تيانشان تورى - شينجياڭ گازەتىنىڭ تىلشىلەرى فان چيۇڭيان، گو ليڭ
”ءبىر بەلدەۋ، ءبىر جول“ قۇرىلىسىنىڭ ىشكەرىلەي ىلگەرىلەۋىنە ساي، شينجياڭ ەندىگارى شەت، شالعاي ءوڭىر ەمەس، قايتا وزەكتى وڭىرگە، توراپتىق وڭىرگە اينالدى، ازيانىڭ ”جۇرەگىنە“ ورنالاسقان ءۇرىمجى قالاسى جىبەك جولى ەكونوميكالىق بەلدەۋى وزەكتى رايونىنداعى ماڭىزدى ءتۇيىندى قالا رەتىندە، ”ءبىر پورت، بەس ورتالىق“ قۇرىلىسى اياق الىسىن جەدەلدەتۋدە، بۇل ارانىڭ كەز كەلگەن جەرىنەن تەبىندى دە پارمەندى قۇدىرەتتى ومىرشەڭدىك كۇشتى سەزىنۋگە بولادى.
وزەندەرمەن ۇلاسىپ، تەڭىزگە تۇتاسىپ، نىق قاداممەن دۇنيەگە بەت الدى
8 - ايدىڭ 29 - كۇنى كەشتە توسەك بۇيىمدارى، PET سمولا كەسىندىسى سياقتى زاتتار تولتىرا تيەلگەن جۇڭگو − ەۆروپا كەزەكشى پويەزى ءۇرىمجى حالىقارالىق قۇرلىقتىق پورت اۋماعى جۇڭگو − ەۆروپا كەزەكشى پويەزدارى جينالۋ ورتالىعىنان جولعا شىعىپ، قازاقستانداعى التىنكول، وزبەكستانداعى چۇقۇرساي سياقتى جەرلەرگە قاراي جول الدى.
8 - ايدىڭ 18 - كۇنى، ءۇرىمجى حالىقارالىق قۇرلىقتىق پورت اۋماعىنىڭ ءبىر شەتى. سۋرەتتى تيانشان تورى - شينجياڭ گازەتىنىڭ ءتىلشىسى ساي زىڭلى تۇسىرگەن
”بىرنەشە كۇننىڭ الدىندا، يمپورت ەتىلگەن ءبىر توپ حۇڭنيۋدى، جيناننان جىبەرىلگەن ءبىر توپ بالقىعىش كەسەكتى تۇسىرگەن بولاتىنبىز...“، - دەدى ءۇرىمجى حالىقارالىق قۇرلىقتىق پورت شەكتى جاۋاپكەرشىلىك سەرىكتەستىگى الاڭ - بەكەت تاسىمال - تيجارات ءبولىمىنىڭ كاسىپورىن تاسىمال قىزمەتكەرى جيان زىشۋان قاربالاس جۇمىس ىستەي ءجۇرىپ تىلشىگە.
2013 - جىلى ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلدى. 2015 - جىلى جىبەك جولى ەكونوميكالىق بەلدەۋى وزەكتى رايون قۇرىلىسىنداعى نىشاندىق ينجەنەريا − ءۇرىمجى حالىقارالىق قۇرلىقتىق پورت اۋماعىنىڭ قۇرىلىسى باستالدى، قىسقا عانا بىرنەشە جىلدا ”زات توپتاۋ، باقشا قۇرۋ، كاسىپ سالاسىن شوعىرلاندىرۋ“ سىندى دامۋ وي جەلىسى بويىنشا، ءۇرىمجى كەشەندى قورعامالى باجى اۋماعى، جۇڭگو − ەۆروپا كەزەكشى پويەزى (ءۇرىمجى) توپتاۋ ورتالىعى، ءۇرىمجى كوپ فورمالى بىرلەسكەن تاسىمال ورتالىعى سياقتى كوپتەگەن فۋنكتسيالىق اۋماقتار قۇرىلىپ، توراپتىڭ كوتەرىمدىلىك قۋاتى زور دارەجەدە جوعارىلادى.
