□ انار بۇلت \ شينجياڭ گازەتىنىڭ ءتىلشىسى ليۋ ي
بيىل شينجياڭدا ماقتادان تاعى دا مول ءونىم الىندى.
تاياۋدا شينجياڭ بيىلعى ماقتا جيناۋ جۇمىسىن ءساتتى ورىندادى، ماقتانىڭ جالپى ءونىم مولشەرى مەجەمەن 5 ميلليون توننادان اسىپ، ءوندىرىس نىسانا - مىندەتىن ۋاعىندا ورىندادى.
شينجياڭنىڭ ماقتا جالپى ءونىمى، بىرلىك ءونىمى، ەگىلگەن جەر كولەمى، تاۋار شىعارۋ مولشەرى ءۇرتىس 28 جىل مەملەكەت بويىنشا ءبىرىنشى ورىندى يەلەدى. 2022 - جىلى شينجياڭنىڭ ماقتا جالپى ءونىم مولشەرى بۇكىل ەلدىكىنىڭ ％90تەن استامىن، دۇنيە ءجۇزىنىڭ بەستەن ءبىرىن يەلەدى.
دۇنيە ءجۇزىنىڭ ماقتاسىنا نازار سالعاندا جۇڭگوعا، جۇڭگونىڭ ماقتاسىنا نازار سالعاندا شينجياڭعا قاراۋ كەرەك. بۇل جىگەر - قايرات بۇكىل ەلدەگى ەڭ ۇلكەن ساپالى تاۋار ماقتا ءوندىرىس بازاسىنىڭ كۇشتى ءوندىرىس قۋاتىنان عانا ەمەس، ودان دا ماڭىزدىسى، دۇنيە جۇزىندەگى ماڭداي الدى ماقتا ءوندىرىس تەحنيكاسى مەن ۇزدىكسىز جاڭالانىپ، دەڭگەيى جوعارىلاپ وتىرعان كاسىپ سالاسىن دامىتۋ جۇيەسىنەن كەلىپ وتىر.
جۋىق جىلداردان بەرى شينجياڭ ماقتانىڭ قامداۋ جاعىنداعى قۇرىلىمدىق رەفورماسىن ىشكەرىلەي اتقارۋ ارقىلى باسقارۋ دەڭگەيىن جوعارىلاتۋ، ءوندىرىس قۇرىلىمىن ساپالىلاندىرۋ، تەحنيكانى جالپىلاستىرۋدى جەدەلدەتۋ سياقتى كوپ جاقتان كۇش سالىپ، ماقتا ءوندىرىسىنىڭ باسىمدىعىن ۇزدىكسىز بەكەمدەدى.
ەگىلگەن جەر اۋدانى ازايىپ، ساپاسى، ءونىم مولشەرى جوعارىلادى
شينجياڭدا ماقتا كاسىبىنىڭ جوعارى ساپالى دامۋ اياق الىسى ماقتا ءوندىرىسىنىڭ ”قوسۋ، ازايتۋ امالى“ بارىسىندا ۇزدىكسىز ىلگەرىلەدى.
