جۇڭگو شينجياڭىنىڭ دامۋ تابىستارى جۇرتقا ايان

　　مالتا جۇمىسشى پارتياسى جاس كادرلار تەكسەرۋ ۇيىرمەسى شينجياڭدا ەكسكۋرسيادا، ساپاردا بولدى −

　　جۇڭگو شينجياڭىنىڭ دامۋ تابىستارى جۇرتقا ايان

　　□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر، ەرىكتى ءتىلشى ياڭ جيڭ - ي

　　”جۇڭگونىڭ شينجياڭى وتە تاماشا، دامۋ تابىستارى جۇرتقا ايان، ءبىز كورگەن - بىلگەندەرىمىزدى ءتىپتى دە كوپ اداممەن بولىسەمىز“. 11 - ايدىڭ 18 - كۇنى شينجياڭعا ساپارىن اياقتاتقان مالتا جۇمىسشى پارتياسى جاس كادرلار تەكسەرۋ ۇيىرمەسىنىڭ مۇشەلەرى وسنى جابال ءبىلدىردى.

　　11 - ايدىڭ 14 - كۇنىنەن 18 - كۇنىنە دەيىن مالتا جۇمىسشى پارتياسى جاس كادرلار تەكسەرۋ ۇيىرمەسى شينجياڭدا ەكسكۋرسيادا، ساپاردا بولىپ، ءۇرىمجى قالاسىنا، ىلە قازاق اۆتونوميالى وبلىسىنا بارىپ، ءار ۇلت بۇقاراسىمەن بەتپە - بەت اڭگىمەلەسىپ، شينجياڭنىڭ ەكونوميكالىق، قوعامدىق دامۋ جاعدايىن ۇعىستى.

　　ءۇرىمجى مادەنيەت ورتالىعىنىڭ جوبا سارايىندا تەكسەرۋ ۇيىرمەسى شينجياڭنىڭ ”ءبىر بەلدەۋ، ءبىر جول“ قۇرىلىسىنا بەلسەنە ات سالىسۋ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىشكەرىلەي ىلگەرىلەتۋ جاعدايىن ەگجەي - تەگجەيلى ۇعىستى.

　　مالتا جۇمىسشى پارتياسى ينتەرناتسيونالىنىڭ شۋجيى مارك بەرنيچ مىنالاردى ءبىلدىردى: شينجياڭ − جۇڭگونىڭ باتىسقا ەسىك اشۋىنىڭ الدىڭعى شەبى، جىبەك جولى ەكونوميكالىق بەلدەۋى وزەكتى رايونى، ونىڭ تەڭدەسسىز ورنى جانە رولى بار. ”ءبىر بەلدەۋ، ءبىر جولدى“ بىرگە قۇرۋ باستاماسىنىڭ ىشكەرىلەي ىلگەرىلەۋىنە ىلەسە، شينجياڭنىڭ بولاشاعى نۇرلى، ورايى شەكسىز بولادى.

　　قىس باسى وتسە دە، شينجياڭنىڭ ءارقايسى كورىنىس وڭىرلەرىنىڭ قىزۋى ءالى دە باسىلمادى. شينجياڭ حالىقارالىق ۇلكەن بازارىندا، قۇلجا قالاسى قازانشى ۇلتتىق سالت - سانا ساياحات اۋماعىندا، قۇلجا قالاسى التىشۋار كوشەسىندە ادامدار قايشالىسىپ، كوزدىڭ جاۋىن الاتىن تاۋارلار، حوش ءيىسى اڭقىعان ءدامدى تاعامدار، تاماشا ءان - بيلەر تەكسەرۋ ۇيىرمەسىنىڭ مۇشەلەرىن ايالداپ اپپاراتقا تۇسىرۋگە باۋرادى.

　　جۇڭگو − قازاقستان قورعاس حالىقارالىق شەكارالىق سەلبەستىك ورتالىعى قورعاس جۇڭگو مادەنيەت سارايىندا تەكسەرۋ ۇيىرمەسىندەگىلەر قىل قالاممەن جازۋ جازۋدى ۇيرەنىپ، حانفۋ كيىپ، جۇڭگونىڭ ءداستۇرلى جول - جوسىنىن ۇيرەنىپ، جۇڭگونىڭ ءداستۇرلى مادەنيەتى جونىندەگى ىستىق ىقىلاستارىن ايگىلەدى.

　　”جۇڭگونىڭ ءداستۇرلى مادەنيەتى وتە تارتىمدى“! مالتا جۇمىسشى پارتياسى جاستار ۇيىمىنىڭ باس شۋجيى ماريا ەلۋر بىلاي دەدى: شينجياڭ تارتىمدىلىققا تولى جەر، بۇل ارادا كوپ نەگىزدى مادەنيەت شوعىرلانعان، حالقى مەيماندوس. ءبىز تىنىش، بەرەكەلى، گۇلدەنىپ - كوركەيگەن شينجياڭدى تۋىس - تۋعان، دوس - جاراندارىمىزعا تانىستىرامىز.

