شينحۋا اگەنتتىگىنىڭ 11 - ايدىڭ 23 - كۇنى بەيجيڭنەن بەرگەن حابارى. 11 - ايدىڭ 21 - كۇنى مەملەكەت ءتوراعاسى شي جينپيڭ جوزەۆ نيۋما بواكايعا تەلەگرامما جولداپ، ونىڭ ليبەريا رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: ءسىزدىڭ ىلگەرىلەتۋىڭىزدە ليبەريانىڭ ءار سالاسى ءبىر جۇڭگو پرينسيبىنە تاباندى بولۋ جونىندە ورتاق تانىم قالىپتاستىردى، جۇڭگو جاق مۇنى القايدى. ەكى ەل حالقى ەبولا، جاڭا تيپتى ايدارشا ۆيرۋس ىندەتىنە قول ۇستاسا قارسى اتتانىپ، ەكونوميكالىق، قوعامدىق دامۋ سالاسىندا ءونىمدى سەلبەستىك ورىستەتىپ، تەرەڭ دوستىق ورناتتى. مەن جۇڭگو − ليبەريا قارىم - قاتىناسىنىڭ دامۋىنا وسكەلەڭ ءمان بەرەمىن، سىزبەن بىرگە قۇلشىنىپ، ەكى ەلدىڭ دوستىعى مەن ءوزارا سەنىمدىلىگىن تەرەڭدەتىپ، ءوزارا پايدا جەتكىزەتىن سەلبەستىكتى كۇشەيتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
