− رايونىمىزدىڭ حالىقتىق شارۋاشىلىقتىڭ جوعارى ساپالى دامۋىن ىلگەرىلەتكەندىگى جونىندە جالپى شولۋ
□ انار بۇلت \ شينجياڭ گازەتىنىڭ ءتىلشىسى تويا
حالىقتىق شارۋاشىلىق − جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جالىندى قوسىنى، سونداي - اق جوعارى ساپالى دامۋدىڭ ماڭىزدى نەگىزى.
اۆتونوميالى رايوندىق ساناق مەكەمەسىنىڭ ساندى مالىمەتتەرىندە كورسەتىلۋىنشە، الدىڭعى جارتى جىلدا رايونىمىزداعى كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％2. 5 جوعارىلاعان، مۇنىڭ ىشىندە جالپىلىق مەنشىككە جاتپايتىن شارۋاشىلىقتىڭ ارتۋى ％2. 7 بولعان؛ الدىڭعى 4 ايدا حالىقتىق شارۋاشىلىقتىڭ يمپورت - ەكسپورت قۇنى 90 ميلليارد 110 ميلليون يۋان بولىپ، سايكەس مەزگىلدەگىدەن ％8. 96 ارتىپ، رايونىمىز سىرتقى ساۋداسىنىڭ ”ورنىقتىرعىشىنا“ اينالعان...
بيىل جىل باسىنان بەرى، اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتىنىڭ ءبىر قىدىرۋ ساياسات - شارالارىنىڭ ونىمدىلىك كورسەتۋى كۇشەيتىلگەن جاعدايدا، رايونىمىزدىڭ حالىقتىق شارۋاشىلىعىنىڭ ورنىقتى قاداممەن ارتقان، جاڭالانۋعا قاراي بەت العان قاۋلاعان ومىرشەڭدىگى مەن تاسقىنداعان قوزعاۋشى كۇشى كۇن سايىن ايگىلەنە ءتۇستى.
تولىسۋدىڭ ”قۇنارلى توپىراعى“ نارلەندىرىلدى
تاماشا شارۋاشىلىق - ساۋدا ورتاسى حالىقتىق كاسىپورىندار تولىساتىن قۇنارلى توپىراق. بۇكىل الەمدىك اقشانىڭ قۇنسىزدانۋىنىڭ قىسىمى ۇزدىكسىز ارتۋ، ىشكى - سىرتقى سۇرانىس جەتەرسىز بولۋ سياقتى كوپتەگەن سىن - سايىس الدىندا، رايونىمىزدىڭ حالىقتىق شارۋاشىلىعى جالپى تۇلعالىق جاقتان ورنىقتى دامۋ كۇيىن ساقتاپ، سەرپىمدىلىگىنىڭ كۇشتىلىگىن تولىق ايگىلەدى. مۇنىڭ استارىنداعى ساياساتتىق قولداۋ حالىقتىق شارۋاشىلىقتىڭ قارىشتاپ دامۋىنداعى شەشۋشى بۋىن بولىپ وتىر.
11 - ايدىڭ 8 - كۇنى يانچي حۇيزۋ اۆتونوميالى اۋدانىنداعى حىبەي - بايىنعولين وبلىسى ەكولوگيالىق كاسىپ سالاسى باقشاسىندا بايىنعولين وبلىسى چىنگۋاڭ وسىمدىك بەلوگى شەكتى سەرىكتەستىگىنىڭ يەلەيتىن جەر كولەمى 280 مۋلىق 350 مىڭ توننا ماقتا ۇرىعىن وڭدەۋ نىسانى جەدەل سالىنىپ جاتتى، بۇل نىسانعا 450 ميلليون يۋان قارجى قوسىلعان، جاڭا نىسان وندىرىسكە قوسىلعاننان كەيىن، ءبىر ميلليارد 500 ميلليون يۋان جىلدىق ءونىم قۇنىن جاراتادى.
