شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 10 - رەتكى توپتىق ۇيرەنۋىندە بىلاي دەپ باسا دارىپتەدى
شەتەلگە ساياتىن زاڭ - ءتۇزىم قۇرىلىسىن كۇشەيتىپ، ءتيىمدى زاڭمەن باسقارۋ شارت - جاعدايىن جانە سىرتقى ورتا قالىپتاستىرۋ كەرەك
شينحۋا اگەنتتىگىنىڭ 11 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 11 - ايدىڭ 27 - كۇنى تۇستەن كەيىن شەتەلگە ساياتىن زاڭ - ءتۇزىم قۇرىلىسىن كۇشەيتۋ جونىندە 10 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: شەتەلگە ساياتىن زاڭمەن باسقارۋ قۇرىلىسىن كۇشەيتۋ − ءارى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ ۇزاق بولاشاقتىق قاجەتى، ءارى سىرتقا جوعارى دەڭگەيدە ەسىك اشۋدى ىلگەرىلەتۋدەگى، سىرتقى حاۋىپ - قاتەرگە، سىن - سايىسقا توتەپ بەرۋدەگى كەزەك كۇتتىرمەيتىن ءىس. ەل ءىشى، حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلاۋ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋ بيىگىندە تۇرىپ، شەتەلگە ساياتىن زاڭمەن باسقارۋ قىزمەتىن ويداعىداي ىستەۋدىڭ ماڭىزدىلىعى مەن كوكەي تەستىلىگىن جەتە تانىپ، جوعارى ساپالى دامۋ، جوعارى دەڭگەيدە ەسىك اشۋ تالابىنا ۇيلەسەتىن شەتەلگە ساياتىن زاڭمەن باسقارۋ جۇيەسى مەن قابىلەتىن قالىپتاستىرىپ، جۇڭگو ۇلگىسىندەگى وسىزامانداندىرۋدىڭ ورنىقتى قاداممەن الىسقا جەتۋىنە ءتيىمدى زاڭمەن باسقارۋ شارت - جاعدايىن جانە سىرتقى ورتا قالىپتاستىرۋ كەرەك.
ۋحان داشۋەسىنىڭ ەرەكشە ۇسىنىس ەتىلگەن پروفەسسورى حۋاڭ حۇيكاڭ جولداس وسى ماسەلە جونىندە تۇسىنىك جاساپ، قىزمەت ۇسىنىسىن العا قويدى. ورتالىق كوميتەت ساياسي بيۋروسىنداعى جولداستار تۇسىندىرمەنى دەن قويا تىڭدادى ءارى تالقى ورىستەتتى.
شي جينپيڭ تۇسىندىرمەنى جانە تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: زاڭ − قوعامدىق تۇرمىستىڭ، مەملەكەتتى باسقارۋدىڭ ولشەمى. شەتەلگە ساياتىن زاڭ - ءتۇزىم مەملەكەت زاڭ - ءتۇزىمىنىڭ ماڭىزدى قۇرامداس بولىگى، شەتەلگە ساياتىن زاڭمەن باسقارۋدىڭ نەگىزى، ول نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ءتيىمدى بولۋ ماڭىزدى رولىن ساۋلەلەندىرۋدە. مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جاڭا جورىعىندا، ءسوز جوق، دۇرىس ساياسي بەتالىستان جازباي، اناعۇرلىم بەلسەندى تاريحي جاۋاپكەرشىلىك ارقالاۋمەن جانە جاسامپازدىق رۋحپەن ەلىمىزدىڭ شەتەلگە ساياتىن زاڭمەن باسقارۋ جۇيەسى جانە قابىلەتى قۇرىلىسىن جەدەل ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: شەتەلگە ساياتىن زاڭمەن باسقارۋ جۇڭگوشا سوتسياليستىك زاڭمەن باسقارۋ جۇيەسىنىڭ ماڭىزدى قۇرامداس بولىگى رەتىندە، مەملەكەتتى جاپپاي زاڭمەن باسقارۋعا سايادى، ەلىمىزدىڭ سىرتقا ەسىك اشۋ جانە ديپلوماتيا قىزمەتى كەلەلى جاعدايىنا سايادى. شەتەلگە ساياتىن زاڭمەن باسقارۋ قىزمەتىن ىلگەرىلەتۋدىڭ ءتۇبىرلى ماقساتى − زاڭمەن باسقارۋ ءتاسىلى ارقىلى مەملەكەت پەن حالىقتىڭ مۇددەسىن اناعۇرلىم ويداعىداي قورعاپ، حالىقارالىق زاڭمەن باسقارۋدىڭ العا ىلگەرىلەۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ. ءسوز جوق، جۇڭگوشا سوتسياليستىك زاڭمەن باسقارۋ جولىمەن بۇلجىماي ءجۇرۋ كەرەك.
