انار بۇلت \ شينجياڭ گازەتىنىڭ ءتىلشىسى رىن چۇنشياڭ 11 - ايدىڭ 26 - كۇنى ۇرىمجىدەن حابارلايدى. 11 - ايدىڭ 20 - كۇنى شينجياڭ مەديتسينا داشۋەسىنە قاراستى 1 - شيپاحانا وزىنە تيەسىلى ”قاراقات ۇرىعىن وڭدەۋ ءادىسى“ تاپقىرلىق پاتەنتى جونىندە شينجياڭ جيالۇن بيو تەحنيكا اشۋ شەكتى سەرىكتەستىگىمەن پاتەنتتى اشىق ۇستاۋ رۇقسات توقتامىن جاساستى ءارى توقتامدى ەستەلىككە الدىردى. بۇل − رايونىمىزداعى تۇڭعىش پاتەنتتى اشىق ۇستاۋ رۇقسات توقتامىنىڭ ەستەلىككە الىنۋى، رايونىمىزدا تۇڭعىش پاتەنتتى اشىق ۇستاۋ رۇقساتىنىڭ تياناقتانىپ اتقارىلعاندىعىنىڭ بەلگىسى.
پاتەنتتى اشىق ۇستاۋ رۇقساتى پاتەنت ۇقىعىنا يە ادامنىڭ پاتەنت باسقارۋ تاراۋى ارقىلى ءارقانداي ورىننىڭ جانە جەكەنىڭ ءوزىنىڭ پاتەنتىن پايدالانۋىنا رۇقسات ەتۋگە پەيىل ەكەندىگى جونىندە اشىق مالىمدەمە جاريالاۋىن ءارى رۇقسات ەتكەن پايدالانۋ اقىسى، رۇقسات ەتكەن پايدالانۋ مەرزىمى سياقتى شارتتاردى ايقىنداپ، ”ءبىردىڭ كوپكە“ سىندى ادەتتەگى رۇقسات ەتۋدى ىقشام، قولايلى، جىلدام اتقارۋدى كورسەتەدى، ول قامداۋ - قاجەتسىنۋدىڭ ءتۇيىلىسۋىن جەبەۋگە، كەلىسسوز ونىمدىلىگىن جوعارىلاتۋعا، تۇزىمدىك ساۋدا وزىندىك قۇنىن تومەندەتۋگە ءتيىمدى.
پاتەنتتى اشىق ۇستاۋ رۇقساتى ءتۇزىمىنىڭ اتقارىلىپ قولدانىلۋىن بەلسەنە ىلگەرىلەتۋ، جوعارى مەكتەپ، زەرتتەۋ ورىندارى سياقتى جاڭالىق اشۋ تۇلعالارىنىڭ ءبىلىم مەنشىك ۇقىعىنىڭ كادەگە جاراتىلىپ پايدالانىلۋىن ىلگەرىلەتۋ ءۇشىن، اۆتونوميالى رايوندىق بازاردى باقىلاۋ - باسقارۋ مەكەمەسى (ءبىلىم مەنشىك ۇقىعى مەكەمەسى) پاتەنتتى اشىق ۇستاۋ رۇقساتى سىناق ءتۇيىنى قىزمەتىن اتقارۋ جوباسىن بەلگىلەدى. بيىل رايونىمىز ءبىلىم مەنشىك ۇقىعى الەۋمەتتىك قىزمەت وتەۋ تۇعىرىنىڭ ”پاتەنتتى اشىق ۇستاۋ رۇقساتىنا قاتىستى ينفورماتسيالاردى جاريالاۋ جانە ساۋدالىق قىزمەت وتەۋ مودەلى“ ارقىلى پاتەنتتى اشىق ۇستاۋ رۇقساتى نىسانىنان تۇڭعىش توپتا جەتەۋىن جاريالادى، بۇلار ەمدەۋ، ءدارى - دارمەك تەحنيكالىق سالاسىنا، مەتال جابدىقتار تەحنيكالىق سالاسىنا، يممۋنيتەتتىك تەكسەرۋ تەحنيكالىق سالاسىنا سايادى.
