ازيا - تىنىق مۇحيت ءوڭىرى حالقى مەن ۇرپاقتاردىڭ ورتاق گۇلدەنىپ - كوركەيۋى ءۇشىن
− ءتوراعا شي جينپيڭنىڭ سان - فرانسيسكو ساپارى جونىندە ەستەلىك
شينحۋا اگەنتتىگىنىڭ تىلشىلەرى \ ليۋ حۋا، حان لياڭ
11 - ايداعى سان - فرانسيسكودا بىردە كۇن شۋاعى نۇرىن توكسە، بىردە جاڭبىر سەبەزگىلەيدى. التىن قاقپا كوپىرىندە اۆتوكولىكتەر قايشالىسىپ، كوگىلدىر تەڭىز بەتىندە اق جەلكەندەر جايىلىپ، شاعالا سامعايدى. سالقىن دا ىلعالدى اۋادان تىنىق مۇحيت تەڭىز سامالى ەسەدى.
امەريكا زۇڭتۇڭى بايدەننىڭ ۇسىنىسىمەن مەملەكەت ءتوراعاسى شي جينپيڭ 11 - ايدىڭ 14 - كۇنىنەن 17 - كۇنىنە دەيىن امەريكانىڭ سان - فرانسيسكوسىنا بارىپ جۇڭگو − امەريكا مەملەكەت باسشىلارىنىڭ ديدارلاسۋىن وتكىزدى، سونىمەن بىرگە ۇسىنىس بويىنشا ازيا − تىنىق مۇحيت ەكونوميكالىق سەلبەستىك ۇيىمىنىڭ 30 - رەتكى باسشىلار بەيرەسمي ماجىلىسىنە قاتىناستى.
بەيجيڭنەن اتتانىپ، ۇشى - قيىرسىز تىنىق مۇحيتتان ۇشىپ ءوتتى، ءتوراعا شي جينپيڭ وتىرعان ارناۋلى ۇشاق 10 نەشە ساعات ۇشقاننان كەيىن، سان - فرانسيسكوعا ءساتتى جەتتى. امەريكا كاليفورنيا شتاتىنىڭ باستىعى نەۋسوم، قازىنا مينيسترى يەللەن قاتارلى جوعارى دارەجەلى ءمانساپتىلار ۇشاق باسپالداعىنىڭ الدىندا تۇرىپ قىزۋ قارسى الدى.
”مەن تۇڭعىش رەت امەريكاعا كەلگەنىمدە سان - فرانسيسكوعا، ءدال وسى اراعا كەلگەنمىن“. ءتوراعا شي جينپيڭنىڭ ءسوزى ىقىلاسقا تولى ەدى. ”1985 - جىلى“، - دەدى نەۋسوم ءسوزدى كۇلە تولىقتاپ. يەللەن كەزىندە سان - فرانسيسكو فەدەراتسيالىق قور بانكەسىنىڭ باستىعى بولعان، بۇل جولى ول دا ”جەرگىلىكتى ادام“ سالاۋاتىمەن ءتوراعا شي جينپيڭنىڭ كەلگەندىگىن قىزۋ قارسى الدى.
امەريكانىڭ باتىس تەڭىز جاعالاۋىنداعى وسى ءنان قالا جۇڭگو − امەريكا ەكى ەل حالقىنىڭ 100 جىلدىق بارىس - كەلىس تاريحىنا كۋا بولدى، جۇڭگو مەن امەريكانىڭ كوركەم دۇنيە ءجۇزىن قۇرۋ قۇلشىنىسىنا دا كۋا بولدى، بۇل جولى ءتىپتى حالىقارالىق قارىم - قاتىناس تاريحىنداعى جاڭا بەلەسكە كۋا بولماق.
1945 - جىلى جۇڭگو مەن امەريكا سان - فرانسيسكو نەگىزگى زاڭ جاساۋ ماجىلىسىنە بىرگە قاتىناسىپ جانە ونى قۋاتتاپ، بىرلەسكەن مەملەكەتتەر ۇيىمىن قۇرۋدى ىلگەرىلەتتى، جۇڭگو ”بىرلەسكەن مەملەكەتتەر ۇيىمىنىڭ ۋستاۆىنا“ ءبىرىنشى بولىپ قول قويدى. ”سان - فرانسيسكونىڭ وتكەن جولعى دۇنيە ءجۇزى باسشىلارىن ءبىر اراعا شوعىرلاندىرعان“ شۇعىلالى ساتىنە قايىرىلا قاراعان امەريكا كولومبيا راديو سەرىكتەستىگىنىڭ حابارىندا بىلاي دەلىندى: سان - فرانسيسكو جونىنەن العاندا، وسى رەتكى ازيا − تىنىق مۇحيت ەكونوميكالىق سەلبەستىك ۇيىمىنىڭ ءماجىلىسى تاپتىرماس ءبىر ”عاسىرلىق وراي“ بولماق.
4 كۇن ۋاقىتتا 10 نەشە رەت ەكى جاقتى، كوپ جاقتى قيمىلعا قاتىناستى. كۇللى الەم ءتوراعا شي جينپيڭنىڭ ءار جاقپەن تىعىز ىقپالداسىپ، جۇڭگو − امەريكا قارىم - قاتىناسىنا جول باستاپ، ازيا − تىنىق مۇحيت ءوڭىرى سەلبەستىگىنىڭ جوباسىن جاساپ، ءوڭىردىڭ جانە دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا، گۇلدەنۋىنە قۋاتتى سەنىم جانە قوزعاۋشى كۇش ۇستەگەنىنە نازار اۋداردى.
دامىل تاپپاعان قادام، الەمدى كوكەيدە ساقتاعان سالاۋات. ءتوراعا شي جينپيڭنىڭ ”سان - فرانسيسكو ۋاقىتى“ ارقىلى دۇنيە ءجۇزى جاڭا داۋىردەگى جۇڭگوشا ءىرى ەل ديپلوماتياسىنىڭ ەكپىندى اياق دۇبىرىنە قۇلاق ءتۇرىپ، شىعىستاعى ءبىر ءىرى ەلدىڭ ادامزاتتىڭ العا باسۋىن كوزدەگەن، دۇنيە ءجۇزىنىڭ ۇلى بىرلىگىن كوزدەگەن شىنايى ارەكەتى مەن جاۋاپكەرشىلىگىنە كۋا بولدى.