شينجياڭ چىنگۋاڭ بيو عىلىم - تەحنيكا جارنا شەكتى سەرىكتەستىگىنىڭ بولىمشە سەرىكتەستىگى بايىنعولين وبلىسى چىنگۋاڭ وسىمدىك بەلوگى شەكتى سەرىكتەستىگى بيىل 3 - ايدا قۇرىلعان. ”جەرگىلىكتى ۇكىمەتتىڭ، قاتىستى تاراۋلاردىڭ بار كۇشپەن قولداۋىندا، جەر سياقتى قاتىستى راسمياتتاردى ءبىتىرۋ توتەنشە ءساتتى بولىپ، كاسىپورىننىڭ قۋاتىن كەڭەيتىپ، دامۋىنا داڭعىل جول اشتى. جەرگىلىكتى ورىننىڭ اۋىل شارۋاشىلىعىنداعى باسىمدىققا يە بايلىعىنا سۇيەنىپ، 4 بولىمشە سەرىكتەستىك قۇردىق، بۇدان كەيىنگى دامۋعا تولىق سەنىمدىمىز“، - دەدى شينجياڭ چىنگۋاڭ بيو عىلىم - تەحنيكا سەرىكتەستىگىنىڭ ورىنباسار باس ديرەكتورى جاڭ حۇڭمين.
بيىل جىل باسىنان بەرى، حالىقتىق شارۋاشىلىقتىڭ دامۋىن جەبەۋ جانە زورايتۋ جاعىندا ورتالىق كوپتەگەن كەلەلى ساياساتتاردى شىعاردى. اۆتونوميالى رايون ورتالىقتىڭ ساياساتتارىن بار كۇشپەن دايەكتىلەندىرۋ، تياناقتاندىرۋ بارىسىندا «اۆتونوميالى رايوننىڭ شارۋاشىلىق - ساۋدا ورتاسىن ساپالىلاندىرىپ، دەڭگەيىن جوعارىلاتۋدى اتقارۋداعى 3 جىلدىق ارەكەت جوباسىنىڭ (2022 − 2025 - جىل)» جاپپاي تياناقتانۋىن ىلگەرىلەتۋ بارىسىندا ءارقايسى باستاماشى تاراۋلار، ورىندار جەدەل ارەكەتكە كەلىپ، ءارقايسىسى وزدەرى جاۋاپتى بولعان نەگىزگى مىندەتتەر جونىندە ناقتى دايەكتىلەندىرۋ، تياناقتاندىرۋ شارالارىن اقىلداسىپ، شارۋاشىلىق - ساۋدا ورتاسىن ساپالىلاندىرۋ قىزمەتىنىڭ ورنىقتى قاداممەن العا باسۋىن ىلگەرىلەتتى.
ءبىر قىدىرۋ ناقتى شارالار شارۋاشىلىق - ساۋدا ورتاسىن ۇزدىكسىز ساپالىلاندىردى، جاقسارتتى. اۆتونوميالى رايوندىق ساۋدا - ونەركاسىپشىلەر بىرلەستىگى ”ەكى اقاۋسىزدىققا“ قىزمەت وتەۋدى ارقاۋ ەتىپ، 8 ناقتى ءىستىڭ اتقارىلۋىن ىلگەرىلەتتى؛ اۆتونوميالى رايوننىڭ ساياسي - زاڭ ورگاندارى زاڭمەن باسقارىلاتىن شارۋاشىلىق - ساۋدا ورتاسىن ساپالىلاندىرۋدىڭ 50 تارماقتى شاراسىن جاريالادى، سونىمەن بىرگە شينجياڭ شارۋاشىلىق - ساۋدا ورتاسىن ساپالىلاندىرۋ بويىنشا زاڭمەن باسقارۋ بىرلەسكەن تۇلعاسىن قۇردى؛ اۆتونوميالى رايوندىق بازار باقىلاۋ - باسقارۋ مەكەمەسى 14 تارماقتى شارا شىعارىپ، شارۋاشىلىق - ساۋدا ورتاسىن ساپالىلاندىردى...
