جۇڭگونىڭ ادامدىق ۇقىق ىستەرى دامۋىنىڭ، العا باسۋىنىڭ جاندى بەينەسى
گازەتىمىزدىڭ شولۋشىسى
20 مىڭنان استام قاتەرلى وسپە وپەراتسياسى مەن قيىن وپەراتسيانى جاسادى، 9000نان استام قاتەرلى، سالماقتى ناۋقاستى شۇعىل قۇتقاردى؛ تاۋقىمەتتەن تايسالماي وڭتۇستىك شينجياڭنىڭ اۋىل - قىستاقتارىنا بارىپ، ءۇي - ءۇيدى ارالاپ، جاتىر موينى راگىن سارالاپ تەكسەرۋ جانە ەرتە دياگنوز قويۋ، ەرتە ەمدەۋ جۇمىسىن جۇرگىزدى؛ نازاردى جاتىر موينى راگىن زەرتتەۋدىڭ الدىڭعى شەبىنە اۋدارىپ، جۇمىس ۇجىمىن باستاپ، باتىس سولتۇستىكتەگى بىردەن - ءبىر العاشقى توپتاعى مەملەكەتتىك كلينيكالىق ءتۇيىندى ارناۋلى ءبولىمدى قۇردى... ونداعان جىلدان بەرى، شينجياڭدىق شيپاگەر ماينۇر نياز ايەلدەر تۋىت ءبولىمى سالاسىندا تەرەڭ ىزدەنىس جاساپ، ءۇن - ءتۇنسىز ۇلەس قوسىپ، ىسىلعان ەمدەۋ شەبەرلىگىمەن جانە قالتقىسىز ۇلى سۇيىسپەنشىلىگىمەن اۋرۋعا شالدىققان كوپتەگەن ايەلدى قۇتقارىپ جانە ەمدەپ، ءار ۇلت اپەكە - سىڭلىلەرىن تاماشا ومىرمەن قاۋىشتىرىپ، كوپتەگەن وتباسىن قايتادان شاتتىققا بولەپ، جاڭا داۋىردەگى اق حالاتتى پەرىشتەنىڭ ۇلى سۇيىسپەنشىلىگى مەن تاباندىلىعىن ايگىلەپ، شينجياڭنىڭ ايەلدەردىڭ سالاماتتىعىن بار كۇشپەن قورعاۋىنىڭ كۋاگەرى، قاتىسۋشىسى، ىلگەرىلەتۋشىسى بولدى.
جۇڭگو ۇلگىسىندەگى وسىزامانداندىرۋدى ىلگەرىلەتۋدە ءبىر ءوڭىردىڭ، ءبىر ۇلتتىڭ دا قاتاردان قالۋىنا بولمايدى. الۋان ءتۇرلى امالمەن شينجياڭنىڭ ەمدەۋ - دەنساۋلىق ساقتاۋ ورەسىن جوعارىلاتىپ، ءار ۇلت بۇقاراسىنىڭ ءومىرىنىڭ اماندىعى مەن دەنساۋلىعىن قورعاپ، تيانشان پەرزەنتتەرىنىڭ جۇڭحۋا ۇلتى ۇلى شاڭىراعىندا ارمانعا قانات قاعۋ، ارمانىنا جەتۋ ۇقىعىنان يگىلىكتەنۋىنە مۇمكىندىك جاساۋ − پارتيا مەن ۇكىمەتتىڭ يىعىنداعى اۋىر مىندەت، ەمدەۋ - دەنساۋلىق ساقتاۋ شەبىنىڭ تالىقپاي تالپىنۋ نىساناسى. شينجياڭدىق شيپاگەر ماينۇر نياز وسىلاردىڭ ىشىندەگى تيپتىك ۋاكىل بولىپ تابىلادى.
