□ گازەتىمىزدىڭ شولۋشىسى
شينجياڭنىڭ قوعام ورنىقتىلىعىن قورعاۋدىڭ، باياندى تىنىشتىقتى جۇزەگە اسىرۋدىڭ نەگىزى ادامدا، تەتىگى وقۋ - اعارتۋدا.
بۇكىل رايوندا جوعارىدان تومەنگە دەيىن پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ وتىرعان ساتتە، اۆتونوميالى رايوننىڭ وقۋ - اعارتۋ جينالىسىن اشىپ، بۇكىل رايوننىڭ وقۋ - اعارتۋ رەفورماسى، دامۋى جاعدايىنا تالداۋ جاساپ، اقىلداسىپ، وقۋ - اعارتۋدى جوعارى ساپالى دامىتۋ قىزمەتتەرىن جۇيەلى جوسپارلاۋى، ورنالاستىرۋى بۇكىل رايوندا جوعارىدان تومەنگە دەيىن وقۋ - اعارتۋدى شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەت رەتىندە قاراۋعا تاباندى بولىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ ماڭىزدى بورىشىن شىنايى ارقالاپ، جاڭا جورىقتا وقۋ - اعارتۋدا قۋاتتى رايوندى قۇلشىنا قۇرۋ جونىنەن ماڭىزدى مانگە يە.
وقۋ - اعارتۋ كوركەيسە، مەملەكەت كوركەيەدى، وقۋ - اعارتۋ قۇدىرەتتەنسە، مەملەكەت قۇدىرەتتەنەدى. پارتيا 20 - قۇرىلتايىنىڭ بايانداماسىندا وقۋ - اعارتۋ، عىلىم - تەحنيكا، دارىندىلار جەكە تاراۋ رەتىندە ورنالاستىرىلىپ، وقۋ - اعارتۋدا قۋاتتى ەل قۇرۋدى جەدەلدەتۋ ۇندەۋى ورتاعا قويىلدى. وقۋ - اعارتۋدىڭ شينجياڭنىڭ مەملەكەتتىڭ ستراتەگيالىق جالپى جاعدايىنا قىزمەت وتەۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ امالياتىندا ستراتەگيالىق باستاماشى جانە تىرەك، جەتەكشى بولۋ رولى بار، ۇلتتىڭ گۇلدەنۋى ۇلى مىندەتىن ارقالايتىن ءداۋىر جاڭا ادامدارىن باۋلۋدا، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدا ماڭىزدى نەگىزدىك رولى بار. ءبىز باس شۋجي شي جينپيڭنىڭ وقۋ - اعارتۋدا قۋاتتى ەل قۇرۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، ءتۇسىنىپ، وقۋ - اعارتۋعا ساياسي جاقتان قاراۋعا، وقۋ - اعارتۋدى حالىق تۇرمىسى جاعىنان يگەرۋگە، وقۋ - اعارتۋدى زاڭدىلىق جاعىنان جۇرگىزۋگە تاباندى بولىپ، وقۋ - اعارتۋدى جوعارى ساپامەن دامىتۋ ارقىلى باياندى تىنىشتىققا نەگىز قالاۋدى، رۋح سومداۋدى جۇزەگە اسىرۋىمىز كەرەك.