تيجارات تۇلعاسىنىڭ قاجەتىن ارقاۋ ەتكەن تاراۋلار ۇكىمەت فۋنكتسياسىندا بۇرىلىس جاساۋدى ىلگەرىلەتتى. اۆتونوميالى رايوندىق دامۋ جانە رەفورما كوميتەتى بازارعا كىرۋگە رۇقسات ەتۋ ۇنامسىز تىزىمدىگى بويىنشا ۇيىمداستىرۋ، اتقارۋ قىزمەتىن تولىعىمەن جاقسىلاپ ىستەپ، بازارعا كىرۋگە رۇقسات ەتۋ قامالىن ءبىر - بىرلەپ تەكسەرۋدىڭ باياندى مەحانيزمىن اقاۋسىزداندىردى؛ اۆتونوميالى رايوندىق ساۋدا ىستەرى مەڭگەرمەسى ”بۇكىل ەلدە ءبىر ءتىزىم بولۋ“ سىندى باسقارۋ ۇلگىسىن قاتاڭ تياناقتاندىرىپ، ”تيىم سالىنباعان بولسا تاباندا كىرگىزۋدىڭ“ جاپپاي تياناقتاندىرىلۋىن ىلگەرىلەتتى...
ءبىر قىدىرۋ تياناقتاندىرۋ ساياساتتارى ىركەس - تىركەس شىعارىلىپ، جان - جاقتان كۇش سالىنۋى حالىقتىق شارۋاشىلىقتىڭ دامۋىنا سەنىم جانە كۇش - قۋات ۇستەدى. ساناق ساندى مالىمەتتەرىندە كورسەتىلۋىنشە، 6 - ايدىڭ سوڭىنا دەيىن، بۇكىل رايونىمىزدىڭ تىركەلىپ تىزىمگە الىنعان تيجارات تۇلعاسى 2 ميلليون 357 مىڭ (بيڭتۋان قامتىلادى) بولعان، مۇنىڭ ىشىندە جەكە تيجارات كاسىپورنى 452 مىڭ 100 بولىپ، ％6. 7 ارتقان؛ جەكە ساۋدا - ونەركاسىپشىلەر ءبىر ميلليون 800 مىڭ بولىپ، ％6 ارتقان. الدىڭعى جارتى جىلدا جاڭادان كوبەيگەن تيجارات تۇلعاسى 217 مىڭ 100 بولعان، مۇنىڭ ىشىندە جاڭادان تىزىمگە الىنعان جەكە تيجارات كاسىپورنى 46 مىڭ بولىپ، ％3. 8 ارتقان.
”نازاردى حالىقتىق كاسىپورىندار دامۋىنىڭ تالماۋ، قيىن، بوگەتتى ماسەلەلەرىنە شوعىرلاندىرعاندىقتان، وسى ناقتى شارالار شارۋاشىلىق - ساۋدا ورتاسىن ۇزدىكسىز ساپالىلاندىرىپ، جاقسارتىپ، قارجى قوسۋ قولايلىلىعىن جوعارىلاتىپ، ءوندىرىستىڭ، تيجاراتتىڭ وزىندىك قۇنىن تومەندەتىپ، حالىقتىق كاسىپكەرلەردىڭ دامۋ سەنىمىن كۇشەيتىپ، حالىقتىق كاسىپورىندارعا بۇرىن بولماعان دامۋ ورايىن اكەلدى“، - دەدى شينجياڭ شىعىس، باتىس بولىك ەكونوميكاسىن زەرتتەۋ اكادەمياسىنىڭ باستىعى تاڭ ليجيۋ.
دامۋدىڭ ”جاڭا قوزعالىس قۋاتىن“ توپتادى
جاڭالىق اشۋ − دامۋعا جەتەكتەيتىن ءبىرىنشى قوزعاۋشى كۇش. رايونىمىزداعى حالىقتىق كاسىپورىندار ولقىلىقتاردى تولىقتاۋعا، قۋاتتى كۇشەيتۋگە تاباندى بولىپ، كاسىپورىندارعا عىلىم - تەحنيكامەن قۋات ۇستەۋ ارقىلى ساپانى جوعارىلاتىپ، ونىمدىلىكتى ارتتىرىپ، جاڭالىق اشۋ ارقىلى كاسىپ سالاسىنىڭ دامۋىنا جەتەكشىلىك ەتتى.
تاياۋدا ەل ىشىندەگى ماشينا سالاسىنداعى بىردەن - ءبىر مەملەكەت بەكىتىپ بەلگىلەنگەن سيلىق − ماشينا ونەركاسىبى عىلىم - تەحنيكا سيلىعى 2023 - جىلدىق سيلىق تۇرلەرى جاريالاندى. ەرەكشە ترانسفورماتور جارنا شەكتى سەرىكتەستىگى شي - ان جياۋتۇڭ داشۋەسىمەن بىرگە زەرتتەپ اشقان ”حاۋىپسىز، قورشاعان ورتانى قورعايتىن، جاندىرمايتىن، وتقا ءتوزىمدى ەلەكتر كابەلى شەشۋشى تەحنيكاسى جانە قولدانۋ“ ءتۇرى 3 - دارەجەلى سيلىققا يە بولىپ، ەل ىشىندەگى اقتاڭداقتى تولتىردى.
