شينحۋا اگەنتتىگىنىڭ 11 - ايدىڭ 23 - كۇنى بەيجيڭنەن بەرگەن حابارى. 11 - ايدىڭ 23 - كۇنى مەملەكەت ءتوراعاسى شي جينپيڭ 2 - كەزەكتى الەمدىك سيفرلى ساۋدا كورمەسىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: قازىر الەمدىك سيفرلى ساۋدا قارىشتاپ دامىپ، حالىقارالىق ساۋدانىڭ جاڭا جارقىن تۇيىنىنە اينالدى. تاياۋ جىلداردان بەرى جۇڭگو جوعارى ولشەمدى حالىقارالىق ەكونوميكا - ساۋدا ەرەجەسىمەن بەلسەنە ۇشتاسىپ، سيفرلى ساۋدانى باسقارۋ جۇيەسىن ورناتىپ جانە كەمەلدەندىرىپ، سيفرلى ساۋدا رەفورماسىنىڭ جاڭالىق اشا دامۋىن جەبەپ، جۇڭگونىڭ جاڭا دامۋى ارقىلى دۇنيە جۇزىنە ۇزدىكسىز جاڭا وراي ازىرلەدى. تاراپتاردىڭ الەمدىك سيفرلى ساۋدا كورمەسى تۇعىرىنان تولىق پايدالانىپ، سەلبەستىكتى بىرگە اقىلداسىپ، دامۋدى بىرگە جەبەپ، جەتىستىكتەردەن بىرگە يگىلىكتەنىپ، قول ۇستاسا وتىرىپ سيفرلى ساۋدانى بىرگە دامۋدىڭ جاڭا قوزعالتقىشىنا اينالدىرىپ، دۇنيە ءجۇزى ەكونوميكاسىنىڭ ارتۋىنا جاڭا قوزعاۋشى قۋات ۇستەۋىن ءۇمىت ەتەمىن.
2 - كەزەكتى الەمدىك سيفرلى ساۋدا كورمەسى سول كۇنى جىجياڭ ولكەسىنىڭ حاڭجوۋ قالاسىندا اشىلدى، نەگىزگى تاقىرىبى: ”سيفرلى ساۋدانى بۇكىل الەمگە جالپىلاستىرۋ“، جىجياڭ ولكەلىك حالىق ۇكىمەتى مەن ساۋدا ىستەرى مينيسترلىگى بىرگە ۇيىمداستىردى.
