شينجياڭنىڭ جوعارى ساپالى دامۋىنا عىلىم - تەحنيكامەن تىرەك بولۋ جونىندەگى اكادەميكتەر، ماماندار تالقى مىنبەرى وتكىزىلدى
شينجياڭ زەردەلى جابدىق زەرتتەۋ ورنىنىڭ ماڭدايشالىعى اشىلدى
انار بۇلت \ شينجياڭ گازەتىنىڭ ءتىلشىسى لي ياڭ 11 - ايدىڭ 26 - كۇنى ۇرىمجىدەن حابارلايدى. 11 - ايدىڭ 26 - كۇنى تۇستەن بۇرىن شينجياڭنىڭ جوعارى ساپالى دامۋىنا عىلىم - تەحنيكامەن تىرەك بولۋى جونىندەگى اكادەميكتەر، ماماندار تالقى مىنبەرى جانە شينجياڭ زەردەلى جابدىق زەرتتەۋ ورنىنىڭ كەلىسىم جاساسۋ، ماڭدايشالىق اشۋ سالتى وتكىزىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز جۇڭگو ينجەنەريا اكادەمياسىنىڭ اكادەميگى جين جىشينمەن بىرگە شينجياڭ زەردەلى جابدىق زەرتتەۋ ورنىنىڭ ماڭدايشالىعىن اشتى.
شينجياڭ زەردەلى جابدىق زەرتتەۋ ورنىن تاييۋان جاراتىلىستىق عىلىمدار داشۋەسى، اۆتونوميالى رايوندىق حالىق ۇكىمەتى، اقسۋ ايماقتىق اكىمشىلىك مەكەمەسى سەلبەسىپ بىرگە قۇردى، اقسۋ ارال جوعارى، جاڭا تەحنيكا كاسىپ سالاسىن اشۋ رايونىنا ورنالاستىرىلدى. باستىسى، اۆياتسيالىق ۇشۋ اسپابى، ماتەريال پىشىندەۋ جانە جابدىق، كەن قازۋ زەردەلى جابدىعى، سونداي - اق سيفرلى ەكولوگيالىق ەنەرگيا سياقتى ءتۇيىندى بەتالىستاردى ارقاۋ ەتە وتىرىپ جوعارى دەڭگەيدەگى زەردەلى جابدىق عىلىم - تەحنيكاسىن زەرتتەۋ - اشۋ، جەتىستىكتەردى كادەگە جاراتۋ، تەحنيكالىق قىزمەت وتەۋ، دارىندىلاردى باۋلۋ، ەل ءىشى - سىرتىمەن سەلبەستىك، اۋىس - كۇيىس جاساسۋ سياقتىلارمەن شۇعىلدانادى. شينجياڭ ەنەرگيا (توبى) شەكتى سەرىكتەستىگى جانە شينجياڭ داشۋەسى سياقتى كاسىپورىندار، جوعارى مەكتەپتەر دە زەرتتەۋ ورنى قۇرىلىسىنا ات سالىستى.
جۇڭگو ينجەنەريا اكادەمياسىنىڭ اكادەميكتەرى يۋە گۋاڭشي، سۇن لۇڭدى، ۋاڭ شۋاڭميڭ، دىڭ زۇڭچۋان، ۋ گۋاڭحۇي، حۋاڭ چيڭشۋە، لين ميڭ، جوۋ گاڭ، ما يۇيشان، حى شياۋدۇڭ، كانادا پاتشالىق عىلىم اكادەمياسىنىڭ اكادەميگى، كانادا ينجەنەريا اكادەمياسىنىڭ اكادەميگى چىن جۇڭۋي جانە جۇڭگو گەولوگيا عىلىمدار اكادەمياسى كەن بايلىعىن زەرتتەۋ ورنىنىڭ، جۇڭگو ساۋدالىق ۇشاق شەكتى جاۋاپكەرشىلىك سەرىكتەستىگىنىڭ قاتىستى ماماندارى، وقىمىستىلارى، تاييۋان اۋىر تۇرپاتتى ماشينا توبى شەكتى سەرىكتەستىگىنىڭ جاۋاپتىلارى قاتارلى رايونىمىز سىرتىنداعى كاسىپورىنداردىڭ ۋاكىلدەرى شينجياڭنىڭ جوعارى ساپالى دامۋىنا عىلىم - تەحنيكا ارقىلى تىرەك بولۋدى توڭىرەكتەي وتىرىپ اڭگىمە وتكىزدى.