شي جينپيڭ بىلاي دەپ اتاپ كورسەتتى: شەتەلگە ساياتىن زاڭمەن باسقارۋ قىزمەتى − شارپيتىن كولەمى كەڭ، ىقپالداستىعى كۇشتى جۇيەلى ينجەنەريا، ءسوز جوق، ەل ءىشى مەن حالىقارانى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، كورەگەندىكپەن ويلاۋعا، جالپى جاعداي سيپاتتى جوبالاۋعا، ستراتەگيالىق سيپاتتى ورنالاستىرۋعا، تۇتاس تۇلعالىق ىلگەرىلەتۋگە تاباندى بولىپ، جوعارى دەڭگەيدە جوبالاۋدى كۇشەيتىپ، شەتەلگە ساياتىن زاڭ شىعارۋدى، زاڭ اتقارۋدى، ءادىليانى، زاڭعا بويسۇنۋدى جانە زاڭدىق قىزمەت وتەۋدى ءبىر تۇلعالاندىرا ىلگەرىلەتىپ، شەتەلگە ساياتىن زاڭمەن باسقارۋ قىزمەتىنىڭ كەڭىنەن سايكەسۋ ارناسىن قالىپتاستىرۋ كەرەك. زاڭ شىعارۋدى الدىمەن جۇرگىزۋگە، زاڭ شىعارۋدى، وزگەرىس ەنگىزۋدى، كۇشىنەن قالدىرۋدى، ءتۇسىندىرۋدى قاتار اتقارۋعا تاباندى بولىپ، شەتەلگە ساياتىن جۇيەلى، كەمەلدى زاڭ، زاڭ - ەرەجە جۇيەسىن قالىپتاستىرۋ كەرەك. شەتەلگە ساياتىن سايكەستى، جوعارى ءونىمدى زاڭمەن باسقارۋدى جۇرگىزۋ جۇيەسىن قۇرىپ، شەتەلگە ساياتىن زاڭ اتقارۋ، ءادىليا ونىمدىلىگىن جوعارىلاتىپ، شەتەلگە ساياتىن ءادىليا، تەرگەۋ ءتۇزىلىس مەحانيزمى رەفورماسىن ىلگەرىلەتىپ، شەتەلگە ساياتىن ءادىليانىڭ الەۋمەتتىك بەدەلىن جوعارىلاتۋ كەرەك. شەتەلگە ساياتىن زاڭدىق قىزمەت وتەۋدى بەلسەنە دامىتىپ، ءبىر توپ حالىقارالىق بىرەگەي تورەلىك ايتۋ قۇرىلىمىن، ادۆوكاتتار ءىسورنىن جەتىلدىرۋ كەرەك. زاڭ اتقارۋ، ءادىليا بويىنشا حالىقارالىق سەلبەستىكتى تەرەڭدەتىپ، كونسۋلدىڭ قورعاۋىن جانە كومەكتەسۋىن كۇشەيتىپ، ەلىمىزدىڭ شەتەلدەگى مۇددەسىن قورعايتىن زاڭمەن باسقارۋ حاۋىپسىزدىك تىزبەگىن كۇشەيتىپ قۇرۋ كەرەك. قاعيداعا ۇيلەسۋ تانىمىن كۇشەيتىپ، ەلىمىز ازاماتتارىن، كاسىپورىندارىن ”سىرتقا شىعۋ“ بارىسىندا جەرگىلىكتى ورىننىڭ زاڭ، زاڭ - ەرەجەسىنە جانە سالت - سانا، عۇرىپ - ادەتىنە سانالى بويسۇنىپ، زاڭمەن باسقارۋ جانە قاعيدا ارقىلى ءوزىنىڭ زاڭدى ۇقىق - مۇددەسىن قورعاۋعا جەتەكتەۋ كەرەك.
