جەرگىلىكتى ۋاقىت 11 - ايدىڭ 17 - كۇنى تۇستەن بۇرىن ازيا − تىنىق مۇحيت ەكونوميكالىق سەلبەستىك ۇيىمىنىڭ 30 - رەتكى باسشىلار بەيرەسمي ءماجىلىسى امەريكانىڭ سان - فرانسيسكوسىنداعى موسكوني ورتالىعىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «اۋەلگى ماقساتتان اينىماي، ىنتىماقتاسا سەلبەسىپ، ازيا − تىنىق مۇحيت ءوڭىرىنىڭ جوعارى ساپالى ارتۋىن قول ۇستاسا بىرگە جەبەيىك» دەگەن تاقىرىپتا ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 11 - ايدىڭ 17 - كۇنى سان - فرانسيسكودان بەرگەن حابارى (تىلشىلەر ني سى - ي، ليۋ حۋا). جەرگىلىكتى ۋاقىت 11 - ايدىڭ 17 - كۇنى تۇستەن بۇرىن ازيا − تىنىق مۇحيت ەكونوميكالىق سەلبەستىك ۇيىمىنىڭ 30 - رەتكى باسشىلار بەيرەسمي ءماجىلىسى امەريكانىڭ سان - فرانسيسكوسىنداعى موسكوني ورتالىعىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «اۋەلگى ماقساتتان اينىماي، ىنتىماقتاسا سەلبەسىپ، ازيا − تىنىق مۇحيت ءوڭىرىنىڭ جوعارى ساپالى ارتۋىن قول ۇستاسا بىرگە جەبەيىك» دەگەن تاقىرىپتا ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: ازيا − تىنىق مۇحيت ەكونوميكالىق سەلبەستىك ۇيىمى باسشىلار مەرزىمدى ءماجىلىس مەحانيزمىن ورناتقاننان بەرى باستان - اياق الەمدىك اشىق دامۋدىڭ الدىڭعى لەگىندە ءجۇرىپ، وڭىرلىك ساۋدا مەن قارجى قوسۋدىڭ ەركىن، قولايلى بولۋىن، ەكونوميكا مەن تەحنيكانىڭ دامۋىن، زاتتىق ماتەريالدار مەن ادامدار اينالىمىن پارمەندى جەبەپ، بۇكىل دۇنيە ءجۇزىن جالت قاراتقان ”ازيا − تىنىق مۇحيت كەرەمەتىن“ جاراتتى. كەزەكتە دۇنيە جۇزىندە 100 جىلدا بولماعان وزگەرىس جەدەل قۇبىلۋدا، دۇنيە ءجۇزى ەكونوميكاسى كوپ ءتۇرلى حاۋىپ - قاتەر مەن سىن - سايىسقا ءدوپ كەلۋدە، الەمدىك ارتۋ قوزعالتقىشى رەتىندە، ازيا − تىنىق مۇحيت ءوڭىرى اناعۇرلىم زور ءداۋىر جاۋاپكەرشىلىگىن ارقالاپ وتىر. ازيا − تىنىق مۇحيت ءوڭىرىنىڭ باسشىلارى رەتىندە، ءبىز وسى عاسىردىڭ ورتا شەنىنە ازيا − تىنىق مۇحيت ءوڭىرىن قانداي كۇيدە جەتكىزەمىز؟ ازيا − تىنىق مۇحيت ءوڭىرى دامۋىنىڭ كەلەسى ”التىن 30 جىلىن“ قالاي تۇلعالايمىز؟ وسى ءبىر ۇردىستە ازيا − تىنىق مۇحيت ەكونوميكالىق سەلبەستىك ۇيىمىنىڭ رولىن قالاي اناعۇرلىم ويداعىداي ساۋلەلەندىرەمىز؟ دەگەندەر جونىندە تەرەڭ تولعانۋىمىز كەرەك.