ەركىن تۇنياز مىنالاردى ءبىلدىردى: شينجياڭنىڭ جوعارى ساپالى دامۋدى جۇزەگە اسىرۋىندا عىلىم - تەحنيكادا جاڭالىق اشۋ، ءسوزسىز، باسىپ وتۋگە ءتيىستى جول. شينجياڭ زەردەلى جابدىق زەرتتەۋ ورنىنىڭ قۇرىلۋى بىزگە عىلىم - تەحنيكادا جاڭالىق اشۋ، عىلمي زەرتتەۋدەن قامال الۋ، ءىلمي اۋىس - كۇيىس، جەتىستىكتەردى كادەگە جاراتۋ، كاسىپ سالاسى تىزبەگىن ۇزارتۋ سياقتى يقۋاتتار شوعىرلى ءبىر تۇلعالانعان جوعارى دەڭگەيلى تۇعىردى تۇلعالايدى. زەرتتەۋ ورنىنىڭ تەحنيكا زەرتتەۋ، جەتىستىكتەردى كادەگە جاراتۋ، دارىندىلار سەلبەستىگى سياقتى جاقتارداعى ماڭىزدى رولىن ساۋلەلەندىرىپ، رايونىمىز ءىشى - سىرتىنداعى جاڭالىق اشۋ بايلىقتارىن بىرىكتىرىپ، اۆياتسيالىق ۇشۋ اسپابى، كەن قازۋ زەردەلى جابدىعى، ماتەريال پىشىندەۋ سياقتى ءتۇيىندى سالالاردى ارقاۋ ەتىپ، ءبىر توپ شەشۋشى، جالپىلىق تەحنيكالىق قيىن ماسەلەلەردەن شوعىرلى قامال الىپ، كاسىپ سالاسىنىڭ دامۋىنا دەم بەرەتىن ءبىر توپ وزەكتى تەحنيكالاردى قالىپتاستىرىپ، ءبىر توپ كەلەلى كاسىپ سالاسىن زەرتتەۋ - اشۋ نىساندارىن ىلگەرىلەتىپ، شينجياڭ ەرەكشەلىگىنە جانە باسىمدىعىنا يە وسىزاماندانعان كاسىپ سالاسى جۇيەسىن ورناتۋعا پارمەندى تىرەك ازىرلەۋىن ءۇمىت ەتەمىن. ءبىز بۇل جولعى كەلىسىم جاساسۋدى، ماڭدايشالىق اشۋدى وراي ەتىپ، مەكتەپ - جەرگىلىكتى ورىن سەلبەستىگىن ۇزدىكسىز تەرەڭدەتىپ، بىرگە قۇرۋ مازمۇنىن جاپپاي تياناقتاندىرىپ، نەگىزدىك قۇرىلعىلار، نىسان قارجىسى، دارىندى باۋلۋ، ساياساتتىق سايكەستىرۋ سياقتى جاقتاردان زەرتتەۋ ورنىنىڭ دامىپ زورايۋىنا بار كۇشپەن قولداۋ كورسەتىپ، شينجياڭنىڭ بايلىق، كاسىپ سالاسى باسىمدىعىنىڭ تاييۋان جاراتىلىستىق عىلىمدار داشۋەسىنىڭ تۇعىر قۇرىلىسى، عىلمي زەرتتەۋ سياقتى باسىمدىقتارىمەن ءونىمدى ءتۇيىلىسۋىن بەلسەنە ىلگەرىلەتىپ، تەحنيكا جەتىستىگىنىڭ رەال وندىرگىش كۇشكە اناعۇرلىم تەز اينالۋىن ىلگەرىلەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرەمىز.
قيمىل وتكىزىلگەن ورىندا شينجياڭ زەردەلى جابدىق زەرتتەۋ ورنى قاتىستى كاسىپورىندارمەن، جوعارى مەكتەپتەرمەن ستراتەگيالىق سەلبەستىك كەلىسىمىنە قول قويدى.
چىن ۋيجۇن باسقاردى، قايسار ابدۇكەرىم قاتىناستى.