سوڭعى جىلدارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك وقۋ - اعارتۋ مينيسترلىگىنىڭ جەتەكشىلىگىندە، قولداۋىندا، اۆتونوميالى رايوندىق پارتكوم وقۋ - اعارتۋدا قۋاتتى رايون قۇرىلىسىن جاپپاي كۇشەيتىپ، ءمورال ارقىلى تاربيەلەۋ ءتۇبىرلى مىندەتىن ءونىمدى تياناقتاندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىن تىڭعىلىقتى ىلگەرىلەتىپ، وقۋ - اعارتۋ ءتۇيىندى رەفورماسىن ۇزدىكسىز تەرەڭدەتىپ، بۇكىل رايوننىڭ وقۋ - اعارتۋ ىستەرىن دامىتۋدا كورنەكتى ونىمدىلىككە قول جەتكىزۋدى ىلگەرىلەتتى. قىزمەت ناتيجەسىن كورۋمەن بىرگە، جاڭا جاعداي جاڭا مىندەت، جاڭا تالاپ الدىندا شينجياڭنىڭ وقۋ - اعارتۋ قىزمەتىندە وقۋ - اعارتۋ بايلىعىمەن قامداۋدىڭ بىركەلكى بولماۋى، جۇڭحۋا ۇلتى ورتاق تۇلعا تانىمىن بەرىك ورناتۋ رولىنىڭ تولىق ساۋلەلەنبەۋى، جوعارى وقۋ - اعارتۋ مەن كاسىپتىك وقۋ - اعارتۋدىڭ وقىتۋ جۇرگىزۋ ساپاسىنىڭ جوعارى بولماۋى، وقىتۋشىلار قوسىنىنىڭ جالپى تۇلعالىق ساپاسى جوعارىلاتۋدى قاجەت ەتەتىندىگى، وقۋ - اعارتۋدى الدىمەن دامىتۋ قامتاماسىزدىعىنىڭ جەتكىلىكتى بولماۋى سياقتى ولقىلىقتار مەن ءالسىز تۇستاردىڭ ءالى دە ورىن تەۋىپ وتىرعاندىعىن انىق تانۋىمىز كەرەك، بۇل ءبىزدىڭ وقۋ - اعارتۋدا قۋاتتى ەل قۇرىلىسى تالابىنا تۋرالانىپ، كورنەكتى ماسەلەلەردى شەشۋ بارىسىندا وقۋ - اعارتۋدىڭ جوعارى ساپالى دامۋىن ىلگەرىلەتۋگە كۇش سالىپ، وقۋ - اعارتۋدا قۋاتتى رايون قۇرىلىسىنىڭ جاڭا جاعدايىن قۇلشىنا اشۋىمىزدى قاجەت ەتەدى.
جەتەرسىزدىكتى ءبىلىپ العا باسۋ كەرەك. وقۋ - اعارتۋ مىندەتى اۋىر ءارى جولى ۇزاق ءىس، بۇكىل رايوندا جوعارىدان تومەنگە دەيىن ءمورال ارقىلى تاربيەلەۋ ءتۇبىرلى مىندەتىن جاپپاي تياناقتاندىرىپ، ءتۇيىندى سالالار مەن شەشۋشى بۋىندارداعى قىزمەتتەردى جۇيەلى ورنالاستىرۋدى، ىلگەرىلەتۋدى قاجەت ەتەدى. دارىندىلاردى تاربيەلەۋ بەتالىسىن مىقتاپ يگەرىپ، قاجىماي - تالماي شي جينپيڭ جاڭا ءداۋىر جۇڭگوشا سوتسياليزم يدەياسىمەن رۋح سومداپ، ادام تاربيەلەۋ كەرەك؛ جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن شىنايى يگەرىپ، وقۋ - اعارتۋدىڭ نەگىزگى ارنالىق رولىن تولىق ساۋلەلەندىرىپ، جاستار مەن ورەندەردىڭ ”نەگىز قالاۋ“ ينجەنەرياسىن ىشكەرىلەي ىلگەرىلەتىپ، مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋ، كەڭەيتۋ تەبىنىن ۇزدىكسىز ارتتىرىپ، ءار ۇلت وقىتۋشى - وقۋشىلارىنىڭ ارالاسۋىن، ىشتەسۋىن، توعىسۋىن جاپپاي جەبەۋ كەرەك؛ يدەولوگيا قىزمەتى جاۋاپكەرشىلىك ءتۇزىمىن قاتاڭ تياناقتاندىرىپ، وقۋ - اعارتۋ سالاسىنىڭ ساياسي حاۋىپسىزدىگى مەن يدەولوگيا حاۋىپسىزدىگىنە شىنايى كەپىلدىك ەتۋ كەرەك؛ وقۋ - اعارتۋدىڭ دامۋ جەتىستىكتەرىنەن ءار ۇلت