شي جينپيڭ بىلاي دەپ باسا دارىپتەدى: حالىقارالىق زاڭدى نەگىز ەتكەن حالىقارالىق ءتارتىپتى تاباندىلىقپەن قورعاپ، حالىقارالىق قاعيدانىڭ جاسالۋىنا ىرىقتىلىقپەن قاتىسىپ، حالىقارالىق قارىم - قاتىناستىڭ زاڭمەن باسقارىلۋىن ىلگەرىلەتۋ كەرەك. الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، الەمدىك باسقارۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتىپ، حالىقارالىق تاماشا زاڭ ارقىلى جەر شارىندىق شەبەرلىكپەن باسقارۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى دەمەۋ كەرەك.
شي جينپيڭ بىلاي دەپ اتاپ كورسەتتى: زاڭمەن باسقارۋ ەسىك اشۋمەن قاتار جۇرگىزىلەدى، سىرتقا ەسىك اشۋ العا ىلگەرىلەگەن سايىن شەتەلگە ساياتىن زاڭمەن باسقارۋ قۇرىلىسى ىلەسە ىلگەرىلەۋى كەرەك. زاڭمەن باسقارۋ نەگىزىندە جوعارى دەڭگەيدە سىرتقا ەسىك اشۋدى ىلگەرىلەتۋگە تاباندى بولىپ، شەتەلگە ساياتىن زاڭمەن باسقارۋ قۇرىلىسىن ەسىك اشۋدى كەڭەيتۋ بارىسىندا ىلگەرىلەتىپ، جوعارى دەڭگەيدە ەسىك اشۋدىڭ زاڭمەن باسقارۋ نەگىزىن ۇزدىكسىز بەكەمدەۋ كەرەك. زاڭمەن باسقارۋ − ەڭ جاقسى شارۋاشىلىق - ساۋدا ورتاسى، شەتەلگە ساياتىن جاريا، اشىق زاڭدىق جۇيەنى كەمەلدەندىرىپ، ءبىلىم مەنشىك ۇقىعىن قورعاۋدى كۇشەيتىپ، شەتەل قارجىلاندىرعان كاسىپورىنداردىڭ زاڭدى ۇقىق - مۇددەسىن قورعاپ، ەل ءىشى، حالىقارالىق ەكى تۇردەگى قاعيدادان ويداعىداي پايدالانىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق - ساۋدا ورتاسىن جاراتۋ كەرەك. جوعارى ولشەمدەگى حالىقارالىق ەكونوميكا - ساۋدا قاعيداسىمەن ىرىقتىلىقپەن ءتۇيىلىسىپ، بەلسەنە قابىلداپ، ءتۇزىم سيپاتتى ەسىك اشۋدى ورنىقتى كەڭەيتىپ، ساۋدا مەن قارجى قوسۋدىڭ ەركىن، قولايلى بولۋ دەڭگەيىن جوعارىلاتىپ، اناعۇرلىم جوعارى دەڭگەيدەگى اشىق ەكونوميكا جاڭا ءتۇزىلىسىن قۇرۋ كەرەك. حالىقارالىق وزىق دەڭگەيگە تۋرالانىپ، ەركىن ساۋدا سىناق رايونى سياقتى جوعارى دەڭگەيدەگى سىرتقا ەسىك اشۋدىڭ ءونىمدى شارالارى مەن پىسىپ - جەتىلگەن تاجىريبەلەرىن دەر كەزىندە زاڭ دەڭگەيىنە كوتەرىپ، ەسىك اشۋ دەڭگەيى اناعۇرلىم جوعارى، شارۋاشىلىق - ساۋدا ورتاسى اناعۇرلىم ساپالى، شارپۋ رولى اناعۇرلىم كۇشتى سىرتقا ەسىك اشۋ تىڭ بيىگىن تۇلعالاۋ كەرەك. ەسىك اشۋ حاۋىپسىزدىگىن زاڭ بويىنشا قورعاۋ قابىلەتىن جان - جاقتى جوعارىلاتۋ كەرەك. شەتەلدىكتەردىڭ جۇڭگودا تۇرمىس كەشىرۋىنە قولايلىلىق جاساۋ قىزمەت وتەۋ شارالارىن جانە قاتىستى زاڭداردى، زاڭ - ەرەجەلەردى كەمەلدەندىرۋ كەرەك.