شينجياڭنىڭ وزىندە جەتىلىپ، دامىعان مەملەكەت دارەجەلى جوعارى، جاڭا تەحنيكالىق كاسىپورىن رەتىندە، ەرەكشە ترانسفورماتور سەرىكتەستىگى ەلەكتر جەتكىزۋ، كەرنەۋ وزگەرتۋ، جاڭا ەنەرگيا سياقتى 4 ۇلكەن كاسىپ سالاسىن ارقاۋ ەتىپ، باسىمدىققا يە كاسىپ سالاسىن جەدەل ورنالاستىرىپ، عىلىم - تەحنيكادان قامال الۋ ۇسىنىلىمىن ۇزدىكسىز ارتتىرىپ، مەملەكەت دارەجەلى عىلمي زەرتتەۋ بويىنشا جاڭالىق اشۋ تۇعىرىنان 16سىن قۇرىپ، بيىل 6 - ايعا دەيىن ءار ءتۇرلى 2229 ۇقىق بەرىلگەن پاتەنتكە يە بولدى.
ەرەكشە ترانسفورماتوردىڭ ۇزدىكسىز زورايۋى اۆتونوميالى رايونداعى حالىقتىق كاسىپورىنداردىڭ جاڭالىق اشا دامۋىنىڭ ىقشام كورىنىسى. ەكونوميكانىڭ جوعارى ساپالى دامۋىن ىلگەرىلەتۋ جورىعىندا اۆتونوميالى رايونداعى حالىقتىق كاسىپورىندار جاڭا ورايدى مىقتى يگەرىپ، جەدەلدەتىپ تيبىن وزگەرتىپ، دارەجەسىن جوعارىلاتتى.
حۋافۋ شىشاڭ جارنا شەكتى سەرىكتەستىگى − شينجياڭداعى رەڭدى ءجىپ ءيىرۋ، جاڭاشا وڭدەلمەگەن ءجىپ، ءجىپ بوياۋ سىندى ۇشەۋى ءبىر تۇلعالاندىرىلعان تۇڭعىش توقىماشىلىق كاسىپورنى، 2006 - جىلى شينجياڭعا ىرگە تەپكەننەن بەرى، شينجياڭدا جيىنى 8 ميلليارد يۋاننان استام قارجى قوسىپ، جىلدىق ماقتا ساۋدا مولشەرى 600 مىڭ توننادان اسىپ، يىرىلگەن ءجىپ ءونىم قۋاتى ءبىر ميلليون 230 مىڭ ۇرشىققا جەتتى. قازىر وسى سەرىكتەستىك 10 ميلليارد يۋان كولەمىندەگى سيفرلاندىرىلعان بايپاق كاسىبى قامداۋ تىزبەگى تۇعىرىن قۇردى، سونىمەن بىرگە ءجىپ، كەزدەمە، كيىم كاسىپ سالاسى تىزبەگىن اشىپ، 10 ميلليارد يۋان كولەمىندەگى توقىماشىلىق، كيىم - كەشەك قامداۋ تىزبەگى تۇعىرىن تۇلعالادى.
شينجياڭنىڭ وراسان زور جاڭا ەنەرگيا دامۋ كومەسكى كۇشىن ءدال بايقاعان حۋافۋ سەرىكتەستىگى بىلتىر جاڭا ەنەرگيا نىسانىن رەسمي ىسكە قوستى. بيىل تاعى حۋاديان شينجياڭ ەلەكتر تاراتۋ شەكتى سەرىكتەستىگىمەن ستراتەگيالىق سەلبەستىككە كەلىسىپ، توقىماشىلىق ونەركاسىپ بازارى باقشا رايونىنىڭ تومەن كومىر قىشقىل گازدى بولۋعا ويىستىرۋ فوتوۆولتتىق نىسانىن سالدى.
