423 ميلليون يۋان زياننان ءونىمدى ساقتاندى
انار بۇلت \ شينجياڭ گازەتىنىڭ ءتىلشىسى ۋاڭ نا 11 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان اۆتونوميالى رايوننىڭ تەلەگراف، ينتەرنەتتەگى زاڭعا قايشى جاڭاشا قىلمىستارعا سوققى بەرۋ، جونگە سالۋ جونىندەگى اقپار جاريالاۋ ماجىلىسىنەن ۇعىسۋىمىزشا، بيىل 1 - ايدان 10 - ايعا دەيىن شينجياڭ جيىنى 4201 تەلەگراف، ينتەرنەت الدامكوستىگى دەلوسىن تەكسەرىپ انىقتاپ، 8723 قىلمىس كۇماندىسىن قولعا تۇسىرگەن.
ۇعىسۋعا قاراعاندا، شينجياڭ قوعام حاۋىپسىزدىگى ورگاندارى شينجياڭ حابار - بايلانىس باسقارۋ مەكەمەسى، جۇڭگو حالىق بانكەسىنىڭ شينجياڭ بولىمشە بانكەسى، 4 ءىرى تيجارات كاسىپورنى سياقتىلارمەن بىرلەسىپ ”ەكى كارتچكاعا“ (قول تەلەفون كارتچكاسى جانە بانكە كارتچكاسى) قاتىستى زاڭعا قايشىلىق جاساعان قىلمىستىق توپتاردى ىشكەرىلەي تۇجىرىمداپ، جان - جاقتى جونگە سالىپ، ءبىر توپ ”ەكى كارتچكاعا“ قاتىستى زاڭعا قايشىلىق جاساعان قىلمىستىق توپتاردى شوعىرلى تۇردە قولعا ءتۇسىرىپ، ءبىر توپ ”ەكى كارتچكا“ قىلمىستىق ارەكەتتەرى قۇتىرىنعان ءتۇيىندى وڭىرلەردى شوعىرلى رەتتەپ، وڭاپ، ”ەكى كارتچكا“ اشۋى ءبىرشاما كوپ بولعان ءبىر توپ تيجارات كاسىپورىندارى مەن بانكە تيجارات توراپ تۇيىندەرىن شوعىرلى تۇردە اشكەرەلەپ، ”ەكى كارتچكا“ اشۋ، ساتۋ كاسىپ سالاسى تىزبەگىن كۇش سالا ۇزگەن. جەر - جەردەگى قوعام حاۋىپسىزدىگى ورگاندارى كاسىپ سالاسىنداعى قاتىستى تاراۋلارمەن ىرىقتى تۇردە ءتۇيىلىسىپ، 53 مىڭ 300 زياندالۋ مۇمكىندىگى بار ادامنىڭ تەلەفون ءنومىرىن قورعاۋ سيپاتتى جاۋىپ، 84 مىڭ زياندالۋ مۇمكىندىگى بار ادامنىڭ بانكە ەسەبىنە قورعاۋ سيپاتتى اقشا تولەۋدى توقتاتتى.