”ەگىلگەن جەر اۋدانى ءسال ازايعانىمەن، جالپى ءونىم مولشەرى ورنىقتىلىقتى ساقتاپ، ساپاسى ۇزدىكسىز جوعارىلاپ، ءوندىرىستىڭ شوعىرلانۋ دەڭگەيى ۇزدىكسىز جوعارىلادى“. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى ەگىمشىلىك جانە اۋىل شارۋاشىلىق دارىلەرىن باسقارۋ باسقارماسىنىڭ باستىعى تاڭ ي - ۋ بىلاي دەپ تانىستىردى: بيىل شينجياڭ ماقتا ەگىمشىلىگىنىڭ وڭىرلىك ورنالاسىمىن اناعۇرلىم ساپالىلاندىرىپ، جەر - جەردى تومەن ساپالى، تومەن ءونىمدى ماقتا اتىزىنان كەشۋگە جەتەكتەدى، ماقتا ءوندىرىسى ەگىمشىلىك كولەمى 200 مىڭ مۋدان اساتىن 25 نەگىزگى ءوندىرىس اۋدانىنا ىلگەرىلەي شوعىرلانىپ، بيڭتۋاننىڭ ماقتا ەگەتىن تۋان - الاڭدارى 103تەن 78گە ازايدى. اۋىل شارۋاشىلىعى، اۋىل - قىستاق تاراۋلارى ماشينامەن ماقتا جيناۋدى ولشەمدەندىرۋ، ەگۋ - باپتاۋ تەحنيكا ەرەجەسىن جاساپ، وڭتۇستىك شينجياڭدا ماشينامەن ماقتا جيناۋدى جالپىلاستىرۋ تەبىنىن ارتتىرىپ، ماقتا ءوندىرىسىنىڭ ۇساق شارۋالاردىڭ بىتىراندى تيجاراتىنان شوعىرلى تيجاراتقا بۇرىلىس جاساۋى جاعىندا ۇلگى كورسەتىپ، جەتەكشىلىك ەتىپ، ماقتا ءوندىرىسىنىڭ ماشينالانۋ، كولەمدەنۋ، ولشەمدەنۋ بەتالىسىنا قاراي تيىپ وزگەرتۋىن ىلگەرىلەتتى.
جەردى كولەمدەندىرىپ تيجارات ەتۋ ءبىرشاما جاي باستالعان وڭتۇستىك شينجياڭ وڭىرىندە بۇل رەتتەۋدىڭ الا كەلگەن وزگەرىسى ءتىپتى دە كورنەكتى بولدى. جۋىق جىلداردان بەرى شايار اۋدانى ”شارۋا وتباسى + سەلبەستىك كووپەراتيۆى“، ”شارۋا وتباسى + وتباسىلىق ەگىس الاڭى“ سياقتى ۇلگىلەر ارقىلى بۇرىنعى وتباسىلارىنا ءتان ءداستۇرلى ەگىمشىلىك ءادىسىن تالقانداپ، ماقتا ءوندىرىسىنىڭ بەت - بەينەسىن وزگەرتتى. وسى اۋداننىڭ تارىم اۋىلى ءدوڭقوتان قىستاعىنىڭ تۇرعىنى وسمان ميجيت ۇيىندەگى 8 مۋ جەرىن قىستاقتىڭ سەلبەستىك كووپەراتيۆىنە اينالىمعا سالىپ، ءوزى سەلبەستىك كووپەراتيۆىنىڭ باسقارۋىنداعى جەردەن ەڭبەكاقى الدى، ايەلى ۇيىندە باعىمشىلىق كاسىبىن دامىتىپ، كىرىس قاينارىن كەڭەيتىپ، ”قام جەۋ ازايىپ، ەڭبەك كۇشەمەلىلىگى تومەندەپ، كىرىسى كەرىسىنشە ارتتى“.
”كولەمدى ماقتا اتىزى قۇرىلسا، ماشينالاسسا، ونىمدىلىگى جوعارى بولادى“. وسمان بىلاي دەدى: سەلبەستىك كووپەراتيۆى جەردى اينالىمعا سالۋ ارقىلى ءار وتباسىنىڭ بىتىراندى ماقتا اتىزدارىن ءبىر جەرگە شوعىرلاندىرىپ، ءار وتباسىنىڭ الاقانداي جەرىن ۇلكەن سالالى اتىز ەتىپ بىرىكتىرىپ، ماشينالاسقان ءوندىرىس ۇلگىسىن جالپىلاستىردى، ماقتا جيناۋ ۋاقىتى بۇرىنعىدان ون نەشە كۇن قىسقارىپ، قىرۋار ادام كۇشى ۇنەمدەلدى.
بۇكىل شينجياڭعا نازار سالساق، قۇنتتاپ ەگۋ، ۇشقىش اپپاراتپەن وسىمدىك قورعاۋ، ماشينالاسقان جيناۋ... وسىزاماندانعان ءوندىرىس ءتاسىلى مەن ۇيىمدىق فورماسى ماقتا وندىرىسىنە جاپپاي قولدانىلىپ، وسى زامانعى اۋىل شارۋاشىلىعىنا ءتان ەرەكشە ”گەومەتريالىق ەستەتيكا“ شينجياڭنىڭ ماقتا اتىزىندا ارت - ارتىنان جارىققا شىقتى.
