شينحۋا اگەنتتىگىنىڭ 11 - ايدىڭ 23 - كۇنى كاتماندۋدان بەرگەن حابارى (ءتىلشى ي ايجۇن). «شي جينپيڭ ەل باسقارۋ جونىندە» 4 - تومىنىڭ اعىلشىن تىلىندەگى باسىلىمىن تانىستىرۋ ءماجىلىسى 11 - ايدىڭ 23 - كۇنى نەپالدىڭ استاناسى كاتماندۋدا وتكىزىلدى. نەپالدىڭ بۇرىنعى زۇڭليى جالا نات كانال تانىستىرۋ ماجىلىسىنە قاتىناستى.
كانال ارناۋ سوزىندە مىنالاردى ءبىلدىردى: مەن «شي جينپيڭ ەل باسقارۋ جونىندە» كىتابىنان ”ەرەكشە جاسامپاز جانە سىندارلى ءتاسىل ارقىلى جۇڭگودا سوتسياليزمدى قۇرۋدىڭ كورەگەندىگىن“ وقىپ اڭعاردىم. وقىرماندار «شي جينپيڭ ەل باسقارۋ جونىندە» كىتابىنان جۇڭگونىڭ قارىشتاپ دامۋدى جۇزەگە اسىرۋ جاۋابىن تابا الادى.
جۇڭگونىڭ نەپالدا تۇراتىن باس ەلشىسى چىن سۇڭ ارناۋ سوزىندە بىلاي دەدى: «شي جينپيڭ ەل باسقارۋ جونىندە» 4 - تومىنىڭ اعىلشىن تىلىندەگى باسىلىمىنىڭ نەپالدا تاراتىلۋى نەپال قوعامىنداعى ءار سالا قايراتكەرلەرىنىڭ جۇڭگو كوممۋنيستىك پارتياسىنىڭ نە ءۇشىن تابىسقا جەتكەندىگى جونىندەگى تانىمىن نىعايتۋىنا، جۇڭگو جولى، جۇڭگو باسقارۋى، جۇڭگو قاعيداسى جونىندەگى تۇسىنىگىن تەرەڭدەتۋىنە كومەكتەسەدى، جۇڭگو مەن نەپالدىڭ دامۋ مەن گۇلدەنۋگە بەت العان، ۇرپاقتار بويى دوس بولاتىن ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ دەڭگەيگە كوتەرىلۋىنە كۇش ۇستەيدى.
وسى رەتكى تانىستىرۋ ءماجىلىسىن شەتەل تىلدەرى باسپاسى مەن جۇڭگو حالىقارالىق كىتاپ ساۋدا توبى شەكتى سەرىكتەستىگى ۇيىمداستىردى.
