىق ءوندىرىسى ورنىقتى جاقسارىپ، ونەركاسىپ ءوندىرىسى ورنىقتى ارتىپ، قىزمەت وتەۋ كاسىبى جەدەل قالپىنا كەلىپ، تۇتىنۋ بازارى جەدەل جاندانىپ، قارجى قوسۋ كولەمى ۇزدىكسىز كەڭەيدى؛ ءار ءتۇرلى شارانى تۇگەل قولدانىپ دامۋدى جەبەۋ كۇرەسىن جۇرگىزگەندىكتەن، دامۋدىڭ ومىرشەڭدىك كۇشى ۇزدىكسىز كۇشەيدى، بازاردىڭ تەبىندىلىگى ۇزدىكسىز جوعارىلادى، دامۋدىڭ ساپاسى مەن ونىمدىلىگى كورنەكتى جوعارىلادى، حالىق تۇرمىسىن قامتاماسىزداندىرۋ كۇشى ءتىپتى دە پارمەندى بولدى؛ ”مەملەكەتتىڭ زور ءىسىن“ كوكەيدە ساقتاۋ جاۋاپكەرشىلىگىن ارقالاعاندىقتان، مەملەكەتتىڭ ەنەرگيا بايلىعى مەن استىق حاۋىپسىزدىگىنە قوسقان ۇلەسى ۇزدىكسىز جوعارىلادى.
تەرەڭ قاتپاردان قاراعاندا، رايونىمىزدىڭ الدىڭعى 3 ماۋسىمداعى ەكونوميكاسىندا ”ساننىڭ ۇيلەسىمدى ارتۋى“ جاعىندا كورنەكتى فيزيكالىق وزگەرىس تۋىلۋمەن بىرگە، ”ساپانىڭ ءونىمدى جوعارىلاۋى“ جاعىندا دا تەرەڭ حيميالىق رەاكسيا تۋىلعان. مىسالى، جوعارى تەحنيكالى جاساۋ كاسىبىنىڭ ارتقان قۇنى سايكەس مەزگىلدەگىدەن ％9. 17 ارتىپ، ارتۋ قارقىنى كولەمنەن جوعارى ونەركاسىپتىڭ ارتقان قۇنىنان 1. 13 پايىز جوعارى بولىپ، جاڭالىق اشۋ ارقىلى دامۋعا دەم بەرۋ جارىققا شىعارعان كومەسكى كۇش ايگىلەندى؛ ەندى ءبىر مىسال: جەل كۇشى فوتوۆولتتىق ەلەكتر تاراتۋ نىسانىنا قارجى قوسۋ 6. 1 ەسە ارتىپ، تۇراقتى مۇلىككە قارجى قوسۋدىڭ 2. 9 پايىز ارتۋىن جەبەگەن، وسىدان رايونىمىزدىڭ جاسىل ەنەرگيا سالاسىنداعى قوردىڭ مول ەكەندىگى ايگىلەندى؛ تاعى ءبىر مىسال، سىرتقى ساۋدا يمپورت - ەكسپورتىنىڭ جالپى قۇنى تۇڭعىش رەت 250 ميلليارد يۋاننان اسىپ، كولەمى تاريحتاعى ەڭ جوعارى دەڭگەيگە جەتتى، بۇل رايونىمىزدىڭ سىرتقا ەسىك اشۋداعى وڭىرلىك باسىمدىعىنىڭ جارىققا شىققاندىعىن تۇسىندىرەدى؛ تاعى ءبىر مىسال، بۇكىل رايونىمىز 214 ميلليون ساياحاتشى (رەت) قابىلداپ، 2019 - جىلعى سول تۇستاعى ورەدەن اسىپ، رايونىمىزدىڭ مادەنيەت پەن ساياحاتتى توعىستىرا دامىتۋ كومەسكى كۇشىنىڭ جەتكىلىكتى ەكەندىگىن بەينەلەدى. وسى جاڭا قوزعاۋشى قۋاتتاردىڭ جەتىلۋىنە، زورايۋىنا، جاڭا باسىمدىقتىڭ ۇزدىكسىز كورنەكتىلەنۋىنە بايلانىستى، شينجياڭ ەكونوميكاسى، ءسوز جوق، اناعۇرلىم نۇرلى بولاشاققا يە بولادى.
