شينجياڭ بيىل 2. 6969 كيلومەتر اۋىل - قىستاق تاس جولىن جاڭادان سالدى، جاڭالادى
تۇتاس جىلدىق نىسانا - مىندەتتى مەرزىمىنەن بۇرىن اسىرا ورىندادى
انار بۇلت \ شينجياڭ گازەتىنىڭ ءتىلشىسى لۋ فىڭباۋ 11 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان ”تورتتە جاقسى اۋىل - قىستاق جولى“ اۋىل - قىستاقتى گۇلدەندىرۋگە قوزعاۋشى قۋات ۇستەدى دەگەن اقپار جاريالاۋ ماجىلىسىنەن ۇعىسۋىمىزشا، 10 - ايدىڭ سوڭىنا دەيىن شينجياڭ بيىل جيىنى 2. 6969 كيلومەتر اۋىل - قىستاق تاس جولىن جاڭادان سالىپ، جاڭالاپ، تۇتاس جىلدا 6000 كيلومەتر اۋىل - قىستاق تاس جولىن جاڭادان سالۋ، جاڭالاۋ نىسانا - مىندەتىن مەرزىمىنەن بۇرىن اسىرا ورىنداعان.
اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ مۇشەسى، ورىنباسار مەڭگەرمە باستىعى گۋ جىفىڭ بىلاي دەپ تانىستىردى: بيىل اۆتونوميالى رايوندىق قاتىناس - تاسىمال مەڭگەرمەسى «”تورتتە جاقسى اۋىل - قىستاق جولىنىڭ“ جوعارى ساپالى دامۋىن ىلگەرىلەتىپ، اۋىل - قىستاقتى گۇلدەندىرۋگە قىزمەت وتەۋدىڭ 2023 - جىلعى قىزمەت تۇيىندەرىن» اقىلداسىپ جاساپ، قاتىستى تاراۋلارمەن بىرلەسىپ «اۆتونوميالى رايوننىڭ اۋىل - قىستاق تاس جولىنا قارجى قوسۋدى ارتتىرىپ، جۇمىستاندىرۋدى ورنىقتىرىپ، اۋىل - قىستاقتى گۇلدەندىرۋگە اناعۇرلىم ويداعىداي قىزمەت وتەۋدى دايەكتىلەندىرۋ، تياناقتاندىرۋ ارەكەت جوباسىن»، «اۆتونوميالى رايوننىڭ اۋىل - قىستاق جولىن ىركىلىسسىزدەندىرۋ ينجەنەرياسىن ارناۋلى اتقارۋ جوباسىن» ىركەس - تىركەس باسىپ تاراتىپ، جەر - جەردىڭ ”تورتتە جاقسى اۋىل - قىستاق جولىنىڭ“ جوعارى ساپالى دامۋىن ىلگەرىلەتتى؛ ءتۇرلى قارجىنى بەلسەنە دايىنداپ، جەر - جەردىڭ اۋىل - قىستاق تاس جول قۇرىلىسىنا قولداۋ كورسەتىپ، نىسانداردىڭ ءساتتى ءجۇرىلۋىن قامتاماسىز ەتتى؛ اۋماقتىڭ جۇمىس باسى ءماجىلىسىن، بەينە ەكران ءماجىلىسىن اشۋ سياقتى تاسىلدەر ارقىلى جەر - جەردى اۋىل - قىستاق تاس جولى قۇرىلىسى اياق الىسىن جەدەلدەتۋگە قۋزادى، 10 - ايدىڭ سوڭىنا دەيىن شينجياڭ جيىنى 2. 6969 كيلومەتر اۋىل - قىستاق تاس جولىن جاڭادان سالىپ، جاڭالاپ، 166 قاتەرلى كوپىردى جاڭالاپ، قىستاق جولى حاۋىپسىزدىك قورعانىس ينجەنەرياسىنان 8. 5269 كيلومەترىن ورىندادى.
”شينجياڭنىڭ اۋىل - قىستاق تاس جولىنىڭ دامۋىندا ءالى دە بەلگىلى ولقىلىقتار ورىن تەۋىپ وتىر“. گۋ جىفىڭ بىلاي دەدى: الداعى جەردە رايونىمىزداعى ءار دارەجەلى قاتىناس - تاسىمال تاراۋلارى اۋىل - قىستاق تاس جولى نەگىزدىك قۇرىلعىلار قۇرىلىسىن كۇشەيتىپ، اۋىل - قىستاق تاس جولىن باسقارۋ قابىلەتى مەن باسقارۋ دەڭگەيىن جاپپاي جوعارىلاتىپ، اۋىل - قىستاق تاس جولىنىڭ تاسىمال قابىلەتى مەن قىزمەت وتەۋ دەڭگەيىن، ت.ب جاپپاي جوعارىلاتىپ، ”تورتتە جاقسى اۋىل - قىستاق جولىنىڭ“ جوعارى ساپالى دامۋىن ۇزدىكسىز ىلگەرىلەتىپ، اۋىل - قىستاقتى گۇلدەندىرۋگە اناعۇرلىم ويداعىداي قىزمەت وتەپ، 2025 - جىلدىڭ سوڭىنا بارعاندا اۋىل - قىستاق تاس جولى جالپى ۇزىندىعىنىڭ 157 مىڭ كيلومەترگە جەتۋىنە كۇش سالادى.
سوڭعى جىلدارى شينجياڭ ”تورتتە جاقسى اۋىل - قىستاق جولى“ قۇرىلىسىن اۋىل - قىستاقتى گۇلدەندىرۋگە دەم بەرەتىن تۇتقا ەتتى، اۋىل - قىستاق تاس جول قۇرىلىسىنا قوسىلعان قارجى ۇزدىكسىز ءبىرشاما جوعارى دەڭگەيدى ساقتاپ، اۋىل - قىستاقتىڭ كەشەندى قاتىناس - تاسىمال دەڭگەيى ۇزدىكسىز جوعارىلادى. 2022 - جىلدىڭ سوڭىنا دەيىن شينجياڭنىڭ (بيڭتۋان قامتىلمايدى) اۋىل - قىستاق تاس جولىنىڭ جالپى ۇزىندىعى 151 مىڭ كيلومەترگە جەتىپ، اۋدان قالاشىعىن ورتالىق، اۋىل - قالاشىقتى ءتۇيىن، قۇرىلىمدىق قىستاقتى توراپ ءتۇيىنى ەتكەن اۋىل - قىستاق تاس جول تورى نەگىزىنەن قالىپتاسىپ، اۋىل - قىستاق تاس جولىنىڭ قىستاقتارعا، اۋىلدارعا، وتباسىلارىنا دەيىن تۇتاسۋىن نەگىزىنەن جۇزەگە اسىرىپ، بارعان سايىن اۋىل - قىستاقتى گۇلدەندىرۋگە دەم بەرەتىن دامۋ جولىنا، باقىت جولىنا، بايۋ جولىنا اينالدى.