(1)
سومداۋ: ”وسى عاسىردىڭ ورتا شەنىنە ازيا − تىنىق مۇحيت ءوڭىرىن قانداي كۇيدە جەتكىزەمىز “
بۇل ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ 30 - رەتكى باس قوسۋى. وسىنداي تاريحي ساتتە، كەلگەن جولىمىزعا قايىرىلا قاراپ، بولاشاققا كوز سالساق، دۇنيە الىپ تولقىنىنىڭ بۋىرقانا جوڭكىلىپ بارا جاتقانىن ءتىپتى دە سەزىنە الامىز.
30 جىلدىڭ الدىندا، قىرعي قاباقتىق سوعىس اياقتاپ كوپ وتپەي، ازيا − تىنىق مۇحيت ءوڭىرىنىڭ باسشىلارى بەيبىتشىلىك جانە دامۋ سىندى ءداۋىر اعىمىنا سايكەسىپ، تۇڭعىش رەتكى ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسىن اشىپ، توپتاردىڭ قارسىلاسۋ، نولدىك جيىنتىق تىرەسى سىندى كونە وي جەلىسىنەن اتتاپ ءوتىپ، ءوڭىردىڭ ەكونوميكالىق سەلبەستىگىن جانە ءبىر تۇلعالانۋىن تەرەڭدەتىپ، ومىرشەڭدىك كۇشكە تولى، جاراسىمدى، گۇلدەنگەن ازيا − تىنىق مۇحيت ۇلكەن شاڭىراعىن بىرگە قۇرۋعا كۇش سالۋدى ءبىر اۋىزدان قۇپتادى.
30 جىلدان بەرى بۇل مەحانيزم ازيا - تىنىق مۇحيت ءوڭىرىنىڭ دامۋى مەن ەكونوميكانىڭ جاھاندانۋىنىڭ جەدەل دامۋ ارناسىنا ءتۇسۋىن ىلگەرىلەتىپ، ازيا − تىنىق مۇحيت ءوڭىرىنىڭ دۇنيە ءجۇزى ەكونوميكاسىنىڭ ارتۋ ورتالىعىنا، دۇنيە ءجۇزىنىڭ دامۋى مەن ورنىقتىلىعىنىڭ قازىعىنا جانە سەلبەستىك بيىگىنە اينالۋىنا دەم بەردى.
ازيا − تىنىق مۇحيت سەلبەستىگىنىڭ وزگەشە بارىسى بىزگە قانداي تەرەڭ وي سالدى؟ 11 - ايدىڭ 16 - كۇنى ءتوراعا شي جينپيڭ ازيا − تىنىق مۇحيت ەكونوميكالىق سەلبەستىك ۇيىمىنىڭ ونەركاسىپ - ساۋدا باسشىلارى ماجىلىسىندە جاريالاعان جازباشا لەكسياسىندا دۇنيە جۇزىمەن ءوزىنىڭ تەرەڭ تولعانىسىن ءبولىستى −
اشىق تا سيىسىمدى بولۋ − ازيا − تىنىق مۇحيت ءوڭىرى سەلبەستىگىنىڭ نەگىزگى اۋەنى؛
بىرگە دامۋ − ازيا − تىنىق مۇحيت ءوڭىرى سەلبەستىگىنىڭ باس نىساناسى؛
پارىقتاردى ساقتاپ، ورتاقتىققا ۇمتىلۋ − ازيا − تىنىق مۇحيت ءوڭىرى سەلبەستىگىنىڭ جاقىسى ءادىسى.
ءتىلى تۇجىرىمدى، فيلوسوفيالىق قاعيداعا تولعان. تاريحتان اقىل - پاراسات جانە كۇش - قۋات قابىلداپ، يدەيانىڭ شۇعىلاسىمەن العا باسۋ بەتالىسىن نۇرلاندىردى.
”ازيا − تىنىق مۇحيت ءوڭىرى وڭىرلىك بەلدەسۋدىڭ سايىس الاڭى بولۋىنا بولمايدى ءارى بولماۋعا ءتيىس، ’جاڭا قىرعي قاباقتىق سوعىسپەن‘ جانە توپقا ءبولىنىپ قارسىلاسۋمەن اينالىسۋعا ءتىپتى دە بولمايدى“ ، ”سەلبەسكەندە عانا دامۋعا بولادى، سەلبەسپەۋ ەڭ ۇلكەن قاتەر، ’الشاقتاپ بايلانىستى ءۇزۋ‘ ەشكىمگە دە پايداسىز“، ”اشىق وڭىرشىلدىككە تاباندى بولۋ“، ”سەلبەستىك جاساپ، بىرگە يگىلىككە كەنەلەتىن اشىق ازيا - تىنىق مۇحيت ەكونوميكاسىن تۇلعالاۋ“، ”سيفرلاندىرۋعا، زەردەلىلەندىرۋگە، جاسىلداندىرۋعا قاراي تيپ وزگەرتىپ دامۋدى ىلگەرىلەتۋ“...
لەبىزى كۇشتى جۇڭگو تۇرعىسى، تانىم مەن ارەكەتى بىرلىككە كەلگەن جۇڭگو جوباسى ازيا − تىنىق مۇحيت ءوڭىرىنىڭ باياندى ورنىقتىلىعىنا، گۇلدەنۋىنە، دامۋىنا كۇش - قۋات ۇيىستىردى.
ءماجىلىس اقپارات ورتالىعىنا قويىلعان لەكسيا نۇسقالارىن تالاسا - تارماسا الىپ كەتكەن تىلشىلەر مۇقيات وقىپ، جەدەل حابار تاراتتى.
لەكسيا نۇسقالارى سول كۇنگى «سان - فرانسيسكو بايقاۋشىلار گازەتىنىڭ» سايتىندا تولىق مازمۇنىمەن جاريالاندى. رەداكتور ەسكەرتپەسىندە بىلاي دەپ جازىلدى: ءبىز ساياسي لەكسيانىڭ تولىق مازمۇنىن سيرەك جاريالايمىز، ءبىراق ءتوراعا شي جينپيڭنىڭ بۇل لەكسياسى وزگەشە، مۇندا امەريكانىڭ ساۋدا سالاسىنداعىلار، شەشىم جاساۋشىلارى جانە بۇكىل دۇنيە ءجۇزى ىنتىزار بولىپ وتىرعان ينفورماتسيالار قامتىلعان، كەڭ كولەمدە ىشكەرىلەي زەرتتەپ وقىلاتىن بولادى.
