تيانشان تورى - شينجياڭ گازەتىنىڭ حابارى (ءتىلشى جاۋ چۇنحۋا حابارلايدى). ”الدە قاشان ۇشقىش اپپاراتتى جۇرگىزۋدى ۇيرەنگىم كەلگەن، الايدا باۋلۋ مەكتەپتەرىنىڭ ءبارى قالادا، ەندى جاقسى بولدى، ءۇيدىڭ قاسىنان - اق تەحنيكا يگەرەتىن بولدىم“. 11 - ايدىڭ 23 - كۇنى، انجيحاي قالاشىعى ۋاڭجياچۇي قىستاعىنىڭ تۇرعىنى ۋاڭ گوشىڭ باۋلۋ مەكتەبىنىڭ قىستاق تۇرعىندار كوميتەتىندەگى تىزىمگە الدىرۋ ورىنىنا كەلىپ، ۇشقىش اپپاراتتى جۇرگىزۋ بويىنشا تەحنيكاعا باۋلۋ كۋرسىنە قاتىناستى.
11 - ايدىڭ 23 - كۇنى ساۋان قالاسى انجيحاي قالاشىعى ۋاڭجياچۇي قىستاعىنىڭ تۇرعىندارى قىستاق تۇرعىندار كوميتەتىندە تەحنيكاعا باۋلۋ كۋرسىنە قاتىناسۋعا تىزىمدەلدى. سۋرەتتى دىڭ رۇيجياڭ تۇسىرگەن
قىس تۇسكەننەن بەرى، بۇقارانىڭ ”قىسقى ارەدىكتەن“ پايدالانىپ جۇمىستانۋ ونەرىن يگەرۋىنە ىشكەرىلەي كومەكتەسۋ، اۋقاتتانۋ ارناسىن كەڭەيتىپ، كىرىستى كوپ نەگىزدى ارتتىرۋىن جۇزەگە اسىرۋ ءۇشىن، ساۋان قالاسى انجيحاي قالاشىعى ۋاڭجياچۇي قىستاعىنىڭ قىستاق ”ەكى كوميتەتى“ وتباسىلارىن ارالاپ، قىستاق تۇرعىندارىنىڭ ونەر يگەرۋگە دەگەن قاجەتىن دالمە - ءدال تەكسەرىپ اداقتادى. ساۋان قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ انجيحاي قالاشىعى ۋاڭجياچۇي قىستاعىندا تۇراتىن قىزمەت اترەتى تۇرۋعا جىبەرگەن ورىننىڭ بايلىق ابزالدىعى ارقىلى، الدىڭعى مەرزىمدە ۇيىمداستىرىپ ورىستەتكەن ”عىلىم - تەحنيكا قىسقى كۋرسى“ اتىنداعى اۋىل شارۋاشىلىق تەحنيكتەرىن باۋلۋدىڭ نەگىزىندە، كۋرستىڭ مازمۇنىن ءتىپتى دە بايىتىپ، 3 باۋلۋ قۇرىلىمىن ۇسىنىس ەتىپ، قىستاقتا تەحنيكالىق كۋرىس اشتى ءارى كۋرستىڭ قامتۋ كولەمىن تۇتاس انجيحاي قالاشىعىنا كەڭەيتتى.
”ءبىز ماڭايداعى گۋداۋ قىستاعى، حىپيڭ جاڭا قىستاعى، انجيحاي قىستاعى سياقتى قىستاقتارمەن بىرلەسىپ، ۋيشين شوعىرى ارقىلى تەحنيكاعا باۋلۋ كۋرسىن ورىستەتۋ قۇلاقتاندىرۋىن شىعارىپ، قىستاق تۇرعىندارىن تەحنيكاعا باۋلۋ كۋرسىنە قاتىناسىپ ونەر يگەرۋگە شابىتتاندىردىق ءارى جەتەكتەدىك“. ساۋان قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ۋاڭجياچۇي قىستاعىندا تۇراتىن 1 - شۋجيى دىڭ رۇيجياڭ بىلاي دەدى: 3 باۋلۋ مەكتەبى ۇشقىش اپپاراتتى جۇرگىزۋشى، قازۋ ماشيناسىنىڭ شوفەرى، بوبەك باعۋشى جانە اجارلاندىرۋشى سياقتى 4 ءوتىمدى جۇمىس ءتۇرىنىڭ كۋرسىن اشىپ، قىستاق تۇرعىندارىنىڭ تاڭداپ وقۋىنا ۇسىندى، قازىرگە دەيىن 50دەن استام قىستاق تۇرعىنى تىزىمدەلدى.
”ءبىز جۇمىستانۋدى الدىڭعى ورىنعا قويۋعا تاباندى بولىپ، ساۋان قالالىق ادام كۇشى بايلىعى جانە قوعامدىق قامتاماسىزداندىرۋ تاراۋلارىمەن قارىم - قاتىناس جاساپ، بۇقارانىڭ وزىندىك قاجەتىنە ساي باۋلۋ قۇرىلىمدارىن تاڭدادىق، تىزىمدىك بويىنشا تاڭداپ وقۋ ۇلگىسىن قولدانىپ، اۋماقتارعا ءبولىپ ورتالىق قىستاق، اترەتتەرىندە نازاريالىق جانە امالياتتىق تاربيەنى شوعىرلى ورىستەتىپ، بۇكىل قالاشىقتاعى بۇقارانىڭ جۇمىستانۋ قابىلەتىن اناعۇرلىم جوعارىلاتتىق“، - دەدى انجيحاي قالاشىق پارتكومىنىڭ شۋجيى شيا يۋانبيڭ.
