«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
ەكولوگيالىق وركەنيەت قۇرىلىسىن ىلگەرىلەتۋدە بىرنەشە كەلەلى قاتىناستى ويداعىداي ءبىر جاقتى ەتۋ قاجەت
شينحۋا اگەنتتىگىنىڭ 11 - ايدىڭ 15 - كۇنى بەيجيڭنەن بەرگەن حابارى. 11 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 22 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ەكولوگيالىق وركەنيەت قۇرىلىسىن ىلگەرىلەتۋدە بىرنەشە كەلەلى قاتىناستى ويداعىداي ءبىر جاقتى ەتۋ قاجەت» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: جاڭا داۋىردەگى ەكولوگيالىق وركەنيەت قۇرىلىسى امالياتىنىڭ ىشكەرىلەي ىلگەرىلەتىلۋىنە ىلەسە، ءبىزدىڭ ەكولوگيالىق وركەنيەت قۇرىلىسىنىڭ زاڭدىلىق سيپاتى جونىندەگى تانىمىمىز ۇزدىكسىز تەرەڭدەدى. جاڭا ءداۋىردىڭ 10 جىلىنداعى امالياتتىق تاجىريبەلەردى قورىتىندىلاپ، كەزەكتە ءدوپ كەلىپ وتىرعان جاڭا جاعدايلارعا، جاڭا ماسەلەلەرگە تالداۋ جاساپ، ەكولوگيالىق وركەنيەت قۇرىلىسىن ۇزدىكسىز ىلگەرىلەتۋدە، ءسوز جوق، جاڭا داۋىردەگى جۇڭگوشا سوتسياليستىك ەكولوگيالىق وركەنيەت يدەياسىن جەتەكشى ەتىپ، بىرنەشە كەلەلى قاتىناستى دۇرىس ءبىر جاقتى ەتۋ كەرەك.
ماقالادا مىنالار اتاپ كورسەتىلدى: ءبىرىنشى، جوعارى ساپالى دامۋ مەن جوعارى دەڭگەيلى قورعاۋدىڭ قاتىناسىن دۇرىس ءبىر جاقتى ەتۋ كەرەك. جوعارى ساپالى دامۋ مەن جوعارى دەڭگەيلى قورعاۋ ءبىرىن - ءبىرى تولىقتايدى، ءبىر - بىرىنە ساي كەلەدى. جوعارى دەڭگەيلى قورعاۋ − جوعارى ساپالى دامۋدىڭ ماڭىزدى تىرەگى، ەكولوگيانى الدىڭعى ورىنعا قوياتىن، جاسىل، تومەن كومىر قىشقىل گازدى جوعارى ساپالى دامۋ جوعارى دەڭگەيلى قورعاۋدىڭ ارقاسىندا عانا جۇزەگە اسادى. جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى بارىسىندا ءبىز جوعارى ساپالى دامۋ مەن جوعارى دەڭگەيلى قورعاۋدىڭ ديالەكتيكالىق بىرلىگى قاتىناسىن ويداعىداي يگەرۋىمىز كەرەك. ادام مەن تابيعات جاراسىمدى قاتار ءومىر ءسۇرۋ بيىگىندە تۇرىپ، دامۋدى جوسپارلاپ، بايلىق ورتاسىنىڭ كوتەرىمدىلىك قۋاتىن العى شارت جانە نەگىز ەتىپ، ەكونوميكالىق قيمىلدى، ادامداردىڭ ءىس - ارەكەتىن سانالى تۇردە جاراتىلىستىق بايلىق جانە ەكولوگيالىق ورتا كوتەرە الاتىن شەكتەمە ىشىندە تەجەۋ كەرەك، جوعارى دەڭگەيلى قورعاۋ ارقىلى دامۋدىڭ جاڭا قوزعالىس قۋاتىن، جاڭا باسىمدىعىن ۇزدىكسىز سومداپ، جاسىل، تومەن كومىر قىشقىل گازدى اينالمالى ەكونوميكالىق جۇيەنى كۇش سالا قالىپتاستىرىپ، دامۋدىڭ بايلىق ورتاسىن بوداۋ ەتۋىن ءونىمدى تومەندەتىپ، دامۋدىڭ كومەسكى كۇشى مەن تەبىنىن ءۇرتىس كۇشەيتۋ كەرەك.