شي جينپيڭ بىلاي دەپ باسا دارىپتەدى: ءبىز ازيا − تىنىق مۇحيت ءوڭىرى سەلبەستىگىنىڭ اۋەلگى ماقساتىنان جازباي، ءداۋىر ۇنىنە جاۋاپكەرشىلىكپەن جاۋاپ قاتىپ، الەمدىك سىن - سايىسقا قول ۇستاسا توتەپ بەرىپ، پۇتراجايا كەلەشەكتىك نىساناسىن جاپپاي تياناقتاندىرىپ، اشىق، ومىرشەڭ، مىعىم، بەيبىت ازيا − تىنىق مۇحيت ورتاق تۇلعاسىن قۇرىپ، ازيا − تىنىق مۇحيت ءوڭىرى حالقى مەن ۇرپاقتاردىڭ ورتاق گۇلدەنىپ - كوركەيۋىن جۇزەگە اسىرۋىمىز كەرەك.
ءبىرىنشى، جاڭالىق اشۋ ارقىلى دەم بەرۋگە تاباندى بولۋ كەرەك. عىلىم - تەحنيكا اۋىس - كۇيىسىن، سەلبەستىگىن اناعۇرلىم بەلسەندى ىلگەرىلەتىپ، اشىق، ءادىل، تۋراشىل، كەمسىتپەيتىن عىلىم - تەحنيكا دامۋ ورتاسىن قول ۇستاسا قالىپتاستىرۋ كەرەك. سيفرلانۋعا قاراي تيپ وزگەرتۋدى تەزدەتىپ، سيفر جىلعاسىن كىشىرەيتىپ، ۇلكەن ساندى مالىمەت، بۇلتتىق ەسەپتەۋ، جاساندى زەردە، كۆانتتىق ەسەپتەۋ سياقتى جاڭا تەحنيكالاردى قولدانۋعا قولداۋ كورسەتىپ، ازيا − تىنىق مۇحيت ءوڭىرى دامۋىنىڭ جاڭا قوزعاۋشى قۋاتىن، جاڭا باسىمدىعىن ۇزدىكسىز سومداۋ كەرەك. جۇڭگونىڭ ازيا − تىنىق مۇحيت ەكونوميكالىق سەلبەستىك ۇيىمى سيفرلى اۋىل - قىستاق قۇرىلىسى، كاسىپورىنداردىڭ سيفرلى سالاۋاتى، سيفر تەحنيكاسىنان پايدالانىپ، جاسىل، تومەن كومىر قىشقىل گازدى بولۋعا قاراي تيپ وزگەرتۋدى جەبەۋ سياقتى باستامالاردى العا قويۋى ازيا − تىنىق مۇحيت ءوڭىرىنىڭ دامۋىنا اناعۇرلىم ويداعىداي قۋات ۇستەدى.
ەكىنشى، ەسىك اشۋ بەتالىسىنا تاباندى بولۋ كەرەك. ەركىن، اشىق ساۋدانى، قارجى قوسۋدى قورعاپ، دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن قولداپ ءارى كۇشەيتىپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاپ، ەكونوميكا - ساۋدا ماسەلەسىن ساياسيلاندىرۋعا، قارۋلاندىرۋعا، جاپپاي حاۋىپسىزدىككە تىرەۋگە قارسى تۇرۋ كەرەك. وڭىرلىك ەكونوميكانىڭ ءبىر تۇلعالانۋىن بۇلجىماي ىلگەرىلەتىپ، ازيا − تىنىق مۇحيت ەركىن ساۋدا رايونى اياق الىسىن جەدەل ىلگەرىلەتۋ كەرەك. جۇڭگونىڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن ءساتتى وتكىزۋى الەمدىك ۇلاستىرۋدى، تۇتاستىرۋدى جەبەۋگە، اشىق دۇنيە ءجۇزى ەكونوميكاسىن ورناتۋعا جاڭا قوزعاۋشى كۇش ۇستەدى.