بيىل 7 - ايعا دەيىن ءۇرىمجى حالىقارالىق قۇرلىقتىق پورت اۋماعىنان جولعا شىققان جۇڭگو − ەۆروپا (ورتا ازيا) كەزەكشى پويەزى 7100دەن استى. ”قۇرلىقتىق پورت اۋماعىنىڭ شوعىرلاندىرۋ اسەرى كورنەكتى بولۋدا، قاتىناعان 21 كەزەكشى پويەز جەلىسى ارقىلى ’جۇڭگودا جاسالعان‘ 200 تۇرلىدەن استام ءونىم ەۆروپا مەن ازياداعى 19 مەملەكەتتىڭ 26 قالاسىنا جەتكىزىلۋدە. ەۆروپا مەن ازياداعى ءار ەلدىڭ زاتتارى دا وسى ارادان ەل ىشىندەگى باسقا قالالارعا تاسىلۋدا“. شينجياڭ حالىقارالىق قۇرلىقتىق پورت (توبى) شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى ما چۇنلەي بىلاي دەدى: ”ءبىز بيىل 1100دەن استام جۇڭگو − ەۆروپا كەزەكشى پويەزىن، 550 تەمىر جول، تەڭىز جولى بىرلەسكەن تاسىمال كەزەكشى پويەزىن، تاس جول حالىقارالىق جۇك تاسىمالى بويىنشا 10 مىڭ اۆتوموبيل جۇرگىزۋگە كۇش سالامىز“.
جۇڭگو − ەۆروپا كەزەكشى پويەزى (ءۇرىمجى) توپتاۋ ورتالىعىنان اتتانىپ، جىبەك جولى بايىرعى جولىن بويلاپ باتىسقا جول العاندا، 2 كۇندە قازاقستانعا، 8 كۇندە رەسەيگە، 16 كۇندە نيدەرلاندقا جەتۋگە بولادى. ءۇرىمجى قالاسى سىندى دۇنيە ءجۇزى بويىنشا تەڭىز - مۇحيتتان ەڭ الىس ىشكى قۇرلىقتىق قالا قازىر وزەندەرمەن ۇلاسىپ، تەڭىزبەن تۇتاسىپ، دۇنيەگە قاراي نىق قادام تاستاۋدا.
بيىل ءۇرىمجى حالىقارالىق قۇرلىقتىق پورت رايونى زات توپتاۋدى ۇزدىكسىز كۇشەيتىپ، جۇڭگو − ەۆروپا كەزەكشى پويەزىنىڭ جوعارى ساپالى قاتىناۋىن ىلگەرىلەتتى؛ كوپ فورمالى بىرىككەن تاسىمال زات توپتاۋ اۋماعىنىڭ 2 - مەرزىمدىك نىسانىنىڭ، زەردەلى قۇرلىقتىق پورت قۇرىلىسىنىڭ اياق الىسىن جەدەل ىلگەرىلەتتى؛ كاسىپ سالاسىنىڭ شوعىرلى دامۋىن جەدەل ىلگەرىلەتىپ، حالىقارالىق ساۋدا زات اينالىمى، شەكارا اتتاعان ەلەكتروندى ساۋدا، قامداۋ تىزبەگى فينانسى، وزىق جاساۋ، وسى زامانعى قىزمەت وتەۋ كاسىبى سياقتىلاردى ارقاۋ ەتىپ، كاسىپ كۇيىن ءتۇيىندى تۇردە دامىتىپ، ساۋداگەر شاقىرۋ تەبىنىن ارتتىرىپ، زات توپتاۋ، باقشا قۇرۋ، كاسىپ سالاسىن شوعىرلاندىرۋ قابىلەتىن جوعارىلاتتى.
8 - ايدىڭ 21 - كۇنى شينجياڭ حالىقارالىق قۇرلىقتىق پورت (توبى) شەكتى جاۋاپكەرشىلىك سەرىكتەستىگى شينجياڭ ساۋدا - زات اينالىمى (توبى) شەكتى سەرىكتەستىگىمەن رەسمي بىرىكتى، بۇل شينجياڭنىڭ ساۋدا، زات اينالىمى كاسىپ سالاسىنىڭ تيبىن وزگەرتىپ، دارەجەسىن جوعارىلاتۋ قىزمەتىنىڭ ماڭىزدى قادام تاستاعاندىعىن اڭعارتادى، بۇل جىبەك جولى ەكونوميكالىق بەلدەۋى وزەكتى رايونىنىڭ ساۋدا، زات اينالىمى ورتالىعى قۇرىلىسىنا سەپتىگىن تيگىزىپ، شينجياڭنىڭ باتىسقا ەسىك اشۋداعى كوپىرلىك رولىن كورنەكتىلەندىرەدى.
