جەرگىلىكتى ۋاقىت 11 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ ۇسىنىس بويىنشا امەريكانىڭ زۇڭتۇڭى بايدەنمەن جۇڭگو - امەريكا مەملەكەت باسشىلارىنىڭ ديدارلاسۋىن وتكىزۋ، سونىمەن بىرگە ۇسىنىس بويىنشا ازيا - تىنىق مۇحيت ەكونوميكالىق سەلبەستىك ۇيىمىنىڭ 30 - رەتكى باسشىلار بەيرەسمي ماجىلىسىنە قاتىناسۋ ءۇشىن ارناۋلى ۇشاقپەن امەريكانىڭ سان - فرانسيسكوسىنا جەتتى. شي جينپيڭ وتىرعان ارناۋلى ۇشاق سان - فرانسيسكو حالىقارالىق اۋەجايىنا جەتكەندە، امەريكا كاليفورنيا شتاتىنىڭ باستىعى نەۋسون، قازىنا مينيسترى يەللەن سياقتى امەريكا جاق ۋاكىلدەرىنىڭ ىستىق ىقىلاسپەن قارسى الۋىنا بولەندى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 11 - ايدىڭ 14 - كۇنى سان - فرانسيسكودان بەرگەن حابارى (تىلشىلەر ليۋ حۋا، ياڭ شىلۇڭ). جەرگىلىكتى ۋاقىت 11 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ ۇسىنىس بويىنشا امەريكانىڭ زۇڭتۇڭى بايدەنمەن جۇڭگو - امەريكا مەملەكەت باسشىلارىنىڭ ديدارلاسۋىن وتكىزۋ، سونىمەن بىرگە ۇسىنىس بويىنشا ازيا − تىنىق مۇحيت ەكونوميكالىق سەلبەستىك ۇيىمىنىڭ 30 - رەتكى باسشىلار بەيرەسمي ماجىلىسىنە قاتىناسۋ ءۇشىن ارناۋلى ۇشاقپەن امەريكانىڭ سان - فرانسيسكوسىنا جەتتى.
شي جينپيڭ وتىرعان ارناۋلى ۇشاق سان - فرانسيسكو حالىقارالىق اۋەجايىنا جەتكەندە، امەريكا كاليفورنيا شتاتىنىڭ باستىعى نەۋسون، قازىنا مينيسترى يەللەن سياقتى امەريكا جاق ۋاكىلدەرىنىڭ ىستىق ىقىلاسپەن قارسى الۋىنا بولەندى.
شي جينپيڭ وتىرعان اۆتوكولىك اترەتى اۋەجايدان اتتانىپ، تۇسەتىن قوناق ۇيگە بارا جاتقان جولىندا كوپتەگەن حۋاچياۋ، حۋارىندار جانە جۇڭگونىڭ شەتەلدە وقىپ جاتقان وقۋشىلارىنىڭ ۋاكىلدەرى سياقتىلار جول بويىنداعى كوشەلەردە كۇتىپ تۇرىپ، جۇڭگو − امەريكا ەكى ەلدىڭ مەملەكەت تۋلارىن بۇلعاپ، ءتوراعا شي جينپيڭنىڭ ساپارلاي كەلگەندىگىن قىزۋ قارسى الدى.
ساي چي، ۋاڭ ي قاتارلى ساپارلاستارى سول ۇشاقپەن بىرگە باردى.
جۇڭگونىڭ امەريكادا تۇراتىن باس ەلشىسى شيە فىڭ دا اۋەجايعا بارىپ قارسى الدى.
