شي جينپيڭ سانشيدىڭ لۇيلياڭ قالاسى يۇڭجۇي كومىر كەنىندەگى ءبىر قىزمەت عيماراتىندا تۋىلعان ءورت اپاتى شىرعالاڭى جونىندە ماڭىزدى نۇسقاۋ بەردى
جارالانعانداردى بار كۇشپەن قۇتقارىپ - ەمدەپ، ءتۇيىندى كاسىپ سالالارىنداعى حاۋىپ - قاتەرلەر مەن كومەسكى كىناراتتاردى ىشكەرىلەي ءبىر - بىردەن تەكسەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن شىنايى قورعاۋدى تالاپ ەتتى
لي چياڭ بەكىتۋ جاسادى
شينحۋا اگەنتتىگىنىڭ 11 - ايدىڭ 16 - كۇنى بەيجيڭنەن بەرگەن حابارى. 11 - ايدىڭ 16 - كۇنى ساعات 7 مولشەرىندە سانشيدىڭ لۇيلياڭ قالاسى يۇڭجۇي كومىر كەنىندەگى ءبىر قىزمەت عيماراتىنا ءورت كەتتى. قازىرگە دەيىن شىرعالاڭدا 26 ادام قازا بولىپ، 38 ادام جارالاندى.
شىرعالاڭ تۋىلعاننان كەيىن، پارتيا ورتالىق كوميتەتى، مەملەكەتتىك كەڭەس ايرىقشا ءمان بەردى. شەتەلدە ساپاردا جۇرگەن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ دەرەۋ ماڭىزدى نۇسقاۋ بەردى، سانشيدىڭ لۇيلياڭ قالاسى يۇڭجۇي كومىر كەنىندەگى ءبىر قىزمەت عيماراتىنا ءورت كەتىپ، اۋىر ءولىم - ءجىتىم تۋىلدى، بۇدان تەرەڭ ساباق الۋ كەرەك! جارالانعانداردى بار كۇشپەن قۇتقارۋ - ەمدەۋ، جارالانعاندارعا، قازا بولعاندارعا جانە ولاردىڭ وتباسىنداعىلارعا قاتىستى سوڭعى جۇمىستاردى ىڭعايلاستىرۋ، جۇباتۋ قىزمەتىن ويداعىداي ىستەپ، سەبەبىن تەز ارادا تەكسەرىپ - انىقتاپ، جاۋاپكەرشىلىكتى قاتاڭ قۋزاستىرۋ كەرەك. شي جينپيڭ بىلاي دەپ باسا دارىپتەدى: وڭىرلەر جانە قاتىستى تاراۋلار وسى رەتكى ءورت اپاتى شىرعالاڭىنان تەرەڭ ساباق الىپ، حاۋىپسىز دامۋ ۇستانىمىن بەرىك ورناتىپ، تومەنگى شەكتە ويلاۋدى كۇشەيتىپ، قىس ماۋسىمىندا ءورت اپاتى شىرعالاڭى وڭاي تۋىلۋ، كوپ تۋىلۋ سياقتى جاعدايلارعا مەڭزەس، ءبىرى ارقىلى وزگەسىن تۇسپالداپ، ءتۇيىندى كاسىپ سالالارىنداعى حاۋىپ - قاتەرلەر مەن كومەسكى كىناراتتاردى ىشكەرىلەي ءبىر - بىردەن تەكسەرىپ، شۇعىل جاعدايعا توتەپ بەرۋ جوباسى مەن ساقتىق شارالارىن كەمەلدەندىرىپ، ءار جاقتىڭ جاۋاپكەرشىلىگىن قاتايتىپ، ناقتىلاندىرىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن شىنايى قورعاۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جاساپ مىنالاردى تالاپ ەتتى: ءىز - دەرەكسىز كەتكەندەردى جەدەل ىزدەپ - قۇتقارىپ، جارالانعانداردى بار كۇشپەن قۇتقارىپ - ەمدەپ، ءولىم - ءجىتىمدى مۇمكىندىكتىڭ بارىنشا ازايتىپ، قاتىستى سوڭعى جۇمىستاردى ۇيلەسىمدى ويداعىداي ىستەۋ، سونىمەن بىرگە شىرعالاڭنىڭ سەبەبىن تەز ارادا تەكسەرىپ - انىقتاپ، زاڭ بويىنشا، زاڭ - ەرەجە بويىنشا قاتاڭ ءبىر جاقتى ەتۋ كەرەك. ءبىرى ارقىلى وزگەسىن تۇسپالداپ، ورتتەن ساقتانۋ حاۋىپسىزدىگىن باسقارۋدى كۇشەيتىپ، ءتۇيىندى كاسىپ سالالارىنداعى ءوندىرىس حاۋىپسىزدىگى حاۋىپ - قاتەرىن، كومەسكى كىناراتتاردى قاتاڭ تەكسەرىپ، ءجيى ساقتانىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ كەرەك.
باس شۋجي شي جينپيڭنىڭ تاپسىرۋىمەن مەملەكەتتىك كەڭەستىڭ وسى سالاعا جاۋاپتى باسشىلارى قاتىستى تاراۋلارداعى جاۋاپتى جولداستاردى باستاپ سول ورىنعا بارىپ، شىرعالاڭنان قۇتقارۋ - كومەكتەسۋ جانە شۇعىل جاعدايعا توتەپ بەرۋ بويىنشا ءبىر جاقتى ەتۋ قىزمەتىنە جەتەكشىلىك ەتتى. سانشي ولكەسى، لۇيلياڭ قالاسى كۇش ۇيىمداستىرىپ، قۇتقارۋ - كومەكتەسۋ، قۇتقارۋ - ەمدەۋ جانە سوڭعى جۇمىستاردى ىڭعايلاستىرۋ قىزمەتىن كۇش سالا جاقسى ىستەدى. قازىر مەديتسينالىق قۇتقارىپ ەمدەۋ، شىرعالاڭنىڭ سەبەبىن تەكسەرۋ سياقتى قىزمەتتەر ىستەلۋدە.
