ەكى مىڭ قانشا جىلدىڭ الدىندا جاڭ چيان باتىس وڭىرگە ەلشىلىككە بارىپ، جىبەك جولىن اشقان بولاتىن. جىبەك جولىنىڭ دامۋى بولعان سوڭ بارىپ شۋانزاڭ نوم اكەلىپ، «باتىسقا ساياحات» سىندى جۇرتقا ءمالىم رومان سونداي - اق جۇرتتىڭ سۇيىسپەنشىلىگىنە بولەنگەن مايمىل پاتشاسى سۇن ۋكۇڭنىڭ وبرازى جارىققا شىقتى.
سۇن ۋكۇڭنىڭ جيندوۋيۇنى كوپتەگەن ادامداردىڭ، وتە - موتە بالالاردىڭ ارمانى بولسا كەرەك. كەزىندە ”جىبەك جولىن“ بەرى بولعاندا نەشە ايدا، ارى كەتكەندە ءبىر جىلدا شارلاپ شىعۋعا بولاتىن. بۇگىنگى كۇندە ءبىز سۇن ۋكۇڭ سياقتى بۇلت جالداپ، كوزدى اشىپ - جۇمعانشا كوزدەۋلى جەرىمىزگە جەتە الاتىن بولدىق.
بيىل ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعاندىعىنىڭ ون جىلدىعى. ”ءبىر بەلدەۋ، ءبىر جولدىڭ“ 10 جىلدىق كۇرەس بارىسىن جالپى بەتتىك ەستەلىككە الىپ، 10 جىلدىڭ سۇبەلى جەتىستىگىن جان - جاقتى كورسەتۋ ءۇشىن شينجياڭ گازەتى مەكەمەسى (توبى) ”سامعاۋ جولى —— ’ءبىر بەلدەۋ، ءبىر جول‘ جەلى بويى جالپىلىق مەديالارىنىڭ كولەمدى حابارىن“ ورتاعا قويىپ، جۇڭگو − ەۆروپا كەزەكشى پويەزى جەلىسىن نەگىزگى ارقاۋ ەتە وتىرىپ، جۇڭگونىڭ شىعىس بولىگىندەگى تەڭىز جاعالاۋىنداعى ماڭىزدى قالالاردان باستاپ، سول بەتى باتىسقا قاراي جول تارتىپ، جول بويى ىزدەنىس جاساپ، شىت جاڭا تۇرعىدان جەلى بويىنداعى مەملەكەتتەر مەن رايونداردىڭ ”ءبىر بەلدەۋ، ءبىر جول“ قۇرىلىسىندا قول جەتكىزگەن تابىستارى سونداي - اق تاجىريبەلەرىن جالپىلىق مەديالاردا ساپار ۇلگىسىندە حابارلاۋ جۇرگىزدى.
جەلىلەس حابارلاۋدىڭ ءبىرىنشى بەكەتىندە ”سامعاۋ جولى —— ’ءبىر بەلدەۋ، ءبىر جول‘ جەلى بويى جالپىلىق مەديالارىنىڭ كولەمدى حابارى“ 1 - شاعىن اترەتى ۇرىمجىدەن اتتانىپ، جاڭا ءداۋىردىڭ ”جيندوۋيۇنىنا“ ءمىنىپ، ”داشىڭنىڭ تۇراعى“ − ليانيۇنگاڭعا جەتتى.