شي جينپيڭ بىلاي دەپ باسا دارىپتەدى: كاسىپتىك دارىندىلاردى باۋلۋدى جانە قوسىن قۇرىلىسىن كۇشەيتۋ كەرەك. ءمورال ارقىلى تاربيەلەۋگە، ءمورال، زاڭ جاعىنان بىردەي جەتىلدىرۋگە تاباندى بولىپ، ءپان قۇرىلىسىن كۇشەيتىپ، زاڭ عىلىمى تاربيەسىن ويداعىداي جۇرگىزىپ، امالياتتا ايگىلەۋدى باعدار ەتكەن باۋلۋ مەحانيزمىن كەمەلدەندىرىپ، ساياسي تۇرعىسى بەرىك، كاسىپتە ىسىلعان، حالىقارالىق قاعيداعا قانىق، شەتەلگە ساياتىن زاڭدىق ىستەرگە جەتىك شەتەلگە ساياتىن زاڭمەن باسقارۋ دارىندىلارىن ەرتەرەك باۋلىپ شىعۋ كەرەك. دارىندىلاردى ەنگىزۋ، تاڭداۋ، ىستەتۋ، باسقارۋ مەحانيزمىن اقاۋسىزداندىرىپ، جوعارى دەڭگەيلى شەتەلگە ساياتىن زاڭمەن باسقارۋ دارىندىلارىن باۋلۋ، زاپاس دايىنداۋدى ويداعىداي ىستەۋ كەرەك. شەتەلگە ساياتىن كادرلار قوسىنىنىڭ زاڭمەن باسقارۋ قابىلەتى قۇرىلىسىن كۇشەيتىپ، جوعارى ساپالى ماماندانعان شەتەلگە ساياتىن زاڭمەن باسقارۋ قىزمەتى قوسىنىن تۇلعالاۋ كەرەك. ءار دارەجەلى باسشى كادرلار باستاماشىلدىقپەن زاڭدى قۇرمەتتەپ، زاڭدى ۇيرەنىپ، زاڭعا بويسۇنىپ، زاڭنان پايدالانىپ، شەتەلگە ساياتىن زاڭمەن باسقارۋ ويى مەن زاڭ بويىنشا جۇمىس ءبىتىرۋ قابىلەتىن شىنايى جوعارىلاتۋى كەرەك.
شي جينپيڭ بىلاي دەپ اتاپ كورسەتتى: زاڭمەن باسقارۋ سەنىمىن بەكەمدەپ، جۇڭگوشا ەرەكشەلىككە يە شەتەلگە ساياتىن زاڭمەن باسقارۋ ۇستانىمىن، دارىپتەمەسىن جانە تابىستى امالياتتى بەلسەنە ءتۇسىندىرىپ، جاڭا داۋىردەگى جۇڭگونىڭ زاڭمەن باسقارۋ حيكاياسىن ويداعىداي بايانداۋ كەرەك. شەتەلگە ساياتىن زاڭمەن باسقارۋ نازارياسى مەن امالياتىنىڭ الدىڭعى لەگىندەگى تاقىرىپتاردى زەرتتەۋدى كۇشەيتىپ، جۇڭگوشا ەرەكشەلىككە يە، جۇڭگو مەن شەتەلدى توعىستىراتىن شەتەلگە ساياتىن زاڭمەن باسقارۋ نازاريا جۇيەسى مەن ءسوز جۇيەسىن قالىپتاستىرىپ، ەلىمىزدىڭ زاڭمەن باسقارىلاتىن ءىرى ەل، وركەنيەتتى ءىرى ەل وبرازىن ايگىلەۋ كەرەك. جۇڭحۋانىڭ زاڭ جۇيەسى ارىدان باستاۋ العان، جۇڭحۋانىڭ تاڭداۋلى ءداستۇرلى زاڭ مادەنيەتى باي زاڭمەن باسقارۋ يدەياسىن جانە تەرەڭ ساياسي اقىل - پاراساتتى قامتىعان، جۇڭحۋا مادەنيەتىنىڭ اسىل قازىناسى سانالادى. جۇڭحۋانىڭ تاڭداۋلى ءداستۇرلى زاڭ مادەنيەتىن جاسامپازدىقپەن كادەگە جاراتۋدى، جاڭالىق اشا دامىتۋدى بەلسەنە ىلگەرىلەتىپ، جۇڭحۋانىڭ زاڭمەن باسقارۋ وركەنيەتىنە شىت جاڭا داۋىرلىك ءمان قوسىپ، تاسقىنداعان ومىرشەڭدىك كۇشىن قاۋلاتۋ كەرەك.