　　تەكسەرۋ ۇيىرمەسىندەگىلەر جۇڭگو (شينجياڭ) ەركىن ساۋدا سىناق رايونىنىڭ 11 - ايدىڭ 1 - كۇنى ماڭدايشالىق اشقاندىعىن، 3 اۋماقتىڭ اراسىندا قورعاس اۋماعى قامتىلاتىندىعىن دا ۇعىستى. مالتا جۇمىسشى پارتياسىنىڭ مۇشەسى، كيركوپ قالاسىنىڭ باستىعى تەررەنسە اگيۋس مىنالاردى ءبىلدىردى: بۇل جولعى ساپاردا شينجياڭنىڭ قالا قۇرىلىسى، ەكونوميكالىق دامۋ، مادەنيەت - ساياحات سياقتى جاقتاردا قول جەتكىزگەن تابىستارىن، حالىقتىڭ باقىتتى تۇرمىس كەشىرىپ جاتقاندىعىن كوردىك، وسىنىڭ بارلىعى جۇڭگو ۇكىمەتىنىڭ پارمەندى قولداۋىنان ايرىلا المايدى. ەسىك اشۋ قادامىنىڭ جەدەلدەۋىنە ىلەسە، شينجياڭ قۋاتتى ەكونوميكالىق سەرپىمدىلىگى مەن دامۋ كومەسكى كۇشىن ايگىلەيتىن بولادى.

　　تەكسەرۋ ۇيىرمەسىندەگىلەر ”شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ دە ەكسكۋرسيالاپ، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ سالاسىندا جاساعان قۇلشىنىستارى مەن قول جەتكىزگەن تابىستارىن ىشكەرىلەي ۇعىستى؛ شينجياڭ كوركەمونەر شۋەيۋانىنىڭ ۋان تۇڭشۋ مۇقام حۇجاتتارى سارايى، شاپشال سىبە اۆتونوميالى اۋدانى بەسسۇمىن قالاشىعىنداعى سىبە بايىرعى قالاسى، شاپشال گازەتى مەكەمەسى سياقتى جەرلەردە تەكسەرۋ ۇيىرمەسىندەگىلەر جۇڭگو ۇكىمەتىنىڭ ءار ۇلتتىڭ ءداستۇرلى مادەنيەتىن قورعاۋ، دامىتۋ جانە جالعاستىرۋ جاعىندا جاساعان قۇلشىنىستارىن بارىنشا القادى؛ قۇلجا قالاسىنداعى شانشي مەشىتىن ارالاپ، ءدىني وقىتۋشى - قىزمەتكەرلەردى باۋلۋ، ءدىني قيمىلداردىڭ ورىستەتىلۋى سياقتى ماسەلەلەر جونىندە ىشكەرىلەي اڭگىمەلەستى؛ شاپشال قالاشىعى ۇزىنبۇلاق اۋىل - قىستاق الەۋمەتتىك اۋماعىنداعى تۇرعىنداردىڭ ۇيىنە بارىپ، بۇقارانىڭ كۇندەلىكتى تۇرمىسىن ەگجەي - تەگجەيلى ۇعىستى.

　　ەكسكۋرسيا - ساپارلاۋ كەزىندە تەكسەرۋ ۇيىرمەسىندەگىلەر شينجياڭنىڭ قاتىستى جاقتارىمەن اڭگىمە وتكىزدى. شينجياڭنىڭ قاتىستى تاراۋلارىنداعى جاۋاپتىلار وقۋ - اعارتۋ، ەمدەۋ، مادەنيەت، ساياحات، ۇلت، ءدىن، اۋىل - قىستاقتى گۇلدەندىرۋ سياقتى جاقتارداعى جاعدايلاردى تانىستىردى. تەكسەرۋ ۇيىرمەسىندەگىلەر ءبىر اۋىزدان مىنالاردى ءبىلدىردى: شينجياڭداعى ءار ۇلت حالقى باقىتتى، تىنىش تۇرمىس كەشىرىپ جاتىر ەكەن، جاراسىمدى، ورنىقتى اسا تاماشا جاعدايدان كۇماندانۋعا بولمايدى. مالتانىڭ جۇڭگومەن قارىم - قاتىناسى توتەنشە تاتۋ - ءتاتتى بولىپ كەلەدى، جۇڭگومەن، اسىرەسە، جۇڭگونىڭ شينجياڭىمەن اۋىس - كۇيىستى، سەلبەستىكتى اناعۇرلىم كۇشەيتىپ، ءوزارا دوستىقتى نىعايتۋدى ءۇمىت ەتەمىز.