”ادامدارعا تەرەڭ وي سالدى“، ”جۇرت كوڭىلىن جەلپىندىردى“، ”ازيا − تىنىق مۇحيت ءوڭىرىنىڭ بىرگە دامۋدى، گۇلدەنۋدى قول ۇستاسا جۇزەگە اسىرۋىنا ايقىن بەتالىس كورسەتتى“... ازيا − تىنىق مۇحيت ءوڭىرى ونەركاسىپ - ساۋدا سالاسىنداعى قايراتكەرلەر ءتوراعا شي جينپيڭنىڭ لەكسياسىن ايرىقشا القادى.
ءىرى ەلدىڭ ءىرى بولۋى مۇراتىنىڭ ءىرى بولۋىندا، جۇلگەسىنىڭ ءىرى بولۋىندا، جاۋاپكەرشىلىك ارقالاۋىنىڭ ءىرى بولۋىندا جاتىر.
2013 - جىلدان بەرى ءتوراعا شي جينپيڭ ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ ءار رەتكى بەيرەسمي ماجىلىسىنە قاتىناسىپ نەمەسە باسقارىپ، سونداي - اق ماڭىزدى ءسوز سويلەپ، وڭىرلىك سەلبەستىككە ۇلكەن جوبا جاساپ، ءىرى جۇلگە سومداپ، ازيا − تىنىق مۇحيت ءوڭىرى حالقىنىڭ ورتاق تاعدىرىنا بولاشاق جوسپارلادى.
”ازيا − تىنىق مۇحيت تاعدىرلاس ورتاق تۇلعا تانىمىن“ ورناتۋدى العا قويۋدان ”ءوزارا سەنىمدى، سيىسىمدى، سەلبەسەتىن، تەڭ يگىلىككە كەنەلەتىن ازيا − تىنىق مۇحيت سەرىكتەستىك قارىم - قاتىناسىن“ بىرگە قۇرۋدى دارىپتەۋگە دەيىن، ”ازيا − تىنىق مۇحيت ارمانىن“ كەسكىندەۋدەن ”جان - جاقتى ۇلاستىرۋ - تۇتاستىرۋ جوباسىن“ جاساۋعا دەيىن، ونان الەمدىك قامداۋ تىزبەگىنىڭ، كاسىپ سالاسى تىزبەگىنىڭ ىركىلىسسىزدىگىن قورعاۋعا دەيىن... جۇڭگو ۇستانىمى، جۇڭگو ارەكەتى ازيا − تىنىق مۇحيت كەمەسىنىڭ تولقىن جارا ۇزدىكسىز العا ىلگەرىلەۋىنە جەتەكشىلىك ەتتى.
قازىر دۇنيە ءجۇزىنىڭ 100 جىلدىق وزگەرىس جاعدايى جەدەل قۇبىلىپ، دۇنيە ءجۇزى ەكونوميكاسى ءتۇرلى حاۋىپ - قاتەر مەن سىن - سايىسقا ءدوپ كەلىپ وتىر. دۇنيە ءجۇزى ەكونوميكاسىنىڭ ارتۋ قوزعالتقىشى رەتىندە، ازيا − تىنىق مۇحيت ءوڭىرى اناعۇرلىم زور ءداۋىر جاۋاپكەرشىلىگىن ارقالاپ وتىر.
”ازيا − تىنىق مۇحيت ءوڭىرىنىڭ باسشىلارى رەتىندە، ءبىز وسى عاسىردىڭ ورتا شەنىنە ازيا − تىنىق مۇحيت ءوڭىرىن قانداي كۇيدە جەتكىزەمىز؟ ازيا - تىنىق مۇحيت ءوڭىرى دامۋىنىڭ كەلەسى ’التىن 30 جىلىن‘ قالاي تۇلعالايمىز؟ وسى ءبىر ءۇردىستە ازيا − تىنىق مۇحيت ەكونوميكالىق سەلبەستىك ۇيىمىنىڭ رولىن قالاي اناعۇرلىم ويداعىداي ساۋلەلەندىرەمىز؟ دەگەندەر جونىندە تەرەڭ تولعانۋىمىز كەرەك.
11 - ايدىڭ 17 - كۇنى وتكىزىلگەن ازيا − تىنىق مۇحيت ەكونوميكالىق سەلبەستىك ۇيىمىنىڭ 30 - رەتكى باسشىلار بەيرەسمي ماجىلىسىندە ءتوراعا شي جينپيڭ ماڭىزدى ءسوز سويلەپ، ازيا − تىنىق مۇحيت ءوڭىرى ءدوپ كەلىپ وتىرعان جاڭا ءداۋىر سۇراۋلارىن شەشىپ، ازيا − تىنىق مۇحيت ءوڭىرى سەلبەستىگىنىڭ تاعى دا ساپارعا شىعۋىن ىلگەرىلەتتى −
جاڭالىق اشۋ ارقىلى دەم بەرۋگە تاباندى بولۋ؛ ەسىك اشۋ بەتالىسىنا تاباندى بولۋ؛ جاسىل دامۋعا تاباندى بولۋ؛ جالپىعا تيىمدىلىك جەتكىزىپ، بىرگە يگىلىكتەنۋگە تاباندى بولۋ كەرەك.
”ءبىز ازيا − تىنىق مۇحيت ءوڭىرى سەلبەستىگىنىڭ اۋەلگى ماقساتىنان جازباي، ءداۋىر ۇنىنە جاۋاپكەرشىلىكپەن جاۋاپ قاتىپ، الەمدىك سىن - سايىسقا قول ۇستاسا توتەپ بەرىپ، پۇتراجايا كەلەشەكتىك نىساناسىن جاپپاي تياناقتاندىرىپ، اشىق، ومىرشەڭ، مىعىم، بەيبىت ازيا − تىنىق مۇحيت ورتاق تۇلعاسىن قۇرىپ، ازيا − تىنىق مۇحيت ءوڭىرى حالقى مەن ۇرپاقتاردىڭ ورتاق گۇلدەنىپ - كوركەيۋىن جۇزەگە اسىرۋىمىز كەرەك“. ءتوراعا شي جينپيڭنىڭ ءسوزى ماجىلىسكە قاتىناسقان ەكونوميكالىق تۇلعالار باسشىلارىنىڭ جاپپاي قۇپتاۋىنا يە بولدى.