ماينۇر نياز ”انالار سالاماتتىعىنىڭ قورعاۋشىسى بولۋ“ سەنىمى، ”تاڭداعان كاسىپتى ءومىر بويى جالعاستىرۋ“ تاباندىلىعى ارقىلى ۇزاق ۋاقىت جاتىر موينى راگىنەن ساقتانۋعا، ونى ەمدەۋ مەن زەرتتەۋگە كۇش سالىپ، شينجياڭنىڭ جاتىر موينى راگىن زەرتتەۋ سالاسىندا كوپتەگەن اقتاڭدىقتى تولتىرىپ، شينجياڭنىڭ ەمدەۋ - دەنساۋلىق ساقتاۋ ىستەرىنىڭ العا باسۋى ءۇشىن كورنەكتى ۇلەس قوستى. ونىڭ بويىندا شوعىرلى تۇردە ءومىردى قورعاۋ، اجالعا اراشاشى، جارالىعا مەدەت بولۋ سىندى شيپاگەرلەر ىزگىلىگى ايگىلەندى، ەرلىكپەن بيىك شىڭعا شىعۋ، جۇرەكتىلىكپەن الدا ءجۇرۋ سىندى جاڭالىق اشۋ رۋحى ايگىلەندى، ءومىر بويى ۇيرەنگەندەرىن اۋىلىنا سيعا تارتۋ سىندى وتانشىلدىق سۇيىسپەنشىلىگى ايگىلەندى، تابانى تيگەن وسىناۋ توپىراققا، جانىنداعى ءار ۇلت اپەكە - سىڭلىلەرىنە تەرەڭ باۋىرمالدىعى ايگىلەندى. ماينۇر نيازدىڭ ىستەرىنە دەن قويۋى، حالىققا قىزۋ سۇيىسپەنشىلىگى، جۇڭحۋا ۇلتى ورتاق تۇلعاسىن بارىنشا شىنايى مويىنداۋى ءار سالا، ءار كاسىپكە ۇلگى بولدى.
ءبىر تامشى سۋدان كۇننىڭ ساۋلەسىن كورۋگە بولادى. ماينۇر نيازدىڭ شيپاگەرلىك جولىنا قايىرىلا قاراساق، تالايلاعان عىلمي زەرتتەۋ نىسانىن ورىستەتىپ، تالايلاعان كەرەمەت ناتيجەلەرىنە قول جەتكىزۋىنىڭ استارىندا شي جينپيڭ جولداستى ۇيقتى ەتكەن پارتيا ورتالىق كوميتەتىنىڭ حالىقتى وزەك ەتكەن دامۋ يدەياسىنىڭ كۇش سالا امالياتتا ايگىلەنۋى، شەكاراداعى ۇلتتار وڭىرلەرىنىڭ ەمدەۋ - دەنساۋلىق ساقتاۋ ىستەرىنە بارىنشا دەم بەرگەندىگى، ءار ۇلتتىڭ ۇزدىك دارىندىلارىنا دەگەن قامقورلىعى مەن ولاردى باۋلۋى، ءار ۇلت ايەلدەرىنىڭ تىرشىلىك ۇقىعىن، سالاماتتىق ۇقىعىن شىنايى قامتاماسىز ەتۋى جاتىر. وسى جىلداردا ومىراۋ بەزى راگىن، جاتىر موينى راگىن اقىسىز سارالاپ تەكسەرۋدەن ءوربۋ مۇشەلەرىنىڭ اقاۋسىزدىعى جونىندە حاۋىپسىز، قولجەتىمدى قىزمەت وتەۋگە دەيىن، نەگىزگى ساتىنىڭ ەمدەۋ - دەنساۋلىق ساقتاۋ شارت - جاعدايىن كەمەلدەندىرۋدەن ”ۇيىرمە قۇراۋ فورماسىمەن“ شينجياڭعا ەمدەۋ جاعىندا كومەكتەسۋدىڭ اياسىن كەڭەيتىپ، تياناقتانۋىن ىلگەرىلەتۋگە دەيىن... شينجياڭ ايەلدەردىڭ سالاماتتىق ۇقىق - مۇددەسىن قامتاماسىز ەتۋگە ايرىقشا ءمان بەرىپ، ايەلدەردىڭ سالاماتتىعىنا جاپپاي تيىمدىلىك جەتكىزۋ نىساندارىن كەڭىنەن اتقاردى، ءار ۇلت ايەلدەرى اناعۇرلىم ساپالى دەنساۋلىق ساقتاۋ، سالاماتتىق قىزمەت وتەۋىنەن يگىلىكتەندى، سالاماتتىق جاعدايى كورنەكتى جاقسارىپ، قوعامدىق وندىرىسكە، تۇرمىسقا ات سالىسۋ بەلسەندىلىگى، ىرىقتىلىعى ۇزدىكسىز ارتىپ، ءوز قۇنىن ايگىلەۋگە اناعۇرلىم قىزۋ ىنتا تانىتتى.
