تيانشان تورى - شينجياڭ گازەتىنىڭ حابارى (ءتىلشى شى شين حابارلايدى). قاشقار ايماعى ياركەن اۋدانى حۋاڭدي قالاشىعى بوۋاقۇم قىستاعىنىڭ تۇرعىنى مۇقتار احات نەسەپپەن ۋلانۋ ناۋقاسىنا شالدىققان، وتباسىنىڭ ەكونوميكالىق قىسىمى اۋىر ەدى. اۆتونوميالى رايوندىق دامۋ جانە رەفورما كوميتەتىنىڭ قىستاقتا تۇراتىن قىزمەت اترەتى ونىڭ جاعدايىنان حابار تاپقاننان سوڭ، مەيىر جەتكىزۋ، جىلۋ جيناۋ قيمىلىن ۇيىمداستىرىپ، قىس باسىن جىلۋلىققا تولتىردى.
11 - ايدىڭ 6 - كۇنى ياركەن اۋدانى حۋاڭدي قالاشىعى بوۋاقۇم قىستاعىنىڭ تۇرعىندارى 21 جاستاعى مۇقتار احاتقا جىلۋ جيۋدا. سۋرەتتى توقتى موللاامەت تۇسىرگەن
2023 - جىل 21 جاستاعى مۇقتار احات جونىنەن العاندا، قيىن - قىستاۋ ءبىر جىل بولدى. اشىق - جارقىن بۇل جىگىت، بىلتىر جىل باسىنان باستاپ، حۋبەي ولكەسى ۋحان قالاسىنداعى قۇرىلىس ماتەريالدارى زاۆودتىنا بارىپ جۇمىس ىستەيدى. اكە - شەشەسى قىستاقتا ەگىس جۇمىستارىمەن شۇعىلدانادى، كىشكەنتاي قارىنداسى وقۋ وقيدى، سىرتقا شىعىپ جۇمىس ىستەۋ جاپالى بولعانىمەن، الايدا ءار ايداعى كىرىسى تۇراقتى، مۇقتار احات ءومىرىنىڭ تالپىنىسقا، ۇمىتكە تولى ەكەنىن سەزىنەتىن.
الايدا، مۇنىڭ ءبارى، كوپ وتپەي ۋاقىتشا توقتاۋ كنوپكاسىن باستى − مۇقتار احات دەنەسىنىڭ جايسىزدانعانىن سەزىپ، شيپاحاناعا بارىپ تەكسەرىلەدى، دياگنوز قاعازىنداعى نەسەپپەن ۋلانۋ ناۋقاسى دەگەن ءۇش ءارىپ، اشىق اسپاندا ناجاعاي وتى جارىق ەتكەندەي وعان اۋىر سوققى بولىپ ءتيدى. سودان كەيىن، ول جۇمىسىن دوعارىپ، ياركەن اۋداندىق حالىق شيپاحاناسىنا قايتىپ كەلىپ، شيپاحاناعا جاتىپ ەمدەلەدى.
مۇقتار احاتتىڭ سالماقتى ناۋقاسقا شالدىققانىنان حابار تاپقان اۆتونوميالى رايوندىق دامۋ جانە رەفورما كوميتەتىنىڭ ياركەن اۋدانى حۋاڭدي قالاشىعى بوۋاقۇم قىستاعىندا تۇراتىن قىزمەت اترەتى دەرەۋ ارەكەتكە كىرىسىپ، مەيىر جەتكىزۋ، جىلۋ جيناۋ قيمىلىن ۇيىمداستىرىپ ورىستەتتى.
11 - ايدىڭ 6 - كۇنى، بوۋاقۇم قىستاعى قىستاق كوميتەتىنىڭ اۋلاسىندا، قىزمەت اترەتى جالپى قىستاق تۇرعىندارىنا مۇقتار احاتتىڭ ناۋقاس جاعدايىن باياندادى، ءارى باستاماشى بولىپ جىلۋ اتادى. قىستاق تۇرعىندارى دا تۇس - تۇستان كومەك قولدارىن سوزدى. سول كۇنى، مەيىر جەتكىزۋ، جىلۋ جيۋ قيمىلىندا جينالعان 3860 يۋان مەيىر قاراجاتى مۇقتار احاتقا جوتكەرىلدى.
”اۋىرىپ جاتقان ماعان زور مەدەت بولدى“. مۇقتار احات ەمدەۋگە ويداعىداي سايكەسىپ، شيپاحانادان ەرتەرەك شىعۋعا تىرىساتىنىن ايتادى.