بيىل شينجياڭداعى 25 نەگىزگى ءوندىرىس اۋداننىڭ ماقتا ءونىم مولشەرى بۇكىل رايونىمىز ماقتا جالپى ءونىم مولشەرىنىڭ ％90تەن استامىن يەلەپ، ماقتا ءوندىرىسى باسىمدىعى كورنەكتىلەنىپ، ساپاسى ورنىقتى جوعارىلادى. سونىمەن بىرگە ءارقايسى نەگىزگى ءوندىرىس وڭىرلەرى وزىق ماشينا جابدىقتارىن بەلسەنە ەنگىزىپ، ماقتا ەگۋدىڭ، باسقارۋدىڭ، جيناۋدىڭ ماشينالانۋ دەڭگەيىن جوعارىلاتىپ، ماقتاشىلاردىڭ ماشينالاسقان ءوندىرىس تالابى بويىنشا جۇيەلىلەنگەن جۇمىس قابىلەتىن جوعارىلاتۋىنا جەتەكشىلىك ەتىپ، ماقتا ساپاسىن باسقارۋ - مەڭگەرۋ تەبىنىن ارتتىرىپ، ءوندىرىستىڭ ساپاسىن جوعارىلاتىپ، ونىمدىلىگىن ارتتىرۋعا بەرىك نەگىز قالادى.
اسىرەسە، ماقتا جيىن - تەرىن مەزگىلىنە وتكەننەن كەيىن، بۇكىل رايون 7000عا جۋىق ماقتا جيناۋ ماشيناسىن ىسكە قوسىپ ماشينالاسقان جيناۋ قىزمەتىن ورىستەتتى، ماقتانىڭ ماشينامەن جينالۋ مولشەرى 2014 - جىلعى ％35تەن قازىرگى ％85تەن استامعا جوعارىلادى. ەسەپتەۋگە قاراعاندا، قازىر شينجياڭدا ماشينامەن ماقتا جيناۋدىڭ ادام باسىنا تۋرا كەلەتىن باسقارۋ كولەمى 200 مۋدان اسىپ، باسقارۋ ونىمدىلىگى ادەتتەگى ماقتانىڭ 3 − 5 ەسەسىندەي بولعان. شينجياڭنىڭ ماقتا وندىرىسىندە ەگىلگەن جەر اۋدانى ازايعان، وڭىرلەر اناعۇرلىم شوعىرلانعان، تۇتاس بارىس ماشينالاسقان، زەردەلىلەنگەن جانە اۋىل شارۋاشىلىعى ماشينالارىنىڭ وتاندىق ءوندىرىس اياق الىسى تەزدەگەن، ساپاسى مەن ءونىم مولشەرى ورنىقتى جوعارىلاعان تاماشا جاعداي جارىققا شىقتى.
تۇقىم جەتىلدىرۋ پەريودى قىسقارىپ، ءوندىرىس ساپاسى جوعارىلاپ، ونىمدىلىگى ارتتى
تۇقىم وسى زامانعى اۋىل شارۋاشىلىعىنىڭ ”چيپى“، سونداي - اق شينجياڭ ماقتا كاسىپ سالاسىنىڭ جوعارى ساپالى دامۋدى جۇزەگە اسىرۋىنىڭ ىرگە تاسى.
بيىل شينجياڭ ءوندىرىس - قۇرىلىس بيڭتۋانى 1 - شى 16 - تۋان 8 - ليانىنىڭ جۇمىسشى - قىزمەتكەرى گو يۇيحۇڭ ماقتانىڭ جاڭا سورتى يۋانميان 8 - ءنومىرلىنى ەكتى، بۇل شينجياڭ اۋىل شارۋاشىلىق عىلىم اكادەمياسىنىڭ ماقتا مامانى لي شۋەيۋان جانە ونىڭ ۇجىمىنداعىلاردىڭ بىلتىر جەتىلدىرگەن قامال الۋ سيپاتتى جاڭا سورتى. جوعارى ءونىمدى ساۋدالىق تۇقىم جەتىلدىرۋ جۇيەسىنە سۇيەنگەن گو يۇيحۇڭ بيىل جاڭا سورتتى پايدالاندى.
