تيانشان تورى - شينجياڭ گازەتىنىڭ حابارى (سۋرەتىن ءتۇسىرىپ، حابارىن جازعان ەرىكتى تىلشىلەر شيە جى، شۇي شيانحاۋ، ليۋ يۋان) 11 ـ ايدىڭ 22 ـ كۇنى 2023 ـ جىلعى ”اتۇش ساۋىتى“ شينجياڭ فۋتبول ۇسىنىس جارىسى قىزىلسۋ وبلىسىنداعى تاجىريبە ورتا مەكتەپ دەنە تاربيە الاڭىندا تابىسپەن اياقتادى. ءارقايسى ايماق ـ وبلىستان كەلگەن 9 ۋاكىلدەر كومانداسى 12 كۇن قيان ـ كەسكى سايىسۋ ارقىلى، ەڭ سوڭىندا تۇرپان كومانداسى مەن سانجى كومانداسى ۇپاي دوپ تەبۋ جارىسىنا ءتۇسىپ، تۇرپان قۇراماسى 3 كە قارسى 4 ۇپايمەن ”اتۇش ساۋىتى“ اتىنداعى تۇتاس شينجياڭ فۋتبول ۇسىنىس جارىسىنىڭ اعا جۇلدەگەرى بولدى.
”اتۇش ساۋىتى“ تۇتاس شينجياڭ فۋتبول ۇسىنىس جارىسى ءبىر رەتكى دەنە تاربيە سالتاناتى ٴارى اتۇش قالاسىنىڭ تاريح - مادەنيەتىنىڭ، قالا وبرازىنىڭ شوعىرلى ايگىلەنۋى، ونان دا ماڭىزدىسى ساياحات كاسىبىنىڭ، ەكونوميكالىق دامۋىنىڭ جانە فۋتبول مادەنيەتىنىڭ كەمەلدى توعىسۋى. وسى رەتكى ۇسىنىس جارىسى اتۇشتاعى بۇقارانىڭ فۋتبول سۇيۋدەگى، اتا مەكەندى سۇيۋدەگى، وتاندى سۇيۋدەگى تاماشا رۋحاني بەت - بەينەسىن تولىق ايگىلەدى. اتۇش قالاسى وليمپيادا رۋحىن اتۇش قالاسىنىڭ ٴتۇرلى ىستەرىنىڭ دامۋىمەن ونان ارى توعىستىرىپ، اتۇش قالاسى ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە اناعۇرلىم پارمەندى قوزعاۋشى كۇش ۇستەدى.