شينجياڭنىڭ قوعام حاۋىپسىزدىگى ورگاندارى تەلەگراف الدامكوستىگىنەن دالمە - ءدال ساقتاندىرۋ مودەلىن اشۋ، ينتەرنەت ساقتىق بايلىعىن ەنگىزۋ سياقتىلار ارقىلى توراپتاعى جالعان تاپسىرىس، قارىز اقشا بەرۋ، قاريدارلارعا قىزمەت وتەۋ اتىن جامىلىپ الدامشىلىق ىستەۋ دەلولارىن پارىقتاۋ، بايقاۋ قابىلەتىن جاپپاي جوعارىلاتتى؛ شينجياڭ حابار - بايلانىس باسقارۋ مەكەمەسىمەن بىرلەسىپ، دالمە - ءدال ساقتاندىرۋ، اقىل - كەڭەس بەرىپ توقتاۋ سالۋ قىزمەت مەحانيزمىن بەلگىلەپ، ۇيىنە بارىپ اقىل - كەڭەس بەرىپ توقتاۋ سالۋ ونىمدىلىگى بولماۋ، زياندالۋشىنىڭ كەلگەن تەلەفوندى جوتكەۋ يقۋاتىن اشۋ، بايلانىسسىز قالۋ سياقتى جاعدايلارىنا مەڭزەس، قورعاۋ سيپاتتى جابۋدى، توقتاتۋدى قاتار ورىستەتىپ، ۇيىنە بارىپ اقىل - كەڭەس بەرىپ توقتاۋ سالۋدىڭ ءساتتى بولۋ مولشەرىن ءونىمدى جوعارىلاتتى؛ فينانس قۇرىلىمدارىمەن بىرگە الدامكوستىككە ساياتىن قارجىنى تولەۋدى تەز ارادا توقتاتۋ، مۇزداتۋ جانە ەسەپكە ءتۇسۋ ۋاقىتىن ۇزارتۋ مەحانيزمىن اقاۋسىزداندىرىپ جانە كەمەلدەندىرىپ، ىستەن بۇرىنعى جانە ءىس بارىسىنداعى قارسى تەجەۋ قابىلەتىن بارىنشا جوعارىلاتتى.
1 - ايدان 10 - ايعا دەيىن بۇكىل شينجياڭداعى قوعام حاۋىپسىزدىگى ورگاندارى جيىنى 463 مىڭ 200 شۇعىل، اسا قاتەرلى دارەجەدەگى زياندالۋ مۇمكىندىگى بار ادامدارعا كەزدەسىپ اقىل - كەڭەس بەرىپ توقتاۋ سالىپ، 8 ميلليون 945 مىڭ 400 ورتا، تومەن حاۋىپ دارەجەسىندەگى ادامدارعا تەلەفون، كەلتە حات ارقىلى اقىل - كەڭەس بەرىپ توقتاۋ سالىپ، 15 مىڭ 892 دەلونىڭ تۋىلۋىنان ءساتتى ساقتانىپ، 423 ميلليون يۋان زياننان ءونىمدى ساقتاندى. الدامكوستىككە ساياتىن 14 مىڭ 922 بانكە ەسەبى زاڭ بويىنشا مۇزداتىلدى، مۇزداتىلعان سوماسى 635 ميلليون يۋان بولدى، بۇكىل شينجياڭ بويىنشا تەلەگراف الدامكوستىگى دەلوسىندا الدانعان 59 ميلليون 387 مىڭ يۋان قارجىنى زاڭ بويىنشا قايتارىپ اكەلدى.
مۇنان سىرت بۇكىل شينجياڭنىڭ جەر - جەرىندەگى قوعام حاۋىپسىزدىگى ورگاندارى الدامكوستىككە قارسى تۇرۋ ۇگىتىن وتباسىلارىنا، الەۋمەتتىك اۋماقتارعا، قىستاق - اترەتتەرگە، مەكتەپتەرگە، ورىندارعا جەتكىزۋ قيمىلىن ۇزدىكسىز ورىستەتىپ، زاڭسىز ەلەمەنتتەردىڭ ءادىس - امالدارى مەن قۋلىق - سۇمدىعىن دەر كەزىندە جاريالاپ جانە اشكەرەلەپ، جالپى حالىق الدامكوستىككە قارسى تۇرىپ الدانۋدان ساقتاناتىن، تۇتاس قوعام بىرگە ساقتانىپ، بىرگە جونگە سالاتىن تاماشا اۋقىم قالىپتاستىرىپ، كوپ تۋىلاتىن دەلولاردىڭ تيپتىك دەلو مىسالدارىن دەر كەزىندە جاريالاپ، الدامكوستىكتىڭ ءتاسىلى مەن زيانىن ىشكەرىلەي اشكەرەلەپ، بۇقارانىڭ الدامكوستىكتەن ساقتانۋ تانىمى مەن قابىلەتىن كۇشەيتىپ، ۇدايىلانعان جازالاپ ساقتاندىرۋ، اشكەرەلەۋ ارقىلى سەس قالىپتاستىردى.
