الاتاۋ ساعاسى شەكارا وتكەلى − شينجياڭ بۇراتالا موڭعۇل اۆتونوميالى وبلىسىنا ورنالاسقان، جۇڭگوداعى ەڭ ۇلكەن، ەڭ قاربالاس قۇرلىق جولى شەكارا وتكەلىنىڭ ءبىرى. ”ءبىر بەلدەۋ، ءبىر جولدى“ بىرگە قۇرۋ باستاماسىنىڭ ىلگەرىلەتىلۋىنە بايلانىستى، الاتاۋ ساعاسى شەكارا وتكەلى ارقىلى شەكارادان كىرىپ - شىققان جۇڭگو − ەۆروپا كەزەكشى پويەزى جىل سايىن مولايدى.
قاتتى بوراننىڭ ىقپالىنا ۇشىرايتىن جەردە جۇك قورابىن اۋىستىرىپ تيەۋگە بولماۋداي ماسەلەنى شەشۋ ءۇشىن بۇل اراعا كولەمدى تەمىر جول بولمە ىشىندەگى جۇك قورابىن الماستىرۋ سكلادتى سالىنعان. 4 ءىرى تۇرپاتتى تيەۋىش قوراپتار بىردەي ۋاقىتتا جۇمىس ىستەگەندە ءبىر ساعاتتىڭ اينالاسىندا ءبىر قاتار جۇڭگو − ەۆروپا كەزەكشى پويەزىنىڭ جۇك قورابىن اۋىستىرىپ تيەۋ قىزمەتىن ورىنداپ، ”شويىن كەرۋەننىڭ“ ازيا − ەۆروپا قۇرلىعى اراسىندا جۇيتكي ءتۇسىپ، تاۋارلاردىڭ جىلدام جەتكىزىلۋىن ىسكە اسىرادى.
بيىل 8 - ايدىڭ 5 - كۇنىنە دەيىن، الاتاۋ ساعاسى تەمىرجول شەكارا وتكەلىنەن وتكەن جۇڭگو − ەۆروپا كەزەكشى پويەزىنىڭ سانى 4000 كەزەكتەن استى. بۇل دۇنيە ءجۇزىنىڭ قامداۋ تىزبەگىن جانە كاسىپ سالاسى تىزبەگىن ورنىقتىرۋ، ەل ءىشى، حالىقارا قوس اينالىمىنا قىزمەت وتەۋدە ماڭىزدى رول اتقارادى.