”5 ۇلكەن ورتالىق“ قۇرىلىسىندا جارقىن تۇيىندەر تىنباي جارىققا شىقتى
كوكتەمدە جوعارى جىلدامدىقتى پويەزگە وتىرىپ ورىك گۇلىن تاماشالادى؛ جازدا توردا تاپسىرىس بەرگەن اۆتوكولىكپەن شينجياڭ حالىقارالىق ۇلكەن بازارىنا بارىپ ءبىر ستاكان سۋىق كاۋاس ءىشتى؛ كۇزدە اۆتوكولىك اۋەسكەرلەرى شاقپاق جولدا قاتىناپ، ءۇرىمجىنىڭ كوزدىڭ جاۋىن الاتىن كەشكى كورىنىسىن تاماشالادى؛ قىستا ۇشاققا وتىرىپ قار قالاسىنا بارىپ شاڭعى تەپتى ...
8 - ايدىڭ 12 - كۇنى ءبىر جولاۋشىلار ۇشاعى ءۇرىمجى ديۋوپۋ حالىقارالىق اۋەجايىنىڭ وزگەرتۋ، كەڭەيتىپ سالۋ ينجەنەرياسىنىڭ ۇستىنەن ۇشىپ بارادى. سۋرەتتى تيانشان تورى - شينجياڭ گازەتىنىڭ ءتىلشىسى ساي زىڭلى تۇسىرگەن
”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعان 10 جىل ىشىندە ءۇرىمجى قالاسى قالا جولى، تاس جول، تەمىر جول، اۆياتسيا سياقتىلاردان قۇرالعان ستەرەولدى قاتىناس تورىن كۇش سالا قۇرىپ، كەمەلدەندىرىپ، شىعىسپەن بىرلەسىپ باتىسقا شىعاراتىن حالىقارالىق ۇلكەن ارنا قالىپتاستىردى. جوعارى جىلدامدىقتى تەمىر جول، ۇزاق جولدى جولاۋشى تاسىمالى، قالا رەليستى قاتىناسى، BRT، كوشە اۆتوبۋزى، تاكسي، قوعامدىق اۆتوكولىكتەر ءبىر تۇلعالانىپ، شينجياڭنىڭ ءىشى - سىرتىن تۇتاستىراتىن ەڭ ۇلكەن امبەباپ قاتىناس تورابى قۇرىلدى.
ءۇرىمجىنىڭ ساۋدا، زات اينالىمى ورتالىعى قۇرىلىسىنداعى جارقىن تۇيىندەر تىنباي جارىققا شىقتى. 2022 - جىلى 9 - ايدا ءۇرىمجى بيانجياڭ قوناق ءۇيى ساۋدا بازارى مەملەكەت بويىنشا 6 - توپتاعى بازاردا ساتىپ الۋ ساۋدا ءتاسىلىن تۇيىندە سىناق ەتۋدى بەكىتتى، نەبارى ءبىر ايدان كەيىن قۇنى 104 مىڭ 400 دوللار كەلەتىن ەرلەر اياق كيىمىن بازاردا ساتىپ الۋ ساۋدا تاسىلىمەن قازاقستانعا ەكسپورت ەتتى.
”ءبىر بەلدەۋ، ءبىر جول“ قۇرىلىسىنىڭ ىلگەرىلەۋىنە ساي، ءۇرىمجى قالاسى ارناۋلى ماماندىق شيپاحاناسىنىڭ باسىمدىعىنان پايدالانىپ، شارتقا ۇيلەسەتىن ەمدەۋ قۇرىلىمدارىن سۇرىپتاپ، حالىقارالىق ەمدەۋ ءبولىمىنىڭ سىناق ءتۇيىنى قىزمەتىن ورىستەتتى، 2022 - جىلى ۇرىمجىدە قالا دارەجەلى ەمدەۋ قۇرىلىمدارىندا ناۋقاس كورسەتكەن شەتەلدىكتەر اۋعانستان، قازاقستان سياقتى 12 مەملەكەتتى قامتىدى.