ماقالادا مىنالار اتاپ كورسەتىلدى: ەكىنشى، ءتۇيىندى قامال الۋ مەن سايكەسە وڭاۋدىڭ قاتىناسىن دۇرىس ءبىر جاقتى ەتۋ كەرەك. ەكولوگيالىق ورتانى وڭاۋ − جۇيە ينجەنەرياسى، ورتا فاكتورلارىنىڭ كۇردەلىلىك سيپاتىن، ەكولوگيالىق جۇيەنىڭ بۇتىندىك سيپاتىن، جاراتىلىستىق جاعراپيا بىرلىگىنىڭ ۇلاسپالىلىق سيپاتىن، ەكونوميكالىق، قوعامدىق دامۋدىڭ باياندىلىق سيپاتىن ءبىر تۇتاس جوسپارلاپ ويلاستىرۋعا تۋرا كەلەدى. جۇيە كوزقاراسىنا تاباندى بولىپ، باستى قايشىلىق پەن قايشىلىقتىڭ باستى جاعىن مىقتى يگەرىپ، كورنەكتى ەكولوگيالىق ورتا ماسەلەلەرىنە پارمەندى شارا قولدانۋ، سونىمەن بىرگە نىسانانى سايكەستىرۋدى، كوپ ءتۇرلى لاس زاتتاردى تىزگىندەۋدى سايكەستىرۋدى، تاراۋلاردى سايكەستىرۋدى، وڭىرلەردى سايكەستىرۋدى، ساياساتتاردى سايكەستىرۋدى كۇشەيتىپ، ءتۇرلى قىزمەتتەردىڭ جۇيەلىلىگىن، تۇتاستىعىن، سايكەسىمدىلىگىن ۇزدىكسىز كۇشەيتۋ كەرەك. كەزەكتە، ءسوز جوق، ستراتەگيالىق تاباندىلىقتى ساقتاپ، لاستاۋدان ساقتانۋدان جانە ونى وڭاۋدان قامال الۋ شايقاسىن ءۇرتىس، ىشكەرىلەي ويداعىداي جۇرگىزۋ كەرەك.
ماقالادا مىنالار اتاپ كورسەتىلدى: ءۇشىنشى، تابيعي قالپىنا كەلۋ مەن جاساندى جولمەن قالپىنا كەلتىرۋدىڭ قاتىناسىن دۇرىس ءبىر جاقتى ەتۋ كەرەك. الدىمەن تابيعاتقا تولىق قۇرمەت ەتىپ جانە بەيىمدەلىپ، ۇلى تابيعاتتىڭ تىنىعۋىنا جەتكىلىكتى ۋاقىت جانە كەڭىستىك بەرىپ، تابيعاتتىڭ كۇشىنە سۇيەنىپ ەكولوگيالىق جۇيەنىڭ تەڭگەرىمدىلىگىن قالپىنا كەلتىرۋ كەرەك. سونىمەن بىرگە تابيعي قالپىنا كەلۋدىڭ شەكتەمەلىلىگى مەن جوعارى شەگى جاساندى جولمەن قالپىنا كەلتىرۋگە اناعۇرلىم جوعارى تالاپ قويدى ءارى بەلسەنە ىسكەرلىك كورسەتۋدىڭ كەڭ ءورىسىن قالدىردى. تابيعي قالپىنا كەلۋ مەن جاساندى جولمەن قالپىنا كەلتىرۋدى ورگانيكالى بىرلىككە كەلتىرىپ، جەرگىلىكتى جاعدايعا، اۋقىمعا قاراي ىستەپ، وڭىرگە، تۇرگە ءبولىپ شارا قولدانىپ، ەكولوگيانى قورعاۋدىڭ، قالپىنا كەلتىرۋدىڭ ەڭ ۇتىمدى شەشۋ جوباسىن قۇلشىنا تابۋ كەرەك. تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرا قورعاۋ مەن جۇيەلى وڭاۋعا تاباندى بولىپ، تاۋ توبەسىنەن تەڭىز - مۇحيتقا دەيىنگى قورعاۋ، وڭاۋ ۇلكەن ارناسىن قالىپتاستىرىپ، تابيعي قالپىنا كەلۋ مەن جاساندى جولمەن قالپىنا كەلتىرۋ سىندى ەكى ءتۇرلى ءتاسىلدى كەشەندى قولدانىپ، ەكولوگيالىق قۇرىلىستى تاباندىلىقپەن ىلگەرىلەتۋ كەرەك.