”بىرلىك ءونىمى 20 كيلوگرام اينالاسىندا جوعارىلادى، ساپاسى دا وتە جاقسى بولدى“. گو يۇيحۇڭ بىلاي دەدى: جاڭا سورت ەرتە پىسۋ، جوعارى ءونىم بەرۋ، زياندى جاندىكتەرگە ءتوزىمدى بولۋ، ساپالى، ماشينامەن جيناۋعا ۇيلەسىمدى بولۋ سياقتى قاسيەتتەردى شوعىرلى ءبىر تۇلعالاندىرىپ، سۋ مەن تىڭايتقىشتى دالمە - ءدال، عىلمي باسقارۋ سايكەستىرىلىپ، جوعارى ءونىم بەرۋمەن بىرگە، ساپاسى دا وتە جاقسى بولدى. ماقتانىڭ ساپاسى جاقسى بولعاندىقتان، ونىڭ تاعى ماقتا ساپاسى قوسىمشا قاراجاتىن ءساتتى الىپ، ءار مۋ جەردەن تاعى 400 يۋانعا جۋىق كىرىس ارتتىرۋىنا بولادى.
شينجياڭنىڭ ماقتا ەگىمشىلىك ءوڭىرى كەڭ، ورتاسى كۇردەلى دە الۋان ءتۇرلى بولىپ، شينجياڭنىڭ كليمات بايلىعى ەرەكشەلىگىنە باپ كەلەتىن ساپالى ماقتا سورتىن جەتىلدىرۋگە ۇيلەسەدى، بۇل كاسىپ سالاسىنىڭ اقاۋسىز دامۋى جونىنەن توتەنشە ماڭىزدى.
بيىل شينجياڭ ماقتا سورتىندا جاڭالىق اشۋدى ۇزدىكسىز ىلگەرىلەتىپ، عىلمي زەرتتەۋ ورىندارى تۇقىم كاسىپورىندارىمەن تىعىز سەلبەستىك جاساپ، بىرلەسىپ تۇقىم جەتىلدىرۋدەن قامال الۋدى بەلسەنە ورىستەتىپ، سايكەستى، جوعارى ءونىمدى بولعان ”جەتىلدىرۋ، كوبەيتۋ، جالپىلاستىرۋ“ ءبىر تۇلعالانعان تۇقىم جەتىلدىرۋ جۇيەسىن قۇردى. مەملەكەتتىك ماقتا بيولوگيالىق تۇقىم جەتىلدىرۋ كاسىپ سالاسى عىلىم - تەحنيكاسىندا جاڭالىق اشۋ وداعى ۇرىمجىدە ماڭدايشالىق اشىپ، بۇكىل ەل كولەمىندە تۇقىم جەتىلدىرۋدەگى جاڭالىق اشۋ بايلىقتارىن بىرىكتىرىپ، دالمە - ءدال تۇقىم جەتىلدىرۋدى ورىستەتىپ، زەرتتەۋ - اشۋ پەريودىن قىسقارتتى.
بۇكىل ەلدىڭ ماقتا تۇقىمىن جەتىلدىرۋ بايلىعى شينجياڭعا شوعىرلانىپ، شينجياڭنىڭ ماقتا تۇقىمىن جەتىلدىرۋدە جاڭالىق اشۋ قابىلەتىن كورنەكتى جوعارىلاتتى. قازىر شينجياڭدا ماقتانىڭ نەگىزگى ەگىلەتىن سورتى جەرگىلىكتى ورىننىڭ ءوزى جەتىلدىرگەن سورتىن جەتەكشى ەتىپ، ％90تەن استامىن يەلەدى. شينجياڭ بۇكىل ەلدەگى ەڭ ۇلكەن ساپالى ماقتا تۇقىمىن جەتىلدىرۋ بازاسىنا اينالىپ، ماقتا تۇقىمىن مانەرلەۋ دەڭگەيى حالىقارالىق وزىق دەڭگەيگە جەتتى.