تىرشىلىك ۇقىعىنان، سالاماتتىق ۇقىعىنان تارتىپ دامۋ ۇقىعىنا دەيىن شينجياڭ ايەلدەردىڭ ۇقىق - مۇددەسىن جان - جاقتى، تۇتاس تۇلعالى، جالپى عۇمىر بويىندا قامتاماسىز ەتتى، بۇل ساياسي، جەكە باسى مەن ادامگەرشىلىك، مادەنيەت، وقۋ - اعارتۋ، ەڭبەك جانە قوعامدىق قامتاماسىزداندىرۋ، مال - مۇلىك، ۇيلەنۋ، وتباسى سىندى ءار جاقتى قامتىدى، ناعىز جان اشىر، شىنايى بولدى. شينجياڭ ءىس جۇزىندىكتى نەگىز ەتۋگە تاباندى بولىپ، ساياسات، زاڭ ەرەجە، ءتۇزىم قۇرىلىسى، الەۋمەتتىك قىزمەت وتەۋ، قوعامنىڭ ات سالىسۋى، ۇقىق - مۇددەنى قورعاۋ سىندى جاقتاردا كۇش سالۋعا نازاردى شوعىرلاندىرىپ، ايەلدەردىڭ ۇقىق - مۇددەسىنىڭ اناعۇرلىم قامتاماسىز ەتىلۋىن جەبەپ، ايەلدەر ىستەرىنىڭ جاپپاي دامۋىن ىلگەرىلەتتى. تيانشان الابىنا كوز جىبەرسەك، ماينۇر نياز سەكىلدى شينجياڭنىڭ ايەلدەر ىستەرىنىڭ دامۋىنا بار قاجىر - قايراتتارىن سالىپ، قالتقىسىز ۇلەس قوساتىن كۇرەسكەرلەردىڭ ارقاسىندا، ءبىر - بىرلەگەن كوركەم ”ولار“ پارتيا مەن مەملەكەتتىڭ نۇر - شۇعىلاسىنا بولەنىپ، ءار سالا، ءار كاسىپتە جەلەكتىلەردىڭ كەلبەتىن ايگىلەۋدە.
تاياۋ جىلداردان بەرى امەريكاداعى، باتىستاعى جۇڭگوعا قارسى كۇشتەر شينجياڭنىڭ ايەلدەر ىستەرىندە قول جەتكەن تاريحي سيپاتتى تابىستاردى كورمەسكە سالىپ، ”شينجياڭ از ۇلت ايەلدەرىنىڭ ۇقىق - مۇددەسىنە قول سۇقتى“ دەپ داتتاپ، وسى ارقىلى جۇڭگونىڭ وبرازىنا كۇيە جاعىپ، شينجياڭنىڭ گۇلدەنىپ - كوركەيۋىن، ورنىقتىلعىن بۇلدىرمەكشى بولدى. شىندىق بۇلتارتپايدى. شينجياڭ ايەلدەرىنىڭ ۇقىق - مۇددەسىنىڭ تولىق قامتاماسىز ەتىلۋى، ءار ۇلت اپەكە - سىڭلىلەردىڭ گۇلدەي قۇلپىرعان جۇزدەرى امەريكاداعى، باتىستاعى جۇڭگوعا قارسى كۇشتەردىڭ جالاسىنا، وسەك - اياڭىنا بەرىلگەن ەڭ پارمەندى تويتارىس.
شينجياڭدىق شيپاگەر ماينۇر نيازدىڭ ءار ۇلت اپەكە - سىڭلىلەردىڭ سالاماتتىعىن كۇش سالا قورعاۋى جۇڭگونىڭ ادامدىق ۇقىق ىستەرىنىڭ دامۋىنىڭ، العا باسۋىنىڭ ىقشام كورىنىسى. جەتپىس جاسقا كەلگەن ماينۇر نياز باياعسىنداي ايەلدەردىڭ سالاماتتىعىن قورعاۋدىڭ الدىڭعى شەبىنەن تاپجىلماۋدى تاڭدادى، شينجياڭنىڭ ايەلدەردىڭ ۇقىق - مۇددەسىن قامتاماسىز ەتۋ قادامى ءبىر ءسات تە توقتامايدى، ءار ۇلت ايەلدەرىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، سول ارقىلى جۇڭگونىڭ، ءتىپتى، دۇنيە ءجۇزىنىڭ ادامدىق ۇقىق ىستەرىنىڭ دامۋىنا، العا باسۋىنا شينجياڭ تۇسىنىگىن بەرىپ، شينجياڭ ۇلەسىن قوسادى.
