ما شيڭرۇي مالتا جۇمىسشى پارتياسى جاس كادرلار تەكسەرۋ ۇيىرمەسىندەگىلەرمەن كەزدەستى
جاڭ چۇنلين كەزدەسۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 11 - ايدىڭ 15 - كۇنى تۇستەن بۇرىن ۇرىمجىدە مالتا جۇمىسشى پارتياسى جاس كادرلار تەكسەرۋ ۇيىرمەسىندەگىلەرمەن كەزدەستى.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين كەزدەسۋگە قاتىناستى.
ما شيڭرۇي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان تەكسەرۋ ۇيىرمەسىندەگىلەردى قارسى الدى ءارى شينجياڭنىڭ ورنىقتىلىق، دامۋ، ۇلت، ءدىن، مادەنيەتتى قورعاۋ سياقتى قىزمەتتەرىن تانىستىردى. ول بىلاي دەدى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، جۇڭگونىڭ شينجياڭى ەكونوميكالىق، قوعامدىق دامۋدا بۇرىن بولىپ كورمەگەن تابىستارعا قول جەتكىزدى. ءبىز ءتوراعا شي جينپيڭ نۇسقاعان دۇرىس بەتالىسپەن بۇلجىماي العا ىلگەرىلەپ، جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، قوعام ورنىقتىلىعى جانە باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى ءبىر تۇتاس جوسپارلاپ ىلگەرىلەتتىك، تيانشان الابىندا قوعام جاراسىمدى، ورنىقتى بولدى، ەكونوميكانىڭ دامۋ تەبىنى كۇشتى بولدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى. امەريكا سياقتى باتىس ەلدەرىندەگى كەيبىر كۇشتەردىڭ قيسىنسىز وسەك - اياڭ تاراتىپ، جالا جابۋى، شينجياڭعا قاساقانا كۇيە جاعۋى بۇكىلدەي شىندىققا قايشى. ءارقانداي شابۋىل مەن جالا جابۋ شينجياڭنىڭ دامۋ اياق الىسىنا كەدەرگى بولا المايدى. كوپشىلىك وسى رەت شينجياڭنىڭ ەكونوميكالىق دامۋى، ۇلت، ءدىن، ادامدىق ۇقىقتى قامتاماسىز ەتۋ سياقتى جاقتارداعى قىزمەتتەرىن ناقتى ورىندا تەكسەرگەندە، ءسوز جوق، شىنايى شينجياڭ جونىندە اناعۇرلىم وبيەكتيۆ، ءادىل تانىمعا يە بولادى. جۇڭگونىڭ شينجياڭى باستان - اياق اشىق، ءبىز ءار ەلدەگى، ءار سالاداعى دوستاردىڭ شينجياڭعا كەلىپ ارالاۋىن، اۋىس - كۇيىس جاساۋىن قارسى الامىز، سونداي - اق كوپشىلىكتىڭ كوبىرەك ارالاۋىن، كوبىرەك كورۋىن ءۇمىت ەتەمىز. ءبىز سىرتقا ەسىك اشۋدى ۇزدىكسىز كەڭەيتىپ، مالتا سياقتى ەلدەرمەن اۋىس - كۇيىستى، سەلبەستىكتى ونان ارى تەرەڭدەتىپ، ءوزارا ءتۇسىنىسۋدى، ءوزارا سەنىمدىلىكتى ۇزدىكسىز كۇشەيتىپ، ءوزارا ءتيىمدى دامۋدى ىلگەرىلەتەمىز.
مالتا جۇمىسشى پارتياسى ينتەرناتسيونالىنىڭ شۋجيى مارك بەرنيچ قاتارلى تەكسەرۋ ۇيىرمەسىنىڭ مۇشەلەرى جۇڭگونىڭ شينجياڭىنىڭ دوستىق ىستىق ىقىلاسپەن كۇتىپ العاندىعىنا العىس ايتتى. ولار مىنالاردى ءبىلدىردى: جۇڭگو كوممۋنيستىك پارتياسىنىڭ ساياساتى شينجياڭداعى ءار ۇلت حالقىنىڭ تۇرمىسىن ونان ارى جاقسارتىپتى. وسى رەت جۇڭگونىڭ شينجياڭىنا كەلىپ، شينجياڭنىڭ ەكونوميكالىق، قوعامدىق دامۋ جاعدايىن، اسىرەسە، كەدەيلىكتى ازايتۋ، وقۋ - اعارتۋ، دەنساۋلىق ساقتاۋ، ۇلت، ءدىن سياقتى جاقتاردا قول جەتكىزگەن تابىستارىن ۇعىستىق. شينجياڭ از ۇلتتاردىڭ كورنەكتى دامۋىن، العا باسۋىن ىلگەرىلەتتى، ءبىز ۇلتتاردىڭ جاراسىمدى قاتار ءومىر ءسۇرۋىنىڭ، بىرگە دامۋىنىڭ ماڭىزدىلىعىن ءتىپتى دە سەزىندىك. مالتا جۇمىسشى پارتياسى جۇڭگومەن قارىم - قاتىناسىن دامىتۋعا توتەنشە ءمان بەرەدى، جۇڭگونىڭ مالتاداعى كاسىپ سالاسىنا قارجى قوسۋى جەرگىلىكتى ورىنداعى كوپتەگەن ادامدى يگىلىككە كەنەلتتى. جۇڭگومەن دوستىق بارىس - كەلىستى ۇزدىكسىز دامىتىپ، جۇڭگونىڭ شينجياڭىمەن اۋىس - كۇيىستى كۇشەيتىپ، مالتا - جۇڭگو قارىم - قاتىناسىن بەلسەنە جەبەپ، مالتا - جۇڭگو سەلبەستىگىن كەڭەيتۋدى قالايمىز.
اۆتونوميالى رايوننىڭ باسشىلارىنان چىن ۋيجۇن، تەكسەرۋ ۇيىرمەسىنىڭ مۇشەلەرى، جۇڭگو كوممۋنيستىك پارتياسى ورتالىق كوميتەتىنىڭ شەتەلدەرمەن بايلانىس جاساۋ بولىمىندەگى قاتىستى جولداستار، اۆتونوميالى رايوننىڭ قاتىستى تاراۋلارىنداعى جاۋاپتى جولداستار كەزدەسۋگە قاتىناستى.