”جاقسى سورت جاقسى باپتاپ ەگۋ تەحنيكاسىنان ايرىلا المايدى“. تاڭ ي - ۋ بىلاي دەپ تانىستىردى: وزىق قولدانىلمالى تەحنيكانى ءوندىرىستىڭ ءبىرىنشى شەبىنە اناعۇرلىم تەز جەتكىزۋ ءۇشىن، بيىل اۆتونوميالى رايوندىق اۋىل شارۋاشىلىعى، اۋىل - قىستاق تاراۋلارى 25 تەحنيكالىق قىزمەت وتەۋ گرۋپپاسىن قۇرىپ، ماقتا وندىرەتىن 25 نەگىزگى اۋدانعا ىشكەرىلەي بارىپ، تۇيىندە تۇرىپ اۋماقتى كوتەرمەگە الا وتىرىپ ماقتا اتىزىن باسقارۋ تەحنيكاسىنان قىزمەت وتەۋدى بەتپە - بەت ورىستەتىپ، ىلگەرىندى - كەيىندى بولىپ كوپتەگەن تەحنيكالىق ىلگەرىلەتۋ جۇمىس باسى ءماجىلىسىن ۇيىمداستىرىپ اشىپ، ماقتا اتىزىن باسقارۋ تەحنيكا - شارالارىنىڭ ناقتاپ تياناقتانۋىنا، ماقتا ءونىم مولشەرىنىڭ، ساپاسىنىڭ بىردەي جوعارىلاۋىنا شىنايى كەپىلدىك ەتتى.
قازىر ەرتە پىسىرۋ، تىعىز ەگۋ، الاسا، جارعاق جاۋىپ ەگۋ، جوعارى ءونىمدى سۋ ۇنەمدەۋ، قۇنتتاپ تۇقىم سەبۋ، سۋ - تىڭايتقىشتى دالمە - ءدال مەڭگەرۋ سياقتى وزىق ماقتا ەگۋ تەحنيكاسىنىڭ ءساتتى جالپىلاستىرىلۋى ماقتانىڭ شينجياڭنىڭ قۋاڭ، ءشول وڭىرلەرىندە كورنەكتى مول ءونىم بەرۋ سيپاتىن جانە جوعارى ساپالى بولۋ قاسيەتىن ازىرلەۋىنە وراي تۋدىرىپ، كورنەكتى ءوندىرىس تەحنيكاسى باسىمدىعىن قالىپتاستىردى. شينجياڭنىڭ ماقتا بىرلىك ءونىمى امەريكا، ءۇندىستان سياقتى ماقتا وندىرەتىن ءىرى ەلدەردەن جوعارى بولىپ، ماقتانىڭ ورتاشا ۇزىندىعى 29 ميلليمەترگە جەتىپ، حالىقارامەن باسەكەلەسە الاتىن دۇنيە جۇزىندەگى ساپالى ماقتا ءوندىرۋ قۋاتىن قالىپتاستىرىپ، توقىماشىلىق كاسىبىنىڭ جوعارى ساپالى ماقتا جاعىنداعى جاڭا سۇرانىسىن ونان ارى قاناعاتتاندىردى.
مانەرلەۋ وزىندىك قۇنى تومەندەپ، كاسىپ سالاسىنىڭ ومىرشەڭدىك كۇشى ارتتى
شينجياڭدا جوعارى ساپالى ماقتا كەم ەمەس، الايدا تومەنگى بۋىنداعى توقىماشىلىق كاسىپورىندارىنىڭ سۇرانىسى جوعارى بۋىنداعى ءوندىرۋ، مانەرلەۋ بۋىندارىنا ويداعىداي جەتكىزىلمەگەندىكتەن، ماقتا ساپاسىنىڭ بىركەلكى بولۋىندا ولقىلىقتار ورىن تەۋىپ، كاسىپ سالاسىنىڭ دامۋىن شەكتەدى.