ءۇشىنشى، جاسىل دامۋعا تاباندى بولۋ كەرەك. ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولىپ، دامۋ تاسىلىندە جاسىل، تومەن كومىر قىشقىل گازدى بولۋعا قاراي تيپ وزگەرتۋدى جەدەل ىلگەرىلەتىپ، كومىر قىشقىل گازىنىڭ شىعارىلۋىن تومەندەتۋدى، لاستانۋدى ازايتۋدى، جاسىلدى كەڭەيتۋدى، ارتۋدى سايكەستى ىلگەرىلەتىپ، ازيا − تىنىق مۇحيت ءوڭىرىنىڭ ارتۋداعى جاسىل ءتۇس نەگىزىن بەكەمدەۋ كەرەك. جۇڭگو ەكولوگيانى الدىڭعى ورىنعا قويۋ، جاسىل دامۋ جولىمەن جۇرۋگە تاباندى بولىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەندى، ۇتىمدى تۇردە ىلگەرىلەتتى. ءبىزدىڭ ازيا − تىنىق مۇحيت ەكونوميكالىق سەلبەستىك ۇيىمىنىڭ جاسىل اۋىل شارۋاشىلىعى، باياندى قالا، ەنەرگيانىڭ تومەن كومىر قىشقىل گازدى بولۋعا قاراي تيپ وزگەرتۋى، تەڭىز − مۇحيتتىڭ لاستانۋىنان ساقتانۋ جانە ونى وڭاۋ سياقتى سەلبەستىك باستامالارىن العا قويۋىمىز تازا، كورىكتى ازيا − تىنىق مۇحيت ءوڭىرىن بىرگە قۇرۋدى ىلگەرىلەتەدى.
ءتورتىنشى، جالپىعا تيىمدىلىك جەتكىزىپ، بىرگە يگىلىكتەنۋگە تاباندى بولۋ كەرەك. بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن جاپپاي تياناقتاندىرىپ، دامۋ ماسەلەسىن حالىقارالىق كەڭەستىك ءتارتىپتىڭ وزەكتى ورنىنا قايتا قويۋدى ىلگەرىلەتىپ، دامۋ ستراتەگيالارىن ءتۇيىلىستىرۋدى تەرەڭدەتىپ، الەمدىك دامۋ قىزىل سيفرىن بىرگە شەشۋ كەرەك. ءار جاقتىڭ الەمدىك دامۋ باستاماسىنا بەلسەنە ات سالىسىپ، كەدەيلىكتى ازايتۋ، استىق حاۋىپسىزدىگى، ونەركاسىپتەندىرۋ، دامۋعا قارجى توپتاۋ سياقتى سالالارداعى سەلبەستىكتى تەرەڭدەتىپ، الەمدىك دامۋ ورتاق تۇلعاسىن قۇرىپ، ءار ەل حالقىن وسىزامانداندىرۋ قۇرىلىسى جەتىستىگىنەن بىرگە يگىلىكتەندىرۋىن قارسى الامىز. جۇڭگو الداعى جەردە ازيا − تىنىق مۇحيت ەكونوميكالىق سەلبەستىك ۇيىمىنىڭ ەكونوميكالىق، تەحنيكالىق سەلبەستىك ورىستەتۋىن ۇزدىكسىز قولداپ، ازيا − تىنىق مۇحيت ءوڭىرىنىڭ دامۋ اۋماعىن بىرگە زورايتادى.
شي جينپيڭ بىلاي دەپ باسا دارىپتەدى: جۇڭگو قازىر جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە. جۇڭگو بەيبىت دامۋ جولىمەن جۇرۋگە تاباندى بولىپ، جوعارى ساپالى دامۋعا تاباندى بولىپ، جوعارى دەڭگەيدە سىرتقا ەسىك اشۋعا تاباندى بولىپ، جۇڭگو ۇلگىسىندەگى وسىزامانداندىرۋ ارقىلى دۇنيە جۇزىندەگى ءار ەلدىڭ وسىزاماندانۋدى جۇزەگە اسىرۋىن ىلگەرىلەتۋگە جاڭا وراي ازىرلەيدى. جۇڭگو ءار جاقپەن بىرگە قۇلشىنىپ، ازيا − تىنىق مۇحيت ءوڭىرى سەلبەستىگىنىڭ اناعۇرلىم كوپ سۇبەلى جەتىستىككە قول جەتكىزۋىن ىلگەرىلەتىپ، ازيا − تىنىق مۇحيت ءوڭىرىنىڭ كەلەسى ”التىن 30 جىلىن“ بىرگە تۇلعالاۋدى قالايدى!
ءماجىلىستى امەريكا زۇڭتۇڭى بايدەن باسقاردى، نەگىزگى تاقىرىبى − ”بارلىق ادامعا مىقتى جانە باياندى بولاشاق جاراتۋ“.
ءماجىلىس «2023 - جىلعى ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ سان - فرانسيسكو جارناماسىن» جاريالادى.
ۋاڭ ي ماجىلىسكە قاتىناستى.
