جۇڭگو − امەريكا مەملەكەت باسشىلارىنىڭ ديدارلاسۋىن اياقتاتقاننان ءارى ازيا − تىنىق مۇحيت ەكونوميكالىق سەلبەستىك ۇيىمىنىڭ 30 - رەتكى باسشىلار بەيرەسمي ماجىلىسىنە قاتىناسقاننان كەيىن
شي جينپيڭ بەيجيڭگە قايتىپ كەلدى
شينحۋا اگەنتتىگىنىڭ 11 - ايدىڭ 18 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ سان - فرانسيسكودا جۇڭگو − امەريكا مەملەكەت باسشىلارىنىڭ ديدارلاسۋىن وتكىزىپ، ازيا − تىنىق مۇحيت ەكونوميكالىق سەلبەستىك ۇيىمىنىڭ 30 - رەتكى باسشىلار بەيرەسمي ماجىلىسىنە قاتىناسقاننان كەيىن 11 - ايدىڭ 18 - كۇنى كەشتە ارناۋلى ۇشاقپەن بەيجيڭگە قايتىپ كەلدى.
جەرگىلىكتى ۋاقىت 11 - ايدىڭ 17 - كۇنى تۇستەن كەيىن شي جينپيڭ سان - فرانسيسكودان اتتاناردا سان - فرانسيسكو قالاسىنىڭ باستىعى بريد قاتارلى امەريكا جاقتىڭ ۋاكىلدەرى اۋەجايعا بارىپ اتتاندىردى.
اۋەجايعا بارا جاتقان جولىندا حۋارىن، حۋاچياۋلار جانە جۇڭگونىڭ شەتەلدە وقىپ جاتقان وقۋشىلارىنىڭ ۋاكىلدەرى جولدىڭ ەكى جاعىنا جينالىپ، جۇڭگو − امەريكا ەكى ەلدىڭ مەملەكەت تۋىن بۇلعاپ، ءتوراعا شي جينپيڭدى ىستىق ىقىلاسپەن اتتاندىرىپ، ساپاردا تولىق تابىسقا قول جەتكىزگەندىگىن قۇتتىقتادى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي قاتارلى ساپارلاستارى وسى ۇشاقپەن بىرگە قايتىپ كەلدى.
