جازدىق استىق جەر اۋدانىنىڭ ارتۋى بۇكىل ەل بويىنشا الدىڭعى ورىندا تۇردى، جۇگەرى ەگىلگەن جەر اۋدانى ％30 ارتتى
شينجياڭدا تۇتاس جىلدا استىق ءونىمى ارتىپ، مول ءونىم الىناتىندىعى تۇراقتاندى
انار بۇلت \ شينجياڭ گازەتىنىڭ ءتىلشىسى ليۋ ي 11 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، قازىرگە دەيىن شينجياڭنىڭ كۇزگى استىق جيناۋ جۇمىسى نەگىزىنەن اياقتاعان، 22 ميلليون مۋدان استام جەردەگى كۇزگى استىق نەگىزگى داقىلى − جۇگەرىدەن ءونىم الىنعان. كۇزگى استىقتى ءدانىن قالدىرماي قامبالاۋعا بايلانىستى، شينجياڭدا تۇتاس جىلدا استىق ءونىمى ارتىپ، مول ءونىم الىناتىندىعى تۇراقتانعان.
بيىل بۇكىل رايونىمىز مەملەكەتتىڭ 100 ميلليارد جىڭ استىق ءوندىرىس قۋاتىن جوعارىلاتۋ ارەكەتىن ارقاۋ ەتىپ، ەگىستىك جەر اۋدانىن تىڭنان ارتتىرۋ، ەگىمشىلىك قۇرىلىمىن رەتتەۋ، قايتا ەگۋ كورسەتكىشىن جوعارىلاتۋ سياقتى شارالار ارقىلى اۋدانىن كەڭەيتۋگە، ءوندىرىس قۋاتىن جوعارىلاتۋعا كۇش سالدى. بۇكىل رايونىمىزدا جازدىق استىقتىڭ ءونىم مولشەرى تاريحتاعى جاڭا دەڭگەيگە جەتىپ، ءوندىرىس جەر اۋدانى (باستىسى ءبيداي) 18 ميلليون مۋدان اسىپ، بىلتىرعى جىلداعىدان 800 مىڭ مۋعا جۋىق ارتىپ، بۇكىل ەلدەگى ارتقان جازدىق استىق جەر اۋدانىنىڭ ％67 اينالاسىن يەلەپ، جەر اۋدانىنىڭ ارتۋ مولشەرى بۇكىل ەل بويىنشا 1 - ورىندى يەلەدى. مەجەمەن كۇزگى استىق نەگىزگى داقىلى − جۇگەرىنىڭ ەگىلگەن جەر اۋدانى وتكەن جىلداعىدان 5 ميلليون مۋدان استام اسىپ، ارتۋ مولشەرى ％30كە تاياعان.
استىق ءوندىرىسىنىڭ ”كولەمىن كەڭەيتۋ“ نەگىزىندە، شينجياڭ تاعى استىق ءوندىرىس قۋاتىن جوعارىلاتۋ ارەكەتى مەن جۇگەرىنى ءتۇيىن ەتكەن استىقتىڭ بىرلىك ءونىمىن جوعارىلاتۋ ينجەنەرياسىن اتقارۋدى باستاپ، 15 اۋدان، قالادا ءبيداي، جۇگەرى، سويا بۇرشاق جانە مايلى داقىلداردىڭ جاسىل، جوعارى ءتۇسىمدى، جوعارى ءونىمدى بولۋ ارەكەتىن ورىستەتىپ، تيپتىك ۇلگى كورسەتۋ، جەتەكتەۋ رولىن ساۋلەلەندىرىپ، بۇكىل رايونىمىزدىڭ استىق، ماي داقىلدارىنىڭ ءونىمىن كەڭ كولەمدە بىركەلكى ارتتىرۋدى جەبەپ، ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ سىندى ءوندىرىس نەگىزىن ۇزدىكسىز بەكەمدەۋ كەرەك. قۇلجا اۋدانىنىڭ دۇمبە ءبيداي مىڭ مۋلىق تۇتاسقان اتىزىندا ءار 100 مۋىنان ناقتى الىنعان بىرلىك ءونىم 9. 782 كيلوگرام بولىپ، بۇكىل ەل بويىنشا ءىرى كولەمنەن الىنعان بىرلىك ءونىم بويىنشا ەڭ جوعارى رەكوردتى جاڭالادى. شاپشال سىبە اۆتونوميالى اۋدانىنىڭ دۇمبە ءبيداي سىناق اتىزىنان ناقتى الىنعان بىرلىك ءونىم 3. 880 كيلوگرام بولىپ، شينجياڭنىڭ بىرلىك ءونىمىنىڭ ەڭ جوعارى رەكوردىن جاڭالادى. ىلە قازاق اۆتونوميالى وبلىسىندا جۇگەرىنىڭ مۋ باسىندىق ءونىمى جەكە - جەكە 94. 1545 كيلوگرام، 66. 1427 كيلوگرام، 67. 1300 كيلوگرام بولىپ، بۇكىل ەلدە 100 مۋ، 1000 مۋ، 10 مىڭ مۋ ءۇش ءتۇر بويىنشا جوعارى ءونىم رەكوردىن جاڭالادى.
كۇزگى جيىن - تەرىن قىزمەتى باستالعاننان بەرى ءار دارەجەلى اۋىل شارۋاشىلىعى، اۋىل - قىستاق تاراۋلارى قىزمەت جوباسىن الدىن الا جاساپ، اۋىل شارۋاشىلىعى ماشينالارىمەن قامداۋ - قاجەتسىنۋ ەكى جاقتى جۇمىس تاپسىرىسى توقتامى كەلىسىمىن جاساسۋعا ۇيىمداستىرىپ، جيىن - تەرىن ماشينالارىن ەگىن باسىنا بارىپ جۇمىس جۇرگىزۋگە دەر كەزىندە ورنالاستىرىپ، جۇگەرىنى دەر كەزىندە جيناپ الۋعا، دۇمبە ءبيدايدى ۇيلەسىمدى مەزگىلدە ەگۋگە شىنايى كەپىلدىك ەتتى. جەر - جەر اۋىل شارۋاشىلىعى ماشينالارىنىڭ نەگىزگى قوسىندىق رولىن تولىق ساۋلەلەندىرىپ، جيىن - تەرىن ماشينالارىنىڭ دايىندىعىن، سىناعىن جانە ءوڭىر اتتاپ جۇمىس جۇرگىزۋىن بار كۇشپەن ويداعىداي ىستەدى، سونداي - اق كوپ ءتۇرلى فورماداعى قىزمەت وتەۋ، جەتەكشىلىك ەتۋ قىزمەتىن ورىستەتىپ، شارۋالاردىڭ كۇزدىك استىق جيناۋ مەزگىلىندەگى اتىز باسقارۋدى ويداعىداي ىستەۋىنە كومەكتەسىپ، اپاتتان ساقتانۋدىڭ، اپات زيانىن ازايتۋدىڭ ءتۇرلى شارالارىن تياناقتاندىرىپ، كۇزدىك استىقتان مول ءونىم الۋىنا شىنايى كەپىلدىك ەتتى.
باستاپقى تۇسپال ەسەپكە قاراعاندا، بيىل شينجياڭنىڭ تۇتاس جىلداعى استىق جالپى ءونىمى مەجەمەن 20 ميلليون توننادان (40 ميلليارد جىڭ) اسىپ، الدىڭعى جىلداعىدان 2 ميلليون توننادان (4 ميلليارد جىڭ) استام ارتادى.