(2)
جول باستاۋ: ”وسىناۋ جەر شارى جۇڭگو مەن امەريكا سىندى ەكى ەلدى دە سيعىزا الادى. جۇڭگو مەن امەريكانىڭ ءارقايسىسىنىڭ تابىسقا جەتۋى ءبىر - بىرىنە وراي سانالادى“
11 - ايدىڭ 16 - كۇنى وتكىزىلگەن ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ قوناق يەسى سيلى قوناقتارىمەن بەيرەسمي كەڭەسى جانە قىزمەت تۇسكى قوناعاسى ”باياندىلىق، كليمات جانە ءادىل تۇرعىدا ەنەرگيانىڭ تيبىن وزگەرتۋدى“ كەڭەستىك تاقىرىپ ەتتى. ءماجىلىس ارەدىگىندە ءبىر كۇن بۇرىن وتكىزىلگەن جۇڭگو − امەريكا مەملەكەت باسشىلارىنىڭ ديدارلاسۋى ءار جاقتىڭ تالقى تۇيىنىنە اينالدى.
”ءسىزدى قۇتتىقتايمىن“! ”وتە كەرەمەت بولدى“! ءتوراعا شي جينپيڭدى كورگەندە، كوپتەگەن باسشىلار قاسىنا بارىپ، جۇڭگو − امەريكا مەملەكەت باسشىلارىنىڭ ديدارلاسۋى تابىستى وتكىزىلگەندىگىن قۇتتىقتادى، اۋەلى ديدارلاسۋ ”كوڭىلىمىزدى جاي تاپتىردى“ دەپ سۇيىنگەندەر دە بولدى.
11 - ايدىڭ 15 - كۇنى سان - فرانسيسكو قالا ماڭىنداعى فيلولي شارۋا قوجالىعىندا گۇل - اعاشتار جايقالا وسكەن، ءتوراعا شي جينپيڭ بايدەن زۇڭتۇڭمەن وسى ارادا ديدارلاسۋ وتكىزدى.
امەريكا جاق مىنالاردى ايرىقشا ءبىلدىردى: جۇڭگو − امەريكا مەملەكەت باسشىلارىنىڭ ديدارلاسۋى بايدەن زۇڭتۇڭنىڭ ءتوراعا شي جينپيڭگە ارنايى جولداعان وڭاشا ۇسىنىسى، وسى رەتكى ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسى كەزىندەگى ەكى جاقتى كەزدەسۋ ورنالاستىرۋىمەن ۇقسامايدى. بۇل ءبىر رەتكى جۇڭگو مەن امەريكانىڭ ”باسشىلار ءماجىلىسى“.
تۇستەن بۇرىن ساعات 11دەن 15 مينۋت اينالاسىندا ءتوراعا شي جينپيڭ اۆتوكولىكپەن جەتكەن كەزدە، بايدەن زۇڭتۇڭ نەگىزگى عيماراتتىڭ ەسىگى الدىندا كۇتىپ الدى. قول الىستى، بىرگە سۋرەتكە ءتۇستى، كەڭەس زالىنا قاتار كىردى.
”وسىناۋ جەر شارى جۇڭگو مەن امەريكا سىندى ەكى ەلدى دە سيعىزا الادى. جۇڭگو مەن امەريكانىڭ ءارقايسىسىنىڭ تابىسقا جەتۋى ءبىر - بىرىنە وراي سانالادى“. جايعاسىپ وتىرعاننان كەيىن ءتوراعا شي جينپيڭ ەڭ اۋەلى نەگىزگى ماقساتتى ۇعىندىرىپ ءوتتى. وسى رەتكى ديدارلاسۋ بالي ارالىنداعى ديدارلاسۋعا ءدال ءبىر جىل ءبىر كۇن بولعان ۋاقىتقا تۋرا كەلدى.
وتكەن ءبىر جىلدا امەريكا جاقتىڭ بالي ارالى ورتاق تانىمىن تياناقتاندىرۋىندا اۋىر دارەجەدە ”ارەكەت قىزىل سيفرى“ جارىققا شىقتى، اۋەلى ورتاق تانىم باستاماسىنىڭ رۋحىمەن قايشى كەلىپ، ەكى جاق قارىم - قاتىناسىندا جاڭا قيىنشىلىقتىڭ جارىققا شىعۋىنا مۇرىندىق بولدى. سوڭعى بىرنەشە ايدا امەريكا ۇكىمەتىنىڭ جوعارى دارەجەلى ءمانساپتىلارى كوپ رەت جۇڭگودا ساپاردا بولىپ، ەكى جاقتىڭ جوعارى جىكتەگىلەرىنىڭ ىقپالداستىعى كورنەكتى ارتىپ، ەكى ەلدىڭ قارىم - قاتىناسىندا قۇلدىراۋ توقتاپ، ورنىقتىلىققا قاراي بەت العان بەلسەندى جاعداي جارىققا شىقتى.
”مەن جانە زۇڭتۇڭ مىرزا جۇڭگو − امەريكا قارىم - قاتىناسىنداعى رول ۇستاۋشىمىز، حالىق جونىنەن، دۇنيە ءجۇزى جونىنەن، تاريح جونىنەن تۇگەلدەي اۋىر جاۋاپكەرشىلىك ارقالاپ وتىرمىز“. ءتوراعا شي جينپيڭنىڭ ءسوزى تەبىندى بولىپ، جاۋاپكەرشىلىك ارقالايتىن ءىرى ەل كوسەمىنىڭ تەرەڭ تولعانىسى مەن جاۋاپكەرشىلىك ارقالاۋىن ايگىلەدى.
”مەن باستان - اياق امەريكا − جۇڭگو قارىم - قاتىناسى − دۇنيە جۇزىندەگى ەڭ ماڭىزدى ەكى جاقتى قارىم - قاتىناس، امەريكا مەن جۇڭگونىڭ قاقتىعىسىنان ساقتانۋعا كەلمەيدى ەمەس، ورنىقتى جانە دامىعان جۇڭگو امەريكا مەن دۇنيە ءجۇزىنىڭ مۇددەسىنە ۇيلەسەدى دەپ قارايمىن“، - دەدى بايدەن زۇڭتۇڭ.