كۇش ۇستىنە كۇش قوسىپ، ءتورتىنشى ماۋسىمعا اتوي سالىپ، زەيىن - زەردەنى، كۇش - قۋاتتى ۇيىستىرىپ، ”تامامداۋ شايقاسىن“ ويداعىداي جۇرگىزۋ كەرەك. كەزەكتە، ءسوز جوق، سەنىمدى بەكەمدەپ، قولايلى ساتتەن ۇتىمدى پايدالانىپ، بۇكىل رايونىمىزدىڭ ەكونوميكالىق اينالىمىنىڭ ۇزدىكسىز قايتا ورلەۋىن، جاقسارۋىن ىلگەرىلەتىپ، تۇتاس جىلدىق نىسانا - مىندەتتەردى جۇزەگە اسىرۋ كەرەك. كۇز، قىس ماۋسىمدارىندا اۋىل شارۋاشىلىق ءوندىرىسىن تىڭعىلىقتى ويداعداي ىستەپ، اۋىل شارۋاشىلىعىنىڭ ءونىمىنىڭ، ونىمدىلىگىنىڭ ۇزدىكسىز ارتۋىن ىلگەرىلەتۋ كەرەك. ”8 ءىرى كاسىپ سالاسى شوعىرىن“ دامىتۋدى جەدەلدەتىپ، نازاردى ەنەرگيا، كەن ونىمدەرى سياقتى سالالارعا شوعىرلاندىرىپ، ەنەرگيانى ۇزدىكسىز كەڭەيتىپ، كومەسكى كۇشتەردى اشۋ كەرەك. كەلەلى نىساندار قۇرىلىسىن كورنەكتىلەندىرىپ، سالىنىپ جاتقان نىسانداردىڭ جەدەل سالىنۋىن، وندىرىسكە قوسىلعان نىسانداردىڭ ساپاسىن جوعارىلاتىپ، ونىمدىلىگىن ارتتىرۋىن عىلمي ىلگەرىلەتۋ كەرەك. ساياحات كاسىبىنىڭ دارەجەسىن جوعارىلاتىپ، دەڭگەيىن ءوسىرۋدى جەدەلدەتىپ، ساياحات كاسىبىنىڭ قارىشتاپ دامۋ جاعدايىن بەكەمدەۋ كەرەك. سىرتقا ەسىك اشۋدى ۇزدىكسىز كەڭەيتىپ، ”ءبىر بەلدەۋ، ءبىر جول“ وزەكتى رايون قۇرىلىسىن جەدەلدەتۋ كەرەك. حالىق تۇرمىسىن كۇش سالا قامتاماسىزداندىرىپ جانە جاقسارتىپ، ءتۇيىندى حالىق تۇرمىسى ينجەنەرياسىن تىڭعىلىقتى ىلگەرىلەتۋ كەرەك. ەلەۋلى حاۋىپ - قاتەرلەردەن باتىل ساقتانىپ جانە ونى جويىپ، بۇكىل رايون ەكونوميكاسىنىڭ ورنىقتى، اقاۋسىز دامۋىن قامتاماسىز ەتۋ كەرەك.
جوعارى ساپالى دامۋ تىڭعىلىقتى ىستەۋدەن كەلەدى. وڭايلىقپەن قولعا كەلمەگەن دامۋ جەتىستىكتەرىن بارىنشا قاستەرلەپ، شينجياڭ ەكونوميكاسىنىڭ دۇرىس مەجەسىن بەكەمدەپ، دامۋ ۇستانىمىنا ونان ارى بۇرىلىس جاساپ، ورنىقتىلىق بارىسىندا ىلگەرىلەپ، ارتىقشىلىقتى ساۋلەلەندىرىپ، ولقىلىقتاردى تولىقتاپ، يدەيانى ازات ەتىپ، شىنايى يگەرىپ، ناقتى ىستەپ، جوعارى ساپالى دامۋدىڭ تىڭ ساتىعا كوتەرىلۋىن ىلگەرىلەتەيىك.
