ەركىن ساۋدا سىناق رايونىن جوعارى ولشەممەن، جوعارى ساپامەن قۇرايىق
□ گازەتىمىزدىڭ شولۋشىسى
11 - ايدىڭ 1 - كۇنى جۇڭگو (شينجياڭ) ەركىن ساۋدا سىناق رايونى ماڭدايشالىق اشىپ قۇرىلدى. بۇل پارتيا ورتالىق كوميتەتىنىڭ، مەملەكەتتىك كەڭەستىڭ جاساعان كەلەلى شەشىمى، جاڭا داۋىردە رەفورمانى، ەسىك اشۋدى ىلگەرىلەتۋدىڭ ماڭىزدى ستراتەگيالىق شاراسى، شينجياڭنىڭ ەسىك اشۋ، دامۋ ۇردىسىندە كەلەلى نىشاندىق، بەلەستىك مانگە يە. شينجياڭ ەركىن ساۋدا سىناق رايونى ەلىمىزدىڭ باتىس سولتۇستىك شەكارا وڭىرىندەگى تۇڭعىش ەركىن ساۋدا سىناق رايونى رەتىندە، شينجياڭنىڭ ەكونوميكاسىنىڭ، قوعامىنىڭ دامۋىنا كەلەلى ءارى تەرەڭ ىقپال جاسايتىندىعى ءشۇباسىز.
بيىل باس شۋجي شي جينپيڭنىڭ ”ءبىر بەلدەۋ، ءبىر جولدى“ بىرگە قۇرۋ باستاماسىن العا قويعاندىعىنىڭ 10 جىلدىعى ءارى ەلىمىز ەركىن ساۋدا سىناق رايونى قۇرىلعاندىعىنىڭ 10 جىلدىعى. وسى ماڭىزدى ۋاقىت تۇيىنىندە پارتيا ورتالىق كوميتەتىنىڭ، مەملەكەتتىك كەڭەستىڭ شينجياڭ ەركىن ساۋدا سىناق رايونىن قۇرۋدى بەكىتۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرەتىندىگىن جانە ەرەكشە قامقورلىق جاسايتىندىعىن تولىق ايگىلەدى. ەركىن ساۋدا سىناق رايونىن جوعارى ولشەممەن، جوعارى ساپامەن ويداعىداي قۇرۋ شينجياڭنىڭ ەكونوميكالىق، قوعامدىق دامۋىنىڭ ىشكى قوزعاۋشى كۇشىن ونان ارى قاۋلاتۋعا پايدالى، جوعارى دەڭگەيدە ەسىك اشۋدى جەبەپ، جوعارى ساپالى دامۋدى ىلگەرىلەتىپ، حالىق بۇقاراسى مەن تيجارات تۇلعالارىنا اناعۇرلىم ويداعىداي تيىمدىلىك جەتكىزەدى.
ەركىن ساۋدا سىناق رايونىن جوعارى ولشەممەن، جوعارى ساپامەن قۇرۋدا، ءسوز جوق، ساياسي دەڭگەيدى جوعارىلاتۋ كەرەك. ەركىن ساۋدا سىناق رايونىن قۇرۋدىڭ شينجياڭ جونىندەگى كەلەلى تاريحي ءمانىن ىشكەرىلەي يگەرىپ، پارتيا ورتالىق كوميتەتىنىڭ، مەملەكەتتىك كەڭەستىڭ تاپسىرعان بورىش - مىندەتتەرىن بار كۇشپەن ويداعىداي تياناقتاندىرىپ، باتىلدىقپەن ءورىس اشا العا ىلگەرىلەۋدىڭ، قيىندىقتاردان قامال الۋدىڭ اتويشىسى بولىپ، كۇشتى جاۋاپكەرشىلىك سەزىممەن جانە بورىشتىلىق سەزىممەن ەركىن ساۋدا سىناق رايونى قۇرىلىسىنىڭ ءتۇرلى قىزمەتتەرىن تياناقتاندىرىپ، ورتا، باتىس بولىك وڭىرلەردىڭ جوعارى ساپالى دامۋىن جەبەۋدىڭ ۇلگى قالىبىن قۇلشىنا تۇلعالاپ، شينجياڭدى ەل ءىشى، حالىقارا سىندى قوس اينالىممەن توعىستىراتىن ماڭىزدى توراپ ەتىپ قۇرىپ،”ءبىر بەلدەۋ، ءبىر جول“ وزەكتى رايون قۇرىلىسىنا قىزمەت وتەپ، ازيا - ەۆروپا التىن ارناسى مەن ەلىمىزدىڭ باتىسقا ەسىك اشۋىنداعى الدىڭعى شەبى ەتىپ قۇرۋعا دەم بەرىپ، جۇڭگو − ورتا ازيا تاعدىرلاس ورتاق تۇلعاسىن بىرگە قۇرۋعا بەلسەندى ۇلەس قوسۋ كەرەك.