”دۇرىس تانىمدى بىرگە ورناتۋ“، ”الاۋىزدىقتاردى بىرگە ءونىمدى مەڭگەرۋ“، ”ءوزارا پايدا جەتكىزۋ سەلبەستىگىن بىرگە ىلگەرىلەتۋ“، ”ءىرى ەلدىك جاۋاپكەرشىلىكتى بىرگە ارقالاۋ“، ”گۋمانيتارلىق اۋىس - كۇيىستى بىرگە جەبەۋ“... ءتوراعا شي جينپيڭ ورتاعا قويعان ”بەس بىرگە“ جۇڭگو − امەريكا قارىم - قاتىناسىنىڭ ورنىقتى دامۋىنا بەس تىرەۋ ورناتتى.
ءوزارا قۇرمەت ەتۋ جانە تەڭ تۇرعىدا ءوزارا تيىمدىلىك جاساۋ نەگىزىندە، ەكى ەلدىڭ باسشىلارى ءار سالادا تىلدەسۋدى، سەلبەسۋدى تالقىلاپ، ساياسي ديپلوماتيا، گۋمانيتارلىق اۋىس - كۇيىس، الەمدىك باسقارۋ، اسكەري ىستەر حاۋىپسىزدىگى سياقتى سالالاردا 20 نەشە ءتۇرلى ورتاق تانىمعا كەلدى.
ديدارلاسۋدىڭ، تۇسكى قوناعاسىنىڭ، سەيىلدەۋدىڭ تۇتاس بارىسىندا ىلەسە اۋدارۋ قولدانىلدى، ەكى ەلدىڭ مەملەكەت باسشىلارى 4 ساعات مۇقيات اڭگىمەلەستى. اتتانار كەزدە، ءتوراعا شي جينپيڭ: ءبىزدىڭ قارىم - قاتىناسىمىزدىڭ جالعاسا بەرەتىندىگىنە سەنەمىن“، - دەدى، ”مەن قۇپتايمىن“، - دەپ جاۋاپ قاتتى بايدەن زۇڭتۇڭ.
ديدارلاسۋ كەزىندە مەديالار وسىنداي ءبىر ءساتتى ەستەلىككە الدى −
تۇسكى قوناعاسىدان بۇرىن بايدەن زۇڭتۇڭ ءتوراعا شي جينپيڭگە قولتەلەفونىنداعى ءبىر پارشا سۋرەتتى ارنايى كورسەتتى، بۇل 1985 - جىلى جىڭديڭ اۋداندىق پارتكومنىڭ شۋجيى مىندەتىن وتەپ تۇرعان شي جينپيڭنىڭ التىن قاقپا كوپىرى الدىندا تۇسكەن ەستەلىك سۋرەتى ەدى. ”ءسىز تيتتەي دە وزگەرمەپسىز“! - دەدى بايدەن زۇڭتۇڭ. سول ورىندا لەزدە شاتتىق ءۇنى كوتەرىلدى.
38 جىل قاس - قاعىمدا - اق وتە شىقتى. اۋداندىق پارتكوم شۋجيىنەن ءىرى ەل كوسەمىنە دەيىن شي جينپيڭ جۇڭگو − امەريكا قارىم - قاتىناسىنىڭ ءتۇپ نەگىزىن حالىق قالايتىندىعىنا، جۇڭگو − امەريكا قارىم - قاتىناسىنىڭ قاقپاسىن حالىق اشاتىندىعىنا، جۇڭگو − امەريكا قارىم - قاتىناسىنىڭ حيكاياسىن حالىق جازاتىندىعىنا، جۇڭگو − امەريكا قارىم - قاتىناسىنىڭ بولاشاعىن حالىق جاراتاتىندىعىنا باستان - اياق سەندى.
11 - ايدىڭ 15 - كۇنى كەشتە سان - فرانسيسكو قالاسىنىڭ ورتالىعىندا امەريكاداعى دوستىق ۇيىمدار بىرلەسىپ قوناعاسى وتكىزىپ، ءتوراعا شي جينپيڭدى قارسى الدى. جولبارىس اترەتىنىڭ ساقا اسكەرلەرى، ستيلۆەل گەنەرالدىڭ ۇرپاقتارى، ”گۋليڭدەگى دوستار“، ايوۋا شتاتىنداعى، ۆاشينگتون شتاتىنداعى دوس قايراتكەرلەر... شامامەن 400 جاڭا، كونە دوستار ءبىر اراعا باس قوسىپ، ورتا سالتاناتتى دا مەرەيلى بەينەگە شومدى.
”مەن تۇڭعىش رەت امەريكادا ساپاردا بولعانىمدا، ايوۋا شتاتىنداعى دۆورجاك ەرلى - زايىپتىلار وتباسىندا تۇرعان بولاتىنمىن، سول كەزدەگى ەسىك ءنومىرى بوننە كوشەسى 2911 - ءنومىر ەكەندىگى ءالى ەسىمدە“. ىستىق مەيىرگە تولى بايانداۋ ادامداردى تەبىرەنتتى. سول ورىنداعى قايراتكەرلەر ءتوراعا شي جينپيڭنىڭ ىستىق ىقىلاستى سوزىنە 20 رەتكە جۋىق قىزۋ شاپالاق سوقتى.
”قيىندىق قانشاما اۋىر بولعان سايىن، حالىقتىڭ دانەكەرىن بەكەمدەپ، حالىق تىلەگى بايلانىسىن كۇشەيتۋدى سولعۇرلىم قاجەت ەتەدى، اناعۇرلىم كوپ ادامنىڭ كەۋدە كەرىپ العا شىعىپ، جۇڭگو − امەريكا قارىم - قاتىناسىنا دەم بەرۋىن جانە ۇندەۋ تاستاۋىن سولعۇرلىم قاجەت ەتەدى“، - دەپ اتاپ كورسەتتى ءتوراعا شي جينپيڭ.
”ءتوراعا شي جينپيڭ، ءسىزدىڭ كيمبەرلەي ەگىنشىلىك الاڭىنا تاعى دا كەلىپ قوناق بولۋىڭىزدى، تاعى دا كەلىپ تراكتور ايداۋىڭىزدى قارسى الامىز“، ”ءسىز ۇلكەن مىسىق ايۋدى كاليفورنيا شتاتىنا قايتا ورالتۋ ءىسىن اۋىزعا الدىڭىز، ءبىز ۇشاق دايىنداپ، مىسىق ايۋدى تاعى الىپ كەلۋدى قالايمىز“، ”ءسىزدىڭ ءسوزىڭىز وسىنداعى ءاربىر ادامدى تەبىرەنتتى“... امەريكا جاقتىڭ قايراتكەرلەرى ىستىق ىقىلاسپەن جاۋاپ قاتىپ، امەريكا − جۇڭگو دوستىعىن ۇزدىكسىز جالعاستىراتىندىقتارىن جانە ويداعىداي دامىتاتىندىقتارىن ءبىلدىردى.
