انار بۇلت \ شينجياڭ گازەتىنىڭ ءتىلشىسى شى شين 11 - ايدىڭ 15 - كۇنى ۇرىمجىدەن حابارلايدى. 11 - ايدىڭ 14 - كۇنى اشىلعان اۆتونوميالى رايوننىڭ مەملەكەت مەنشىگىندەگى كاسىپورىندار رەفورماسىن تەرەڭدەتۋ، دەڭگەيىن جوعارىلاتۋ ارەكەتى جونىندەگى اتتانىسقا كەلتىرۋ، ورنالاستىرۋ جانە بۇكىل رايونىمىزداعى مەملەكەت مەنشىگىندەگى كاسىپورىنداردىڭ 1 - ايدان 10 - ايعا دەيىنگى ەكونوميكالىق اينالىمىنا تالداۋ جاساۋ ماجىلىسىنەن ۇعىسۋىمىزشا، مەملەكەت مەنشىگىندەگى كاسىپورىنداردىڭ وزەكتى باسەكەلىك قۋاتىن جوعارىلاتۋدى، وزەكتى يقۋاتىن كۇشەيتۋدى ءتۇيىن ەتە وتىرىپ، شينجياڭ جاڭا كەزەكتى مەملەكەت مەنشىگىندەگى كاسىپورىندار رەفورماسىن تەرەڭدەتۋ، دەڭگەيىن جوعارىلاتۋ ارەكەتىن باستاپ، مەملەكەت مەنشىگىندەگى كاپيتال مەن مەملەكەت مەنشىگىندەگى كاسىپورىنداردى الۋەتتەندىرۋدى، ساپالىلاندىرۋدى، زورايتۋدى ىلگەرىلەتەدى ەكەن.
اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومىنىڭ شۋجيى، ورىنباسار مەڭگەرۋشىسى حۋ كايجياڭ بىلاي دەپ تانىستىردى: جاڭا كەزەكتى مەملەكەت مەنشىگىندەگى كاسىپورىندار رەفورماسىن تەرەڭدەتۋ، دەڭگەيىن جوعارىلاتۋ ارەكەتى ءتۇيىندى يگەرۋ، ولقىلىقتاردى تولىقتاۋ، ءالسىز بۋىنداردى كۇشەيتۋدى ۇزدىكسىز ويداعىداي ىستەۋ نەگىزىندە، فۋنكتسيالىق رەفورمانى اناعۇرلىم كورنەكتىلەندىرىپ، مەحانيزمدىك رەفورمانى ۇزدىكسىز تەرەڭدەتىپ، مەملەكەت مەنشىگىندەگى كاسىپورىنداردى بىرىكتىرۋدى، قايتا قۇرۋدى كۇش سالا ىلگەرىلەتىپ، مەملەكەت مەنشىگىندەگى شارۋاشىلىقتىڭ ورنالاسۋىن ساپالىلاندىرىپ، عىلىم - تەحنيكادا جاڭالىق اشۋ قابىلەتىن جوعارىلاتىپ، ءتۇيىندى سالالاردى قامتاماسىز ەتۋدى كۇشەيتىپ، حاۋىپ - قاتەردەن ساقتانۋدى جانە ونى تىزگىندەۋدى كورنەكتى تۇردە مىقتى يگەرىپ، مەملەكەت مەنشىگىندەگى كاسىپورىنداردىڭ عىلىم - تەحنيكادا جاڭالىق اشۋ، كاسىپ سالاسىن تىزگىندەۋ، حاۋىپسىزدىك تىرەگى سىندى 3 ۇلكەن رولىن شىنايى ساۋلەلەندىرۋ كەرەك. وسىعان مەڭزەس، اۆتونوميالى رايون «اۆتونوميالى رايوننىڭ مەملەكەت مەنشىگىندەگى كاسىپورىندار رەفورماسىن تەرەڭدەتۋ، دەڭگەيىن جوعارىلاتۋ ارەكەتىن اتقارۋ جوباسىن (2023 − 2025 - جىل)» باسىپ تاراتىپ، 8 ءىرى رەفورما مىندەتىن ايقىنداپ، 122 تارماقتى رەفورما شاراسىن اشالاپ، مەملەكەت مەنشىگىندەگى كاسىپورىندار رەفورماسىن تەرەڭدەتۋ، دەڭگەيىن جوعارىلاتۋ ارەكەتىن تىڭعىلىقتى ىلگەرىلەتتى.
عىلىم - تەحنيكادا جاڭالىق اشۋ جاعىندا عىلىم - تەحنيكالىق ستراتەگيالىق جەتەكشىلىكتى كۇشەيتۋ، پارىقتى باعالاۋدى ىلگەرىلەتۋ، جاڭالىق اشۋعا ىنتالاندىرۋ ءتۇزىمىن كەمەلدەندىرۋ، كوپ نەگىزدى زەرتتەۋ - اشۋعا ۇسىنىلىمدى ارتتىرۋ، زەرتتەۋ - اشۋ بايلىعىن بىرىكتىرۋدى ىلگەرىلەتۋ سياقتىلاردى ارقاۋ ەتىپ، رەفورما سەرپىنىن ارتتىرىپ، مەملەكەت مەنشىگىندەگى كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن ۇزدىكسىز كۇشەيتىپ، مەملەكەت مەنشىگىندەگى كولەمدەنگەن ونەركاسىپ كاسىپورىندارىنىڭ زەرتتەۋ - اشۋعا ۇسىنىلىم سەرپىنىن تاماشا ماننەن اسىرۋعا كۇش سالىپ، مەملەكەت مەنشىگىندەگى كاسىپورىنداردىڭ وزەكتى باسەكەلىك قۋاتىن جوعارىلاتۋ كەرەك.