ەركىن ساۋدا سىناق رايونىن جوعارى ولشەممەن، جوعارى ساپامەن قۇرۋدا، ءسوز جوق، نازاردى ءتۇيىندى مىندەتتەرگە شوعىرلاندىرۋ كەرەك. «جۇڭگو (شينجياڭ) ەركىن ساۋدا سىناق رايونىنىڭ جالپى تۇلعالىق جوباسى» شينجياڭ ەركىن ساۋدا سىناق رايونى قۇرىلىسىنىڭ جالپى تالابىن، وڭىرلىك ورنالاسىمىن، باستى مىندەتتەرىن جانە شارالارىن، قامتاماسىزدىق مەحانيزمىن ايقىندادى، شينجياڭ ەركىن ساۋدا سىناق رايونى قۇرىلىسىنىڭ تۇعىرنامالىق حۇجاتى. اسىرەسە، «جوبادا» ستراتەگيالىق ورنىن جانە دامۋ نىساناسىن توڭىرەكتەي وتىرىپ، بىرەگەي شارۋاشىلىق - ساۋدا ورتاسىن تۇلعالاۋ، ساۋدانىڭ قولايلىلانۋ دەڭگەيىن جوعارىلاتۋ، ءداستۇرلى باسىمدىققا يە كاسىپ سالالارىن زورايتۋ، كۇشەيتۋ، توڭىرەكتەگى ەلدەرمەن ەكونوميكا - ساۋدا سەلبەستىگىن كۇشەيتۋ سياقتى 25 جاقتاعى ناقتى شارالاردى ورتاعا قويدى، ىزدەنىس جاساۋ، جاڭالىق اشۋ كەڭىستىگى زور، ەسىك اشۋ دەڭگەيى جوعارى، بىرلەسىپ ارەكەتتەنىپ دامۋ ارناسى كەڭ، شينجياڭعا رەفورمادا، جاڭالىق اشۋدا اناعۇرلىم زور وزىندىك ۇقىق بەرىلدى. ءبىز «جوبانىڭ» ءتۇرلى شارالارىنىڭ مازمۇندارىن تولىق، دالمە - ءدال يگەرىپ، كاسىپ سالاسى، دارىندى سياقتى جاقتارداعى سايكەستى ساياسات - شارالاردى سايكەستىرىپ شىعارۋدى مىقتى يگەرىپ، رەفورما سىناق تۇيىندەرىنىڭ ءتۇرلى مىندەتتەرىنىڭ تياناقتانۋىن تىڭعىلىقتى ىلگەرىلەتىپ، شينجياڭ ەركىن ساۋدا سىناق رايونىن شارۋاشىلىق - ساۋدا ورتاسى تاماشا، قارجى قوسۋعا، ساۋداعا قولايلى، باسىمدىققا يە كاسىپ سالالارى شوعىرلانعان، فاكتور بايلىعىمەن بولىسەتىن، باسقارۋى، سايكەستىرۋى جوعارى ءونىمدى، ىقپال جاساۋ، جەتەكتەۋ رولى كورنەكتى جوعارى ولشەمدى، جوعارى ساپالى ەركىن ساۋدا باقشا رايونى ەتىپ قۇرۋعا قۇلشىنۋىمىز كەرەك.