تىنىق مۇحيت جەتكىلىكتى ۇلكەن، سان كەمەنى سيعىزا الادى؛ جەر شارى جەتكىلىكتى ۇلكەن، جۇڭگو مەن امەريكانىڭ ءوز الدىنا جانە بىرگە دامۋىن دا سيعىزا الادى.
ەكى ەلدىڭ مەملەكەت باسشىلارىنىڭ جول باستاپ، رول ۇستاۋىندا، جۇڭگو − امەريكا قارىم - قاتىناسى سىندى وسى الىپ كەمەنىڭ جاسىرىن سۋ استى قۇزدارىنان، حاۋىپتى قايراڭداردان كوكتەي ءوتىپ، بالي ارالىنان سان - فرانسيسكوعا جەتۋى شىنىمەن وڭاي ەمەس. الايدا سان - فرانسيسكو سوڭعى كومبە ەمەس، قايتا جاڭا باستاماعا اينالۋعا ءتيىس.
(3)
جاۋاپكەرشىلىك ارقالاۋ: ”كەلەسى ’جۇڭگو‘ ءالى سول جۇڭگو“
11 - ايدىڭ 16 - كۇنى جۇڭگو ۋاكىلدەر ۇيىرمەسى تۇرعان جەردە قوناقتاردىڭ اياعى ۇزىلمەدى، ول ارا كوپ جاقتى حالىقارالىق ءماجىلىس كەزىندەگى جۇڭگونىڭ ەكى جاقتى ديپلوماتياسىنىڭ ”نەگىزگى الاڭىنا“ اينالدى.
تىعىز دا قىسقا كۇن تارتىپتە ءتوراعا شي جينپيڭ ارناۋلى ۋاقىت ورنالاستىرىپ، وسى رەتكى ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىستى قيمىلدارعا قاتىناسقان كوپتەگەن شەتەل باسشىلارىمەن ەكى جاقتى كەزدەسۋ وتكىزدى.
كەيبىرەۋى جۇڭگومەن ارالىعى 10 مىڭ شاقىرىم كەلەتىن لاتىن امەريكاسىنان كەلگەن −
”باسقا تاقىرىپتارعا ايالداۋدان بۇرىن، مەن الدىمەن وسى ورايدا سىزگە العىس ايتامىن“. ءتوراعا شي جينپيڭمەن تۇڭعىش رەت جۇزدەسكەندە، مەكسيكا زۇڭتۇڭى لوپەز وتكەن ءبىر ءىستى تىلگە الدى.
”ءبىزدىڭ ەڭ ماشاقاتتى كەزدەرىمىزدە جۇڭگو بىزگە ەڭ ەرتە كومەك كورسەتكەن مەملەكەت“. لوپەز زۇڭتۇڭ تولقىپ كەتكەندەي بولدى: ”جۇڭگو بىزبەن ءبىر - بىرلەگەن كەڭىستىك كوپىرىن سالىپ، بىزدە تاپشى بولىپ وتىرعان ەمدەۋ زاتتىق ماتەريالدارىن تولاسسىز جەتكىزىپ بەرىپ، ءبىزدىڭ قيىن وتكەلدەن وتۋىمىزگە كومەكتەستى“.
دۇنيە ءجۇزى جاڭا تيپتى ايدارشا ۆيرۋس ىندەتى جاپپاي تارالعان مەزگىلدەن ءوتتى، دەسەدە لوپەز زۇڭتۇڭ جۇڭگونىڭ شۇعىل كومەگىن ءالى دە كوكەيىنەن شىعارمادى. ءتوراعا شي جينپيڭمەن كەزدەسكەندە، ول العىستى سەزىمىن بىلدىرۋگە اسىقتى.
”كوزىمىزدىڭ تىرىسىندە ادامزات ءومىر سۇرۋگە بولاتىن تاعى ءبىر پلانەتانى تابا الماۋىمىز مۇمكىن“. سان - فرانسيسكودا ساپاردا بولعان كەزىندەگى ءتوراعا شي جينپيڭنىڭ وسى ءسوزى ادامداردى تەرەڭ ويعا سالدى.
تۇرلىشە ۇلكەن قۇرلىقتارعا ورنالاسقانىمەن، ءبىر - بىرىنەن شالعايدا بولعانىمەن، ءبارى بىردەي ازيا − تىنىق مۇحيت ءوڭىرى ۇلكەن شاڭىراعىنىڭ مۇشەسى، ءبارى بىردەي جەر شارى قىستاعىنىڭ تۇرعىنى، ءبارى بىردەي ادامزاتتىڭ تاعدىرلاس ورتاق تۇلعاسى.
كەيبىرەۋى جۇڭگومەن اراسىن مۇحيت ءبولىپ جاتقان تىنىق مۇحيت ارال ەلى −
”جۇڭگو ۇلى مەملەكەت، ءىرى، شاعىن ەلدەردىڭ بارلىعىنىڭ تەپە - تەڭ بولۋىنا باستان - اياق تاباندى بولدى، فيجي جاق ءتوراعا شي جينپيڭنىڭ دۇنيە جۇزىلىك باسشىلىق قابىلەتىنە سۇيىنەدى“، - دەدى مىندەتكە وتىرعاننان كەيىن ءتوراعا شي جينپيڭمەن تۇڭعىش رەت كەزدەسكەن فيجي زۇڭليى رابۇكا.
”جۇڭگونىڭ تىنىق مۇحيتتاعى ارال ەلدەرىمەن قارىم - قاتىناستى دامىتۋى اشىق تا بۇكپەسىز، جەكەشىلدىگى جوق، 3 - جاققا باعىتتالماعان. ءتوراعا شي جينپيڭنىڭ ءسوزىنىڭ ءمانى تەرەڭ.
مەملەكەت جاعدايى ۇقساماعانىمەن، رابۇكا زۇڭلي جۇڭگو ۇلگىسىندەگى وسىزامانداندىرۋدىڭ تابىستى جولىنان شابىت الۋدى ءالى دە شىنايى ءۇمىت ەتتى.