كاسىپ سالاسىن مەڭگەرۋ جاعىندا، شينجياڭنىڭ ”8 ءىرى كاسىپ سالاسى شوعىرى“ قۇرىلىسىن ارقاۋ ەتە وتىرىپ، مەملەكەت مەنشىگىندەگى شارۋاشىلىقتىڭ ورنالاسۋ قۇرىلىمىن رەتتەۋدى ۇزدىكسىز ساپالىلاندىرىپ، مەملەكەت مەنشىگىندەگى كاپيتالدىڭ ستراتەگيالىق جاڭادان گۇلدەنگەن كاسىپ سالاسىنا قارجى قوسۋ سەرپىنىن ارتتىرىپ، كۇش سالۋ ءتۇيىنىن ناقتى ەكونوميكانى دامىتۋعا اۋدارۋعا تاباندى بولۋ، باسىمدىققا يە ەرەكشە كاسىپ سالالارىن جەتىلدىرىپ، زورايتىپ، جاڭادان گۇلدەنگەن كاسىپ سالالارىن بەلسەنە دامىتىپ، ءجۇز ميلليارد دارەجەلى 3 − 5 كاسىپ سالاسى شوعىرى مەن ”تىزبەكتى ۇزارتاتىن“ ءبىر توپ كاسىپورىنداردى قۇلشىنا قۇرىپ، شينجياڭنىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسى قۇرىلىسىن جەدەل قۇرۋ بارىسىندا مەملەكەت مەنشىگىندەگى كاسىپورىنداردىڭ باستاماشىلدىق، جەتەكشىلىك ەتۋ رولىن ساۋلەلەندىرىپ، مەملەكەت مەنشىگىندەگى كاسىپورىنداردىڭ وزەكتى فۋنكتسياسىن كۇشەيتۋ كەرەك.
حاۋىپسىزدىك تىرەگى جاعىندا، مەملەكەت مەنشىگىندەگى كاپيتالدىڭ مەملەكەتتىڭ حاۋىپسىزدىگىنە، حالىق شارۋاشىلىعىنىڭ جان تامىرىنا جانە مەملەكەت شارۋاشىلىعى مەن حالىق تۇرمىسى سياقتىلارعا ساياتىن ماڭىزدى كاسىپتەرگە، شەشۋشى سالالارعا جانە ءتۇيىندى نەگىزدىك قۇرىلعىلارعا قاراي شوعىرلانۋىن اناعۇرلىم ىلگەرىلەتىپ، ءتۇيىندى سالالاردى قامتاماسىزداندىرۋدى كۇشەيتىپ، مەملەكەتتىڭ ستراتەگيالىق حاۋىپسىزدىگىن شىن مانىندە قورعاۋدى مەملەكەت مەنشىگىندەگى كاسىپورىنداردىڭ كەلەلى بورىشى جانە جاۋاپكەرشىلىگى ەتۋ كەرەك.
مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتى اتقارىلعاننان بەرى شينجياڭنىڭ مەملەكەت مەنشىگىندەگى كاپيتال، مەملەكەت مەنشىگىندەگى كاسىپورىنداردىڭ دامۋ ساپاسى مەن ونىمدىلىگى ۇزدىكسىز جوعارىلاپ، ءتۇيىندى سالالار، شەشۋشى بۋىندار رەفورماسىندا تىڭ تابىستارعا قول جەتتى، كاسىپ سالاسىنىڭ ورنالاسۋ قۇرىلىمى ۇزدىكسىز ساپالىلانىپ، رەتتەلىپ، مەملەكەت مەنشىگىندەگى كاپيتالدىڭ جالپى تۇلعالىق يقۋاتى كورنەكتى كۇشەيىپ، ءار دارەجەلى مەملەكەت مەنشىگىندەگى كاپيتالدى باقىلاۋ - باسقارۋ ونىمدىلىگى ۇزدىكسىز جوعارىلاپ، ارنايىلانعان، جۇيەلىلەنگەن، زاڭمەن باسقارىلاتىن باقىلاۋ - باسقارۋ باسىمدىعى ونان ارى رولىن ساۋلەلەندىردى، مەملەكەت مەنشىگىندەگى كاپيتالدىڭ، مەملەكەت مەنشىگىندەگى كاسىپورىندار پارتيا قۇرىلىسىنىڭ جەتەكشىلىك رولى كورنەكتى كۇشەيىپ، پارتيا باسشىلىعى، پارتيا قۇرىلىسى تاعى دا تىڭ ورەگە كوتەرىلدى. مەملەكەتتىك كەڭەستىڭ مەملەكەت مەنشىگىندەگى كاسىپورىندار رەفورماسىنا باسشىلىق ەتۋ گرۋپپاسى كەڭسەسى ۇيىمداستىرعان باعالاۋدا شينجياڭ ىلگەرىندى - كەيىندى 2 رەت A دارەجەلى بولىپ باعالاندى ءارى بۇكىل ەل بويىنشا حابارلاندىرىلىپ ماداقتالدى.