”ماقتا ۇزىندىعىنىڭ بىركەلكى بولۋى ءجىپ ءيىرۋ كاسىپورىندارىنىڭ وزىندىك قۇندى مەڭگەرۋىندەگى تەتىك“. شينجياڭ يۇيحۋا توقىماشىلىق عىلىم - تەحنيكا شەكتى سەرىكتەستىگىنىڭ باس ينجەنەرى جاۋ شيۋمەي بىلاي دەدى: ساپاسى بىركەلكى جاقسى ماقتادان پايدالانعاندا، ءار توننا ماقتا جىپتەن شامامەن 300 كيلوگرام ماقتا شيكىزاتىن ۇنەمدەپ قالۋعا بولادى.
”دالمە - ءدال ءوندىرۋ، مانەرلەۋ ساپانىڭ بىركەلكى بولۋىن جوعارىلاتادى“. سانجى مەملەكەتتىك اۋىل شارۋاشىلىعى جوعارى، جاڭا تەحنيكا كاسىپ سالاسىنان ۇلگى كورسەتۋ رايونىنداعى ماقتاشى فۋ ۋيدۇڭ بىلاي دەدى: بيىل مانەرلەۋ كاسىپورىندارىمەن ەگىمشىلىك توقتامىن جاساستىم، ”ءبىر زاۆودتا ءبىر ءونىم“ ۇلگىسىن قولدانا وتىرىپ ماقتا ەگەمىن، مانەرلەيمىن، ساپا تالابىنا جەتكەن ماقتانى كاسىپورىندار باعا قوسىپ ساتىپ الادى، ءار مۋ جەردەن كىرەتىن كىرىس 150 يۋان ارتادى.
”ءبىر زاۆودتا ءبىر ءونىم“ دەگەنىمىز ءشيت ايىرۋ زاۆودىن وزەك ەتىپ، توڭىرەگىندەگى 30 مىڭ دا 50 مىڭ مۋ ەگىمشىلىك اۋماعىن قامتىپ، ماقتادا جەكە سورت، جەكە ەگۋ، جەكە جيناۋ، جەكە ايىرۋدى جۇزەگە اسىرىپ، دالمە - ءدال تاپسىرىسپەن مانەرلەۋ ارقىلى تۇرلىشە سورتتاعى ماقتادان ارالاستىرىپ ءشيت ايىرۋدان ساقتانىپ، ماقتا ساپاسىنىڭ بىركەلكىلىگى جەتەرسىز بولۋ ماسەلەسىن شەشۋ.
”’ءبىر زاۆودتا ءبىر سورت‘ بويىنشا مانەرلەنگەن تازا ماقتانىڭ كەسىكتى بۇيىم ۇستەمەسى ادەتتەگى ماقتادان ءبىر ەسەگە جۋىق جوعارى بولادى“. شينجياڭ فىڭحۇي ماقتا شارۋاشىلىعى شەكتى سەرىكتەستىگىنىڭ باس ديرەكتورى لۇي ديانحۋ بىلاي دەدى: دالمە - ءدال ءتۇيىلىستىرىپ مانەرلەۋ ەگىمشىلىك وتباسىلارى، مانەرلەۋ كاسىپورىندارى، تومەنگى بۋىنداعى توقىماشىلىق كاسىپورىندارى سياقتى كوپ جاقتىڭ پايداعا كەنەلۋىن جۇزەگە اسىردى.
قازىر ”ءبىر زاوۆدتا ءبىر ءونىم“ ۇلگىسى سانجى حۇيزۋ اۆتونوميالى وبلىسى، بايىنعولين موڭعۇل اۆتونوميالى وبلىسى، اقسۋ ايماعى سياقتى جەرلەردە جالپىلاستى. جەر - جەر جوعارى ساپالى ماقتا ءوندىرۋ بازاسىنان جيىنى 50 نەشەسىن قۇرىپ، اۋدانى 3 ميلليون مۋدان اسىپ، شينجياڭ ماقتاسىنىڭ ”ساننان ساپاعا قاراي“ تيبىن جاڭالاپ، دارەجەسىن جوعارىلاتۋىن ىلگەرىلەتتى.