ول ىقىلاستى تۇردە مىنالاردى ءبىلدىردى:”ءتوراعا شي جينپيڭ العا قويعان الەمدىك دامۋ باستاماسى، الەمدىك حاۋىپسىزدىك باستاماسى، الەمدىك وركەنيەت باستاماسى الەمدىك تۇستىك ەلدەردىڭ دامۋى مەن مۇددەسىن قورعاۋعا جانە جەبەۋگە پايدالى. فيجي جاق جۇڭگو جاقپەن سەلبەستىكتى تەرەڭدەتىپ، فيجيدىڭ وسىزاماندانۋعا بەت الۋ جولىن تاڭداۋىنا جانە ونىمەن ويداعىداي جۇرۋىنە دەم بەرۋىن ءۇمىت ەتەدى“.
كەيبىرەۋى جۇڭگومەن اراسىن تەڭىز ءبولىپ تۇرعان دوس كورشىلەر −
”ءبىزدىڭ بانگكوكتا وتكىزگەن ديدارلاسۋىمىز ءالى ەسىمدە، ول ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسى كەزى دە بولاتىن“. برۋنەي سۇلتانى حاسانال بىلاي دەدى: برۋنەيدىڭ جۇڭگومەن دوستىق بارىس - كەلىسى ارىدان جالعاسقان، برۋنەي جاق ەكونوميكا - ساۋدا، اۋىل شارۋاشىلىعى، بالىق شارۋاشىلىعى، جاسىل ەنەرگيا سياقتى سالالارداعى سەلبەستىكتى كۇشەيتۋگە ۇزدىكسىز كۇش سالىپ، ”ءبىر بەلدەۋ، ءبىر جولدى“ جوعارى ساپالى بىرگە قۇرۋدى بەلسەنە ىلگەرىلەتۋدى قالايدى.
”بۇگىن كونە دوسىممەن تاعى كەزدەسكەنىمدە، ەرەكشە جاقىن سەزىندىم.“ ءتوراعا شي جينپيڭ مىنانى ءبىلدىردى: جۇڭگو جاق شىعىس ازيا سەلبەستىگىنە ايرىقشا ءمان بەرەدى، برۋنەي سياقتى شىعىس وڭتۇستىك ازيا ەلدەرى وداعىنداعى ەلدەرمەن بىرگە وڭىرلىك ەكونوميكانىڭ ءبىر تۇلعالانۋىن ىلگەرىلەتىپ، شىعىس ازيا سەلبەستىگىنىڭ دۇرىس بەتالىسىن قورعاۋدى قالايدى.
كەيبىرەۋى جۇڭگومەن ىرگەلەس كورشى −
اراعا ءبىر جىل سالىپ تاعى دا كەزدەسكەندە، ءتوراعا شي جينپيڭ مەن جاپونيا باس ءۋازىرى انتيان ۋىنشيۇڭ جۇڭگو مەن جاپونيانىڭ 4 ساياسي حۇجاتىنىڭ پرينسيبى مەن ورتاق تانىمىنا بويسۇنىپ، ستراتەگيالىق ءوزارا تيىمدىلىك جەتكىزۋ قارىم - قاتىناسىن جاپپاي ىلگەرىلەتۋ سىندى ەكى ەل قارىم - قاتىناسىنىڭ ورنىن قايتادان تۇراقتاندىرىپ، جاڭا ءداۋىر تالابىنا ۇيلەسەتىن سىندارلى، ورنىقتى جۇڭگو − جاپونيا قارىم - قاتىناسىن ورناتۋعا كۇش سالاتىندىقتارىن قايتالاي دارىپتەدى.
...
مەملەكەت مەيلى ۇلكەن - كىشى بولسىن، مەيلى قاي جەردەن كەلسىن، كوپشىلىك ءبىر اراعا باس قوسىپ، بەيبىت، ورنىقتى، گۇلدەنگەن ازيا − تىنىق مۇحيت ءوڭىرى ۇلكەن شاڭىراعىن بىرگە قۇرۋدى ورتاق ارماندادى. ال جۇڭگومەن بارىس - كەلىس جانە سەلبەستىك توتەنشە ماڭىزدى.
ءبىر جىلدان استام ۋاقىتتىڭ الدىندا اشىلعان جۇڭگو كوممۋنيستىك پارتياسىنىڭ 20 - قۇرىلتايى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جورىعىن باستادى. جاڭا جورىقتاعى جۇڭگو ازيا − تىنىق مۇحيت وڭىرىنە، دۇنيە جۇزىنە نە اكەلەدى؟
پارتيا 20 - قۇرىلتايىنان كەيىنگى ءتوراعا شي جينپيڭنىڭ تۇڭعىش رەتكى امەريكاداعى ساپارى تۇرلىشە تۇرعىدان امەريكاعا، ازيا − تىنىق مۇحيت وڭىرىنە، دۇنيە جۇزىنە جاندى دا تارتىمدى جۇڭگو حيكاياسىن باياندادى.
”تاياۋدا ءبىز 6 - كەزەكتى جۇڭگو حالىقارالىق يمپورت كورمەسىن ءساتتى وتكىزىپ، امەريكانى قامتىعان 128 مەملەكەتتەن كەلگەن 3400دەن استام كاسىپورىندى كورمەگە قاتىناسۋعا باۋرادىق، امەريكا كورمەسىنىڭ كولەمى ءۇرتىس 6 كەزەك ەڭ كەڭ بولدى“. امەريكا دوستىق ۇيىمدارىنىڭ بىرلەسكەن قارسى الۋ قوناعاسىندا ءتوراعا شي جينپيڭ ەندى عانا ءساتتى وتكىزىلگەن يمپورت كورمەسىن تىلگە الىپ، ناقتى ساندار ارقىلى دۇنيە جۇزىنە ”ءبىر ميلليارد 400 ميلليوننان استام جۇڭگو حالقىنىڭ وسىزاماندانۋعا قادام تاستاۋى جۇڭگونىڭ دۇنيە جۇزىنە اكەلگەن وراسان زور ورايى ەكەندىگىن“ ءتۇسىندىردى.