”بولاشاقتا ءبىز شينجياڭنىڭ بايلىق ارتىقشىلىعىن، وڭىرلىك ورىن باسىمدىعىن جانە كاسىپ سالاسى نەگىزىن ۇزدىكسىز تياناق ەتىپ، شينجياڭنىڭ ەكونوميكاسىنىڭ دامۋىنا جاڭا ۇلەس قوسامىز“، - دەدى حۋافۋ شىشاڭ جارنا شەكتى سەرىكتەستىگىنىڭ القا باستىعى سۇن ۋيتيڭ.
”’سانالىلىقپەن جوعارى ساپالى دامۋ جولىمەن ءجۇرۋ‘ حالىقتىق كاسىپورىندارعا قويىلعان تالاپ، وسى جول كاسىپورىنعا دامۋ ورايىن دا اكەلىپ، دامۋ تەبىنىن توپتايدى. بازارعا ەڭ جاقىن بولۋ، بازار قاجەتىنە قىراعىلىقپەن اڭىس قايتارۋ باسىمدىعىن ساۋلەلەندىرۋ ارقىلى حالىقتىق كاسىپورىنداردىڭ جاڭالىق اشۋ ومىرشەڭدىگى ۇزدىكسىز قاۋلاپ، رايونىمىزدىڭ عىلىم - تەحنيكادا جاڭالىق اشۋىنداعى ماڭىزدى كۇش - قۋات قاينارىنا اينالدى“، - دەدى تاڭ ليجيۋ.
ۇلەس قوسۋدىڭ ”مىزعىماس ارقاۋىن“ سومدادى
كاسىپورىننىڭ دامۋىن جەدەلدەتۋمەن بىرگە، رايونىمىزداعى قالىڭ حالىقتىق كاسىپورىنشىلار جاڭا ءداۋىر كاسىپورىنشىلارىنىڭ رۋحىن بەلسەنە اسقاقتاتىپ، قارجى، تەحنيكا، دارىندى سياقتى باسىمدىقتارىن تولىق ساۋلەلەندىرىپ، اۋىل - قىستاقتى گۇلدەندىرۋ، كاسىپ سالاسىن دامىتۋ بارىسىندا تيجارات سيپاتىندىق سەلبەستىكتى، الەۋمەتتىك يگىلىك سيپاتىنداعى كومەكتەسۋدى - سۇيەمەلدەۋدى ورىستەتىپ، كاسىپ سالاسى ارقىلى جۇمىستانۋدى جەبەپ، جۇمىستانۋ ارقىلى حالىق تۇرمىسىن جاقسارتىپ، كاسىپورىننىڭ دامۋى مەن بۇقارانىڭ كىرىستەرىن ارتتىرۋدا ”تەڭ ۇتۋدى“ جۇزەگە اسىردى.
بيىل جازدا ىلە وزەنى اڭعارىنىڭ باسىمدىققا يە تابيعي ەكولوگيالىق بايلىعىن سۇيەنىش ەتىپ، ىلە گۋانتۇڭ بيولوگيا توبى شەكتى سەرىكتەستىگىنە قاراستى قۇلجا اۋدانى تيانشان حۋاحاي مەملەكەتتىك وسى زامانعى اۋىل شارۋاشىلىعى كاسىپ سالاسى باقشاسى بۇكىل ەلدىڭ جەر - جەرىنەن كەلگەن 300 مىڭنان استام ساياحاتشىنى (رەت) باۋرادى.
مەملەكەتتىڭ اۋىل شارۋاشىلىعىن كاسىپ سالالاندىرعان ءتۇيىندى جەتەكشى كاسىپورنى رەتىندە، سوڭعى جىلداردان بەرى، اتالعان سەرىكتەستىك استىق، جەمىس ورمانى، حوش ءيىستى زاتتار جانە مادەنيەت - ساياحات سىندى 4 ۇلكەن كاسىپ سالاسىنا ورنالاستىرۋ جاساپ، قۇلجا اۋدانى، تەكەس اۋدانى سياقتى 7 ۇلكەن ءوندىرىس بازاسىن سالىپ، جىلدىق ءونىم قۇنىن 5 ميلليارد يۋانعا جەتكىزدى.
