شي جينپيڭ امەريكاعا بارىپ، جۇڭگو − امەريكا مەملەكەت باسشىلارىنىڭ ديدارلاسۋىن وتكىزۋگە، سونىمەن بىرگە ازيا − تىنىق مۇحيت ەكونوميكالىق سەلبەستىك ۇيىمىنىڭ 30 - رەتكى باسشىلار بەيرەسمي ماجىلىسىنە قاتىناسۋ ءۇشىن بەيجيڭنەن اتتاندى

　　شينحۋا اگەنتتىگىنىڭ 11 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ امەريكانىڭ زۇڭتۇڭى بايدەننىڭ ۇسىنىسى بويىنشا، امەريكانىڭ سان − فرانسيسكوسىندا جۇڭگو − امەريكا مەملەكەت باسشىلارىنىڭ ديدارلاسۋىن وتكىزۋ، سونىمەن بىرگە ۇسىنىس بويىنشا ازيا − تىنىق مۇحيت ەكونوميكالىق سەلبەستىك ۇيىمىنىڭ 30 - رەتكى باسشىلار بەيرەسمي ماجىلىسىنە قاتىناسۋ ءۇشىن 11 - ايدىڭ 14 - كۇنى كەشتە ارناۋلى ۇشاقپەن بەيجيڭنەن اتتاندى.

　　شي جينپيڭگە سەرىك بولىپ ساپارعا شىققانداردان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترلىگىنىڭ مينيسترى ۋاڭ ي قاتارلىلار بار.