بۇقاراسىن اناعۇرلىم كوپ، اناعۇرلىم ءادىل يگىلىكتەندىرۋدى جەبەپ، وقۋ - اعارتۋ بايلىعىن ورنالاستىرۋدى ساپالىلاندىرىپ، بىركەلكى دامۋدى جەبەپ، بيڭتۋان مەن جەرگىلىكتى ورىننىڭ وقۋ - اعارتۋىنىڭ تەرەڭدەي توعىسا دامۋىن ىلگەرىلەتۋ كەرەك؛ وقۋ - اعارتۋدىڭ جوعارى ساپالى دامۋداعى تىرەكتىك كۇشىن جانە ۇلەس قوسۋ دارەجەسىن جوعارىلاتىپ، ”8 ءىرى كاسىپ سالاسى شوعىرى“ قۇرىلىسى، ”ءبىر بەلدەۋ، ءبىر جول“ وزەكتى رايون قۇرىلىسى سياقتىلاردى ارقاۋ ەتىپ، ءپان ورنالاستىرۋىن يكەمدى رەتتەپ، ساپالىلاندىرىپ، ءوندىرىس پەن وقىتۋدىڭ توعىسۋىن تەرەڭدەتۋ كەرەك؛ وقۋ - اعارتۋ رەفورماسىن، ەسىك اشۋىن تەرەڭدەتىپ، وقۋ - اعارتۋدىڭ جوعارى ساپالى دامۋىنىڭ قوزعاۋشى كۇشىن، ومىرشەڭدىك كۇشىن قاۋلاتۋ كەرەك؛ جوعارى ساپالى، ماماندانعان قوسىن باۋلىپ، جەتىلدىرىپ، وقىتۋشىلار بايلىعىن ۇلەستىرۋدى، باسقارۋدى تەرەڭدەتىپ، وقىتۋشىلاردى قۇرمەتتەپ، وقۋ - اعارتۋعا ءمان بەرەتىن قوعامدىق سالتتى بارىنشا اسقاقتاتۋ كەرەك؛ وقۋ - اعارتۋ ارقىلى شينجياڭعا باعىتتامالى كومەكتەسۋدى تەرەڭدەتىپ، اناعۇرلىم كوپ كۇش توپتاپ، وقۋ - اعارتۋدا قۋاتتى رايون قۇرۋ كەرەك.
پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتۋ − وقۋ - اعارتۋدى ويداعىداي جۇرگىزۋدىڭ ءتۇبىرلى كەپىلى. پارتيا باسشىلىعىن وقۋ - اعارتۋدىڭ، وقىتۋدىڭ، دارىندى تاربيەلەۋدىڭ تۇتاس بارىسىندا، ءارقايسى جاقتارىندا شىنايى تياناقتاندىرعاندا عانا، وقۋ - اعارتۋ ىستەرىنىڭ باستان - اياق دۇرىس بەتالىسپەن العا باسۋىنا شىنايى كەپىلدىك ەتۋگە بولادى. ءبىز ساياسي دەڭگەيدى شىنايى جوعارىلاتىپ، پارتكوم ءبىر تۇتاس باسىشىلىق ەتەتىن، پارتيا مەن ۇكىمەت تەڭ يگەرىپ، بىرگە باسقاراتىن، تاراۋلار ءوز جاۋاپكەرشىلىگىن ءوزى ارقالايتىن قىزمەت مەحانيزمىن ۇزدىكسىز كەمەلدەندىرىپ، وقۋ - اعارتۋدى دامىتۋدى، عىلىم - تەحنيكادا جاڭالىق اشۋدى، دارىندى تاربيەلەۋدى ءبىر تۇتاس جوسپارلاپ، جوبالاپ، تەرەڭ توعىستىرۋدى ىلگەرىلەتىپ، وقۋ - اعارتۋ قاراجاتى، جوعارى مەكتەپ قۇرىلىسى، وقىتۋشىلاردىڭ ۇقىق - مۇددەسى سياقتى جاقتارداعى قامتاماسىز ەتۋ سەرپىنىن كۇشەيتىپ، وقۋ - اعارتۋدا قۋاتتى رايون قۇرۋعا پارمەندى كەپىل ازىرلەۋىمىز كەرەك.
ماڭگىلىك ۇلى ءىس وقۋ - اعارتۋدى نەگىز ەتەدى. شىنايى يگەرىپ ناقتى ىستەۋ ارقىلى وقۋ - اعارتۋداعى ”قانداي ادام تاربيەلەۋ، ادامدى قالاي تاربيەلەۋ، ادامدى كىم ءۇشىن تاربيەلەۋ“ سىندى ءتۇبىرلى ماسەلەگە ويداعىداي جاۋاپ بەرىپ، وقۋ - اعارتۋدا قۋاتتى رايون قۇرىلىسىن بەلسەندى تۇردە ىلگەرىلەتىپ، حالىق رازى بولاتىن وقۋ - اعارتۋدى ويداعىداي جۇرگىزىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا اقىل - پاراسات جانە كۇش - قۋات قوسايىق.