ەگىس داقىلدارى ەگىمشىلىگىن باسقارۋدى، جەمىس - جيدەك، كوكونىس مانەرلەۋدى جانە ساياحاتتىق قىزمەت وتەۋ كاسىبىن سۇيەنىش ەتە وتىرىپ، ىلە گۋانتۇڭ سەرىكتەستىگى ەگىنشى - مالشى بۇقاراسىن سول جەردىڭ وزىندە، جاقىن ماڭنان جۇمىستانۋعا جانە ۇيىندە شارۋاشىلىق قۇرۋعا جەتەكتەدى، سوڭعى جىلدارى كاسىپورىننىڭ جىلىنا ىستەتكەن جۇمىسكەر سانى 450 مىڭ ادامنان (رەت)، ولاردىڭ ايلىق جان باسىندىق ورتاشا كىرىسى 3500 يۋاننان استى.
”سەرىكتەستىكتىڭ دامۋ تەبىنى جاقسى، وندىرىسكە جۇمىسكەر ىستەتۋ سۇرانىسى ءبىرشاما ۇلكەن. ءبىز قوعامدىق جاۋاپكەرشىلىگىمىزدى بەلسەنە وتەپ، ءتىپتى دە كوپ ەگىنشىنى بىرگە بايۋعا باستايمىز“، - دەدى اتالعان سەرىكتەستىكتىڭ القا باستىعى يىن شىڭ.
”مىڭ كاسىپورىننىڭ مىڭ قىستاققا كومەكتەسۋى“ تابىسىن بەكەمدەۋ، كەڭەيتۋ نەگىزىندە، 2021 - جىلدىڭ سوڭىنان بەرى شينجياڭ ”10 مىڭ كاسىپورىن 10 مىڭ قىستاقتى گۇلدەندىرۋ“ ارەكەتىن ۇزبەي اتقاردى، تۇتاس شينجياڭدا 1380 حالىقتىق كاسىپورىن 1698 قىستاقتى جۇپ قۇراپ كومەكتەسىپ - سۇيەمەلدەپ، ”قىستاقتى گۇلدەندىرۋ“ نىسانىنان 1814ىن اتقارىپ، نىسانعا 8 ميلليارد 403 ميلليون يۋان قارجى قوسىپ، 283 ميلليون يۋان الەۋمەتتىك يگىلىك جىلۋىن اتادى.
شينجياڭ شىڭشىحۋاچياڭ اۋىل شارۋاشىلىعى عىلىم - تەحنيكا شەكتى سەرىكتەستىگىنىڭ باسقارۋىنداعى حوتان اۋدانىنىڭ 10 مىڭ مۋلىق قۇرىلعىلى اۋىل شارۋاشىلىعى بازاسىنداعى مىڭنان استام جىلىجايدا ءتۇرلى جەمىس - جيدەك، كوكونىس ەگىلدى.
بيىل سەرىكتەستىكتىڭ اۋىل شارۋاشىلىعى بازاسىندا وندىرىلگەن كوكونىس 70 مىڭ توننادان استى، جىلدىق ءونىم قۇنى مەجەمەن 240 ميلليون يۋانعا جەتىپ، توڭىرەكتەگى 2000نان استام ادامدى جەمىس - جيدەك، كوكونىس ەگۋ سياقتى قىزمەتكە قاتىسۋعا جەتەكتەپ، 5000نان استام ادامنىڭ جۇمىستانۋىنا ىقپال جاسايدى، جەتەكشىلىك ەتەدى.
اتالعان سەرىكتەستىكتىڭ القا باستىعى سۇڭ يىنچياڭ بىلاي دەدى: سەرىكتەستىگىمىز اۆتونوميالى رايوننىڭ ”10 مىڭ كاسىپورىن 10 مىڭ قىستاقتى گۇلدەندىرۋ“ ارەكەتى سىناق نىسانىن ويداعىداي اتقارىپ، وڭتۇستىك شينجياڭنىڭ جارىق، جىلۋ باسىمدىعىن ەكونوميكالىق باسىمدىققا اينالدىرىپ، ءتىپتى دە كوپ ەگىنشى وتباسىن قۇرىلعىلى اۋىل شارۋاشىلىعىمەن اينالىسۋعا جەتەكتەپ، ولاردى كىرىستەرىن ارتتىرىپ، بايۋىنا كومەكتەسەدى.
