تيانشان تورى - شينجياڭ گازەتىنىڭ حابارى (ءتىلشى گۋان مىڭيىڭ حابارلايدى). 11 - ايدىڭ 14 - كۇنى اۆتونوميالى رايوندىق ايەلدەر بىرلەستىگىنىڭ قاشقار قالاسى نازارباق قالاشىعى چۇمبۇس قىستاعىندا تۇراتىن قىزمەت اترەتى قىستاق ”ەكى كوميتەتىمەن“ بىرلەسىپ، ”كورىكتى اۋلا“ بويىنشا ۇلگى كورسەتەتىن 70 وتباسىنا تازالىق بۇيىمدار قالتاسى، اس ۇستەلى، ساباق ۇستەلى، كوكونىس ۇرىعى، قالامشا سياقتى 19 تۇردەگى 1212 دانا زاتتىق بۇيىمدى تاراتىپ بەرىپ، قىستاق تۇرعىندارىن ”كورىكتى اۋلا“ قۇرىپ، اقاۋسىز، وركەنيەتتى تۇرمىس ٴتاسىلىن قالىپتاستىرۋعا شابىتتاندىردى.
اۆتونوميالى رايوندىق ايەلدەر بىرلەستىگىنىڭ قاشقار قالاسى نازارباق قالاشىعى چۇمبۇس قىستاعىندا تۇراتىن قىزمەت اترەتى شينجياڭ ايەلدەر كاسىپتىك ـ تەحنيكالىق مەكتەبىنىڭ وقىتۋشىلارىن وتباسىلىق قىزمەت كورسەتۋ بويىنشا ناقتى جاتتىعۋ ورىستەتۋگە ۇسىنىس ەتتى. سۋرەتتى حى ۋىنيىڭ تۇسىرگەن
”اۋلانى قايتكەندە تازا، جارىق ەتۋگە بولادى ؟“ 11 ـ ايدىڭ 13 ـ كۇنى وسى قىزمەت اترەتى شينجياڭ ايەلدەر كاسىپتىك ـ تەحنيكالىق مەكتەبىنىڭ وقىتۋشىسى اديلام شاۋكەتتى قىستاقتاعى” كورىكتى اۋلا“ بويىنشا ۇلگى كورسەتەتىن وتباسىلارىنا وتباسىلىق قىزمەت وتەۋ بويىنشا ناقتى جاتتىعۋ ورىستەتۋگە ۇسىنىس ەتتى. ”بۇقاراعا ەرەكشە جاناسىمدى، وتە قولدانىلمالى بولدى“، ـ دەدى قىستاق تۇرعىنى پاتىگۇل سابىر.
قازىر چۇمبۇس قىستاعىنىڭ ”كورىكتى اۋلا“ ۇلگى كورسەتۋ كوشەسىنە بارساڭىز، بارلىق ٴۇيدىڭ اۋلاسىندا گۇل - شوپتەر، جاسىل وسىمدىكتەر رەتتى ٴتىزىلىپ، حوش ٴيىسى اڭقيدى. ۇيلەردىڭ تەرزەسى جارقىراپ، جيھازدارى تازا ءسۇرتىلىپ، ٴتۇرلى تۇرمىستىق بۇيىمدار رەتتى قويىلعان. ٴتورت جاعىنان قورشالعان شاعىن اۋلانىڭ كوكتەم مەن كۇزدە جەمىس - جيدەگى، قىس پەن جازدا كوكونىسى پىسادى، ٴتورت ماۋسىمدا دا گۇلدەر شەشەك اتىپ، جىلۋلىققا بولەيدى.
”قازىر قىستاعىمىزدىڭ تازالىق ورتاسى كۇننەن ـ كۇنگە جاقسارىپ كەلەدى، كوپشىلىكتىڭ كوڭىل - كۇيى جادىراي ءتۇستى“. قىستاق تۇرعىنى ماليكە ابدۋايت ٴوزىنىڭ ٴجۇزىم سورەسىنىڭ استىندا وتىرىپ، تۋىس ـ تۋعان، دوس ـ جاراندارىمەن اڭگىمە دۇكەنىن قۇرۋدى ۇناتاتىنىن ايتتى.
قاشقار قالاسى نازارباق قالاشىعى چۇمبۇس قىستاعىنىڭ ”كورىكتى اۋلاسى“. سۋرەتتى حى ۋىنيىڭ تۇسىرگەن
بيىلدان بەرى، چۇمبۇس قىستاعى ەكى ”كورىكتى اۋلا“ ۇلگى كوشەسىن قۇرىپ، ”كورىكتى اۋلا“ ٴنومىر جيناقتاپ باسقارۋ ٴتاسىلى ارقىلى ”كورىكتى اۋلادان“ ۇلگى كورسەتۋشى 110 وتباسىن باعالاپ، ماراپاتتادى، 251 قىستاق تۇرعىنى جيناعان ءنومىردى تۇرمىستىق بۇيىمدارعا ايىرباستادى. سونىمەن بىرگە، بۇل قىزمەت اترەتى قىستاق ”ەكى كوميتەتىمەن“ بىرلەسىپ ەرىكتى قىزمەت وتەۋ اترەتىن ۇيىمداستىرىپ، شارۋالاردىڭ اۋلا شارۋاشىلىعىن دامىتۋىنا كومەكتەسىپ، شارۋالاردىڭ كىرىسىن ارتتىرىپ، اۋقاتتانۋىن جەبەدى.