8 - ايدا بەيجيڭ سيمفونيا ۇيىرمەسىنىڭ ىشەكتى مۋزيكالارى، ”لاڭلاڭ جانە ونىڭ دوستارىنىڭ مۋزيكا كەشى“، ۇلتتىق وپەرا «حۋاچياۋلار حات - چەگى» قاتارلىلار ۇرىمجىدە ارت - ارتىنان بوي كورسەتتى. سوڭعى جىلدارى ءۇرىمجى قالاسى كوركەمونەر كورمەسى، دەنە تاربيە جارىسى، حالىقارالىق ساياحات، جىبەك جولى ارحەولوگياسى سياقتى فورمالار ارقىلى گۋمانيتارلىق سالاداعى سەلبەستىكتى، اۋىس - كۇيىستى كۇشەيتتى. سونىمەن بىرگە جوعارى مەكتەپتەردىڭ جىبەك جولى ەكونوميكالىق بەلدەۋى بويىنداعى ەلدەرمەن بىرلەسىپ مەكتەپ اشۋىن، حالىقارالىق عىلىم - تەحنيكا، وقۋ - اعارتۋ سەلبەستىك قابىلەتىن جوعارىلاتۋىن قولدادى.
ءۇرىمجى قالاسى دۇڭتيڭ كوشەسىنىڭ ماڭىندا سالىنىپ جاتقان ءۇرىمجى لۇيگوۋ حالىقارالىق ساۋدا رايونى نىسانىندا حالىقارالىق فينانس ءوڭىرى ارنايى جوبالاندى، ءۇرىمجى جينديان لۇيگوۋ حالىقارالىق ساۋدا رايونى قارجى قوسۋ، اشۋ شەكتى سەرىكتەستىگىنىڭ باسالقاسى چىن جىيۋان وڭىرلىك حالىقارالىق فينانس ورتالىعى قۇرىلىسىندا ءوز ورنىن يەلەۋدى ءۇمىت ەتتى.
10 جىلدان بەرى ءۇرىمجى قالاسى ”ءبىر بەلدەۋ، ءبىر جول“ قۇرىلىسىنىڭ جالپى جاعدايىمەن بەلسەنە توعىسىپ، سىرتقا ەسىك اشۋدى اناعۇرلىم كەڭ كولەمدە، اناعۇرلىم كەڭ سالادا، اناعۇرلىم تەرەڭ ساتىدا ىلگەرىلەتىپ، ”5 ۇلكەن ورتالىق“ قۇرىلىسىندا ۇزدىكسىز تىڭ ناتيجەگە قول جەتكىزۋدى ىلگەرىلەتىپ، ءۇرىمجىنىڭ وزەكتى رايون قۇرىلىسىنداعى جەتەكشىلىك رولىن ۇزدىكسىز جوعارىلاتتى.
”بۇكىل دۇنيەدەن ساتىپ الۋ“، ”بۇكىل دۇنيەگە ساتىپ بەرۋ“ قاتار ىلگەرىلەدى
8 - ايدىڭ 17 - كۇنى ءۇرىمجى قالاسىنىڭ تۇرعىنى لي لي ءۇرىمجى شيدامىن قورعامالى باجى تىكە ساتىپ الۋ ورتالىعىنا كەلىپ، رەسەي كامپيتىن، ۇساق - تۇيەك ازىق - تۇلىكتەرىن ساتىپ الىپ، رەسەي سارايىنداعى ادامدار ءيىن تىرەسكەن كورىنىسكە قايران قالدى. شيدامىن قورعامالى باجى تىكە ساتىپ الۋ ورتالىعىنىڭ شاعىن باعدارلاماسىندا تاپسىرىس بەرىلگەن يمپورت تاۋارلارى 24 ساعات ىشىندە قالا تۇرعىندارىنىڭ قولىنا جەتكىزىلەدى.
ينتەرنەت دۇنيە ءجۇزىن تۇتاستىرىپ، الىستى جاقىنداتتى. ءۇرىمجى قالاسىندا كەيبىر شەكارا اتتاعان ەلەكتروندى ساۋدا شەتەلدەگى قامبادان زات تاراتۋدان قورعامالى باجى قامباسىنان زات تاراتۋدى جۇزەگە اسىردى، ينتەرنەت جەلىسىنەن ينتەرنەتتەن تىسقارىعا دەيىن اسەر ەتتى، قالا تۇرعىندارى ەسىگىنىڭ الدىنان - اق ”بۇكىل دۇنيەدەن ساتىپ الا الاتىن“ بولدى، بۇل توتەنشە قولايلى.
