شينحۋا اگەنتتىگىنىڭ 11 - ايدىڭ 23 - كۇنى بەيجيڭنەن بەرگەن حابارى. 11 - ايدىڭ 21 - كۇنى مەملەكەت ءتوراعاسى شي جينپيڭ جاۆەير ميلەيگە تەلەگرمما جولداپ، ونىڭ ارگەنتينا رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن ارگەنتينا ەكەۋى دە وركەندەپ كەلە جاتقان ءىرى ەل جانە بازارى جاڭادان گۇلدەنگەن ماڭىزدى ەل. ەكى ەلدىڭ ءوزارا قۇرمەت ەتۋگە، تەڭ تۇرعىدا مامىلە جاساۋعا، ءوزارا پايدا جەتكىزىپ، تەڭ يگىلىككە كەنەلۋگە باستان - اياق تاباندى بولىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولداۋى، ءار سالاداعى ناقتى سەلبەستىگى ەكى ەل حالقىنا شىنايى پايدا جەتكىزدى. جۇڭگو − ارگەنتينا دوستىعى جۇرت جۇرەگىنە تەرەڭ ۇيالاپ، جۇڭگو − ارگەنتينا قارىم - قاتىناسىن ۇزدىكسىز ىلگەرىلەتۋ ەكى ەل قوعامىنداعى ءار سالانىڭ جالپى بەتتىك ورتاق تانىمىنا اينالدى. مەن جۇڭگو − ارگەنتينا قارىم - قاتىناسىنىڭ دامۋىنا وسكەلەڭ ءمان بەرەمىن، جاڭادان سايلانعان ميلەي زۇڭتۇڭمەن بىرگە جۇڭگو − ارگەنتينا دوستىعىن جالعاستىرىپ، سەلبەسىپ تەڭ يگىلىككە كەنەلۋ ارقىلى ءوز ەلدەرىمىزدىڭ دامۋىنا، گۇلدەنۋىنە دەم بەرىپ، جۇڭگو − ارگەنتينا قارىم - قاتىناسىنىڭ ورنىقتى قاداممەن الىسقا جەتۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