”قازىر بۇكىل جەر شارىنداعى فوتوۆولتتىق ەلەكتر گەنەراتور اگراگاتتارىنىڭ سيىمدىلىعىنىڭ جارتىسىنا جۋىعى جۇڭگودا، بۇكىل جەر شارىنداعى جاڭا ەنەرگيالى اۆتوكولىكتەردىڭ جارىمىنان استامى جۇڭگودا قاتىناۋدا، بۇكىل جەر شارىنداعى جاڭادان قوسىلعان جاسىلداندىرۋ اۋماعىنىڭ تورتتەن ءبىرى جۇڭگودان كەلگەن. ءبىز 2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋگە، 2060 - جىلدان بۇرىن كومىر قىشقىل گازىن بەيتاراپتاندىرۋدى جۇزەگە اسىرۋعا كۇش سالامىز. ءبىز ايتقانىمىزدى ورىندايمىز“. ءار جاق كوڭىل ءبولىپ وتىرعان جاسىل دامۋدى تىلگە العاندا، ءتوراعا شي جينپيڭ بولاشاققا قادام تاستاعان ادام مەن تابيعاتتىڭ جاراسىمدى قاتار ءومىر ءسۇرۋىنىڭ تاماشا كەلەشەگىن بەينەلەدى.
”وتكەن ايدا جۇڭگو 3 - كەزەكتى ’ءبىر بەلدەۋ، ءبىر جول‘ حالىقارالىق سەلبەستىك جوعارى دارەجەلىلەر تالقى مىنبەرىن ءساتتى وتكىزىپ، 458 ءتۇرلى جەتىستىكتى قالىپتاستىردى، جۇڭگونىڭ فينانس قۇرىلىمدارى 780 ميلليارد يۋان حالىق اقشاسىندىق ’ءبىر بەلدەۋ، ءبىر جول‘ نىساندارىنا قارجى قۇراۋ تەرەزەسىن قۇردى، جۇڭگو مەن شەتەل كاسىپورىندارى 97 ميلليارد 200 ميلليون امەريكا دوللارىندىق ساۋدا سەلبەستىگى كەلىسىمىنە كەلدى، بۇل ’ءبىر بەلدەۋ، ءبىر جولدى‘ بىرگە قۇرۋدىڭ جوعارى ساپالى دامۋىن ىلگەرىلەتىپ، الەمنىڭ ۇلاسۋىنا، تۇتاسۋىنا، دامۋدى، گۇلدەنۋدى جەبەۋگە قۋاتتى قوزعاۋشى كۇش ۇستەيدى“. ازيا − تىنىق مۇحيت ونەركاسىپ - ساۋدا سالاسىنداعى دوستارمەن كەڭەس وتكىزگەندە، ءتوراعا شي جينپيڭ ”ءبىر بەلدەۋ، ءبىر جولدى“ بىرگە قۇرۋدىڭ جارقىن بولاشاعىنا كوز جىبەردى.
”جۇڭگو بەيبىت دامۋ جولىمەن جۇرۋگە تاباندى بولادى، دامۋداعى ءتۇبىرلى ماقسات − جۇڭگو حالقىن تاماشا تۇرمىسقا كەنەلتۋ، بىرەۋدىڭ ورنىن باسۋ ەمەس. سان - فرانسيسكودا ءتوراعا شي جينپيڭ بىلاي دەپ تەرەڭ اتاپ كورسەتتى: ”ءتىپتى دە ويداعىداي قىزمەت ىستەۋ، ءتىپتى دە كوڭىلدەگىدەي تۇرمىس كەشىرۋ، بالالاردىڭ ءتىپتى دە ويداعىداي ەسەيىپ - ەرجەتۋى، مىنە بۇل ءبىر ميلليارد 400 ميلليون جۇڭگو حالقىنىڭ شىنايى تىلەگى“.
30 جىلدىق ەرەكشە بارىسقا قايىرىلا قاراساق، ازيا − تىنىق مۇحيت ءوڭىرى ۇلكەن شاڭىراعىنىڭ ءبىر مۇشەسى رەتىندە، جۇڭگونىڭ دامۋى ازيا − تىنىق مۇحيت وڭىرىنەن باستالعان، ازيا − تىنىق مۇحيت ءوڭىرىنىڭ ارقاسى؛ بولاشاقتى بەتكە الىپ، جاڭا جورىققا قادام تاستاعان جۇڭگو ازيا − تىنىق مۇحيت ءوڭىرىن ۇزدىكسىز تياناق ەتىپ، ازيا − تىنىق مۇحيت وڭىرىنە باقىت جاراتادى. كەلەسى ”جۇڭگو“ ءالى سول جۇڭگو.
”مەن ءسىزدى ىستىق ىقىلاسپەن ۇسىنىس ەتەمىن، ءسىزدىڭ 2024 - جىلعى ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋىڭىزدى ءارى پەرۋدە تاعى دا مەملەكەتتىك ساپاردا بولۋىڭىزدى ءۇمىت ەتەمىن“. سان - فرانسيسكو ءماجىلىسى اياقتاماي جاتىپ، كەلەر جىلعى ازيا − تىنىق مۇحيت ەكونوميكالىق سەلبەستىك ۇيىمى ءماجىلىسىنىڭ داياشىسى پەرۋدىڭ زۇڭتۇڭى بولۋارت الدىن الا قيمىلدادى.ءتوراعا شي جينپيڭ ونىمەن كەزدەسكەندە، بولۋارت زۇڭتۇڭ ءتوراعا شي جينپيڭدى ۇسىنىس ەتۋگە اسىقتى.
كەلەسى ”التىن 30 جىلدى“ كوزدەپ سان - فرانسيسكودان اتتاندى، ازيا − تىنىق مۇحيت ءوڭىرى حالقى مەن ۇرپاقتاردىڭ ورتاق گۇلدەنىپ - كوركەيۋى ءۇشىن، دۇنيە ءجۇزىنىڭ بەيبىتشىلىگى مەن دامۋى ءۇشىن، ادامزاتتىڭ اناعۇرلىم كوركەم بولاشاعى ءۇشىن، ءتوراعا شي جينپيڭ جاڭا داۋىردەگى جۇڭگونى باستاپ، سان مىڭ شاقىرىم جورىقتا ايالسىز العا تارتۋدا.
(قاتىناسقان تىلشىلەر ياڭ يجۇن، سۇن ي، سۋ لياڭ، ۋىن شين)
(شينحۋا اگەنتتىگىنىڭ 11 - ايدىڭ 18 - كۇنى سان - فرانسيسكودان بەرگەن حابارى)
