شينجياڭ ەركىن ساۋدا سىناق رايونى ءۇرىمجى اۋماعىنىڭ جوعارى، جاڭا يقۋاتتى رايون بولىگىندە
العاشقى توپتا 10 نىسان جونىندە كەلىسىم جاسالدى
انار بۇلت \ شينجياڭ گازەتىنىڭ ءتىلشىسى جاۋ يۋە 11 - ايدىڭ 8 - كۇنى ۇرىمجىدەن حابارلايدى. 11 - ايدىڭ 7 - كۇنى جۇڭگو (شينجياڭ) ەركىن ساۋدا سىناق رايونى ءۇرىمجى اۋماعىنىڭ جوعارى، جاڭا يقۋاتتى رايون بولىگىندە العاشقى توپتاعى نىساندار جونىندە شوعىرلى كەلىسىم جاسالدى.
وسى كۇنى ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) 10 ءتۇيىندى ساۋداگەر شاقىرىپ قارجى ەنگىزۋ نىسانى جونىندە شوعىرلى كەلىسىم جاسادى، بۇلار ەلەكتروندى ساۋدا ىستەرى، زەردەلى جاساۋ سياقتى كوپتەگەن سالانى قامتيدى، 10 بانكە، فينانس قۇرىلىمىمەن ۇكىمەت پەن بانكە سەلبەستىگى جونىندە كەلىسىم جاسادى ءارى جوعارى، جاڭا يقۋاتتى رايون بولىگىنە كەلىپ ورنالاساتىن العاشقى توپتاعى 10 كاسىپورىنعا جۇمىس باسىندا تيجارات كۋالىگىن تاپسىردى.
جۇڭگو وڭتۇستىك اۆياتسيا جارنا شەكتى سەرىكتەستىگىنىڭ شينجياڭ بولىمشە سەرىكتەستىگى − ساۋداگەر شاقىرىپ قارجى ەنگىزۋ نىسانى جونىندە كەلىسىم جاساسقان كاسىپورىنداردىڭ ءبىرى. وسى سەرىكتەستىكتىڭ ورىنباسار باس ديرەكتورى حۋ حايتاۋ بىلاي دەپ تانىستىردى: وڭتۇستىك اۆياتسياسى جوعارى، جاڭا يقۋاتتى رايون بولىگىندە حالىقارالىق اۆياتسيا جولاۋشىلار تاسىمال تورابى، باتىس بولىك جالپىلىق زات اينالىم تورابى، ورتا، باتىس ازيا وڭىرىندەگى كولەمى ەڭ ۇلكەن ۇشاق رەمونتتاۋ ورتالىعى سياقتى ءبىر قىدىرۋ ۇلگىلى نىسان كاسىپ سالالارىن تۇلعالاپ، ءوندىرىس فاكتورلارىنىڭ اينالىمىن جانە اۋەجاي ماڭى كاسىپ سالاسى تىزبەگىنىڭ جوعارى ءونىمدى شوعىرلانۋىن جەدەلدەتىپ، ازيا − ەۆروپا التىن ارناسى قۇرىلىسى سياقتىلارعا دەم بەرىپ، شينجياڭنىڭ ەل ءىشى، حالىقارا سىندى قوس اينالىمعا ىشكەرىلەي توعىسۋىنا ۇلەس قوسادى.
وسى كۇنى ۇكىمەت پەن بانكە سەلبەستىگى جونىندە كەلىسىم جاساسقان شينجياڭداعى بانكەلەردىڭ ”بانكە مەن ۇكىمەت ىقپالداستىعىن“ تەرەڭدەتىپ، ۇكىمەت − بانكە − كاسىپورىن سەلبەستىگىن اقاۋسىزداندىرۋ تىلەگى كۇشتى بولدى. جۇڭگو قۇرىلىس بانكەسى جارنا شەكتى سەرىكتەستىگىنىڭ شينجياڭ رايوندىق بولىمشە بانكەسى تيجارات ءبولىمىنىڭ ورىنباسار باس ديرەكتورى اسقارجان ابىلەز مىنالاردى ءبىلدىردى: جوعارى، جاڭا يقۋاتتى بولىكتەن تارماق قۇرىلىم نەمەسە ەركىن ساۋدا سىناق رايونىنداعى ارناۋلى تيجارات قۇرىلىمىن قۇرىپ، كاسىپورىندارعا جان - جاقتى، كوپ ساتىلى، جوعارى دەڭگەيلى ”اقىل - پاراساتتى توعىستىرۋ + قارجى قۇراۋ“ كەشەندى فينانستىق قىزمەت وتەۋىن ازىرلەيمىز.
”ەركىن ساۋدا سىناق رايونىنداعى بولاشاقتاعى اناعۇرلىم قولايلى شارۋاشىلىق - ساۋدا ورتاسى، اناعۇرلىم اشىق بازارعا كىرۋگە رۇقسات ەتۋ جانە اناعۇرلىم ءتيىمدى سالىق ساياساتى سياقتىلار، ءسوز جوق، كاسىپورىنداردىڭ دامۋىنا مىعىم قوزعاۋشى كۇش جانە كەڭ كەڭىستىك ازىرلەيدى“. شينجياڭ ەركىن ساۋدا سىناق رايونى ماڭدايشالىق اشقاننان بەرى، ءۇرىمجى اۋماعى جوعارى، جاڭا يقۋاتتى بولىگىنە كەلىپ ورنالاسقان العاشقى توپتاعى كاسىپورىن رەتىندە، شينجياڭ يدا عىلىم - تەحنيكالىق جەتىلدىرۋ سەرىكتەستىگىنىڭ باس ديرەكتورى جاۋ ياڭ الداعى دامۋعا زور ءۇمىت ارتتى.
ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) باسقارۋ كوميتەتىنىڭ ورىنباسار مەڭگەرۋشىسى، ۇنەمىلىك ىستەرگە جاۋاپتى ورىنباسار رايون باستىعى چيان يۋەچياڭ مىنالاردى ءبىلدىردى: جوعارى، جاڭا يقۋاتتى بولىك اشىق سيپاتتى ەرەكشە كاسىپ سالاسى جۇيەسىن، اۆياتسيالىق پورت تيبىندەگى مەملەكەتتىك زات اينالىمى تورابىن، حالىقارالىق تيپتەگى عىلىم - تەحنيكا جانە دارىندى اۋىس - كۇيىس، سەلبەستىك تۇعىرىن ءتۇيىندى تۇردە تۇلعالاپ، ەركىن ساۋدا سىناق رايونىن قولداۋ ساياساتىنان ويداعىداي، جەتكىلىكتى، جاندى پايدالانىپ، قىزمەت وتەۋ تۇرىندەگى ۇكىمەت قۇرىلىسىن، سيفرلى ۇكىمەت قۇرىلىسىن جەدەلدەتىپ، ”جوعارى، جاڭا تەحنيكالىق ىستەردى قۋانا ءبىتىرۋ“ سىندى اكىمشىلىك ىستەر ماركاسىنىڭ اتاعىن شىعارىپ، ءتۇرلى شارۋاشىلىق تۇلعالارىنىڭ الاڭسىز قارجى قوسۋىنا، ۋايىمسىز شارۋاشىلىق جۇرگىزۋىنە، كوڭىلدى دامۋىنا مۇمكىندىك جاسايدى.