ساپالى شيكىزات − كاسىپ سالاسى دامۋىنىڭ ىرگە تاسى، وسىنى نەگىز ەتە وتىرىپ، شينجياڭ توقىماشىلىق، كيىم - كەشەك كاسىپ سالاسىنا دا جالپى جاعدايلىق جوبا جاساپ، كاسىپ سالاسىنىڭ دامۋ ارىنى كۇشتى بولدى.
” شينجياڭ توقىماشىلىق شيكىزاتتا ماقتانىڭ، قويمالجىڭ جەلىم تالشىعىنىڭ جانە پوليەستەر تالشىعىنىڭ ءۇش بىردەي تىرەك بولۋىن جۇزەگە اسىرىپ، شينجياڭنىڭ ماقتا جانە مۇناي سىندى ەكى ءىرى بايلىعىنىڭ سايكەسە دامۋىنا نەگىز قالادى ءارى شينجياڭنىڭ توقىماشىلىق، كيىم - كەشەك كاسىپ سالاسىنىڭ شوعىرلى، بيىك قۇرىلىسىن جانە ەكسپورتتىق وڭدەۋ بازاسى قۇرىلىسىن جەدەلدەتۋىنە شارت - جاعداي جاراتتى“، - دەدى اۆتونوميالى رايوندىق حالىق ۇكىمەتىنىڭ ورىنباسار باس حاتشىسى لياڭ يۇڭ.
قازىر شينجياڭنىڭ تازا ماقتا ءجىپ ءونىم مولشەرى بۇكىل ەلدىڭ ۇشتەن ءبىرىن يەلەپ، پوليەستەر تالشىعىن جاساۋدا تاريحي سەرپىلىستى جۇزەگە اسىردى. ساپالى شيكىزات توقىماشىلىق، كيىم - كەشەك كاسىپ سالاسىنىڭ تۇراقتى مال - مۇلىككە قارجى قوسۋدى تەز ارتتىرۋعا باۋرادى. ساندى مالىمەتتە كورسەتىلۋىنشە، 2014 - جىلدان 2022 - جىلعا دەيىن شينجياڭنىڭ توقىماشىلىق، كيىم - كەشەك كاسىپ سالاسىنىڭ تۇراقتى مال - مۇلكىنە قوسىلعان قارجى جيىنى 285 ميلليارد 900 ميلليون يۋان بولىپ، جىلىنا ورتا ەسەپپەن سايكەس مەزگىلدەگىدەن ％20 ارتقان.
توقىماشىلىق، كيىم - كەشەك كاسىپ سالاسى تىزبەگى تولاسسىز قارجى قوسۋ بارىسىندا جەدەل ۇزاردى. 2022 - جىلى بۇكىل شينجياڭنىڭ ماقتا جانە توقىما ونىمدەرى، كيىم - كەشەك تۇتاس كاسىپ سالاسى تىزبەگىنىڭ ءونىم قۇنى 200 ميلليارد يۋاننان اسىپ، ماقتانى سول جەردىڭ وزىندە كادەگە جاراتۋ مولشەرى ％33 بولدى. بيىل الدىڭعى 9 ايدا شينجياڭنىڭ ءجىپ ءونىم مولشەرى ءبىر ميلليون 726 مىڭ توننا بولىپ، سايكەس مەزگىلدەگىدەن ％8. 14 ارتتى؛ كەزدەمە ءونىم مولشەرى 926 ميلليون مەتر بولىپ، سايكەس مەزگىلدەگىدەن ％2. 41 ارتتى؛ حيميالىق تالشىق ءونىم مولشەرى 619 مىڭ توننا بولىپ، سايكەس مەزگىلدەگىدەن ％8. 18 ارتتى. بيىل شينجياڭدا جاڭادان ارتقان ۇرشىق 2 ميلليون 200 مىڭنان استام بولاتىندىعى مەجەلەندى.