ماقالادا مىنالار اتاپ كورسەتىلدى: ءتورتىنشى، سىرتقى تەجەم مەن ىشكى قوزعاۋشى كۇشتىڭ قاتىناسىن دۇرىس ءبىر جاقتى ەتۋ كەرەك. تاماشا ەكولوگيالىق ورتا − ەڭ ءادىل الەۋمەتتىك ءونىم، ەڭ جالپىعا بىردەي حالىق تۇرمىسى قۇت - ىرىسى. تەك بارلىق ادام ىسكە كىرىسىپ، بارلىق ادام جاۋاپكەرشىلىگىن ادا ەتىپ، تۇتاس قوعامنىڭ ەكولوگيالىق ورتانى بىرگە قورعاۋ ىشكى قوزعاۋشى كۇشىن تاسقىنداتقاندا عانا، جۇڭحۋانىڭ بايتاق دالاسىنىڭ اسپانى قاشاندا اشىق، تاۋى قاشاندا جاسىل، سۋى قاشاندا تۇنىق بولۋىنا مۇمكىندىك جاساۋعا بولادى. ءسوز جوق، ەڭ قاتاڭ ءتۇزىم، ەڭ قاتاڭ زاڭمەن باسقارۋ ارقىلى ەكولوگيالىق ورتانى قورعاۋعا باستان - اياق تاباندى بولىپ، ۇدايىلانعان سىرتقى قىسىمدى ساقتاۋ كەرەك.
ماقالادا مىنالار اتاپ كورسەتىلدى: بەسىنشى، ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ ۋادەسى مەن دەربەس ارەكەتتىڭ قاتىناسىن دۇرىس ءبىر جاقتى ەتۋ كەرەك. كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى ىلگەرىلەتۋ − پارتيا ورتالىق كوميتەتىنىڭ تەرەڭنەن تولعانۋ، كەڭىنەن ويلانۋ ارقىلى شىعارعان كەلەلى ستراتەگيالىق شەشىمى، ءبىزدىڭ حالىقارالىق قوعامعا بەرگەن سالتاناتتى ۋادەمىز ءارى ەكونوميكالىق قۇرىلىمنىڭ تيبىن جاڭالاپ، دارەجەسىن ءوسىرۋدى ىلگەرىلەتىپ، جاسىل، تومەن كومىر قىشقىل گازدى كاسىپ سالاسىنىڭ باسەكەلىك باسىمدىعىن قالىپتاستىرىپ، جوعارى ساپالى دامۋدى جۇزەگە اسىرۋدىڭ ىشكى تالابى. ءبىز ۋادە بەرگەن ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ نىساناسى مىزعىمايدى، الايدا وسى نىساناعا جەتۋدىڭ جولى مەن ءتاسىلىن، ريتىمى مەن تەبىنىن ءوزىمىز، ونىڭ ۇستىنە، ءسوز جوق، ءوزىمىز بەلگىلەۋگە ءتيىستىمىز، استە باسقالارعا بيلەتپەۋىمىز كەرەك. جاڭاشا ەنەرگيا جۇيەسىن جەدەل جوبالاپ ورناتىپ، ەنەرگيا حاۋىپسىزدىگىنە شىنايى كەپىلدىك ەتۋ كەرەك. كاسىپ سالاسى قۇرىلىمىن ساپالىلاندىرىپ، رەتتەپ، دامۋدى بايلىقتى جوعارى ونىمدىلىكپەن پايدالانۋ، ەكولوگيالىق ورتانى قاتاڭ قورعاۋ، پارنيكتىك گازدىڭ شىعارىلۋىن ءونىمدى تىزگىندەۋ نەگىزىندە جۇزەگە اسىرۋىمىز كەرەك. ءداستۇرلى كاسىپتەرگە مەڭزەس، تەحنولوگيا، تەحنيكا، جابدىق دارەجەسىن جوعارىلاتۋدى ىلگەرىلەتىپ، جاسىل، تومەن كومىر قىشقىل گازعا قاراي تيپ جاڭالاۋدى جۇزەگە اسىرۋ كەرەك. اناعۇرلىم بەلسەندى بەينەمەن الەمدىك كليماتتى وڭاۋعا ات سالىسىپ، اناعۇرلىم ىرىقتى دا پايدالى جاڭا جاعداي قالىپتاستىرۋ كەرەك.