شينجياڭ مەديتسينا داشۋەسىنە قاراستى 1 - شيپاحانانىڭ ”قاراقات ۇرىعىن وڭدەۋ ءادىسى“ تاپقىرلىق پاتەنتىنىڭ كادەگە جاراتىلۋىنىڭ تياناقتانىپ اتقارىلۋى رايونىمىزدىڭ قاراقات جەمىس قوقىسى سىندى جاراقسىز بايلىقتان قايتا پايدالانۋ ماسەلەسىن شەشۋى جانە قاراقات ۇرىعىن تولىقتىرعىش نەمەسە شيكىزات ەتىپ، ونداعى ءونىمدى قۇرامدى ىشكەرىلەي الىپ، بيولوگيالىق ءدارى - دارمەك جاساۋ، ازىق - تۇلىك، بەزەنۋ بۇيىمدارى سياقتى سالالاردا ءونىم اشۋ قيمىلىن ورىستەتۋ جونىنەن ماڭىزدى ءمان الادى.
اۆتونوميالى رايوندىق بازاردى باقىلاۋ - باسقارۋ مەكەمەسى (ءبىلىم مەنشىك ۇقىعى مەكەمەسى) ءبىلىم مەنشىك ۇقىعىن جەبەۋ باسقارماسىنىڭ قاتىستى جاۋاپتىسى بىلاي دەپ تانىستىردى: پاتەنتتى اشىق ۇستاۋ رۇقساتىن اتقارۋ پاتەنت جەتىستىكتەرىنىڭ ”كادەگە جاراۋى قيىن بولۋدى“ جانە كاسىپورىنداردىڭ ”يە بولۋى قيىن بولۋدى“ ءونىمدى شەشىپ، قايتالانبالى راسمياتتاردى ازايتىپ، كۇردەلى كەلىسسوز بۋىندارىن قالدىرىپ، پاتەنت مال - مۇلكىن جانداندىرۋ ونىمدىلىگىن جوعارىلاتىپ، پاتەنتتى رۇقسات ەتۋ ساۋداسى حاۋىپ - قاتەرىن ازايتادى. پاتەنتتى اشىق ۇستاۋ رۇقساتى نىسانى جاريالانعاننان كەيىن مەكەمەمىز قاتىستى سالالارداعى كاسىپورىنداردى دالمە - ءدال، سايكەستى تۇيىلىستىرۋگە بەلسەنە جەتەكتەپ، كومەسكىدە رۇقسات ەتىلگەن تۇلعالارعا اشىق ۇستاۋ رۇقساتى پاتەنتتىك تەحنيكاسىن باعىتتاي جىبەردى، سونىمەن بىرگە ءبىلىم مەنشىك ۇقىعى كورمە - ءماجىلىسى، پاتەنتتىك تەحنيكا قامداۋ - قاجەتسىنۋدى ءتۇيىلىستىرۋ ءماجىلىسى سياقتى فورمالارمەن قامداۋشى - قاجەتسىنۋشى سىندى ەكى جاققا ءتۇيىلىستىرۋ تۇعىرىن ورناتىپ، ءتۇيىلىستىرۋ ارناسىن كەڭەيتتى.
پاتەنتتى اشىق ۇستاۋ رۇقساتى ءتۇزىمىنىڭ اتقارىلۋىن، قولدانىلۋىن ونان ارى ىلگەرىلەتۋ ءۇشىن، اۆتونوميالى رايوندىق بازاردى باقىلاۋ - باسقارۋ مەكەمەسى (ءبىلىم مەنشىك ۇقىعى مەكەمەسى) پاتەنت بايلىعىن تەرەڭ اشىپ، كاسىپورىنداردى، ءىسورىنداردى، عىلمي زەرتتەۋ قۇرىلىمدارىن بازارلانۋ بولاشاعى بار پاتەنتتىك تەحنيكالاردى تاڭداۋعا جانە اشىق ۇستاۋ رۇقساتى سىناق ءتۇيىنى قىزمەتىنە بەلسەنە ات سالىسۋعا ىنتالاندىرىپ جانە جەتەكتەپ، ورتا، شاعىن كاسىپورىنداردىڭ تەحنيكالىق قامدالۋىن مولايتىپ، جەتىستىكتەردىڭ كادەگە جاراتىلۋ ارناسىن كەڭەيتىپ، عىلىم - تەحنيكا جەتىستىكتەرىن كادەگە جاراتۋ ونىمدىلىگىن جوعارىلاتىپ، اناعۇرلىم كوپ جاڭالىق اشۋ جەتىستىكتەرىنىڭ ورتا، شاعىن، ۇساق كاسىپورىنداردى يگىلىككە كەنەلتۋىنە مۇمكىندىك جاسايدى.