تۇتىنۋشىلار شەكارا اتتاعان ەلەكتروندى ساۋدا ارناسى ارقىلى ”بۇكىل دۇنيەدەن ساتىپ العاندا“، ءۇرىمجى قالاسىنداعى كوپتەگەن كاسىپورىندار دا ”بۇكىل دۇنيەگە ساتىپ بەرىپ وتىر“، يمپورت - ەكسپورت بايلانىسى سىرتقى ساۋدانىڭ دامۋ نەگىزىن بەكەمدەدى. بيىل الدىڭعى جارتى جىلدا ءۇرىمجىنىڭ سىرتقى ساۋدا يمپورت - ەكسپورت قۇنى 35 ميلليارد 660 ميلليون يۋان بولىپ، سايكەس مەزگىلدەگىدەن ％55 ارتتى، بۇل بۇكىل ەلدىڭ سىرتقى ساۋداسىنىڭ ارتۋ جىلدامدىعىنان 52.9 پايىز جوعارى بولىپ، سىرتقى ساۋدا يمپورت - ەكسپورت كولەمى تاريحتاعى ەڭ جوعارى دەڭگەيگە جەتتى.
8 - ايدىڭ 17 - كۇنى لياڭحى وزىق جاساۋ عىلىم - تەحنيكا كاسىپ سالاسى باقشاسىنداعى وزىق جابدىقتاردى جاساۋ بازاسىنىڭ ءوندىرىس جەلىسى. سۋرەتتى تيانشان تورى - شينجياڭ گازەتىنىڭ ءتىلشىسى ساي زىڭلى تۇسىرگەن
”ءبىر اۆتوكولىك ەكسپورت ەتكەندە، وسى جەردەن شەكارا وتكەلىنە جەتكىزۋ مەن بەيجيڭنەن شەكارا وتكەلىنە جەتكىزۋدى سالىستىرعاندا، تەك تاسىمالدىڭ وزىندىك قۇنىنىڭ وزىنەن 35 مىڭ يۋان ۇنەمدەۋگە بولادى“. شينجياڭ داداۋ شارۋاشىلىق قارجى قوسۋ شەكتى سەرىكتەستىگىنىڭ القا باستىعى، باس ديرەكتورى ياڭ سىن بىلاي دەدى: سول ءۇشىن، سەرىكتەستىگىمىز ۇرىمجىدە لياڭحى جوعارى دەڭگەيلى جاساۋ عىلىم - تەحنيكا كاسىپ سالاسى باقشاسىن قۇرىپ، جوعارى دەڭگەيلى جابدىق جاساۋدىڭ تۇتاس كاسىپ سالاسى تىزبەگىن قالىپتاستىرۋدا.
شانشي اۆتوموبيل توبى شينجياڭ اۆتوموبيل شەكتى سەرىكتەستىگى شينجياڭداعى اۆتوموبيل وندىرۋمەن شۇعىلداناتىن تۇڭعىش كاسىپورىن رەتىندە، قازىر شينجياڭ بازارىنان، سونداي - اق ورتا ازياداعى 5 ەلدەن 4000عا جۋىق اۆتوموبيل تاپسىرىسىن قابىلدادى، بيىل وسى سەرىكتەستىكتىڭ ءوندىرىس نىساناسى − 6000 اۆتوموبيل ءوندىرۋ.
جولاڭ شينجياڭ زەردەلى ماشينا شەكتى سەرىكتەستىگى جولاڭنىڭ دۇنيە جۇزىندەگى وزەكتى زاۆودتارىنىڭ ءبىرى، ۇرىمجىگە ىرگە تەبۋى دە ”ءبىر بەلدەۋ، ءبىر جول“ بويىنداعى ەلدەر مەن وڭىرلەردىڭ بازارىن قامتۋ ءۇشىن.
سوڭعى جىلدارى ءۇرىمجىنى ساۋدا سەلبەستىك سەرىگى ەتىپ تاڭداعان كاسىپورىندار بارعان سايىن كوبەيە ءتۇستى، بۇل ءۇرىمجىنىڭ ەكونوميكالىق دامۋىن ىلگەرىلەتۋمەن بىرگە، ”ءبىر بەلدەۋ، ءبىر جول“ بويىنداعى ەلدەر مەن وڭىرلەر اراسىنداعى ءوزارا ءتيىمدى سەلبەستىكتى دە جەبەدى. ءۇرىمجى شينجياڭدى ”ءبىر بەلدەۋ، ءبىر جول“ قۇرىلىسىنىڭ جالپى جاعدايىمەن توعىسۋعا جەتەكتەۋ، باتىسقا ەسىك اشۋدىڭ ەڭ الدىڭعى لەگىندە بەرىك تۇرۋ سياقتى جاقتاردا بەلسەندى رول اتقارۋدا.