ەركىن ساۋدا سىناق رايونى قۇرىلىسىنىڭ شارپيتىن سالاسى كەڭ، جاڭالىق اشۋ تالابى جوعارى، جۇيەلى ينجەنەريا. پارتيانىڭ جاپپاي باسشىلىعىن كۇشەيتۋدى ەركىن ساۋدا سىناق رايونى قۇرىلىسىنىڭ تۇتاس بارىسىنا ساباقتاستىرۋعا تاباندى بولىپ، ورنىقتىلىقتى يگەرۋ جانە دامۋدى جەبەۋ سىندى 2 جاقتاعى قىزمەتتەردى ءبىر تۇتاس جوسپارلاپ ۇشتاستىرۋدى كۇشەيتۋ كەرەك. جوعارى دەڭگەيدە ىلگەرىلەتۋگە تاباندى بولىپ، ءبىر تۇتاس جوسپارلاۋدى كۇشەيتىپ، تۇزىمدە جاڭالىق اشۋدى كورنەكتىلەندىرىپ، پارىقتى ىزدەنىس جاساۋعا ءمان بەرىپ، جوعارى ولشەممەن ۇيىمداستىرىپ، جوعارى ساپامەن قۇرىپ، جوعارى دەڭگەيدە اتقارىپ، ەرتەرەك ونىمدىلىك كورسەتۋگە، كوپتەپ جەتىستىككە جەتۋگە قۇلشىنۋ كەرەك. قىزمەت جاۋاپكەرشىلىگىن ناقتىلاندىرىپ، ءارقايسى اۋماقتىڭ قىزمەت مىندەتىن ەگجەي - تەگجەيلىلەندىرىپ، جاۋاپكەرشىلىكتى، قىزمەت ءبولىسىن ايقىنداپ، قىزمەت بىرىككەن كۇشىن ۇيىستىرىپ، ءار دارەجەلى، ءارقايسى تاراۋلاردىڭ يدەيانى ازات ەتىپ، كوزقاراستا بۇرىلىس جاساۋىن ىلگەرىلەتىپ، قابىلەتتى ءوسىرىپ، جاۋاپكەرشىلىك ارقالاپ ىسكەرلىك كورسەتىپ، ەركىن ساۋدا سىناق رايونى قۇرىلىسىنىڭ ناقتى ونىمدىلىكتەرگە قول جەتكىزۋىن ىلگەرىلەتۋ كەرەك.
ەركىن ساۋدا سىناق رايونى قۇرىلىسىنىڭ جاۋاپكەرشىلىگى اۋىر، بورىشى داڭقتى. تاريحي ورايدى يگەرىپ، تاريحي جاۋاپكەرشىلىكتى ارقالاپ، جۇرەكتىلىكپەن سىناق ەتىپ، جۇرەكتىلىكپەن ۇمتىلىپ، ءوز كۇشىمىزبەن رەفورمالاپ، يدەيانى ازات ەتۋدەگى باستاماشى ءوڭىردى، تۇزىمدە جاڭالىق اشۋدىڭ سىناق اتىزىن، كاسىپ سالاسى شوعىرلانۋىنىڭ ارتۋ ۇيەگىن، ەسىك اشۋدى كەڭەيتۋدىڭ جاڭا بيىگىن، شارۋاشىلىق - ساۋدا ورتاسىنىڭ ۇلگى قالىپ اۋماعىن قۇلشىنا تۇلعالاپ، جاڭا دامۋ ارناسىن قۇرۋعا ”جول قاراستىرىپ“، جوعارى ساپالى دامۋدى ىلگەرىلەتۋگە ”ەنەرگيا ۇستەپ“، رەفورمانى تەرەڭدەتىپ، ەسىك اشۋدى كەڭەيتۋگە ”ماسەلەنى شەشۋشى بولىپ“، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى ءتىپتى دە جاقسى قۇرۋعا اناعۇرلىم زور ۇلەس قوسايىق.
